Nine Star Hegemon Body Art
ဆေးသိဒ္ဓိရှင်
အခန်း(၁၁၂)သောကြာကြယ်
အိပ်မက်ထဲမှ တစ်စွန်းတစ်သိခဲ့ရသည့် တစ်ပိုင်းတစ်စ သတင်းစကားလေးမှာ သောကြာကြယ်ဆိုသည့်
ဆေးဖော်စပ်နည်းတစ်ခုဖြစ်မည်ဟု လုံချန်ထင်မထားမိခဲ့ချေ။ဤအချက်ကြောင့် လုံချန် ရူးသွပ်မတတ် ပျော်ရွှင်သွားရ၏။
သောကြာကြယ်သည် ကြယ်ကိုးလုံးသိုင်းပညာမှ ဒုတိယမြောက် ကြယ်ဖြစ်၏။၎င်းသည် ညာဖက်လက်ဖုဝါး၏ အလယ်တည့်တည့်တွင်တည်ရှိပြီး သူ့၏ ဘယ်ခြေထောက်တွင် ရှိသော ဖုန်ဖူကြယ်နှင့် ဆန့်ကျင်ဘက်၌ တည်ရှိနေခြင်းဖြစ်သည်။
တစ်နည်းအားဖြင့်ဆိုသော် လုံချန်သည် ကြယ်ကိုးလုံးသိုင်းပညာ၏ ဒုတိယအဆင့်ကို မည်သို့ကျင့်ရမည်ကို သိပြီ ဟူ၍ ပြောလို့ရသည်။အပြည့်စုံ ဆုံး အဆင့်သို့ရောက်သွားပြီဖြစ်သည့် ဖုန်ဖူကြယ်ကြောင့်လည်း လုံချန်က ယုံကြည်ချက်များ သိပ်ရှိနေပါ၏။
အကယ်၍ ဒုတိယ ကြယ်တစ်ခုကိုသာ သူ ဖွင့်နိုင်ခဲ့သော် သူ့တွင် ဒန်တမ် နှစ်ခုရှိသည်နှင့် ညီမျှသွားမည်ဖြစ်သကဲ့သို့ သူ့၏ လှုပ်ရှားမှု ၀ါ ကိုယ်ဖော့ပညာသည်လည်း ယခင်ကနှင့် မနှိုင်းယှဉ်သာအောင် ပို၍ မြန်လာလိမ့်မည်။
ဖုန်ဖူကြယ် တစ်ခုထဲ နှင့်ပင် သူ့၏ ခွန်အားမှာ လွန်စွာ ကြီးမားလေရာ အကယ်၍ သောကြာကြယ်၏ အစွမ်းကိုပါ ထပ်ရ၍ ကြယ်နှစ်လုံး၏ စွမ်းအားဖြင့်ဆိုလျှင် သူ့၏ စွမ်းအားသည် မည်မျှကြောက်မက်ဖွယ် ကောင်းလာလိမ့်မည်နည်း။အိမ်မက်ထဲမှ အလင်းစက်ကွင်းပိုင်ရှင်၏ မျက်လုံးထဲ၌ မြင်ခဲ့ရသောကြယ်ကိုးလုံးကို သူ ပြန်စဉ်းစားမိသည်။လုံချန် ရင်တွေ တစ်ဒိန်းဒိန်းခုန်လာပါသည်။တစ်နေ့တွင် သူသည်လည်း ထိုလူကဲ့သို့ အစွမ်းထက်ကောင်း ထက်လာပေမည်။
"နေပါဦး...ဘာလည်းဟ" ဆေးဖော်စပ်နည်းကို ကြည့်လိုက်သည့်အခါတွင် အံ့အားကြီးစွာသင့်၍လုံချန် ထခုန်မိသည်။
"မီးအိမ်မြောင်ရဲ့ ဦးချို....ရေခဲမြွေရဲ့ သွေး....ကွီလင် အသီး...ရသာကိုးပါး ကူတင်...အမတ ဂန္ဓမာပန်း"
သောကြာကြယ် ဆေးဖော်စပ်နည်းတွင် ထည့်ရသည့် ပါဝင်ပစ္စည်းအမျိုးပေါင်းသုံးဆယ်ကျော်သည်ရှားပါး ဆေးပစ္စည်းများ ဖြစ်နေသည်ကို လုံချန် အံ့သြစွာဖြင့်သိလိုက်ရ၏။ထိုဆေးအမယ်များတွင်အရှားပါးဆုံးမှာ ကွီလင်သီးဖြစ်လေသည်။
အကယ်၍ ကံကောင်းထောက်မစွာဖြင့် ကွီးလင်းသီးကို သူ ရခဲ့မည်ဆိုလျှင်ပင် လက်ရှိဖုန်ဖူကြယ်အားသူကြွေးခဲ့ရသည့် အတိုင်းအတာနှင့် ဆေးဖော်စပ်ရသော် မည်သို့မျှ လောက်ငှသည့် ပမာဏလောက်ထိ ရနိုင်မည်မဟုတ်ဟု သူယူဆသည်။သူ့၏ စိတ်လှုပ်ရှားမှုသည် မီးကို ရေဖြင့် ငြိမ်းသတ်လိုက်ဘိသကဲ့သို့ ချက်ခြင်းဟုတ် ကနဲ ပြန်ပျောက်သွား၏။
ကြယ်ကိုးလုံးသိုင်းပညာသည် ဒဏ္ဍာရီလာ သိုင်းပညာတစ်မျိုးဖြစ်ရာ ၎င်းတွင် အသုံးပြုသည့် ဆေးအမယ်များသည်လည်း ရှေးရှေး ခေတ်မှ ဖော်စပ်နည်းများဖြစ်လေ၏။ယခုခေတ်တွင်မူ ထိုဆေးအမယ်အများစုသည် ရှားပါးကုန်ကြလေပြီ။ထိုဆေးအမယ်များကို သူ မည်သို့ရှာဖွေ စုဆောင်းရမည်နည်း။
ဤဆေးအမယ်များကို စုဆောင်းရာတွင် လည်း ဆေးဖော်ရန် လုံလောက်သည့်ပမာဏ တစ်ခုထိရောက်ရန် လိုနေသေးသည်။ယေဘူယျ အားဖြင့် ထိုသို့ရှာဖွေ စုဆောင်းရန်မှာ ကောင်းကင်ဘုံသို့တက်သလိုပင် ခက်လှ၏။လက်လျှော့ချင်စရာ ကောင်းလှသည့် အလုပ်ဖြစ်သည်။
ဒုတိယကြယ်၌ပင် ထိုပြဿနာမျိုးကြုံနေလျှင် တတိယကြယ်၊စတုထ္ထကြယ်များတွင် မည်မျှလောက်ခက်လိမ့်မည်နည်း။သို့သော် စဉ်းစားရင်းဖြင့် သူ့၏ အတွေးကြောင်နေမှုကို လုံချန် တဟားဟား ရယ်မိသည်။ဖီးနစ်တွင် မရှိတော့ကော ဘာဖြစ်သနည်း။ဖီးနစ်တွင်မရှိ၍ ဖီးနစ်၏ အပြင်ဘက်လောကတွင်လည်းမရှိဟုမဆိုလို။ရှိနိုင်သည်သာ။
သူ ၀န်မခံချင်သော်လည်း ၀တ်ရုံဖြူနှင့်ဟွာယွန်အိမ်တော်မှ ပိုင်လင်တို့ပြောသွားသည့် သူသည် ကျယ်ပြောသည့် လောကကြီးကို မသိသည့် ရေတွင်းထဲမှ ဖားတစ်ကောင်ဖြစ်နေသည့် ဆိုသည့်စကားကို မဖြစ်မနေ ၀န်ခံရပေမည်။
ထိုသို့ဆိုလျှင် ကျယ်ပြောသည့် လောကကြီးထဲသို့ သူ အဘယ့်ကြောင့်မသွားသင့်ပါသနည်း။ထို့ပြင် သူ့၏ ဇနီးလောင်ကိုလည်း သွားတွေ့ရဦးမည်။မည်သို့ဆိုစေ အချိန်အတော်ကြာသွားပြီဖြစ်ရာ သူမသည် သူ့ကိုပင် မေ့ကောင်းမေ့နေလောက်ပေပြီ။စိုးရိမ်စရာ ကောင်းလှ၏။
ဆရာကြီးယွမ်ချီပြောခဲ့ သည့် ဆေးတောင်ကြား ဆိုတာကိုလည်း သူသတိရမိသည်။ဆေးဆရာများ၏ အန္တိမ ပန်းတိုင် မြေမြတ်ဖြစ်သော ဆေးတောင်ကြားဆိုသည်မှာ မည်သို့ရှိသနည်း။သူ သိချင်လှပါသည်။
အကယ်၍ ဆေးတောင်ကြားသို့သာ သူဝင်ခွင့်ရခဲ့သော် ကြယ်ကိုးလုံးသိုင်းပညာကို လေ့ကျင့်ရာ၌ လိုအပ်သည့် ရှားပါဆေးအမယ်များအား အလွယ်တစ်ကူ ရနိုင်မည်လော။ဤသို့ဆိုလျှင် သူ့၏ပြဿနာများသည် အလွယ်တကူ ဖြေရှင်းပြီသား ဖြစ်သွားမည် မဟုတ်ပါလား။
ဤသို့ ဤနှယ် စဉ်းစားမိသည်တွင် နောက်ဆုံး၌် တိမ်မည်းများဖြင့် ဖုံးအုပ်ထားသော ကောင်းကင်ကြီးသည် တိမ်မည်းများ လွင့်စင်၍ ကြယ်လင်သည့် ကောင်းကင်ပြာကြီးကို မြင်လိုက်ရဘိသကဲ့သို့လုံချန်၏ စိတ်အစဉ်သည်လည်း ရှင်းလင်းပေါ့ပါးသွားလေသည်။ထိုစဉ် သူ့အခန်းတံခါး သည် ကျွီကနဲမြည်သံဖြင့် ပွင့်လာပြီး ရေနှင့် မျက်နှာသုတ်ပုဝါ ထည့်ထားသော ဇလုံ တစ်လုံးကိုကိုင်ကာ မိန်းမငယ်လေးတစ်ယောက်ဝင်လာသည်။
"ညီမက အကိုမနိုးအောင် အသာလေး ၀င်လာတယ်ပေါ့" လုံချန်က တစ်ဟားဟားရယ်နေ၏။
အနှီမိန်းကလေးသည် ချောမောလှပသည့် မိန်းမပျိုလေးတစ်ယောက်ဖြစ်ပြီး ပိတုန်းရောင်ဆံနွယ်များက လှိုင်းများထ၍ ပုခုံးနှစ်ဖက်တွင် ကျနေသည်။သူမ၌ သောက်ရှုးကြယ်နှင့် တူသော ကြည်လင်သည့် မျက်လုံးကလေး၊လခြမ်းလေးနှင့် တူသော ဇင်ယော်တောင် မျက်ခုံးလေးများရှိ၏။သူမကား ဖီးနစ် ၏ တတိမြောက် မင်းသမီးကလေးတစ်ပါးဖြစ်သည့် ချူယောင်ပင် ဖြစ်ပါသည်။
သူမက ခေါင်းယမ်းပြီး လုံချန်၏ အိပ်ယာကိုကြည့်လိုက်သည်။လုံချန်သည် တစ်ဟားဟား ရယ်၌ သူမကို စနေလျှင် သူမ မျက်နှာလေးမှာ ရှက်သွေးများကြွပြီး ရဲပဒေါင်းခတ်နေတော့သည်။
"အကိုထတော့လေ ကျွန်မ မျက်နှာသစ်ပေးမယ်" သူမက ဇလုံကိုအသာချပြီး ရေစိမ်ထားသည့် မျက်နှာသုတ်ပုဝါကို အကြိမ်တော်များများ ညှစ်လိုက်၏။ထို့နောက် လုံချန် ထံသို့လျှောက်သွားသည်။သူမက မျက်နှာနီနီလေးနှင့်ပင် လုံချန်၏ မျက်နှာကို ဂရုတစ်စိုက် ဖြင့် ညင်သာစွာ သုတ်ပေးနေသည်။သူမထံမှရသော သင်ပျံသည့် မွှေးရနံ့လေးနှင့် သူမ၏ ရင်ခုံသံများသည် သူ့ရင်ကို နွေးထွေးစေပါ၏။လုံချန်က သူမ၏ ထွာဆိုင်သာသာ သေးကျဉ်းသော ခါးလေးကို တင်းကျပ်စွာဖက်ထားလိုက်သည်။
(ဒီနေရာကို မပြန်ပဲ ချန်ခဲ့ရင်ကောင်းမလား ငိငိငိငိ)
ထို့နောက်သူသည် ချူယောင်ကို ရင်ခွင်ထဲသို့ဆွဲသွင်းလိုက်သည်။သူ့၏ ရင်ခွင်ကျယ်ကြီး၌ သူမခေါင်းလေးကို အသာ မှေးစက်ထားရာမှ သူမ၏ ရင်ခုံသံများ တစ်ဖြေးဖြေးမြန်လာ၏။သူမတို့နှစ်ယောက်မှာ တစ်ယောက်ကို တစ်ယောက်မည်သည့်စကားမှ မပြောကြ။ချစ်ခြင်း၏ တေးသံစဉ်သည် စကားလုံး ထောင်၊သောင်းတို့ထက် ပို၍ ထိရောက်ပါပေ၏။
အချိန် ဘယ်လောက်ကုန်သွားသည်မသိ။ချူယောင်က သူမ၏ လက်ကလေးဖြင့် လုံချန်၏ ပါးပြင်ကိုပွတ်သပ်လိုက်သည်။ထို့နောက်သူမက ခပ်တိုးတိုးလေသံဖြင့် ပြော၏။
"အကို ကျွန်မတို့နှစ်ယောက် မခွဲမခွာပဲ ဘယ်တော့များမှ တသက်လုံး အတူတူနေကြရမှာလည်းဟင်"
လုံချန် ရင်တွေဒိန်းကနဲဖြစ်သွားသည်။ဤစကားသည် သူ့အား မိန်းမပျိုကလေးတစ်ယောက်ကို သွားအမှတ်ရစေသည်။သူမသည် လွန်စွာချောမောလှပသည် ဟု မဆိုနိုင်သော်လည်း သူမမျက်ဝန်း၌သူ့အပေါ်ချစ်သော အချစ်များဖြင့် ပြည့်ရွှမ်းနေသည်။
"ဒီ လည်ဆွဲလေးကိုမြင်ရင် ရှင့်ကို အသည်းနင့်အောင်ချစ်ခဲ့ဖူးတဲ့ ကောင်မလေးတစ်ယောက်ရှိခဲ့ဖူးတယ် လို့ သတိရပေးပါ"
လည်ပင်းမှ လည်ဆွဲလေးကို ကိုင်၍ လုံချန်သည် သက်ပြင်းကို လေးလေးပင်ပင်ကြီးချမိသည်။သူ့စိတ်အစဉ်သည် ရွာငယ်လေးထံသို့ ခရီးနှင်ပြန်လေပြီ။ယခုအခါတွင် သူမ မည်ကဲ့သို့နေမည်နည်း။
"ဘာဖြစ်လို့လည်း" လုံချန်ငိုင်ကျ သွားသည်ကို မြင်သောကြောင့် ချူယောင်က တစ်ခုခုပဲဟူ၍ တွေးမိ၏။
လုံချန်က အဖြစ်အပျက်ကို အစမှအဆုံးတိုင် ခရေစေ့တွင်းကျ ပြောပြသည်။ယင်အမတ်ကြီး လိုက်သတ်၍ သေပြေး ရှင်ပြေး ပြေရသည်မှစကာ ရှောင်ဟွာ သူ့ကို ကယ်ဆယ်သည် အထိဖြစ်သည်။
"လုံချန် အဲ့ဒိ အမျိုးသမီးလေးက ရိုးသားလိုက်တာနော် ဘာလို့ အဲဒိကောင်မလေးကို အကိုက ငြင်းလိုက်တာလည်း" ရှောင်ဟွာ၏ ဇာတ်လမ်းကို နားထောင်ပြီး ချုယောင်သည် များစွာသနားနေမိသည်။(ကတောက်...ရှားတယ်..ဒီလိုကောင်မလေးမျိုး)
သူမသည် မင်းသမီးဖြစ်ချင်ဖြစ်မည်။သို့သော် ဤလောက၀ယ် ခွန်အားကြီးမားသော ယောကျာင်္းကောင်း၊ယောကျာင်္းမြတ်တို့သည် ဇနီးအများအပြားယူလေ့ရှိသည်ကို သူမသိသကဲ့ သို့ နားလည်ပေး၍လည်းရ၏။သူမသည် လုံချန်၏ အချစ်ကို သူမတစ်ဦးတည်း သိမ်းပိုက်ထားရန် မည်သည့်အခါကမှမစဉ်းစားခဲ့ချေ။ရှောင်ဟွာကို သမ သနားသည်။သို့တိုင်အောင် တစ်ချိန်တည်းတွင် ရှောင်ဟွာကဲ့သို့အဖြစ်မျိုး သူမကြုံမှာကိုလည်း ကြောက်လာ၏။
ယုန်ကလေး တစ်ကောင်ကဲ့သို့ ကြောက်လန့်နေသည့် ချုယောင်ကိုမြင်လျှင် လုံချန်က နဖူးလေးကိုခပ်ဖွဖွလေးနမ်းလိုက်သည်။
"အကိုတို့ တစ်ယောက်အပေါ်တစ်ယောက် ကတိပေးထားကြတာကို မေ့ထားတာလား ချူယောင်"
ချူယောင် မျက်နှာလေး နီရဲသွားသည်။ထို့နောက် သူမက လေသံတိုးတိုးလေးဖြင့် ပြော၏။
"အကို ကျွန်မတို့ နှစ်ယောက် တစ်ကယ်ပဲ တစ်သက်လုံး အတူတူနေကြရမှာပါနော်"
ဘာ့ကြောင့်ရယ် မသိ။ချူယောင် တစ်ခုခုကို ကြောက်နေသည်။
"ဒါပေါ့ကွာ အကိုတို့ တစ်သက်လုံး အတူတူ နေကြရမှာပေါ့" လုံချန်က ချူယောင် ၏ ပါးလေးကိုပွတ်သတ်လိုက်သည်။
"ဒါ...ဒါပေမယ့်..ရှောင်ဟွာလို ကျွန်မကိုထားခဲ့မှာကို ကျွန်မကြောက်တယ်" ချုယောင် မျက်ရည်စလေးများ ကျလာလျှင် လုံချန်၏ နှလုံးသားများ နာကျင်သွားရသည်။(စောင် အာ အက်တွေ -_-)
"အဲ့ဒိလို ဘယ်ဟုတ်ပါ့မလည်းကွာ ရှောင်ဟွာက သူ့ရွာကလေးကို ကာကွယ်ချင်တယ် ဒါ့ကြောင့်သူမူဟာ ရွာကနေ အကို့နောက်ကိုမလိုက်ခဲ့ဘူးလေ အကိုလည်း အတူတူပါပဲလေ အကို့မှာတစ်သက်လုံး စောင့်ရှောက်ကာကွယ်ပေးရမယ့်သူလေးရှိတယ် အဲ့တာ ဒီကောင်မလေးပေါ့" လုံချန်ကပြုံးရင်းပြောသည်။
"ဟေး...မျက်နှာလေးက ဘာဖြစ်သွားတာလည်းကွ" ချုယောင်သည် မျက်နှာလေးများနီမြန်းသွားပြီးလုံချန်၏ ရင်ဘတ်ကို လက်သီးဆုပ်လေးများဖြင့် ခပ်ဖွဖွထုလိုက်၏။လုံချန်က သူမကို စနေမှန်း သိသည်။သို့သော် သူမမျက်နှာလေးက ရဲပဒေါင်းခတ် နေတုန်းပင်။
လုံချန်က သဘောကျစွာဖြင့် နှစ်နှစ်ခြိုက်ခြိုက်ရယ်နေသည်။ချူယောင် စိတ်ဆိုးသွားပုံလေးက သိပ်ချစ်စရာ ကောင်းနေသည်မဟုတ်လား။လုံချန်က သူမ၏ သေးကျဉ်သော ခါးလေးကို ဖက်ထားသည်။ဤကဲ့သို့ပင် ထာဝရ သူနေချင်မိပါ၏။
သို့ရာတွင် လုံမိသားစု၏ ပြဿနာများ ပြေလည်သွားသော်လည်း လုံးဝ အဆုံးသတ်သွားခြင်းမဟုတ်ကြောင်းကို သူသိသည်။သူ့တွင် လုပ်စရာ အလုပ်ပေါင်းများစွာ ကျန်နေသေးသည်လေ။
"လုံချန်...မန်ချီဆိုတာ ဘယ်သူလည်းဟင်" ချူယောင်က ရုတ်တရက်မေးလာသည်။
လုံချန် ရုတ်တရက် ကြောင်သွားကာ မည်သို့ဖြေရမှန်းမသိဖြစ်နေ၏။
"ကျွန်..ကျွန်မက ဘာအဓိပ္ပါယ်နဲ့မှ မေးတာမဟုတ်ပါဘူး မမ မန်ချီအကြောင်းကို နည်းနည်းလောက်သိချင်လို့ပါ နောင်ဆိုရင် ကျွန်မက သိခွင့်ရှိမယ်မလား" လုံချန် ငိုင်သွားသည်ကိုမြင်သောကြောင့် ချူယောင်က ကပျာကယာ ရှင်းပြရှာသည်။လုံချန်က ခေတ္တမျှ စဉ်းစားခန်း ၀င်နေ၏။ဤအကြောင်းကို သူ့အမေထံမှ ချူယောင်သိခြင်းဖြစ်လိမ့်မည်။
"ကျေးဇူးတင်ပါတယ်ကွာ" လုံချန်က သူမကို ရုတ်တရက် ကျေးဇူးတင်လိုက်သည်။
"ဘာ့ကြောင့် ကျွန်မကို ကျေးဇူးတင်တာလည်း အကို" ချုယောင် နားမလည်။
"အင်ပါယာရဲ့ မင်းသမီးလေးတစ်ပါးကို အကိုက အခက်တွေ့အောင်လုပ်မိပြီလေ"
ချုယောင်၏ မန်ချီအပေါ်သို့ မမဟု ခေါ်သည့်စကားကို ကြည့်လျှင် ချူယောင်သည် ပထမနေရာ(မယားကြီး)တွင် နေလိုဟန်မရှိကြောင်း သူ သိသည်။ယင်းကား မိန်းမ တစ်ယောက်၏ အကြီးအကျယ်ဆုံးသော အနစ်နာခံမှုလည်းဖြစ်လေသည်။
ချူယောင်က ခေါင်းခါသည် "ကျွန်မကိုယ် ကျွန်မ အပြစ်မတင်ပါဘူး တစ်ကယ်ဆိုရင် ကျွန်မပျော်တောင် ပျော်နေသေးတာ ကျွန်မတစ်ဝလုံး လှောင်အိမ်ထဲက ငှက်ကလေး တစ်ကောင်လိုအထီးကျန်ဆန် ခဲ့ရတယ် ဘာ့ကြောင့်ရယ်လို့ ကျွန်မမသိပေမယ့် အကို့ကို မြင်မြင်ချင်းမှာပဲထူးဆန်းတဲ့ခံစားမှု တစ်မျိုးကို ခံစားမိတယ် အခုတော့ဒါဟာ ကံတရား ဖြစ်တယ်လို့ ကျွန်မသဘော ပေါက်သွားခဲ့ပြီ"
"အမှန်ပဲ ချူယောင်...အမှန်ပဲ...ဒါဟာ ကံတရားပဲ အကိုတို့ စတွေ့တုန်းကဆိုရင် အကိုတောင်ကံကောင်းလို့ မသေတာလေ" လုံချန်က တဟားဟား ရယ်သည်။
"ရှင်...ရှင်လည်း အဲ့ဒိတုန်းက ကျွန်မကို ရိုက်ခဲ့တာပဲလေ...လူဆိုး..." ချူယောင်က မျက်နှာနီနီလေးဖြင့် လုံချန်၏ ဗိုက်ခေါက်ကို လိမ်ဆွဲလိုက်သည်။သူတို့နှစ်ယောက် စတွေ့စဉ်းတုန်းက အဖြစ်ကို တွေးမိလျှင်နှစ်ယောက်သားသည် တစ်ယောက်မျက်နှာ တစ်ယောက်ကြည့်ပြီး ရယ်မောမိကြကာ တစ်ယောက်ကို တစ်ယောက် တင်းကျပ်စွာဖက်ထားလိုက်ကြလေသည်။
လုံချန်က မန်ချီနှင့်ပတ်သတ်၍ နှင်းပွင့်လေးအကြောင်းကိုပါ မခြွင်းမချန် အကုန်လုံးပြောပြလိုက်၏။
"လုံချန် အကိုက လူကောင်းတစ်ယောက်ပါ" လုံချန်၏ စကား အဆုံးတွင် သူမသည် လုံချန်၏ ပါးကို ငြင်ငြင်သာသာလေး ပွတ်သပ်လေသည်။သူနှင့်စတင် ဆုံစည်းကတည်းကစ၍ သူမသည် သူ့၏နောက်ကြောင်းကို အကုန်သိပြီးဖြစ်သည်။လုံချန် မည်မျှနာကျင်ခံစားခဲ့ရသနည်း။သူမခံစားခဲ့ရသည်ထက်ပင် များစွာပိုလေသည်။
ထိုသို့ဖြစ်သည့်တိုင်အောင် လုံချန်သည် မန်ချီနှင့် လက်ထပ်ပွဲပျက်ရသည့်အပေါ်တွင် မည်သည့်အာဃာတ အငြိုးအတေးမှ မရှိပဲ လက်သင့်ခံခဲ့သည်။သူမ အမြင်တွင်မူ လုံချန်သည် လွန်စွာကြင်နာ သနားတတ်သူတစ်ယောက်ဖြစ်လေသည်။
သို့သော် လုံချန်ကား မန်ချီနှင့်ပတ်သတ်၍ မည်သို့ လုပ်ရမည်မသိဖြစ်နေသည်။မန်ချီသည် ကြင်နာသနားတတ်သူ ဖြစ်သည့်တိုင် မုန့်ကိုသာဝေစားမည်၊အချစ်ကိုတော့မဝေ စား ဟူသည့် မိန်းမတို့၏ သဘာဝ ဗီဇ ကလည်း ရှိသေးသည်။ရှင်းရှင်းပြောရလျှင် မန်ချီ၏ စိတ်ကို သူ သေသေချာချာမသိသေးပေ။ဤကိစ္စမျိုးကား မိန်းမသားတို့အနေဖြင့် မည်သို့မျှ လက်မခံနိုင်သည့် ကိစ္စပင် မဟုတ်ပါလား။ထို့ပြင် မန်ချီသည် သူ့ကို တစ်ကယ်ချစ်လား၊မချစ်လား ဆိုသည်ကို လုံချန် ကိုယ်၌ ကလည်းသိပ်မသေချာပေ။အကြောင်းမှာ တစ်ဖက်သတ် ချစ်နေရသူသည် သူကိုယ်တိုင်သာ ဖြစ်သောကြောင့်ဖြစ်လေသည်။
ဤသို့ တောင်တောင်အီအီ စဉ်းစားပြီး လုံချန် ခေါင်းများကိုက်လာပြန်သည်။လုံမိသားစုကိစ္စသည် ပြေလည်ရုံသာ ရှိသေးသည့်အချိန်တွင် နောက်ထပ်ဖြေရှင်းရမည့် ပြဿနာများကား ၀ရုန်းသုန်းကားဝင်လာပြန်ချေပြီ။
ထိုစဉ် အခန်းအပြင်မှ ခြေသံများ ရုတ်တရက်ကြားလာရသောကြောင့် ချူယောင်က လုံချန်၏ ရင်ခွင်ထဲမှ ကြောက်လန့်တကြားဖြင့် ရုန်းထွက်လိုက်၏။ချစ်ခြင်းများစွာဖြင့်....
MK AUNG
စာရေးဆရာ၏ ကြိုးစားအားထုတ်မှုကို တစ်ဖက်တစ်လမ်းမှ တတ်နိုင် သ လောက်လေး ကူညီချင်သည်ဆိုပါက Telenor
09793864311 နှင့် MPT 09421123207 သို့ဆက်သွယ်၍
စေတနာ ရှိသ လောက် PH BILL လေးများ လျူဒါန်း နိုင်ပါသည် ခင်ဗျာ
YOU ARE READING
Nine Star Hegemon Body Arts(ဆေးသိဒ္ဓိရှင်)
Fantasyသူဟာဆေးနတ်ဘုရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးနတ်ဘုရားရဲ့ ၀ိညာဉ်တော် နှင့် သူ့ဝိညာဉ် ပေါင်းစပ်သွားခြင်းပေ လော။သိုင်းကျင့်လို့မရ အောင် ခန္ဓာကိုယ်ကို အဖျက် ဆီးခံလိုက်ရတဲ့ လုံချန်ဆိုတဲ့ အနိုင်ကျင့်ခံ လူရွယ်လေးတစ်ယောက်ရဲ့ဇာတ်လမ်းတစ်ပ...
