Opposite
Ep_27
ရုပ်ရှင်ရုံထဲတွင် သူ့အိမ်ရောက်နေသည့် အလား နှစ်ခြိုက်စွာအိပ်ပျော်နေသည့် မှန်ကြောင်လေးကြောင့် နှုတ်ခမ်းထောင့်တွေ ကော့တတ်သွားတဲ့အထိ ပြုံးမိပြန်သည် ။
တစ်ဖြည်းဖြည်း အအေးပိုလာတဲ့ လေအေးပေးစက်ကြောင့် ချမ်းစိမ့်စိမ့်ဖြစ်နေသည် ။
မှန်ကြောင်လေးကိုကြည့်လိုက်တော့ တီရှပ်လက်တိုဖြင့် ..
"ကျွတ်စ် "
ချမ်းနေတော့မှာဘဲ ..ရုပ်ရှင်တွေထဲကလို အပေါ်အင်္ကျီချွတ်ပေးရအောင်လည်း သူကိုယ်တိုင်က လက်တိုတစ်ထပ်တည်း ဝတ်လာမိသည် ။ မထူးဘူး ဆိုပြီး တင်းတင်းကြပ်ကြပ်သာ ဖတ်ထားလိုက်မိသည် ။ လူတွေရဲ့ ကိုယ်ငွေ့က နွေးသည်လေ ..။
၂ နာရီခွဲကျော်တော့ ရုပ်ရှင်က ပြီးသွားသည်။ ရုပ်ရှင်ရုံလာပြီး ရုပ်ရှင်မကြည့်ဘဲ အိပ်နေသော မှန်ကြောင်လေးကို စိတ်မဆိုးရက် ။
သူကမှ အိပ်ရေးဝသေးသည်လေ ... ကျွန်တော်ကိုယ်တိုင်လည်း ဘာကားပြသွားမှန်းတောင် သိလိုက်တာမဟုတ်တော့ ....။
"မှန်ကြောင်လေး ထတော့ "
"အင်း "
"ရုပ်ရှင်ပြီးပြီ "
"အွန်း ထပြီ "
"ရင်ပြင်သွားဦးမှာဆို မြန်မြန်သွားမယ်"
"အင်း "
အိပ်ချင်မူးတူးဖြင့် မထချင်ထချင် ထလာရသည့် မှန်ကြောင်လေးက ပါးလေးတွေ ဖောင်းကားနေသည် ။ အိပ်ရေးဝဝအိပ်ထားသည်မို့ မျက်လုံးတွေက မို့အစ်နေသည် ။ အသည်းယားလွန်းလို့ ဖောင်းကားနေတဲ့ ပါးကို သွားဆွဲမိပြန်သည် ။ ကျွန်တော့်လက်ကလည်း အငြိမ်ကို မနေဘူး။
"အု "
"အာ ဆောရီး "
လုပ်ချင်ရာ လုပ်ပြီးမှ ဆောရီးပြောပြီး မျက်နှာတွေရဲလာကာ ထွက်သွားသည့် ဇွဲ ပုံစံက ...
"နေပါဦး ရှက်နေတာလား ? "
သူကဘဲ ရှက်ရတယ်ရှိသေး ။
ရင်ပြင်ရောက်တော့ ရေခဲမုန့်ဆိုင်တွင် ငွေရှင်းကာ အလုပ်ရှုပ်နေသည့် ဇွဲ ကြောင့် အသာလေး လက်မှတ်ရုံသို့ လစ်ထွက်လာလိုက်သည် ။
"အစ်မ ဆိုင်ကယ်ရယ် မိချောင်းရယ် ရိုလာကိုစတာရယ် ၂ စောင်စီပေးပါ "
YOU ARE READING
Opposite
RomanceCover by _ Moh Moh ရွင္မင္းထိုက္ မင္းခန္႔ေဇ ေကာင္းထက္ ဇြဲ မတူညီတဲ့ အက်င့္ေတြ မတူညီတဲ့ စိတ္ဓာတ္ေတြနဲ႔ လူသား ၂ ဦးဟာ အဆံုးသတ္မွာ ေပါင္းဖက္ႏိုင္မွာလား ? [ ဒါေလးကလည္း ေပါ့ေပါ့ပါးပါး BL fic ေလးတစ္ခုပါ 💙 ]
