اعترفت بحبا عذري نال من قلبها
وتعجبت لمحبوبٍ خجول كيف قالها
تتلوى امامي فرحةً وتتراقص احلاما في نفسي لم ادركها
نال الشك من قلبي جزعا خاليا لا حبيب فيه بصدى المشاعر اسمعها
بدت تنتهي الحفله ويا توديع الضيوف الوحده تلو الاخرى ... الي خلني اشك
بأمر ام ثمين وكلامها كان اسلوبها ويايه كدام الكل فرحانه وتمدحني ... وتبتسملي ومن البنات سحبوني حتى اركص وياهم لزمتني من ايدي ترگصني وياها ... حرت بكلامها وتصرفاتها
ومن رجعت جلست بصف ثمين كان فرحان ...
_ عرفت امي بس راح تشوفج تحبج ..
_ التفتت عليه محتاره شجاوبه ... اگله الي امه همسته بأذني يجوز هو يعرف قصدها
لو اسكت وكأني ما سمعت منها شي ...
اي اسكت افضل حتى لو كان كلامها بي قصد هو ما اله ذنب بي
جاوبته بأبتسامه الحمد لله ... ما كدرت اكذب عليه او اجامله واگله اني هم حبيتها ... شعور بعدم الراحه تجاهها سلب مني فرحتي ...
كلامها خلاني اوقف مشاعري مثل الي يدوس بريك السياره من يسوق سريع بطريق خطر يسلم على نفسه واما اذا بقى سريع يموت
واني الاقضل الي اسلم على نفسي واتأنى بعلاقتي ومشاعري ويا ثمين افضل من ما يموت قلبي بالتعلق بعد خيبه آمل وطريق مسدود يجوز يكون سببها امه ...
_ شو صافنه ...
- لا سلامتك بس تعبانه من الصبح كاعده اتمنى هسه يجيبولي مخده وبطانيه وانام
-اي والله اني هم تعبان ... ربج مجاز باجر ... حتى اشبع نوم الصبح
وامرجلج الظهر خلي اشوف عمي اذا يوافق اخذج انت والبنات واخوتي نتعشى برا
_ ان شاء الله
بعد ان ودعت ثمين واهله ... صعدت للغرفه هلكانه من التعب
غيرت ملابسي تمددت على فراشي مجرد اجتي كلمه ام ثمين على بالي حسيت بالبرد لملمت جسمي وتلفلفت بالبطانيه ... سرحت بالتفكير الى ان دخلت مي وطلعتني من الحاله
_ همزين اختي بعدج كاعده ...
_ شكو شعندج
_اختي لكيت فارس احلامي
_ داهرتها اقلد وين يا سندرلا بالمطبخ من جنتي تنظفين
_ شلون عرفتي
_ مي والله ما الي خلگج ... تعبانه
_ لج والله سامعه سهم مسحور صوبني بعيونه انصبت انه
اختج سلمت القلب ... جان المطبخ مليان بالنسوان ورا ما وزعنا الاكل ... التفتت لگيته متگئ على باب المطبخ ... وصافن عليه
اختي ابتسملي ابتسامة خجل لان انتبهت عليه ...النظره بيها معنى احسها
اخترقت قلبي ... مدري هو طالع اليوم حلو ... ما ادري عيوني حبته وصارت تشوفه هيج
_ منو هذا ولج مخبله
_ حماج ...
_ لهيب
اي اختي قبل ما يروحون بدقايق كلكم بالصاله واني سويت لابويه والعمي جاي وديته ... ورا شويه ... اجى جابلي صينيه اخذتها منه ويا ما التفتت اخليها على السنك ... سمعته همس
_ اخويه اخذ الجبيره واني ناوي اخذ الاصغر منها
_ ويا ما التفتت متفاجئه بكلامه ... ضربني بسهم ثاني من همس احبج وابتسم وواح للهول
احس كياني كله اهتز .... وقلبي بسرعة حبه ...
شبيج فاتحه عينج مثل الميت بالافلام المصريه ههه اجي انزلج چفنج مثلهم
_والله انتوا ... بيت بلاء شوكت لحگتوا تحبون وتعترفون ... صدك تحت السواهي دواهي
والله لو ما انت اختي واعرفج متكذبين ... جان ولا صدكت لهيب يطلع منه هالشي
_ ليش بله شبي ... شاب حلو ومثقف واخلاقه تجنن ... واسلوبه ويايه
يا الله شكد لطيف
_ ايباه هاي من شوكت .. هذا مو ضربج بسهم .... طلع ضاربج بقنبله هوروشيما ...
واني مخطوبه لاخو ولحد هاللحظه ما احس عندي مشاعر حب ...
مجرد تعويد على خطيب ... اوصديق .. يعني احسه ابن عمي ودا اتعرف عليه مثل الاصدقاء ..
ما حسيت بهاي اللهفه الي انت حاسه بيها من دتحجين
_ يعني متحبي لثمين
_ واني شوكت اتعرفت عليه واحبه بعدني دا احس ارتباطنا تقليدي مثل الي تنخطب
لشخص غريب
_ هو هم صح بس يعني هو مشاعره واضحه
_ مشاعر اعجاب مو حب ... ما اتصور الانسان يكدر يحب شخص بهالسرعة خلال اسابيع
_ لعد شبيها اختج قلبها حب بسرعه
_ اتصور انت هم موحب مجرد اعجاب
_ لا اختي تصورج مو بمحله ... لان قلبي حاليا مو ويايه ويا هوبي
_ هههههه هوبي مره وحده
_ اي والله لهب قلبي حماج
_ يله لعد سالفتكم سهله الاخوه ياخذون خوات وتالي تصيرين مرت حمايه
_ من حلكج لباب السما ...
_ يا ولج شو انت ذابه روحج كلش شويه ثگلي
_ مو هو ثكيل غير اكسر الميزان شويه
_ لا والله شكله الثگيل مو هين قلب حالج ... اكلج شكد الساعه هسه
_ يمكن بالعشره ونص بالدعش ... هاي الساعة شكلها واگفه
لان اني من صعدت هي عشره وربع تقريبا ...
_ مو دا انتظر اتصال من ثمين اتفقنا ورا الدعش والله مابيه حيل انزل
دفيانه ونعسانه ... يمكن راح اخلف بالاتفاق
_ لا ولج عيب ...
_ والله لان مغثوثه من شغله ... واخاف احجيها اله والصدك ما اريد احجيها
_ شكو
_ بلغت مي بكلام ام ثمين ... وكان جوابها
_ خلي تولي هاي اندقت لان شافتج حلوه وابنها ميت عليج ... وهي اصلا متحب امي شنو تتوقعين راح تحبنا
_ لعد شلون راح اتزوج ثمين معنا تشوي على اذاني بصل ...
_ لا عمي والولد ميخلوها ومبين الولد الهم كلمه بالبيت بالاخص ثمين
_ ما ادري كلامج شو خوفني اكثر
_بابا توكلي على الله كلشي قسمه هو الولد قسمتج وخوش ولد شعليج بأمه
انت صيري زينه وياها ولاتجادليها متكدر ادينج بشي
_ ان شاء الله
_ صعدت للغرفه اول ما فتحت الباب ظلمه وصوت عبد الحليم جاي من الراديو
خليت ايدي على زر الضوه شغلته
ها هوبي شو متلفلف بالبطانيه ومسوي اجواء شاعريه وعبد الحليم
ابتسم خجلان من وصفي لحالته
ها هوبي اعترفت للمحبوب وريح قلبك بالاجابه
_ لا والله ماجاوبت بس ملامحها ما بينت اي غضب او صد للي نطقت بي مجرد دهشه
_ ها ليش شنو گتلها
_ ما ادري والله يا ثمين شلون بلحظتها اجتني الجرآه وگتلها احبج ...
_صدمني بحجايته فتحت حلگي مبتسم
هوبي الحب بهذل احوالك ... احبج مره وحده بدون مقدمات ولا تلميحات
زين ما خفت تفشلك ترزلك تروح تحجي لعمي
_ ابتسمت لا اخذت الجواب من عيونها التقت بعيني ...من اول مره التفتت وانتبهت صافن عليها
_ والله يا هوبي ... هالايام دا انصدم بيك دتحسسني بذكائك
الي جنت مستهين بي بغير الدراسه عبالي خام طلعت اني الخام
_ لا ثموني انت استاذي منك نتعلم ... لو نسيت دروس التكتيك الي انطيتنياها حتى احسسها بمشاعري
_ اي بله وطبقتها
_ طبعا بالمرتبن الي شفتها بيت عمي ... مره سألتها على الدراسه
ومره گتلها تعجبني اخلاقج وشخصيتج ...
_ اه ... خلي اگوم اتصل على الحب ... امدها بالعاطفه والاهتمام
اخاف بعدين تگوم تقارن بيني وبينك وبينها وبين اختها ... ادري بيك
حبيب من زمن عبد الحليم رومانسي بزياده
واني رجال على كد حالي بهالامور ... شكلي راح احتاجك
_ والله انت بلسانك ادوخ بلد موعاد ميامي ...
_ اي ادوخ بلد صح بس يم بت عمك هاللسان يادوب يمشي الامور
راسها يابس لازم تقنع بالكلمه الي تطلع مني يله تصدگها ...
تذكرت المره الي فاتت من اتصلت واني نايم ... شلون اخذت موقف
نزلت رفعت السماعه الو
_ الو
_منوش صيحيلي ميامي
_ هلو ثمين هسه اصيحها ... صعدت بخطوات مسرعة فتحت باب عرفتنا
لكيت ميامي ومي يسولفون
اكلج ثمين على التلفون يريدج ...
_ هسه نازله على نفس وضعيتي متلفلفه بالبطانيه گمت نزلت
دخلت للهول كعدت على القنفه الي بصف التلفون تلفلفت بالبطانيه ورفعت السماعه الو
_ كلت هسه نمتي
_ اني مره من اوعد اوفي بوعدي الصدك نعست وللحظات كلت خلي انام
بس مكدرت لان صاحبه كلمه
_ ايباه كلش واضح عليج بحيث ينحلف بشاربج
عبالج خجلتيني ... لا تعبين نفسج ولا يمي ...رجال نمت ما ادري بنفسي والصدك جنت دا انتظر يصير الوقت واتصل عليج ... الشيطان نيمني
انگلبت الدنيا يا عيني خو ما انگلبت
مو اجيتج ثاني يوم ما كدرت اروح بلا ما اشوفج وتالي سممتيني طلعتي مامتصله اصلا
_ ليش انغثيت ...
_ والله بيومها كلش انغثيت لان اتصورت اتصلتي ولان ما جاوبت خفت لا اخذتي على خاطرج وبقيت افكر بيج ودكيت اكثر من مره ورا ماصحيت
محد رد صبحت بوجهي عليكم
_ ثمين
_ نعم
ترى اني كذابه والله اتصلت وجاوب لهيب فسديت الخط بوجهه
بيومها استحيت اگلك
_وليش هسه گلتي
_حتى ما تبقى شايلها بقلبك عليه
_ اني ما اشيل بقلبي لان اسامح لكن ما انسى ... اعرفي هالصفه عني
—اني هم ما انسى ومو بسهوله اسامح الي يأذيني
يتبع
أنت تقرأ
قلوب بينها برزخ
Roman d'amourثمين وميامي كالمياه المالحه والمياه الحلوه يفصل بينهما برزخ جمعهم دم وفرقهم. الاباء من سيسقط في حب من ومن سيروض نفسه من اجل من طباع مختلفه .... وشخصيات عنيده وطيبه فراق وتعلق .... كبرياء بين طريق واحد او طريق لكل عاشق
