Nine Star Hegemon Body Arts(ဆေးသိဒ္ဓိရှင်)

မိုးကောင်ကင်ကို အံတုခြင်း သိုင်းကွက် ပြန်လည် ပေါ် ပေါက်ခြင်း

Nine Star Hegemon Body Artဆေးသိဒ္ဓိရှင်အခန်း(၁၀၇)မိုးကောင်းကင်အား အံတုခြင်း သိုင်းကွက် ပြန်လည်ပေါ်ပေါက်လာခြင်း
ဝတ်ရုံဖြူသည် လုံချန်၏ တိုက်ခိုက်မှုကိုရှောင်တိမ်းလိုက်နိုင်သော်လည်း ကြောက်မက်ဖွယ်ရာလေလှိုင်းကြီး၏ ရိုက်ခတ်မှုကြောင့် စည်းနှောင်ထားသော ဆံပင်များပြတ်ထွက်ကုန်၏။သူ့၏ နဖူးမှ သွေးစီးကြောင်းတစ်ခုစီးလာသည်။ဝတ်ရုံဖြူ ဒဏ်ရာရသွားချေပြီ။
"သောက်ကြွား မင်းပြောသလိုလည်း ဖြစ်မလာပါလား မလောက်လေးမလောက်စား ကောင်လေးတစ်ယောက်ရဲ့တိုက်ခိုက်မှုကိုတောင် မခံနိုင်ပါလား" လုံချန်က ဓားဖြင့်ညွှန်ပြရင်း ၀တ်ရုံဖြူကို အေးစက်စွာပြောသည်။
အလင်းစက်ကွင်း နှိုးလိုက်ပြီးသည့်နောက်တွင် သူ့၏ ခွန်အားသည် ယခင်ကထက် အဆပေါင်းများစွာတိုးတက်သွားခဲ့၏။တစ်ချိန်တည်းတွင် ပတ်ဝန်းကျင်မှ ချီစွမ်းအင်များကိုအငမ်းမရစုပ်ယူလေရာ ကုန်ဆုံးသွားသည့်စွမ်းအင်များက 80 ရာခိုင်နှုန်းထိ ပြန်ပြည့်လာခဲ့လေသည်။
သို့သော် ပတ်ဝန်းကျင်တွင် ချီဓာတ်သည် အားသိပ်မကောင်းသည်ဖြစ်ရာ 100 ရာခိုင်နှုန်းထိရောက်အောင်စုပ်ယူနိုင်ခြင်းမရှိပေ။ထိုသို့ဖြစ်သည့်တိုင်အောင် လုံချန်က အားရကျေနပ်မိသည်။အလင်းစက်ကွင်းအကြောင်းကို သူ သိပ်နားမလည်။သို့သော် ထိုစက်ကွင်းကို အသက်သွင်းလျှင် သူ့၏ခွန်အားမှာမူလ ထက်အဆပေါင်းများစွာတိုးတက်သွားသည်ကိုတော့ သိသည်။
ပုံမှန်အခြေအနေဆိုလျှင် အလင်းစက်ကွင်းကို လုံချန် အသက်သွင်းလိမ့်မည်မဟုတ်ချေ။ဤကဲ့သို့ သေရေး ရှင်ရေးအခြေအနေကြုံရမှသာ သူက အသက်သွင်းခြင်းဖြစ်၏။သူ့နောက်ကျောမှ အလင်းစက်ကွင်းသည် သက်တန့် တစ်စင်းကဲ့သို့ ကောင်းကင်သို့ ဘီကုပ်စက်ဝိုင်း ပုံစံဖြင့် ထိုးတက်နေသည်။ဝတ်ရုံဖြူ မည်မျှအစွမ်းထက်သည်ကို လူတိုင်းမြင်ဖူးထားကြပြီ။လုံရှင်းရှောင်ကဲ့သို့ သိုင်းသမားတစ်ယောက်ကိုပင် တစ်ချက်တည်းဖြင့် လွင့်သွားအောင်တိုက်ခိုက်နိုင်သူဖြစ်လေသည်။
သို့သော် ယခုတော့ လုံချန်၏တိုက်ခိုက်မှုကြောင့် ၀တ်ရုံဖြူမှာ နောက်သို့လွင့်သွားကာ နဖူးတွင် ဒဏ်ရာပင်ရသွားချေပြီ။အခြေအနေကား များစွာ အံ့အားသင့်စရာကောင်းနေသည်။
"အကိုလုံက အရမ်းအစွမ်းထက်တာပဲ" ဖက်တီးယု က တံတွေးကို ဂလုကနဲမြိုပြီးပြော၏။ခန္ဓာကိုယ်ပေါ်ကဒဏ်ရာ ဒဏ်ချက်များကို သူ ခဏ မေ့သွားသည်။လုံရှင်းရှောင်လည်း သူ့သား ကို အံ့သြဟန်ဖြင့်ကြည့်သည်။လုံချန်၏ လက်ရှိခွန်အားသည် ၀တ်ရုံဖြူထက် ဘယ်လိုမှ မနိမ့်ချေ။
"ဘာတွေဖြစ်ကုန်တာလည်း .. ဒါ...ဒါ...ဘာသိုင်းပညာလည်း" ၀တ်ရုံဖြူသည် ၎င်း၏ ဒဏ်ရာကိုပင် မေ့သွားဟန်ရှိပြီး ကြက်သေသေနေသည်။လုံချန်၏ ခန္ဓာကိုယ်မှ များစွာကြောက်မက်ဖွယ်ကောင်းသော အရောင်အ၀ါ တစ်မျိုးလာနေသည်ကို သူခံစားမိနေသည်လေ။ဤအချက်သည် မည်သို့မှ မဖြစ်နိုင်။သိုင်းလောက၏ အပြင်ဘက် ဤသို့သော ဇနပုဒ် ဒေသတွင် မည်သို့လျှင် ပါရမီရှင်တစ်ဦးရှိနေနိုင်မည်နည်း။
သွေးနှောအဆင့်သာ ရှိသေးသည့် သာမာန်သိုင်းသမားလေးတစ်ယောက်သည် ဤမျှ ကြောက်မက်ဖွယ်ကောင်းလွန်းသည့် စွမ်းအားကို ပိုင်ဆိုင်ထားသည် ဆိုသည်အချက်သည် ၀တ်ရုံဖြူအဖို့ လုံးဝလက်မခံနိုင်စရာဖြစ်နေသည်။
"ဘယ်လို ... မလောက်လေး မလောက်စား ကောင်ရဲ့ သိုင်းပညာကို မင်းက စိတ်ဝင်စားတယ်ပေါ့"
လုံချန်က အေးစက်စက်လေသံဖြင့်ရယ်သည်။ဝတ်ရုံဖြူက မထီမဲ့မြင်ဟန်ဖြင့်....
"ရေတွင်းထဲက ဖားသူငယ်လေး မင်းဟာမင်း လျှိ့ဝှက်သိုင်းပညာတစ်ရပ် ရှိပါစေဦးတော့ ဘာဖြစ်လည်းဒီ သိုင်းပညာကို မင်း ဘယ်လောက်ကြာကြာ သုံးနိုင်မှာလည်း ကံကြမ္မာလက်ကနေ မင်း ပြေးမလွတ်နိုင်ပါဘူး သေပေတော့"
ဝတ်ရုံဖြူ၏ ဓားသည် တစ်ဆတ်ဆတ်တုန်ခါလာပြီး ထောင်ပေါင်များစွာသော ဓားပုံရိပ်များထွက်လာကာလုံချန်ကို ပိုင်းချလိုက်လေသည်။လုံချန်က သူ့ဓားကို မြှောက်ပြီး ပိုင်းချလာသည့် ၀တ်ရုံဖြူ၏ ဓားအားထန်ကနဲ ခံပေးလိုက်သည်။အလွန်ကျယ်လောင်သည့် ပေါက်ကွဲသံကြီးကြောင့် ကမ္ဘာမြေကြီးသည်တစ်သိမ့်သိမ့်တုန်လာ၏။ကျောက်တုံး အစအန များ လွင့်ထွက်ကုန်ရာ အချို့ကျောက်တုံးများသည် အတော်ဝေးဝေးသို့တိုင်အောင် ရောက်သွားကြလေသည်။
ကံဆိုးသူ တစ်ယောက်မှာမူ လွင့်ထွက်လာသော တစ်ခုသော ကျောက်တုံးစသည် သူ့ကိုလာမှန်လေူသည်။သို့ရာတွင် ကျောက်တုံးသည် သူ့၏ ပေါင်ကိုဖောက်ထွင်း၍ အရှိန်မသေသေးပဲ နောက်သို့ထပ်လွင့်သွာပြန်၏။လူအများမှာ နောက်သို့ကမန်းကတန်း ဆုတ်ကြရ၏။မည်သူမှ နောက်ထပ် ကံဆိုးသူ မောင်ရှင် မဖြစ်လိုကြပေ။
သူတို့နှစ်ယောက် တိုက်ခိုက်နေကြသည့် တိုက်ပွဲမြေပြင်မှ မိုင်အတော်ဝေးဝေးတွင် ဆရာကြီးယွမ်ချီနှင့် ဝေချိုင်တို့တိုက်ခိုက်နေကြ၏။မီးတောက်များက တစ်လိပ်လိပ်ဖြင့် ကောင်းကင်သို့တက်နေကြသည်။ဆေးဆရာများသည် မည်မျှ ကြောက်မက်ဖွယ်ကောင်းကြောင်း လူထုအဖို့ ယခုအချိန်မှ မျက်မြင်ကိုယ်တွေ့မြင်ဖူးကြခြင်းဖြစ်လေသည်။ဤမျှ အချိန်ကြာအောင်တိုက်ခိုက်နေလင့်ကစား ၎င်းတို့၏ မီးတောက်များသည် ယုတ်လျှော့ ကျဆင်းသွားသည်ဟူ၍ မရှိပေ။
မည်သို့ဆိုစေ ဆေးဆရာများသည် ဆေးဖော်သည့်အချိန်တွင် မီးတောက်များကို အချိန်ကြာမြင့်စွာအသုံးပြုကြရသည်။တစ်ခါတစ်ရံတွင် ရက်ချီပြီးတောင် ကြာလေသည်။ထို့ကြောင့် ဆေးမီးတောက်သည် ဆေးဆရာများအတွက် အရေးကြီးသော အခြေခံ အုတ်မြစ်တစ်ခု ဖြစ်ပြီးလျှင် တိုက်ခိုက်သည့်နေရာတွင်လည်း အလွန်ကြာလေ၏။
အခြားတစ်ဖက်တွင် လုံချန်နှင့် ၀တ်ရုံဖြူ တို့၏ တိုက်ပွဲက တစ်ဖြည်းဖြည်း ပို၍ ကြောက်စရာကောင်းလာ၏။ချီလှိုင်းများက တစ်ချိန်လုံးလိုလို အရပ်လေးမျက်နှာသို့ ရိုက်ခတ်လျှက်ရှိသည်။
"လုံချန် က တော်တော်အစွမ်းထက်တာပဲ"
တစ်ချို့ လူများမှာ အံ့သြမှုကို မမြိုသိပ်နိုင်ကြတော့ပဲ ပါးစပ်မှပင် ထုတ်ပြောရလေသည်။အမှိုက်ဟု သူတို့ သတ်မှတ်ထားသည့် ကောင်လေးသည် ယခုဆိုလျှင် ကျင်ကျီသိုင်းသမားများကို တစ်ယောက်ပြီးတစ်ယောက် အနိုင်ယူလာသည်မှာ အဆိုပါကျင်ကျီ သိုင်းသမား များထဲမှ တစ်ယောက်ဆိုလျှင် တိုင်းပြည် တစ်ပြည်၏ မင်းတစ်ပါးပင် ဖြစ်နေပါ၏။ထို့ပြင် အလွန်အစွမ်းထက်သည့် ၀တ်ရုံဖြူကိုပင် လက်ရည်တူ တိုက်ခိုက်နိုင်နေသည်။
လုံချန်အား လေးစား အားကျ ကြသည့် လူငယ်လေး အချို့မှာမူ စိတ်ဓာတ်တက်ကြွ မှုကြောင့် လက်သီးကို ကျစ်ကျစ်ပါအောင် ဆုပ်ထားလေသည်။
အုန်း....
နောက်ထပ်တစ်ကြိမ် တိုက်ခိုက်မှုအပြီး၌ နှစ်ယောက်စလုံးနောက်သို့ မီတာသုံးဆယ်ခန့် ဆုတ်လိုက်ကြ၏။၎င်းတို့နှစ်ယောက် တိုက်ခိုက်ကြသည့် ကြား၌ ရှိသော မြေပြင်သည် မှုန့်မှုန့်ညက်ညက် ကြေနေသည်။အက်ကြောင်း ကြီးများသည် မြေပြင် အနှံ့ မမြင်ချင်မှ အဆုံးဖြစ်နေ၏။
"မလောက်လေး မလောက်စား ကောင်လေးရဲ့ အစွမ်းက ဘယ်လိုလည်း" လုံချန်ကလှောင်၏။
သူတို့နှစ်ယောက် တိုက်ခိုက်နေသည်မှာ သိုင်းကွက်တစ်ထောင်ခန့်ရှိပြီဖြစ်သည်။သူ့စွမ်းအင်သည် တစ်ဖြည်းဖြည်း ကျဆင်းလာပြီဖြစ်မှန်းလုံချန် ကောင်းကောင်းသိနေပါသည်။အလင်းစက်ကွင်း၏အစွမ်းဖြင့်ပင် စွမ်းအင်သည် မလုံလောက်တော့ပေ။ဤသို့ဖြစ်ရခြင်း က သူ့၏ အလင်းစက်ကွင်းသည် အစွမ်းမထက်ခြင်းကြောင့်မဟုတ်ပဲ ပတ်ဝန်းကျင်၌ ရှိသော ချီဓာတ်မှာလွန်စွာ ပါးလျှား သွားလေရာ လုံလောက်အောင် မစုပ်ယူနိုင်တော့ခြင်းကြောင့်သာဖြစ်လေသည်။ပြီးလျှင် လုံချန်၏ စွမ်းအင်ပြန်ပြည့်နှုန်းသည်လည်း အကန့်အသတ်ဖြင့်ရှိနေ၏။
"ခွေးကောင်" ယခုအခါတွင် ၀တ်ရုံဖြူ၏ တည်တည်ငြိမ်ငြိမ် ပုံစံမှာ ပျောက်ဆုံးသွားပြီဖြစ်သည်။သူ့၏အဆိုးရွားဆုံး အိမ်မက်တွင်ပင် ဤလောက၌ လုံချန်ကဲ့သို့ အစွမ်းထက်သူ တစ်ယောက်ရှိနေလိမ့်မည်ဟူ၍ မမက်ဖူးခဲ့ပေ။ဤအချက်ကား သူ့အား သိပ်ကို ဒေါသထွက်စေသည်။တစ်နည်းအားဖြင့် မနာလိုခြင်းကြောင့်ဖြစ်သည့် ဒေါသဖြစ်လေသည်။
ဝတ်ရုံဖြူ၏ နဖူးမှ အလင်းတန်းတစ်ခုထွက်လာကာ ဓားအပေါ်သို့ ကျရောက်လျှင် သူ့၏ ဓားသည်တစ်လက်လက်ဖြင့်တောက်ပလာသည်။ဓားရှည်ကြီးသည် အသက်ဝင်လာဘိသကဲ့သို့ရှိကာ တစ်ချွင်ချွင်မြည်သံပေးလျှက် အလင်းတန်းများ တစ်ဖြတ်ဖြတ် ပြေးနေလေသည်။ထို့နောက် ထိုဓားမှအလင်းတန်းသည် လုံချန်ထံသို့ ရှီး ကနဲ ပြေးဝင်လာလေ၏။
"အလင်းဓား" အလင်းတန်းသည် လျှက်ပြက်သကဲ့သို့ လုံချန်ထံ ရောက်လာ၏။မျက်စိတစ်မှိတ်ခန့်သာကြာပေမည်။လုံချန်သတိထားမိသည့်အချိန်တွင် အလင်းတန်းသည် သူ့ခန္ဓာကိုယ်ပေါ်သို့ ရောက်နေချေပြီ။သူ အတော်ကြောက်သွားမိ၏။လွန်စွာမြန်ဆန်သည့် တိုက်ခိုက်မှုမျိုးဖြင့် ယခုတစ်ကြိမ်သာသူကြုံဖူးသေးသည်။
ဝုန်း.....
လူအများ၏ ကြောက်လန့်တစ်ကြား အော်သံများထွက်လာသည်။အဖြစ်အပျက်သည် သိပ်ကိုမြန်ဆန်လွန်းလှသည်။ဝတ်ရုံဖြူ တိုက်ခိုက်ပြီဟု လူများသိသည့်အချိန်တွင် ၀တ်ရုံဖြူက တိုက်ခိုက်ပြီးသားဖြစ်နေပြီဖြစ်သည်။ဓားအလင်းတန်းက လုံချန် တစ်ကိုယ်လုံးကို လွှမ်းခြုံထားသည်။ထိုသိုင်းကွက်ဖြင့် တိုက်ခိုက်အပြီးတွင် ၀တ်ရုံဖြူ မျက်နှာသည် ဖြူဖျော့သွား၏။ယင်းတိုက်ကွက်သည် သူ့၏ နောက်ဆုံးတိုက်ကွက်လည်းဖြစ်သည်။
ယင်းမှာလွန်စွာ မြန်ဆန်လှသောကြောင့် တစ်ဖက်ရန်သူအဖို့ မိမိကိုယ်ကို ကာကွယ်ရန်အချိန်ပင်မရှိချေ။သူသည် ဤတိုက်ကွက်ဖြင့်ပင် ဂိုဏ်းမှ ဂိုဏ်းသားအချို့ကို အနိုင်ယူခဲ့ဖူးသည်။သို့သော် ဤတိုက်ကွက်ဖြင့် တိုက်ခိုက်ရာ၌ စွမ်းအင်ကုန်ဆုံးမှုသည် လွန်စွာများ၏။သူ့လို လူပင် မခံနိုင်လောက်သည့်ပမာဏဖြစ်သည်။သို့သော် လုံချန်ကို သတ်နိုင်လျှင် တန်သည် ဟု သူက ယူဆသည်။လုံချန် ရပ်နေသည့် နေရာတွင် ဧရာမ အက်ကွဲကြောင်းကြီး တစ်ခုဖြစ်ကျန်ရစ်သည်။
ဝတ်ရုံဖြူ စိတ်အေးလက်အေး ဖြစ်သွားစဉ်မှာပင် ရုတ်တရက် မျက်လုံးပြန်ပြူးသွား၏။မြေကြီးများဖွာကနဲဖြစ်ကာ မြေကြီးထဲမှ လူတစ်ယောက်ပျံ တက်လာသည်။
"လုံချန်"
လုံချန် တစ်ကိုယ်လုံး ဖုန်များ၊အမှိုက်များဖြင့် ပေရေနေ၏။သူ့ရင်ဘတ်တွင် ဧရာမ သွေးကွက်ကြီးတစ်ကွက်ရှိနေသည်။သူ့ပုံစံက အတော်လေးဆိုးဆိုးရွားရွားဖြစ်နေသည့်တိုင်အောင် သေတော့မသေသေးပေ။
"ဒါ..ဘယ်လိုဖြစ်နိုင်မှာလည်း" ၀တ်ရုံဖြူက လုံချန်ကို မယုံနိုင်ဟန်ဖြင့်ကြည့်သည်။လုံချန်သည် သူ့၏အပြင်းထန်ဆုံးတိုက်ကွက် ကို တောင့်ခံနိုင်သည်ဆိုခြင်းကို သူက လက်မခံနိုင်ပေ။လုံချန်က ဖုန်များ၊သဲများကို လက်ဖြင့် ပုတ်၍ ခါသည်။စိတ်ထဲ၌ သူ ကြောက်နေမိ၏။ဝတ်ရုံဖြူ၏ တိုက်ခိုက်မှုသည် များစွာကြောက်မက်ဖွယ်ကောင်းသည်။ဝတ်ရုံဖြူ၏ တိုက်ခိုက်မှုကို သူက ဓားဖြင့်ကာထားသကဲ့သို့ သူ့၏ ခန္ဓာကိုယ်ကိုလည်းချီစွမ်းအင်ဖြင့်သာ မကားထားလိုက်နိုင်ပါမူ သူသည် တစ်ခါတည်းသေသွားပြီဖြစ်လေသည်။
သူ့၏ စူးရှလှသည့် စိတ္တစွမ်းအင်သည် သူ့အသက်ကို နောက်တစ်ကြိမ်ထပ်မံ ကယ်တင်ပြန်လေပြီ။သို့သော် ယင်းသို့ ကာထားလိုက်နိုင်သည့်တိုင် အင်အားသည် မသေးလှသည်ဖြစ်ရာ လုံချန်သည် သွေးများသုံးကြိမ်ခန့် တစ်ဝေါ့ဝေါ့ ထိုးအန်လေသည်။
လုံချန် အသက်ပြင်းပြင်းရှုသည်။ထို့နောက်သူသည် ဓားကို ကောင်ကင်ထက်သို့မြှောက်၏။လုံချန် ဤသို့ပြုလုပ်နေချိန်တွင် ကမ္ဘာကြီးတစ်ခုလုံး ရပ်တန့်သွားသည်ဟုထင်ရသည်။ပတ်ဝန်းကျင်သည် အပ်ကျသံပင် ကြားရလောက်အောင် တိတ်ဆိတ်သွားသည်။သူကိုင်ထားသည့် ဓားရှည်ကြီးထက်၌ ထူးဆန်းသောမျဉ်းကြောင်းများပေါ်လာ၏။ရုတ်ချည်းဆိုသလိုပင် တော်လည်း သံကြီးမြည်ဟည်း၍ လေဟာနယ်သည် လှိုင်းများ တစ်ဖြတ်ဖြတ်ထလာသည်။
အဆုံးအစမဲ့ဟု ထင်ရသည့် ချီဓာတ်များသည် ကောင်းကင်ထက် တိမ်များထိ ရောက်အောင် တစ်ရွှီးရွှီးမြည်သံပေး၍ တက်သွားလေသည်။ဝတ်ရုံဖြူ မှာ ဟန်မဆောင်နိုင်လောက်အောင်မျက်နှာပျက်သွား၏။မြင်ကွင်းကိုကြည့်၍ သူသည် ကြောက်မက်ဖွယ်ကောင်းသည့် အရောင်အ၀ါများကြားတွင် ပိတ်မိသွားပြီဟု သဘောပေါက်လေသည်။လုံချန်ဆိုသည်မှာ သွေးနှောအဆင့်သာ ရှိသေးသည့် သိုင်းသမားတစ်ယောက်ဖြစ်သည်။ကျင်ကျီသိုင်းသမား တစ်ယောက်ကို အရောင်အ၀ါ သုံး၍ ပိတ်မထား နိုင်တန်ရာ။သိုင်းပညာ တစ်မျိုးမျိုး ကို အသုံးပြုခြင်းသာဖြစ်ပေမည်။
"မဖြစ်နိုင်ဘူး ဘယ်လိုမှ မဖြစ်နိုင်ဘူး" ၀တ်ရုံဖြူက အလန့်တစ်ကြားဖြင့်အော်သည်။သွေးနှောသိုင်းသမားတစ်ယောက်အဖို့ ကျင်ကျီ သိုင်းသမားတစ်ယောက်အား ကိုယ်ရောင်၊ကိုယ်ဝါ ကို အသုံးပြု၍ ပိတ်ထားမည်ဆိုလျှင် အနည်းဆုံး အလယ်အဆင့် သို့ ထိုထက်ပို၍ အဆင့်မြင့်သည့် မြေကမ္ဘာသိုင်းပညာ လိုသည်။
သို့သော် သာမာန်လူသားတို့လောကတွင် ရှိသည့် မြေကမ္ဘာသိုင်းကျမ်းများမှာ ၎င်းတို့ ဂိုဏ်းများ၏ မျက်အမြင်တွင် အမှိုက်ဟု မြင်ကြသော အညံ့စားများသာဖြစ်၏။ဂိုဏ်းများမှာမူ အကောင်းတကာ့ အကောင်းဆုံး မြေကမ္ဘာသိုင်းကျမ်းများ ရှိကြသည်ဖြစ်ရာ ၎င်းတို့၏ သိုင်းပညာအဆင့်သည် သာမာန်ကျင်ကျီသိုင်းသမားများ နှင့် မိုးနှင့်မြေကဲ့သို့ ကွာခြားနေခြင်းဖြစ်လေသည်။
သို့သော် သူကဲ့သို့ ဂိုဏ်းဝင် တစ်ယောက်ပင်လျှင် အလယ်အဆင့် မြေကမ္ဘာသိုင်းကျမ်းကို သင်ကြားခွင့်မရချေ။ဘာမှ မဟုတ်သည့် ဤ လောကမှ လူများက မည်သို့လျှင် ထိုသို့အဆင့်မြင့် သိုင်းကျမ်းမျိုး ကိုအသုံးပြုနိုင်မည်နည်း။ဤအရာသည် မဖြစ်နိုင်ဟု ၀တ်ရုံဖြူ သိသော်ငြား ကြောက်မက်ဖွယ်ရာ အရောင်အ၀ါက သူ့အား တစ်နေရာထဲတွင် ပိတ်ထားခြင်းကိုကြည့်လျှင် သူထင်သည်မှာ မမှားနိုင်ချေ။သူသည် ရူးချင်သလိုပင် ဖြစ်လာပါ၏။
ဝတ်ရုံဖြူက လုံချန်၏ တိုက်ခိုက်မှုကို ခုခံရန် ချီစွမ်းအင်များကို လှည့်ပတ်ထားလိုက်သည်။လုံချန်သည်သူ့အား အရောင်အ၀ါ(သို့)အော်ရာများဖြင့် တစ်နေရာထဲ၌ ချုပ်ထားသည်ဖြစ်ရာ ရှောင်ရန် မဖြစ်နိုင်တော့ပေ။လိပ်ခွံ ကြီးတစ်ခုသည် ၀တ်ရုံဖြူ၏လက်ထဲတွင် ပေါ်လာသည်။ယင်းလိပ်ခွံမှာ နှင်းကဲ့သို့ စွတ်စွတ်ဖြူသော အရောင်ရှိကာ ကျောက်စိမ်းတုံး တစ်တုံးနှင့်လည်းတူသည်။လွန်စွာထူးခြားသည့် မျဉ်းကြောင်းများက လိပ်ခွံပေါ်၌ ပေါ်နေသည်။
လုံချန်၏ ကိုယ်မှ ကြောက်မက်ဖွယ်ရာ အော်ရာများ ထွက်လာနေသည်ကို သိသည်ဖြစ်ရာ လုံရှင်းရှောင်ရင်ခုန်သံများ မြန်လာသည်။
"ကြောက်ဖို့ကောင်းလိုက်တဲ့ အော်ရာ ပါလား"
လုံချန်ကိုင်ထားသည့် ဓားသည့် ရုတ်တရက် တစ်ဇီဇီ မြည်သံများထွက်လာသည်။
"မိုးကောင်းကင်ကို အံတုခြင်း"
လုံချန်၏ ဓားသည် မိုးခြိမ်းသံကဲ့သို့ ဂျိမ်းကနဲ မြည်သံကြီးပေး၍ ၀တ်ရုံဖြူထံပြေးဝင်သွား၏။
ချစ်ခြင်းများစွာဖြင့်....
MK AUNG

စာရေးဆရာ၏ ကြိုးစားအားထုတ်မှုကို တစ်ဖက်တစ်လမ်းမှ တတ်နိုင် သ လောက်လေး ကူညီချင်သည်ဆိုပါက Telenor

09793864311 နှင့် MPT 09421123207 သို့ဆက်သွယ်၍

စေတနာ ရှိသ လောက် PH BILL လေးများ လျူဒါန်း နိုင်ပါသည် ခင်ဗျာ