قلوب بينها برزخ

٣

بعد ايام استلم لهيب النتيجه ناجح وبمعدل يدخله مجموعات طبيه
بهاليوم عرفت  شكد اكو حنيه بقلب ثمين
من فزيت الصبح لگيته ساجد تحركت من مكاني بوضع الجلوس شفت الساعه ب٦ الاربع طلعت اتوضئ رجعت
انتظره يكمل  بقى  جالس ورافع ايده
(بهالفتره  كان ينتظر يصدر امر تعيينه  لذلك كان  متواجد بالبيت اغلب الوقت
لان صديقه نوار هو الي يشتغل بالسياره الصبح وثمين بعد العصر )
ثمين اذا كملت صلاة خلي اصلي
تحرك من مكانه
_ صباح الخير
جنت ادعي لهوبي ادعيله حبيبتي الله يقر عيني بي ويفرح قلبه وينوله الي
يتمناه واكثر
_ ليش اليوم النتائج
بعيني بدون ما توصي
_ اي البارحه بالليل بلغني  نتطلع  اليوم
ترى اني ما نايم لحد هاللحظه قبل شويه رحت يمه لكيته كاعد اعرفه مراح يكدر ينام
ما كدرت اشوفه يلوب وقلق واني اخلي راسي على المخده وارتاح
_ ياربي يريح قلبك وقلبه ويبشركم بخبر تسجدون اله من الفرحه
_ امين
_ توجهت اصلي وبقيت ادعي كملت التفتت
ثمين واگف يم الشباك يدعي
_ ثموني اذا هوبي كاعد خلي انزل اسويلكم ريوك
_ لا حبيبتي محد يشتهي بلكت هسه نام اخاف اروح افتح الباب عليه
ويطلع نايم ويفز
_ لعد انت هم تعال تمدد وسبح هاي الكعده شنو فايدتها
_ ميامي اني اذا لهيب ينقهر قلبي يوجعني ما اتحمل اشوفه متأذي
_ دتعال اخذت ايده تمدد وتفائل اني قلبي والله مطمئن من هسه بلغتني اليوم النتائج ما قلقت والله اني مجوبه احساسي اذا ما اخاف واقلق معنى البشاره خير
وان شاء الله رب العالمين ما يفشلني
تمدد بصفي قريت سوره وايدي على قلبه حتى يرتاح من كملت
اخذ ايدي بوسها
_ ميامي شكد حبيتج وكلت ماتصيرين لغيري بذاك اليوم من طلعتلج للمدرسه
مو بس علمود قلبي علمود لهيب دخلت عليه مره ولگيته مهموم ورا انفصالنا
وسالفته صارت مستحيله ويا مي بلحظتها حاجيت نفسي انت قلبك معلعل واني موجود
_ الله يحفظه لك ياربي ويحفظك له هوبي ماكو منه ذهب
_ والله اذا اليوم يطلع معدل يقبله طبيه ويدخل طب الا اخذ ابويه واروح لعمي
هشام احجزله مي تتسمى بأسمه منا لحد ما هي تكمل سادس وهو يكون مخلص صف ثاني جامعه يعقدون
ميامي تدرين اول ما امي ولدت لهيب بليلتها امي بدت تتوجع واني اسألك بيبيتي
امي شبيها تگلي اكلت هواي وبطنها توجعها ما خلوني اروح يمها
اخذتني بيبيتي تنيمني عندي دوام مدرسه جنت صف اول بس اني من ذاك الوقت عندي احساس بالمسؤوليه تجاه اهلي عمي باسل جان بعده مامتزوج
ولا عمتي رباب لان بقى بالي عند امي نامت بيبيتي وما نمت طلعت
لگيت عمي وعمتي بالهول يتهامسون
وصوت بچي امي
هنا عمي باسل لمحني (جان عمره يمكن ١٨ سنه هيج شي )
جان يگلي امشي نصعد نفرش اني وياك بالسطح وصدك اخذني
بقى يلهيني بالسوالف لحد ما غفيت
بعد محد كعدني على دوام المدرسه كلها درت اني ما نايم لوقت متأخر
المهم هناك فزيت لكيت عمي نايم نزلت اتسحب
تالي وكفت تذكرت ينزلون من السطح من اطلع الشمس والشمس جانت
هسه دتطلع رجعت لعمي باسل صحيته ونزلنا
صارت بوجهنا بيبيتي سألها شصار ويا مها
_ يمه صلوات اخوج اجاه ولد ثاني فوت باركلهم اخوك كاعد جوه يم مرته
روح انت هم بيبي شوف اخوك
_ دخلنا كلهم اتذكر نظراتهم متعاطفين ويايه ( حاليا فهمت خافوا لا اغار )
واني يا ميامي ما انسى عمري كله من شفت وجهه شنو الفرحه شنو الاحساس
ما اعرف اوصفه لان طفل بس شايفه احساس الاب بأول طفل صار عندي هوس بي باقي بالغرفه اخاف عليه لا اقبل احد يشيله غير ابويه وامي وبيبي
اذا عاط اثبر امي ثبيره مرات جنت انكتل لان اعيط وابچي اكلها لهيب ديبچي شوفي
هههههههه والله من اتذكر هالتفاصيل احسه ابني مو اخويه ولليوم لهيب ماوكف بوجهي ولا سمعني حجايه برغم جان اسلوبي طايح حظه
ويا وبالبيت بالخصوص فتره الي بديت اكبر وحدخل الكليه شكد رزلته شكد صخرته شكد طلعت مغثتي عليه اوه ما احجيلج اني شمسوي بي بس ايدي ما بيوم انمدت عليه ولا كدرت اسويها وهو شايل حنيه عليه محد بهالبيت يحن عليه بكده ولا احد يفهمني ويعرف الي بداخلي ومخططاتي وشغلي وكل شي يخصني غيره
_ هاي شنو الحب والغزل ترى حصير اغار من هوبي
ابتسم
_ حب كل واحد بيكم ميشبه الثاني هو اخويه وحزام ظهري بالشده
وانت حبيبتي نصي الثاني عكازتي والكتف الي استند عليه
______ مر الوقت بين قلق وترقب
الى ان رن التلفون جاوب عمي سمعنا الله يبشرك بالخير كلنا التمينا حوله
ثمين الي عاط شكد يابه لهيب من القلق حسيته توتر
التفت عمي ٩٧  اتفاجئنا ثمين يرفع لهيب ويفتر بي  بعدها نزله وبقى محتضنه
يبوس بي سجد لهيب
عمتي تهلهل بلحظتها نسحب لهيب للصاله نادى على اسمي
_ميامي
_ثمين همسلي يمكن يريدج تتصلين بمي تبشريها
دخلت مبروك هوبي دكتور ان شاء الله  خجلان مني
جاوبني
_ الله يسمع منج ميامي مي دتنتظر خطيه اتصلي عليها ريحي بالها
_ اتصلت على اهلي بشرتهم وطلبت من امي تنطيتي مي
دقايق وانطيته السماعه
_ الو
_ فدوه لعينك ربي ما ضيعلك تعب الف الحمد لله
_ الف حمد وشكر همست ارتاحي حبيبتي انت البارحه مانايمه
بقيتي مترقبه وقلقه ويايه هاهيه باذن الله طب او طب اسنان يدخلني
_ ان شاء الله  يله اخذ راحتك روح كمل فرحتك ويا اهل البيت
_ يله عيني اخذي راحتج
اول ما طلعت من الهول  ثمين  وجه الكلام لابويه 
_ يابه على هالبشارة  اليوم نروح نربط كلام ويا عمي هشام
نحجز مي للهيب
_ الكل بقوا مصدومين
_ عمتي تهسترت من هالخبر
_ يا خطوبه يا حجز شنو هالسوالف الطايح حظها
ولد وينه وين الزواج والخطوبة بعد ورا كم سنه يكمل خلي يحير
بالجامعه انت عبالك كل الشباب مثلك ميته على الزواج  وتريد تجيب لقلبها الهم
_ ابو الهوب هو يقرر واني انفذ
اتوكل اني وابويه ونحجز ؟ حاليا بس نحجز مي للهيب ورا سنتين تكمل ثاني تدخل   ثالث اعقدوا وعلى التخرج اتزوج
_ ابتسم لهيب وجاوب حجزوا
هنا حسيت نظره عمتي الي ما جانت اطمئن كأنه فسرت الموضوع
اني الي مدخلته بدماغ رجلي وحمايه
شلت هم گلت هاي بعد حتنغص عيشتي حتطلع  حرگه قلبها بيه
وبالفعل بعد كل محاولاتها
لردع ثمين عن هالخطوه ومحاولاتها بأقناع عمي
ما فادت لان الكل من الفرحه يريد يعبر للهيب عن الامتنان بأي شي هو يطلبه
بعد ما صعدنا ناخذ  قيلوله الظهر سمعنا صوتها هي وعمي
تحرك ثمين
_ اوه استغفر الله هاي امي والله ما اعرف متكدر تفرح والله عجيب
طفرت من الفراش ونزلت اصيح 
بموعدين شكو متفهموني ليش هالمشاكل
مو فرحانين انتو متعرفين تفرحون خلونا نرتاح ونام احنه للصبح ما نايمين
شنو قصتج يمه انت ما شايفتنا زلم شنو تريدين الحجايه الج  شثبرتينا
هي كلمه تنطي علم بيها لعمي مي تنحجز للهيب حتى لو منا لحد ما يكمل هي البنيه هم بعد وراها دراسه
والله عجيب امرج ابنج يحبها مو هو بلسانه گلج يمه (احب البنيه
خلي ينطون علم لعمي حتى ابقى مرتاح  محجوزه الي منا لحد ما اتخرج )
_والله خبلتوني انت انت ينملي عقلك وتجي تلعب بعقله هو وينه وين الحب هالمسكين انت  تغار منه ما تريد تشوفه يصير احسن منك وياخذ وحده دكتوره
_ يا مره انت ليش تغلضين قلوب ولدج وتسوين بينهم حزازيات وفتن
حجايه زايده بعد اگلب الدنيا عليج كافي هالاسلوب وهاللسان الي يسمم اكبر واحد
ابني روح ارتاح قبل المغرب نمر لعمك
_ اول ما دخل الغرفه ثمين
اكلك ثمين انت انترك هالموضوع بالوقت الحالي هسه عمتي تخلي فكره براسها اني الي مدخله مي بعقل لهيب وتبدي تشد ويايه
_ ميامي خلي هالموضوع عليه لا تقلقين هي تثور كم يوم وبعدها
من تشوف لهيب رايدها تقنع
ثانيا عود من نريد نتوجه لاهلج  حگولج تعالي ويانا وانت ترفضي وبيني
كدام امي اكو خلاف بيني وبينج
_ بالفعل لنهايه العصر تجهز ثمين ونزل صاح عليه ان اروح وياهم ورفضت
ومن اجتمعوا ديطلعون متوجهين لاهلي 
عمتي بقت بالغرفه متريد تشوفهم 
اول ما سديت الباب سمعتها بالهول بدت
تسمعني كلام
_السحارات ، المشيطنات ، اللئيمات ، الي يفرفرن بالشوارع
الي امهاتهن ينسقن الهن حتى يزوجنهم ووووو بس عليمن على مها
دصبرولي بس اني محد يضحك عليه والله لا اراويكم جهنم الحمره
_ بقلبي كلت شلون بيه ياربي هاي شراح يخلصها ويا هالمره
نادت عليه
دخلت الهول لگيتها جالسه  رمقتني يخزره
خليها لامج  تفرح  خوش نسابه صارولها
_ عمه امي شعليها اني ترى هم مثلج تعاركت ويا ثمين على هالموضوع
اني هم گتله ماكو داعي فتحت هيج سالفه مي بعد وراها سنتين يله تكمل مدرسه وتدخل جامعه  وهوبي ورا طب ٦ سنوات  تربطهم  ما نعرف شلون تتغير عقليتهم يجوز هو الولد يحب بنيه ويا بالجامعه ويغير رأيه
بقى يصيح عليه يگلي انت لا تدخلين هو يحبها ورايدها وبقى يحجي عليه يگلي
انت شلون اخت لئيمه ما تكيف اختها تصير وياها بنفس البيت 
اني هم سكتت ومن شفتج ماموافقه كلت حقج
_ اوف اوف كل البلاوي الي تجينا بهالبيت من جوه راس رجلج
_ شوفي شنو تسويلهم عشاء اني ما طايقه اشوف وجوههم دخلي يصبرلي
رجلج على هالعمله
_ دخلت المطبخ احضر الاكل حتى من يجون عمي والولد اجهزه
شفتها مرت من يمي وهي ادردم (عسى ما يتوفق ولا يشوف الراحه شلون ما قهرني )طلعت بالحديقه نار تطاير من عيونها
كلت بقلبي اعوذ بالله من شر  نفسج ماشايفه هيج انسانه شايله كل هالحقد والشر حتى على ابنها  شلون قلبها ينطيها تدعي عليه ياربي ان شاء الله دعوتها ما تستجاب ياربي احفظهم من شر دعواتها )
هناك وسمعت صوتها  صاحت بأسمي
طلعت لعندها
_ ليش الكراج وسخ لازم ببيتكم متعلمات على القذاره  امشي اغسلي الكراج
شلون اني بحظ الجايفات لموهن عندي بهالمهجوم
_ بدون ما اجاوبها بديت اغسل الكراج وهي كاعده بالمرجوحه من جهة الشجره
شويه دخلت دقايق ورجعت بيدها الكرسي سحبته جوه القمريه كعدت تنتظرهم
يجون على اعصابها
هناك وبديت اسمع همس على صفير عرفت هذا عديم الاحساس شافني
ارتبكت من شفت عمتي انتبهت وبقت تتلفت منين الصوت
اني قلبي بدا يدك  من لمحته واگف على سياج السطح الاول ديورث جكارته
كلت اويلي هسه حيشوفني 
وبالفعل دقايق والظاهر لمحني بدا يغني  شفتها عكدت حاجبها سألتني
هذا منو ديغني
حجيت وياها بصوت مسموع تلگي  واحد زعطوط  شفتها تحركت من الكرسي
تتلفت على بيت الجيران من الجهتين بين ما جنت اراقبها  رفعت راسي ما لگيته
حمدت رب العالمين
هنا كلت خلي افتح وياها موضوع غسله الكراج
خلي اخلص بسرعة لا يجون لهيب وثمين  يرزلوني لان منبهين عليه ما اطلع اغسل الكراج كلولي البيوت الداير مداير البيت  عندهم ولد
_ ديله  عيني هسه الولد واگفين سره على جمالج هو غير هذا ابني ماعنده ذوق ما ادري شعجبه منج جنج امج
_ هنا خلصت وجنت الف الصونده رجعتها مكانها ودخلت المطبخ بدون ما اجاوبها سمعتها كلتلي
_امشي نزلي المناشف من السطح هسه نشفت
_  صعدت التفت خاف بعده موجود ما لكيته بس سمعت صوت جاي من سطحهم وحده تتمضحك
دخلت جبت سله الملابس وبديت اجمع المناشف بقيت محتاره اجمع بقيه الملابس خاف ترزلني
تركت السله ووبال السطح ونزلت طلعت لعمتي بالكراج
اگلج عمه هاي الملابس كلها ناشفه المها ويا المناشف
_ لميها
_ رجعت صعدت  لميت الملابس ويا ما رفعت السله انداربت  لگيته فوكايه
بالسطح الثاني لبيت عمي شفته تحرك بأتجاه الدرج عرفت يريد ينزلي
ركضت بسرعه دخلت بيدي السله ارتبكت ما عرفت اتصرف حاولت اغلق الباب من الخوف تركته ونزلت اركض بيدي  السله مو بوعيي 
ما حسيت الا وبديت ادحرج وراسي انضرب بالحايط  صرخت بألم