Nine Star Hegemon Body Arts(ဆေးသိဒ္ဓိရှင်)

ဂိုဏ်းသားရွေးချယ်ခြင်း

Nine Star Hegemon Body Artဆေးသိဒ္ဓိရှင်အခန်း(၁၁၇)ဂိုဏ်းရွေးချယ်ခြင်း
တုဖုန်းစကားသည် လုံချန်အပါအ၀င်အခြားသူများ အားလုံးကို အံ့အားသင့်သွားစေသည်။ဤအဖိုးအိုးကား လွန်စွာအစွမ်းထက်သူတစ်ယောက်ဖြစ်သည်ဟု လုံချန်က မသိစိတ်ဖြင့် သိနေ၏။ထို့ပြင် အဖိုးအိုသည် လွန်စွာဖြောင့်မတ်၍ သမာသမတ် ရှိသူတစ်ယောက်ဖြစ်ကြောင်းကိုလည်း လုံချန် သိနေပါ၏။
အခြားသူများအားလုံးက သူ့ကို သူတို့၏ ဂိုဏ်းအသီးသီးသို့ ၀င်ရန် မဲဆွယ်နေကြချိန်တွင် အဖိုးအိုသည် တိတ်ဆိတ်နေခဲ့သည်။ယင်းသို့ တိတ်ဆိတ်နေခြင်းသည် သူ့၏ သိချင်စိတ်ကို ပို၍ ပြင်းပြစေသည်။အဖိုးအို၏ ဂိုဏ်းသည် မည်မျှ အစွမ်းထက်မြက်နေ၍ သူ့အား ဤသို့သော စကားမျိုးကို ပြောသနည်း။သိပ်ကို စပ်စုချင်စရာပင်မဟုတ်လား။
"တု အကြီးအကဲ အကြီးအကဲရဲ့ဂိုဏ်းဟာ သိပ်အဆင့်မြင့်တယ်ဆိုတာကို ကျုပ်တို့လည်း အသိပါပဲဒါပေမယ့် လုံချန်ရဲ့ ညာဏ်ရည်နဲ့ဆိုရင်...ဒါဟာ" လူတစ်ယောက်က နားမလည်နိုင်ဟန်ဖြင့်ပြော၏။
တုဖုန်း က လုံချန်ကိုကြည့်သည်။
"လုံချန်ရဲ့ ပါရမီနဲ့ဆိုရင် ကျုပ်တို့ ရွှမ်ရှင်းဘုရားကျောင်းကို ၀င်ဖို့ကဘာမှ မခက်ခဲပါဘူး ဒါပေမယ့် စိတ်ဝိညာဉ် စိတ်ဝိညာဉ်အရင်းအမြစ်နဲ့ဒန်တမ်မရှိသူ တစ်ယောက်အပေါ်ကို ကျောင်းတော်ကဘယ်လိုမှ ရင်းနှီးမှု တွေ လုပ်မှာမဟုတ်ဘူးလေ ဒါ့ကြောင့် ခင်ဗျားတို့ ဂိုဏ်းတွေကို ၀င်လိုက်တာထက်ကျုပ်ဂိုဏ်းကို ၀င်ရင် ပိုပြီးဆိုးလိမ့်မယ်"
"ဘယ်လို" အကြီးအကဲများ အကုန်လုံး အံအားသင့်ကုန်ကြသည်။လုံချန်သည် စိတ်ဝိညာဉ် အရင်းအမြစ်မရှိပဲ မည်သို့ သိုင်းကျင့်လေသနည်း။
"လူငယ်လေး ကျုပ်ကိုခွင့်ပြုပါ" အကြီးအကဲတစ်ယောက်က လုံချန်၏ ပုခုံးကိုကိုင်သည်။ထိုအကြီးကဲဘာလုပ်မည်ကို သိသည့်လုံချန်ကလည်း ငြိမ်နေလိုက်၏။အကြီးအကဲ၏ ချီစွမ်းအင်ကို သူ့ခန္ဓာကိုယ်ထဲသို့ ၀င်ရောက်ခွင့်ပြုထားသည်။
ထို့နောက်တွင် အဆိုပါအကြီးအကဲမှာ လက်လျှော့ချင်သေးဟန် မတူပဲ ဒုတိယအကြိမ်ထပ်စမ်းသပ်ပြန်သည်။စိတ်ကျေနပ်လောက်မှ သူသည် လုံချန်၏ ပုခုံးပေါ်သို့ တင်ထားသော လက်များကိုလွှတ်၍အခြားသူများအား စိတ်ပျက်လက်ပျက် ဖြင့်ခေါင်းယမ်းပြ၏။
"သူ့မှာ စိတ်ဝိညာဉ်အရင်းအမြစ်ရှိမနေဘူး" အဘိုးအိုက သက်ပြင်းချ၏။
ချက်ချင်းလိုလိုပင် အခြားသော အကြီးအကဲများ၏ စိတ်လှုပ်ရှားမှုများသည် ရေအငွေ့ပျံသကဲ့သို့ပျောက်ကုန်ကြတော့သည်။လုံချန်က မဲ့ပြုံးပြုံးသည်။ယခုအချိန်၌ သူ့တွင် စိတ်ဝိညာဉ်အရင်း အမြစ်မရှိခြင်းသည် ပြဿနာ တစ်ခုဖြစ်လာချေပြီ။
"စီနီယာ ရွှမ်ရှင်းကျောင်းတော်ကို ကျွန်တော် ၀င်ရောက်ရင် ဘယ်လိုနေရာမျိုးနေရမလည်း" လုံချန်ကမေးသည်။ယခုအခါတွင် သူ၏ မျှော်လင့်ချက်ဖြစ်သည့် ပင်မဂိုဏ်းသားဖြစ်ရန်မှာ မဖြစ်နိုင်တော့ချေ။သူ့ကို လက်ခံလျင်ပင် ကံကောင်းသည်ဟူ၍ ဆိုရမလိုဖြစ်နေ၏။အခြားသူများထံမှ သူကြားဖူးထားသည်။ရွှမ်းရှင်း ဘုရားကျောင်းသည် တပည့်လက်ခံရာ၌ လွန်စွာစည်းကမ်းတင်းကျပ်သည်ဟုဆိုသည်။
"ဒီလိုပါ ကျွန်တော်က ဆေးဆရာလည်းဖြစ်ပါတယ်" သူသည် ဆေးဆရာတစ်ယောက်လည်းဖြစ်ကြောင်းအကြီးအကဲများ လက်ခံလာချင်စေရန် လုံချန်က ထည့်ပြောရ၏။ဆေးဆရာဆိုသည့် စကား ကြားသည်နှင့် ၎င်းတို့ထဲမှ အချို့သောအကြီးအကဲများ၏ အကြည့်များမှာ စိတ်ဝင်စားမှုဖြင့် တဖန် ပြန်လည်အရောင်တောက် လာကြပြန်သည်။
"လူငယ်လေး ကျုပ်တို့ ဂိုဏ်းကိုဝင်ရင် ပင်မဂိုဏ်းသားနေရာချက်ချင်းပေးမယ်" အကြီးအကဲတစ်ယောက်က တွေတွေဝေေ၀နှင့်ဆိုလာသည်။ယင်းသို့ကမ်းလှမ်းသည်မှာ ထိုအကြီးအကဲ တစ်ယောက်သာဖြစ်ပြီးအခြားသူများမှမူ တုပ်တုပ်ပင်မလှုပ်ကြချေ။ဂိုဏ်းတစ်ခုတွင် ပင်မဂိုဏ်းသားဆိုသည့်နေရာသည် လွန်စွာ အရေးကြီးသည့်နေရာဖြစ်သည်။
သည်ဂိုဏ်းများအဖို့ ဂိုဏ်းသားများအပေါ်တွင် နှစ်စဉ်နှစ်တိုင်း အရင်းအမြစ်များအား သုံးစွဲနေကြရရာဆေးဆရာ တစ်ယောက်ပင် ဖြစ်ပါစေ စိတ်ဝိညာဉ် အရင်းအမြစ်မရှိသူ တစ်ယောက်အပေါ်တွင်မူမရင်းနှီးလိုကြချေ။ဆေးဆရာဆိုသည်မှာ လွန်စွာရှားပါသည့်မှန်သော်လည်း ငွေရှိလျှင် ဆေးများကိုဝယ်ယူ၍ ရသည်သာဖြစ်သည်။သို့ဆိုလျှင် ဆေးဆရာတစ်ယောက်အား ပင်မဂိုဏ်းသားနေရာ ပေးလိုက်ခြင်းထက် ဆေးများ တိုက်ရိုက်ဝယ်ယူခြင်းက ပို၍ အကုန်အကျသက်သာပေမည်။
ထို့ပြင် ၎င်းတို့၏ ဂိုဏ်းများကလည်း ယခုမှစတည်ထောင်သည့်ဂိုဏ်းများမဟုတ်ကြ။
"စီနီယာရဲ့ စိတ်စေတနာ ကောင်းမှုကို ကျေးဇူးအများကြီးတင်ပါတယ်ခင်ဗျာ ဒါပေမယ့် ကျွန်တော်ကရွှမ်ရှင်းကျောင်းတော်ကို သိပ်ကို ၀င်ချင်နေမိလို့ပါ" လုံချန်က ရိုသေစွာဖြင့် ငြင်းပယ်သည်။ထိုအကြီးအကဲက ခေါင်းငြိမ့်သည်။လုံချန်သည် သူ၏ ကမ်းလှမ်းချက်ကို ငြင်းဆန်သော်လည်း လွန်စွာယဉ်ကျေးစွာဖြင့် ငြင်းပယ်သည်ဖြစ်ရာ ထိုအကြီးအကဲက ကျေနပ်လေသည်။
လုံချန်၏ ပြတ်သားသည့် ပုံစံအားကြည့်၍ တုဖုန်းသည် သက်ပြင်းချ၏။
"ရွှမ်ရှင်း ကျောင်းတော်က သုံးနှစ်ကိုတစ်ကြိမ် ဂိုဏ်းသားလက်ခံတယ် မင်းဒီလောက်ဆန္ဒပြင်းပြနေရင် ကျုပ် ၀င်ခွင့်လက်မှတ်ပေးလိုက်မယ်"
လုံချန် ထိတ်ကနဲ ပျော်သွား၏။ရွှမ်းရှင်း ကျောင်းတော်သို့ ၀င်ခွင့်ရသည်နှင့် သူ့အတွက်အဆင်ပြေပြီဖြစ်သည်။သူ့၏ အစွမ်းအစ ကို သူယုံသည်။ရွှမ်ရှင်းတွင် ပထမနေရာ ကို သူ ကျိန်းသေရလိမ့်မည်။ဂိုဏ်းတစ်ဂိုဏ်းသည် ကြီးမားလေ ထိုဂိုဏ်း၏ အခြေလည်း ခိုင်လေဖြစ်၏။
"စီနီယာ ကျွန်တော် တို့ သုံးယောက်လုံး ကျောင်းတော်ကိုဝင်ရောက်ခွင့်ရှိမလား" လုံချန်က ခပ်ရွံ့ရွံ့ဟန်ဖြင့်ပြော၏။
"မင်းရဲ့ ဟိုသူငယ်ချင်းတစ်ယောက်ကတော့ ၀င်ခွင့်မလိုပါဘူး တိုက်ရိုက်ဝင်လို့ရတယ် ပင်မဂိုဏ်းသားတောင် ဖြစ်ချင်ဖြစ်လာလိမ့်မယ်" တုဖုန်းကပြော၏။လုံချန် မျက်လုံးပြူးသွားသည်။လူကြမ်းလေးက လုံချန်ကိုစိုက်ကြည့်နေသည်။ဘာတွေပြောနေသည်ကို သူနားမလည်ပေ။
သူသာလျှင်မက အခြားသော အကြီးအကဲများပါ ပါးစပ်တွေပြဲကုန်သည်။ရွှမ်ရှင်း ကျောင်းတော်၏ ဂိုဏ်းသားရွေးချယ်မှုက သိပ်ကိုတင်းကျပ်လွန်းသည်လေ။
"ဒီကောင်လေးရဲ့ ခန္ဓာကိုယ်က သိပ်ထူးခြားတယ် ကျုပ်ရဲ့ ကျောင်းတော်မှာရှိတဲ့ အကြီးအကဲတစ်ယောက်ရဲ့ ခန္ဓာကိုယ်မျိုးပဲ ဒီကောင်လေးကိုသာမြင်ရင် သူ သိပ်ဝမ်းသာမယ်လို့ ကျုပ်ထင်တယ်" တုဖုန်းကပြောသည်။
"မင်းရဲ့ သူငယ်ချင်း နောက်တစ်ယောက် ကတော့"
"ဒီညီမလေးက ကျွန်မတို့ရဲ့ ကောင်းကင်နန်းတော် ဂိုဏ်းကို ၀င်လို့ရတာပဲ" တစ်ချိန်လုံး မည်သည့်စကားမှ မပြောသည့် ခပ်ချောချော အမျိုး သမီးထံမှ အသံထွက်လာသည်။ထိုအမျိုးသမီးသည် ချူယောင်ထံသို့သွားကာ ပြုံးလိုက်၏။
"ညီမလေး မမတို့ရဲ့ ကောင်းကင်နန်းတော်ဂိုဏ်းကို လိုက်ခဲ့နော်...ညီမလေးရဲ့ ပါရမီနဲ့ဆိုရင် မမတို့ရဲ့ကောင်းကင် နန်းတော်ဂိုဏ်းက အသင့်တော်ဆုံးပဲ"
ချူယောင်သည် အံ့အားသင့်လျှက်ရှိရာမှ ရှက်ရွံ့စွာဖြင့် လုံချန်ကိုကြည့်သည်။သူမက ခေါင်းခါသည်။
"ကျွန်မ လုံချန်နဲ့မခွဲချင်ဘူး ဒါ့ကြောင့်....."
ခပ်ချောချော အမျိုးသမီးသည် လုံချန်ကို တစ်ချက်ကြည့်၍ ခေါင်းယမ်းလေသည်။
"သိုင်းသမားတွေ အတွက် သိုင်းကျင့်ဖို့ရာက အရေးအကြီးဆုံးပဲ အချစ်အတွက်နဲ့ မင်းရဲ့ ပါရမီတွေကိုဘာ့ကြောင့်အဆုံးရှုံးခံလိုက်မှာလည်း ကောင်လေး...သူမက ရှားပါး သစ်သားဓာတ်ပါတဲ့ သိုင်းသမားနော် သူမရဲ့ပါရမီကို မင်း အလကား ဖြစ်မသွားစေချင်ဘူးမလား"
ခပ်ချောချော အမျိုးသမီးသည် ချူယောင်အပေါ်၌ လွန်စွာနွေးထွေးသလောက် သူ့အပေါ်တွင် အေးတိအေးစက်နိုင်လှသည်ဟု လုံချန်ထင်သည်။သစ်သားဓာတ်ပါသည့် သိုင်းသမားဖြစ်သည်တဲ့လား။၎င်းသည် မည်သည်ကိုဆိုလိုခြင်းဖြစ်သနည်း။လုံချန် နားမလည်ချေ။သို့သော် အနှီအမျိုးသမီး ထိုစကားကိုပြောချိန်တွင် အခြားအကြီးအကဲများအားလုံးသည် သက်မကိုယ်စီ ချလိုက်ကြလေသည်။
"ညီမလေး ဒါက အစွမ်းရှိတဲ့ သစ်သားအပိုင်းအစလေး တစ်ခုပဲ ညီမလေးရဲ့ ချီဓာတ်ကို ဒီထဲထည့်လိုက်"
ခပ်ချောချောအမျိုးသမီးက နွယ်မျှင်လေးတစ်မျှင်အား ချူယောင်ကို ပေးရာ ချူယောင်က နားမလည်နိုင်ဟန်ဖြင့်ယူရသည်။အခြားအကြီးအကဲများကလည်း သူမကို နီးနီးကပ်ကပ် ကြည့်နေကြသောကြောင့်ချူယောင်က အနည်းငယ် ကြောက်လန့်နေ၏။
"မကြောက်နဲ့ အကိုရှိတယ် သူ ပြောတဲ့အတိုင်းလုပ်ကြည့်လိုက်" လုံချန်က သူမကို ညင်သာစွာနှစ်သိမ့်ရသည်။လုံချန်၏ စကားကို ကြားမှ ချူယောင်စိတ်အေးသွားသည်။သူမသည် မျက်လုံးများကိုမှိတ်၍ စိတ်ကို အတတ်နိုင်ဆုံး ဖြေလျှော့ထားလိုက်သည်။ထို့နောက် ဒန်တမ်ထဲမှ ချီစွမ်းအင်များကိုသစ်နွယ်လေးထဲသို့ ခပ်ဖြေးဖြေးထည့်သည်။
တင်္ဂ ကြာလျှင် လုံချန်နှင့် အကြီးအကဲများမှာ ချူယောင်ကို ကြည့်၍ အံ့အားသင့်ကြရသည်။မူလတွင်ငုတ်တိုလေးဖြစ်နေသည့် နွယ်လေးသည် အကိုင်းအခက်များ ထွက်လာကာ တစ်တည်းသော အကိုင်းတစ်ခုတွင် ပန်းပွင့်လေးတစ်ပွင့် ပွင့်လာလေသည်။ထိုပန်းပွင့်လေးကို မြင်လျှင် ခပ်ချောချောအမျိုးသမီး၏ နှုတ်ခမ်းထက်၌ ကျေနပ်သော အပြုံးရိပ် တစ်ခုပေါ်လာ၏။သူမ ထင်ထားသည့်အတိုင်းပင်။
သူမသည် ချူယောင်ကို စတွေ့စဉ်ကပင် သစ်သားဓာတ်ပါသည့် သိုင်းသမား တစ်ဦးဖြစ်မည်ဟုရိပ်မိနေခဲ့သည်။ချူယောင်၏ သစ်သားစွမ်းအားသည် မည်မျှ အစွမ်းထက်သည်ကိုသာ သူမမသိခြင်းဖြစ်၏။နွယ်ပင်၌ ပွင့်နေသည့် ပန်းကလေး ကို ကြည့်လျှင် ချူယောင် သည် သစ်သားဓာတ်နှင့် ပတ်သတ်သည့် သိုင်းကျင့်စဉ်ကို ကျင့်ကြံ့နိုင်မည်ဖြစ်ကြောင်းထင်ရှား၏။သစ်သားဓာတ်ပါသော သိုင်းသမားများမှာ တစ်သန်းတွင် တစ်ယောက်၊ လွန်စွာရှားပါးလှသည်။
ခပ်ချောချောအမျိုးသမီးသည် သူမ၏ဂိုဏ်းသို့ ပြန်ရန် စဉ်းစားနေချိန်မှာပင် ချူယောင်၏လက်ထဲမှနွယ်ပင်လေးတွင် ဒုတိယ ပန်းလေးတစ်ပွင့် ပွင့်လာပြန်၏။ခပ်ချောချော အမျိုးသမီး မျက်လုံးပြူးသွားသည်။သို့ရာတွင် ထိုမျှနှင့်ရပ်မသွားပဲ တတိယ ပန်းတစ်ပွင့် ထပ်ပွင့်လာပြန်၏။
"အဟမ်း ကောင်းပြီ ညီမလေးရဲ့ ပါရမီက မဆိုးဘူး စွမ်းအားတွေ အကုန်မခံနဲ့တော့" ခပ်ချောချောအမျိုးသမီးသည် ချူယောင်၏ လက်ကို ဂရုတစိုက်ဖြင့် ဆွဲယူလိုက်သည်။
"မမ..ကျွန်မ မပင်ပန်းသေးပါဘူး ဆက်လုပ်လို့ရသေးတယ်....."
"ညီမလေး ဆက်လုပ်လို့ရသေးတာကို မမသိတယ် ဒါပေမယ့် ညီမလေးအတွက်ဒါက ပထမဆုံးအကြိမ်ဆိုတော့ စွမ်းအင်တွေကို ဒီလောက်မသုံးရဘူး"
"ဟုတ်ကဲ့ပါမမ" ချုယောင်က သူမစကားကို နားထောင်လိုက်သည်။
"ညီမလေးက သိပ်ချစ်ဖို့ကောင်းတာပဲ မမနာမည်က ဟွာယု တဲ့ နောက်ဆိုရင် မမဟွာလို့ပဲခေါ်ပေါ့ ညီမလေးကချစ်ဖို့ကောင်းတော့ ဂိုဏ်းကလူတွေသိပ်ချစ်ကြမှာပဲ" ဟွာယုသည် အတော်ပင်ကျေနပ်လျှက်ရှိရာ သူမကို ကြည့်ရသည်မှာ ရှိရင်းစွဲ အသက်ထက်ပင်ပို၍ ငယ်သွားသကဲ့သို့ထင်ရလေသည်။
"ဂုဏ်ယူပါတယ် အကြီးအကဲဟွာ အကြီးအကဲရဲ့ ဂိုဏ်းကတော့ နောက်တစ်ခါထပ်ပြီး အင်အားကြီးလာဦးတော့မှာပဲ" တုဖုန်းက ၀မ်းသာစကားဆိုသည်။
တုဖုန်းနှင့်ဟွာယုသည် လွန်စွာရင်းနှီးဟန်ရှိပြီး ကောင်းကင်နန်းတော်ကိုလည်းကောင်းကောင်းသိဟန်တူသည်။ဂိုဏ်းများအနေဖြင့် ဂိုဏ်းသားလက်ခံရာတွင် စိန်ခေါ်မှုများဖြင့် အလွန်အမင်းရင်ဆိုင်ရလေ့ရှိကာ ဂိုဏ်းသားအသစ်တစ်ယောက် ဂိုဏ်းထဲသို့အောင်မြင်စွာရောက်လာပြီဆိုလျှင်လည်း သားအရင်းကဲ့သို့ပင် တန်ဖိုးထားတတ်ကြလေသည်။
"ဟီးဟီး ကျေးဇူးတင်ပါတယ်ရှင်" ဟွာယုမှာ မူလအတိုင်းတည်တည်ငြိမ်ငြိမ်ဖြစ်နေသည်ဟုထင်ရသော်လည်း သူမ၏ စိတ်လှုပ်ရှားမှုများကိုကား ကွယ်ဝှက်မထားနိုင်ပါချေ။
"မမ ကျွန်မ လုံချန်နဲ့ မခွဲနိုင်ဘူး..." ချူယောင်က လုံချန်ကိုကြည့်သည်။
"အိုက်ယား အရူးမလေး ရွှမ်ရှင်း ကျောင်းတော်နဲ့ ကောင်းကင်နန်းတော်က နီးနီးလေးရယ်ကြားမှာ တောင်တစ်လုံးပဲခြားတယ် ခဲနဲ့လှမ်းပေါက်တောင် ထိတယ်...ညီမလေးတို့အချင်းချင်းဆန္ဒရှိတဲ့အခါ တွေ့လို့ရသားပဲ" ဟွာယုက ပြုံးသည်။
"တစ်ကယ်လား" ချူယောင်က မေးသည်။
"တစ်ကယ်ပေါ့ရှင်...မမက ညီမလေးကိုလိမ်မလား မမကို မယုံဘူးဆိုရင် ဒီအကြီးအကဲတွေကိုမေးကြည့်လေ ကျွန်မပြောတာ ဟုတ်တယ်မလား အကြီးအကဲတို့" ရှောင်ဟွာက မေးသည်။
"ဟုတ်တယ် အမှန်ပါပဲ ကြားမှာ တောင်တစ်လုံးပဲခြားတယ်" အကြီးအကဲတစ်ယောက်က အလေးအနက်အမူအယာဖြင့်ပြောသည်။
"အမှန်ပဲ ကျောက်ခဲနဲ့ ပစ်ရင်တောင်ထိတယ်" အခြားအကြီးအကဲတစ်ယောက်ကလည်း ဖြည့်စွက်ပြော၏။သို့သော် မည်သည့်အတွက်ကြောင့်ရယ်မသိ။၎င်းတို့ကြားတွင် တစ်ခုခု ထူးဆန်းနေသကဲ့သို့လုံချန်ခံစားရသည်။လုံချန်သည် တစ်ခုခုပြောတော့မည်ပြင်လျှင် ခပ်ချောချော အမျိုးသမီးသည် သူ့ထံလျှောက်လာ၏။ထို့နောက် သူမသည် လုံချန်၏ လက်မောင်းတစ်ဖက်ကို ကိုင်၍ အလွန်ဖော်ရွေဟန်ဖြင့် ပြောသည်။
"လုံချန်...ညီမလေးကို အကောင်းဆုံးဖြစ်စေချင်ရင် ကောင်းကင်နန်းတော် ဂိုဏ်းကို ထည့်လိုက်ပါ"
"စီနီယာ..."
"ဘာစီနီယာတုန်း....ကျုပ်ကို မမလို့ပဲခေါ်စမ်းပါ စီနီယာဆိုလို့ခေါ်တာကိုနားထောင်ရတာ အသက်တော်တော်ကြီးသွားသလိုခံစားရတယ်"
ထို့နောက် သူမသည် အသံကိုနှိမ့်၍ လုံချန်နှင့်သူမ နှစ်ကိုယ် ကြားရုံလေသံဖြင့်ပြောလေသည်။
"ကောင်လေး ငါပြောတာကိုလက်မခံရင် မင်းကို ငါ အရှက်ခွဲမှာနော်"
လုံချန်ပါးစပ်ပြဲသွားသည်။ထို့နောက် တင်္ဂ သူတိတ်ဆိတ်သွား၏။
"လုံချန် ... ချူယောင်ဟာ ကောင်းကင်နန်းတော်ဂိုဏ်းမျိုးနဲ့ သာ သင့်တော်တယ် ဒီလိုမှမဟုတ်ရင်ဒီလောက်အဖိုးတန်တဲ့ပါရမီရှင်တစ်ယောက် က အလကားဖြစ်သွားလိမ့်မယ်"
နောက်ဆုံး၌ တုဖုန်းမှာ မနေသာ။ဝင်၍ ပြောရတော့သည်။
"ကောင်းပြီလေ တောင်တစ်လုံးပဲခြားတယ်ဆိုတော့လည်း ကျွန်တော်တို့ ဆန္ဒရှိတဲ့အခါ တွေ့လို့ရတာပဲ" လုံချန်က ပြုံးသည်။
ထိုအခါမှသာ ဟွာယု သည် လုံချန်၏လက်မောင်းကိုလွှတ်ကာ တဟားဟား ရယ်၏။
"မောင်လေးက စိတ်ထားမြင့်မြတ်လိုက်တာ....ဒါမှ ယောကျာ်းကောင်းလို့ ခေါ်ထိုက်တာ မောင်လေးရဲ့"
သူမသည် ထိုသို့ချီမွမ်းပြီးနောက်လုံချန်အား 'ကောင်လေး မင်းက ငတုံးတစ်ယောက်တော့မဟုတ်ဘူးပဲ' ဟူသည့်အကြည့်မျိုးဖြင့်လှမ်းကြည့်လိုက်သေးသည်။လုံချန် မည်သို့ပြောရမည်မသိဖြစ်နေသည်။အဆင့်မြင့်သိုင်းသမားကြီးများ၏ ဦးဏှောက်သည် တစ်ခုခုပင်ဖြစ်နေကြသည်လား။ထိုသို့မဟုတ်လျှင်အနှီအဆင့်မြင့် သိုင်းသမားကြီးတို့၏ တွေးတောပုံအား သာမာန်လူများကပင် လိုက်မမှီနိုင်ကြခြင်းပေလား။သူလည်း မပြောတတ်ပါချေ။
နောက်ဆုံးတွင် လုံချန်နှင့် လူကြမ်းလေးတို့က ရွှမ်ရှင်း ကျောင်းတော်သို့ ဂိုဏ်းသားအဖြစ်ဝင်ရောက်ရန် ဆုံးဖြတ်လိုက်ကြသကဲ့သို့ ချူယောင်ကလည်း ကောင်းကင်နန်းတော်ဂိုဏ်းသို့ ဟွာယုနှင့်အတူ လိုက်ပါသွားမည်ဖြစ်သည်။သူတို့အဖွဲ့သည် မှော်ကျောက်တုံးမိုင်း၏ အကျိုးအမြတ်ခွဲဝေရေးကိစ္စ ၀ိစ္စများ ပြီးပြတ်ချိန် ရက် အနည်းငယ်အတွင်း မိမိတို့ ဂိုဏ်းအသီးသီးတို့ပြန်ကြမည်ဖြစ်သည်။
လုံချန် က ချူယောင်နှင့်အတူ ပြန်တော့မည့် အချိန်တွင် ခပ်ချောချောအမျိုးသမီးသည် သူ့ကိုနောက်တစ်ကြိမ်ထပ်ကြည့်ပြီး ပြုံး၍ သတိပေးသည်။
"ကောင်လေး ချူယောင်က ရှန်ရှင်း အဆင့်ကို မရောက်မချင်း လုံးဝသန့်စင်တဲ့ အပျိုဖြစ်နေရမှာနော်မင်းတစ်ခုခု လုပ်လို့ကတော့ မင်း..ဟာကို ဖြတ်ပြီး ခွေးစာကျွေးပစ်မယ်"
လုံချန် နောက်တစ်ကြိမ်ထပ်၍ ပါးစပ်ပြဲသွားပြန်ပါ၏။
MK AUNG

စာရေးဆရာ၏ ကြိုးစားအားထုတ်မှုကို တစ်ဖက်တစ်လမ်းမှ တတ်နိုင် သ လောက်လေး ကူညီချင်သည်ဆိုပါက Telenor

09793864311 နှင့် MPT 09421123207 သို့ဆက်သွယ်၍

စေတနာ ရှိသ လောက် PH BILL လေးများ လျူဒါန်း နိုင်ပါသည် ခင်ဗျာ