Nine Star Hegemon Body Art
ဆေးသိဒ္ဓိရှင်
အခန်း(၁၂၁)မီးတောက်ရေပုတ်သင်
ညဥ့်အမှောင်၌ အလင်းရောင်သည် မီးအိမ်တစ်ခုမှ ထွက်လာသကဲ့သို့ဖြစ်နေသည်။ပထမတွင် ယင်းအလင်းရောင်သည် ကြယ်ရောင်ဖြစ်နိုင်သည်ဟု လုံချန်က ယူဆသည်ဖြစ်ရာ သိပ်ဂရုမစိုက်မိပေ။သို့သော် ထိုအလင်းရောင်မှာ မီးတောက်တစ်ခု ဖြစ်မှန်း ယခုမှ လုံချန်နားလည်သွားခြင်းဖြစ်သည်။မြင်မြင်သမျှ သဲများဖြင့်သာ ပြည့်နှက်နေသော အရပ်၌ မီးကိုမြင်ရသည်မှာ သာမာန်တော့ လုံးဝမဟုတ်ချေ။သို့သော် ထိုနေရာသည် သူ့အတွက်လုံခြုံ မှု အတန်အသင့်ရှိနိုင်သည်ဟု သူ့၏ စိတ်က ပြောနေပြန်သည်။
အကယ်၍ သူ တစ်ယောက်တည်းသာ ဤ ကင်းမြီးကောက်များနှင့် ရင်ဆိုင်ရလျှင် ပြဿနာသိပ်မရှိလှ။ကင်းမြီးကောက်များကို မနိုင်လျှင်တောင် သူ့ကိုယ်သူ ဆေးမီးတောက်ဖြင့်ကာကွယ်၍ လွတ်အောင်ပြေးနိုင်သေးသည်။သို့ရာ၌ နှင်းပွင့်လေးမှာမူ ထိုသို့မဟုတ်ချေ။နှင်းပွင့်လေးသည် တတိယ အဆင့် ကြက်သွေးမီးတောက် မှော်သားရဲဖြစ်၍ လေနှင့်မီးကို ထိန်းချုပ်နိုင်သည့် စွမ်းအားသည် မွေးစဉ်ကပင် ပါလာသည့်တိုင် သူသည် ယခုအခါတွင် ဒုတိယအဆင့် မှော်သားရဲသာဖြစ်ပြီး အရွယ်မရောက်သေးချေ။သူ့တွင် လေဓားကဲ့သို့သော မွေးရာပါ စွမ်းအားမျိုးပါလာသော်လည်း ယင်းကို ထိန်းချုပ်ရာ၌ မသေမသပ်ဖြစ်နေသေးသည်။
ကြက်သွေးရောင်မီးတောက် နှင်းဝံပုလွေသည် တတိယအဆင့်သို့ရောက်မှသာလျှင် ၎င်း၏ စွမ်းအားကိုအပြည့်အ၀အသုံးချနိုင်မည်ဖြစ်သည်။၎င်းတို့တွင် မီးစွမ်းအင်နိုးထလာသည့်အခါ၌ မီးဓာတ်နှင့် လေဓာတ်ပေါင်းစပ်ကာ ၎င်းတို့အား တတိယအဆင့်မှော်သားရဲများတွင် ထိပ်တန်းအဆင့်မှော်သားရဲများအဖြစ်သို့ရောက်သွားစေသည်။ယင်းကဲ့သို့ တတိယအဆင့် မရောက်သေးခင်တွင် နှင်းပွင့်လေးအနေဖြင့် မီးအပူရှိန်ကို အနည်းငယ်သာ ခံနိုင်ဦးမည်ဖြစ်ကာ လုံချန်၏ ဆေးမီးတောက်ကဲ့သို့ အလွန်ပြင်းထန်သည့် မီးတောက်မျိုးကိုမူ ခံနိုင်ရည်လုံးဝရှိမည်မဟုတ်ပေ။သို့ဖြစ်၍ နှင်းပွင့်လေးမှာ သူ့၏ မဟာအားနည်းချက်ကြီးဖြစ်လာရလေသည်။
"နှင်းပွင့်လေး အဲ့ဒိအလင်းရောင်ရှိတဲ့ဘက်ကိုဦးတည်ပြီးပြေး" လုံချန်နောက်သို့ လှည့်ကြည့်လိုက်ချိန်တွင်ကင်းမှီးကောက်အုပ်ကြီးမှာ သူတို့ နှင့်မီတာသုံးရာခန့်အကွာသို့ရောက်နေပြီကို တွေ့ရသည်။ကင်းမြီးကောက်များ၏ ပိုင်နက်ဖြစ်သော ဤကန္တာရတွင် နှင်းပွင့်လေး၏ ပြေးနှုန်းသည် များစွာကျဆင်းလျှက်ရှိသည်။သူတို့နှစ်ယောက်မှာမုဆိုးများလက်မှ အသက်လုပြေးနေရသော သားကောင်များပမာဖြစ်နေ၏။လုံချန် လက်ကိုဆန့်ထုတ်လိုက်သည်။ဆေးမီးတောက်သည် သူ့၏ ခန္ဓာကိုယ်တွင် လည်ပတ်နေရာမှ လက်ဖ၀ါးထဲသို့ မီးလုံးတစ်လုံးအဖြစ်ရောက်လာ၏။
ဤသို့ပြုလုပ်ခြင်းသည် သိုင်းပညာကို အသုံးချခြင်းမဟုတ်။ရိုးရိုးမီးတောက်ကိုအသုံးပြုခြင်းသာဖြစ်သည်။လုံချန် ထိုသို့ မီးတောက်ကို သိုင်းပညာကဲ့သို့ အသုံးချခြင်းအား အခြားဆေးပညာရှင်များသာ မြင်ပါမူသေချာပေါက်လေးစားကြမည်ဖြစ်၏။သာမာန် ဆေးပညာရှင်များသာ မီးကို ဤကဲ့သို့အသုံးချလျှင်ကိုယ့်သေတွင်း ကိုယ်တူးသကဲ့သို့ဖြစ်ပေမည်။၎င်းတို့အနေဖြင့် အမြူတေ တေဇောကို အသုံးပြုလျှင်ပင် ဤကဲ့သို့ အသုံးမချနိုင်ကြချေ။
မီးတွင်မျက်စိမရှိ။ဆေးပညာရှင်များအဆက်ဆက် တပည့်များအား ယင်းသို့ သင်ကြားပေးခဲ့ကြလေသည်။သာမာန် အဆင့်သုံးဆေးပညာရှင်တစ်ယောက်၊တစ်နည်းအားဖြင့် ဆေးဆရာတစ်ဦးသည် နောက်တစ်ဆင့်သို့ တက်ရန်အတွက် မီးတောက်တစ်မျိုးမျိုးကို ၎င်း၏ ဇီဝတေဇော အဖြစ်သို့ သန့်စင်ထားရန်လိုသည်။
ထိုသို့သန့်စင်ထားသည့်မီးတောက်ကို အမြူတေ တေဇောဟု ခေါ်၏။သည်မီးတောက်သည် ပြင်ပ ရူပ ခန္ဓာကို သန့်စင်ပေးရန်လိုသည်သာမက အရူပ ခန္ဓာဖြစ်သော ၀ိဥာဉ်ကိုပါ သန့်စင်ပေးရန်လိုသည်။ယင်းသို့ သန့်စင်ရင်းဖြင့် ခန္ဓာနှစ်ပါး ပြီးပြည့်စုံစွာ ပေါင်းစပ်သွားသည့်အခါတွင် ဆေးဘုရင်အဆင့်သို့တက်လှမ်းနိုင်မည်ဖြစ်သည်။
ဆရာကြီးယွမ်ချီ၊ဝေချိုင်နှင့် ၀မ်လုရန် တို့ သုံးယောက်စလုံးမှာ ဆေးပညာရှင်တွေချည်းသာ ဖြစ်လင့်ကစား ဆရာကြီးယွမ်ချီတစ်ယောက်တွင်သာ အမြူတေ တေဇောရှိ၏။ယင်းသို့ ဖြစ်ရခြင်းမှာ ဆရာကြီးယွမ်ချီ၏ ပါရမီသည် ၎င်းတို့ထက်ပို၍ ကောင်းခြင်းကြောင့်ဟုတ်ပဲ အနာဂါတ်အတွက် ကြိုတင်ပြင်ထားခဲ့ခြင်းကြောင့်သာဖြစ်သည်။ဆရာကြီးယွမ်ချီ အနေနှင့် အနာဂါတ်တွင် အထူးကောင်းမွန်းသည့် မီးတောက်တစ်မျိုးကို ရှာတွေ့ချင်မှ ရှာတွေ့နိုင်မည်ဟု စဉ်းစားထားခဲ့ခြင်းကြောင့် သူ့၏ မီးတောက်ကို အမြူတေတေဇောအဖြစ်သို့ အသွင်ပြောင်းထားခဲ့လေသည်။
ဝေချိုင် နှင့် ၀မ်လုရန် တို့နှစ်ယောက်မှာမူ အခြားသော ဆေးပညာရှင်များကဲ့သို့ ယင်းသို့ပြောင်းလည်းထားရန် မလိုလားပေ။အဘယ့်ကြောင့်ဆိုသော် အမြူတေ တေဇောမှာ ၎င်းတို့ အနာဂါတ်အတွက်လွန်စွာအရေးကြီးခြင်းကြောင့်ဖြစ်သည်။သင့်တော်သည့် ဆေးမီးတောက် တစ်ခုခုကို ရှာမတွေ့လျှင် အမြူတေ တေဇောအဖြစ်သို့ ပြောင်းရန် သူတို့အတွက် မလွယ်ချေ။
ဆေးပညာရှင်အများစုမှာ ဘိစ်မီးတောက်များကိုသာ ၎င်းတို့၏ ဆေးမီးတောက်အဖြစ် ရွေးချယ်ကြ၏။မီးတောက်ပိုင်ရှင် သားရဲမှာ အဆင့်မြင့်လေလေ မီးတောက်သည် ပို၍ အစွမ်းထက်လေလေပင်ဖြစ်သည်။ဆေးပညာရှင်များ၏ မီးတောက်ထုတ်လွှတ်နိုင်စွမ်းကို ပို၍ ထက်မြက်အောင် လုပ်ပေးနိုင်သည့် ထိပ်တန်း ဘိစ်မီးတောက် အမျိုးအစားများလည်းရှိသေးရာ ၎င်းတို့အား အဆင့်များ အမျိုးမျိုးခွဲ၍ သတ်မှတ်ထားကြလေသည်။သို့သော် ယွမ်ချီ၊ဝေချိုင် နှင့် အခြားဆေးပညာရှင်များ၌ ရှိသော ဘိစ်မီးတောက်များမှာမူ ထိပ်တန်းအဆင့်မီးတောက်များတွင် မပါဝင်ကြချေ။
ဝေချိုင် နှင့် ၀မ်လုရန်တို့မှာ ထိပ်တန်းအဆင့်မ၀င်သော ဘိစ်မီးတောက်များအား ၎င်းတို့၏ အမြူတေမီးတောက်အဖြစ်သို့ ပြောင်းလည်းရန် ဆန္ဒမရှိကြချေ။အကယ်၍ ထိုသို့ ထိပ်တန်းမီးတောက်မျိုးကို ၎င်းတို့ ရခဲ့သည် ရှိသော် ၎င်းတို့၏ အနာဂါတ်မှာ အလားအလာ လွန်စွာကောင်းသွားပြီဖြစ်သည်။
သို့သော် ကံဆိုးစွာဖြင့် သူတို့နှစ်ဦး၏ အိပ်မက်သည် ဆရာကြီးယွမ်ချီကြောင့်ပျက်ဆီးခဲ့ရသည်။အကယ်၍ သူတို့ နှစ်ယောက်သာ အမြူတေ တေဇောကို သန့်စင်ပြီးသား ဖြစ်နေပါမူ သေဆုံးသွားသူသည် ဆရာကြီးယွမ်ချီဖြစ်သွားလိမ့် မည်ဖြစ်သည်။
သို့ရာတွင် ဆရာကြီးယွမ်ချီ ကဲ့သို့ အမြူတေ တေဇောကို သန့်စင်ပြီးသား သူ တစ်ယောက်ပင် ဆေးမီးတောက်ကို ယင်းကဲ့သို့ ဖိနှိပ်၍ သိုင်းပညာအဖြစ် အသုံးမချရဲပေ။ဤသို့ အသုံးချန်ရန်မှာ မီးတောက်ကို နိုင်နင်းကျွမ်းကျင်စွာ ထိန်းချုပ်နိုင်ရန်လိုသည်။မီးတောက်များမှာ မူလကပင် လောင်းကျွမ်းတတ်သည့်သတ္တိရှိရာ ၎င်းတို့အား ဖိနှိပ်လျှင် ပေါက်ကွဲမည်သာဖြစ်သည်။
ချွတ်ချော် တိမ်းစောင်းမှု အနည်းငယ်ဖြစ်လျှင် ဘာမှ မကျန်အောင် လောင်မြိုက်ဝါးမြိုသွားမည်ဖြစ်သည်။သို့သော် ဆေးနတ်ဘုရား၏ မှတ်ဥာဏ်များရရှိထားသော လုံချန်အတွက်မှာမူ အခြားသူများနှင့် မတူချေ။ထို့ပြင် တောစောင့်နတ်၏ ကူညီမှုကြောင့် ချီလမ်းကြောင်းများ ကျယ်လာသည်ကိုပါ ထပ် ပေါင်းလျှင် အခြားသူများအတွက် ဓားသွားပေါ်၌ လမ်းလျှောက်ရသကဲ့သို့ ဖြစ်သော အလုပ်သည် သူ့အတွက် ကလေးကစားစရာ ကဲ့သို့ဖြစ်နေလေသည်။
ကင်းမြီးကောက်အုပ်၏ အလယ်သို့ လုံချန်က မီးလုံးကြီးတစ်လုံး ပစ်လွှတ်လိုက်၏။မီးရှုးမီးပန်း များ ပေါက်ကွဲသကဲ့သို့ ပေါက်ကွဲသံကြီး ထွက်လာကာ ကင်းမြီးကောက်အုပ်ကို မီးများက ၀ါမြိုသွားလေသည်။ကင်းမြီးကောက်အုပ်ထံမှ နားမခံသာစရာ အော်သံများထွက်လာပြီး မီးများစွဲလျှက် အဝေးသို့ ပြေးကြလေသည်။
"ဆေးမီးတောက်ရဲ့ ပြင်းအားက အဆင့်အတော်နိမ့်သေးတာပဲ" လုံချန် သက်ပြင်းချလိုက်သည်။သူပိုင်ဆိုင်ထားသည့် ဘိစ်မီးတောက်သည် ဆေးများ သန့်စင်ရာတွင် အတော်အသင့်ကောင်းမွန်သည့်တိုင်အောင် တိုက်ခိုက်ရာ၌ လွန်စွာအဆင့်နိမ့်နေသေး၏။အထူးသဖြင့် ဤသို့သော မှော်သားရဲကြီးများနှင့်တိုက်ခိုက်ရာတွင် အတော်ပင် သိသာသည်။အကယ်၍ သူသည် ထို မှော်သားရဲကြီးများကို ဒဏ်ရာရအောင် တိုက်ခိုက်လိုလျှင် ဆေးမီးတောက်များကို အကုန်စုစည်းအသုံးပြုရမည်ဖြစ်သည်။
သို့ရာ၌ ဆေးမီးတောက်ကို အသုံးပြုရာဝယ် အကန့်အသတ်ရှိနေ၏။ထို့ကြောင့် သူ့အနေနှင့် ဆေးမီးတောက်ကို အသုံးပြု၍ အများဆုံး တစ်ကြိမ်သာ တိုက်ခိုက်နိုင်မည်ဖြစ်သည်။သို့သော် ယခုအချိန်တွင်လုံချန်၏ တိုက်ခိုက်မှုသည် ကင်းမြီးကောက်အုပ် အား အနိုင်ယူရန်မဟုတ်။ယခု သူ့၏ တိုက်ခိုက်မှုကြောင့် ကင်းမြီးကောက်များမှာ များစွာကြောက်လန့်သွားသည်ဖြစ်ရာ ယင်းတို့၏ ပြေးနှုန်းမှာလည်းသိသိသာသာ ကျသွားသည်။
ကင်းမြီးကောက်အုပ်သည် လုံချန်တို့အား ပြန်မီလာလျှင် လုံချန်က မီးလုံးဖြင့် ပစ်ပြန်ရာ နောက်သို့ပြန်ဆုတ်ပြေးကြပြန်သည်။ဤသို့ဖြင့် ကင်းမြီးကောက်အုပ်မှာ လုံချန်တို့ကို မီလာလိုက် လုံချန်က မီးလုံးဖြင့်ပစ်၍ နောက်သို့ဆုတ်လိုက် ဖြင့် သူတို့နှစ်ယောက်ကို မမီအောင်ရှိနေလေ၏။
သို့သော် လုံချန် အံ့အားသင့်မိတာတစ်ခုရှိသည်။သူ လှမ်းမြင်နေရသည့် အလင်းရောင်လေးမှာ တစ်နာရီခန့် ကြာအောင် ခရီးနှင်လာသည့်တိုင် အနည်းငယ်သာပိုထင်ရှားလာသည်မှ လွဲ၍ ထင်ထင်ရှားရှားမမြင်ရသေးချေ။ကင်းမြီးကောက်များမှာမူ အစာမကြေဟန်ဖြင့် သူတို့နှစ်ယောက် နောက်မှ တောက်လျှောက်လိုက်လျှက်ရှိသည်။သို့သော် လုံချန်ပစ်လွှတ်သည့် မီးလုံးသည် သူ့၏ ဆေးမီးတောက်ကို များစွာ မကုန်ခမ်းစေသောကြောင့် သူ့အနေဖြင့် အချိန်ကြာမြင့်စွာ ဆက်တိုက်ပစ်လွှတ်နိုင်လေသည်။
မြင်ကွင်းသည် ထူးဆန်းနေသည်။ညဥ့်အမှောင်ယံဝယ် လုံချန်နှင့် နှင်းပွင့်လေးမှာ ဝေးကွာသောအရပ်တစ်ခုမှ လာသော အလင်းရောင်လေးစီသို့ ဦးတည်၍ ပြေးနေကြသည်။၎င်းတို့နှစ်ယောက်၏ နောက်တွင် မူ ဧရာမ ကင်းမြီးကောက်ကြီးများသည် ထပ်ကြပ်မကွာလိုက်လျှက်ရှိ၏။မကြာခဏ ဆိုသလိုပင်မီးရူး၊မီးပန်း ကဲ့သို့ မီးလုံးကြီးများကြောင့်လည်း ပိန်းပိတ်အောင် မှောင်လျှက်ရှိသည့် ကန္တာရသည် ၀င်းကနဲ၊ထိန်ကနဲ ဖြစ်သွားတတ်ပြန်သည်။
တစ်ညခန့် ပြေးပြီး နောက် ကောင်းကင်တွင် အလင်းရောင်မြင်စပြုလာ၏။နောက်ဆုံးတွင် မီးအလင်းရောင် ထွက်ပေါ်လာရာ အရပ်ကို လုံချန်ရောက်သွားသည်။ထိုနေရာမှာ တောင်ကုန်း ကလေးတစ်ခုဖြစ်၏။တောင်ကုန်းသည် သိပ်မကြီးလှ။ပေသုံးရာ ခန့်သာရှိမည်။ထို့ပြင် တောင်ကုန်းသည် ပြောင်ရှင်းနေပြီး သုဿန် တစပြင် ကဲ့သို့ထင်ရသည်။ယင်း တောင်ကုန်းကလေး၏ ထိပ်တွင် ဂူကလေးတစ်ဂူလည်းရှိရာ အလင်းရောင်သည် ထိုဂူကလေးထဲမှ လာခြင်းဖြစ်သည်။
တောင်ကုန်းကလေး ပေါ်သို့ လုံချန် အပြေးတက်လျှင် ပြင်းထန်သော အပူရှိန်၏ ရိုက်ခတ်မှုကို ခံစားလိုက်ရသည်။အပူရှိန်သည် လွန်စွာ ပြင်းထန်လှရာ အနီးပတ်ဝန်းကျင်မှ လေထုသည် ပင် လောင်ကျွမ်းတော့မယောင်ထင်ရသည်။ဂူ၏ အပေါက်ဝသို့ သူရောက်လျှင် ဂူထဲ၌ မီးတောက်များ လောင်ကျွမ်းလျှက်ရှိသည်ကို မြင်ရသည်။
ဤမျှဝေးလံသည့် နေရာထိရောက်အောင် သူတို့နှစ်ယောက်နောက်မှ ထပ်ကြပ်မကွာ လိုက်လာသည်ကိုကြည့်လျှင် ကင်းမြီးကောက်များသည် ဤဒေသအား လွန်စွာကျွမ်းကျင်ပုံရ၏။တောင်ကုန်းကလေးပေါ်သို့ လုံချန်တက်သွားသည်ကို မြင်သည်တွင် ကင်းမြီးကောက်များမှာ ရှေ့ဆက်မလိုက်ကြတော့ပဲထိုနေရာတစ်ဝိုက်တွင်သာ လှည့်ပတ်နေကြလေသည်။
ကင်းမြီးကောက်များ မလိုက်တော့လျှင် လုံချန်လည်း ပြေးနေရာမှ ရပ်လိုက်၏။အဘယ့်ကြောင့်ဆိုသော်နှင်းပွင့်လေးမှာ အပူရှိန်၏ ရိုက်ခတ်မှုအား စတင်ခံစား နေရသည်ကိုမြင်သော ကြောင့်ဖြစ်သည်။သို့သော် နှင်းပွင့်လေးမှာ ကြက်သွေးမီးတောက် နှင်းဝံပုလွေ တစ်ကောင်ပင်ဖြစ်ရာ သူ့တွင် မီးတောက်စွမ်းအင်မရှိသေးသော်လည်း အပူဒဏ်ကို အခြား မှော်သားရဲများထက် များစွာပို၍ ခံနိုင်လေသည်။
ကင်းမြီးကောက်များမှာ ခဏ ရပ်တန့်နေကြပြီး လက်လျှော့လိုက်ဟန်ဖြင့် ၎င်းတို့၏ ပိုင်နက်နယ်မြေသို့ ရုတ်ချည်း ပြန်လှည့်သွားကြတော့သည်။ထိုအခါမှ လုံချန်လည်း အနည်းငယ် စိတ်သက်သာရာရသည်။အနည်းဆုံးတော့ ရက်စက်၊ကြမ်းကြုတ်သည့် အဆိပ်ပြင်း ကင်းမြီးကောက်များထံမှ သူတို့နှစ်ယောက် အသက်ရှင်ရက် လွတ်မြောက်လာကြသည်။သို့သော် ထိုသို့ခွေးပြေး ၀က်ပြေး ပြေးလာရခြင်းအတွက်မူ လုံချန် အနည်းငယ် စိတ်ဓာတ်ကျသည်။
သို့ရာတွင် သူထိုသို့ တွေးသလိုပင် သိုင်းပညာဆိုသည်မှာလည်း ယင်းကဲ့သို့သာဖြစ်သည်။ရန်သူများသည် သူတို့ ကျွမ်းကျင်သည့် နယ်ပယ်တွင်သာ သူနှင့် အမြဲတစေ တိုက်ခိုက်နေမည်မဟုတ်ပေ။အကယ်၍ သူသည် ပို၍ အစွမ်းထက်လိုလျှင် သူ့၏ အားနည်းချက်များကို လျှော့ချ ယုံသာရှိလေသည်။
တစ်ခုခုမှားနေပြီဟု လုံချန် ရုတ်တရက်နားလည်လိုက်၏။ကင်းမြီးကောက်ကြီးများ ပြန်ပြေးသွားကြသည့် အလျှင်သည် သူနှင့် နှင်းပွင့်လေး တို့နောက်ကို လိုက်တုန်းကထက်ပင် များစွာ မြန်နေသည်။ကြည့်ရသည်မှာ ဤနယ်မြေတွင် တစ်စက္ကန့်ပင် မနေလိုသည့်ပုံစံဖြစ်နေ၏။လုံချန် စိတ်ထဲ ထိတ်ကနဲဖြစ်သွား၏။ခေါင်းကို နောက်သို့လှည့်ကြည့်လိုက်၏။
မည်သည့်အတွက်ကြောင့်မှန်းမသိ။ဂူထဲမှ အလင်းရောင်ကလေးမှာ ပျောက်ကွယ်သွားချေပြီ။အကြောင်းမှာ အလွန်ကြီးမားသည့် အကောင်ကြီးတစ်ကောင်သည် ကိုးပေ ခန့်ရှိသည့် ဂူဝကို ခန္ဓာကိုယ်ကြီးဖြင့် ပိတ်၍ ရပ်နေသောကြောင့်ဖြစ်သည်။ထိုအကောင်ကြီး၏ ဦးခေါင်းတွင် မီးအိမ်နှစ်ခုကဲ့သို့ ဧရာမ မျက်လုံးကြီးများရှိပြီး သူနှင့် နှင်းပွင့်လေးကို မျက်စိမလွှဲတမ်း စိုက်ကြည့်ထားလေသည်။
"မီးတောက် ရေပုတ်သင်" လုံချန် အလန့်တကြား အော်မိ၏။
မီးတောက်ရေပုတ်သင် သည် အလွန်၊အင်မတန်ရှားပါသည့် မီးဓာတ်ပိုင်ဆိုင်သော မှော်သားရဲဖြစ်၏။၎င်း၏ ခန္ဓာကိုယ်မှာ အိမ်မြှောင်တစ်ကောင်နှင့် တူပြီး မီးဓာတ်အား စုပ်ယူစားသုံးခြင်းဖြင့်အသက်ရှင်သန်ရသည်။အရွယ်ရောက်လျှင် ၎င်းသည် အဆင့်သုံးမှော်သားရဲ အဖြစ်သို့ပြောင်းသွားလေသည်။
ကင်းမြီးကောက်များ အဘယ့်ကြောင့် ခွေးပြေးဝက်ပြေး ပြေးသွားကြမှန်းလုံချန် ယခုမှပင်နားလည်သည်။မီးတောက်ရေပုတ်သင်သည် ၎င်းတို့အလွန်အမင်းကြောက်သော အကောင်ဖြစ်သည်။
ဝုန်း...
မီးတောက်ရေပုတ်သင်မှာ ၎င်း၏ နယ်မြေကို လူစိမ်းတစ်ယောက် ကျူးကျော်လာခြင်းအား ဒေါသထွက်ဟန်ဖြင့် လုံချန်စီသို့ ပြေးဝင်လာသည်။ရေပုတ်သင် ဂူထဲက ထွက်လာမှ ၎င်း၏ ခန္ဓာကိုယ်ကို လုံချန်ကောင်းကောင်းမြင်ခွင့်ရ၏။၎င်း၏ ခန္ဓာကိုယ်မှာ ပေကိုးဆယ်ခန့်ရှည်ရာ သူနှင့်နှိုင်းယှည်လျှင် ဆင်နှင့်ဆိတ်ပမာဖြစ်နေသည်။
အူး....
နှင်းပွင့်လေးသည် မာန်ဖီ၍ တိုက်ခိုက်တော့မည်ပြင်လျှင် လုံချန်က ဘေးမှ ဆွဲထားရသည်။
"ဒီကောင်က ငါ့အတွက်ပဲ နှင်းပွင့်လေး မင်း နည်းနည်းနောက်ဆုတ်နေစမ်း"
လုံချန်သည် ရေပုတ်သင်ကို ကြည့်၍ အံ့သြလျှက်ရှိသလို စိတ်လှုပ်ရှားလျှက်လည်းရှိသည်။အဘယ့်ကြောင့်ဆိုသော် ရေပုတ်သင်ကဲ့သို့ ရှားပါးသည့် မီးဓာတ်မှော်သားရဲတွင် မီးအမြူတေရှိကို ရှိမည်ဖြစ် သောကြောင့်ပင်။
ဆေးဆရာအသင်းသို့ ၀င်ပြီးနောက်ပိုင်းတွင် ဆေးဆရာအသင်း၏ ဆေးကျမ်းများ၊မှတ်တမ်းများကိုလုံချန် ဖတ်ရှုလေ့လာခဲ့ရာ ဘိစ်မီးတောက်အဆင့်များ ဟု ခေါ်သည့် ကျမ်းတစ်စောင်ကိုလည်းတွေ့ခဲ့ရသည်။အကယ်၍ လုံချန် မှတ်မိသည်သာ မမှားလျှင် မီးတောက် ရေပုတ်သင်၏ မီးအမြူတေအဆင့်သည် 97 ဖြစ်သည်။ဆိုလိုသည်မှာ ၎င်းသည် လွန်စွာရှားပါးသည့် ရတနာဖြစ်သည်။
ဆရာကြီးယွမ်ချီ၊ဝေချိုင်နှင့် ၀မ်လုရန် ကဲ့သို့ ဆေးပညာရှင်ကြီးများသည် ၎င်းတို့၏ တစ်ဘ၀လုံး ဤသို့သော အရာမျိုးကို မမြင်၊မတွေ့ဖူးခဲ့ပဲ နေထိုင်သွားခဲ့ရသည်။ဤအရာကား ဆေးလမ်းစဉ်ကို ကျင့်ကြံလိုက်စားသူ တစ်ယောက်အား ရူးမတတ်ဖြစ်သွားအောင်ပင် ဆွဲဆောင်နိုင်သည့်အရာဖြစ်ချေရာ လုံချန်ကိုလည်း ထိုဆေးဆရာများထဲမှ ချန်လှပ်ခဲ့ရန်မသင့်တော်ပေ။
မီးတောက်ရေပုတ်သင်ထံမှ ထုတ်လွှတ်သောမီးတောက်သည်လွန်စွာပြင်းထန်လှရာ နှင်းပွင့်လေးအနေနှင့် တောင့်ခံနိုင်မည်မဟုတ်။ထို့ကြောင့် သူက နှင်းပွင့်လေးကို ခပ်ဝေးဝေးသို့ လွှတ်လိုက်ရခြင်းပင်။နှင်းပွင့်လေးသာ ရှိနေလျှင် သူသည် မီးတောက်ရေပုတ်သင်ကို စိတ်လွတ်ကိုယ်လွတ်တိုက်ခိုက်နိုင်လိမ့်မည်မဟုတ်ချေ။
နှင်းပွင့်လေးက နာခံစွာဖြင့် တစ်မိုင်ခန့်အကွာသို့ပြေးသွားသည်။ထိုစဉ် မီးတောက်ရေပုတ်သင်မှာ လုံချန်၏ အရှေ့သို့ရောက်လာပြီး ဧရာမပါးစပ်ကြီးကို ဖွင့်၍ ကိုက်ချလိုက်လေသည်။
"မင်းကများ" နံဟောင်လှသည့် အနံ့တစ်မျိုးရ၏။လုံချန်က မြေပြင်တွင် ခြေတစ်ချက်စောင့်၍ ခုန်လိုက်၏။မီးတောက်ရေပုတ်သင်မှာ သဲပြင်သို့သာ ဟပ်မိသွားလေသည်။လုံချန်က သူ၏ ညာလက်သီးဖြင့်လှမ်းထိုးရန်ပြင်၏။ယင်းသို့ ထိုးမိတော့မည့်အခိုက်၌ သူ့နောက်စေ့ဘက်မှ နေ၍ လေလှိုင်းကြီးတစ်ခုပြင်းထန်စွာ ရိုက်ခတ်လာသလို ထင်မိ၏။
ဝုန်း....
ဥက္ကာခဲ လာမှန်သလို လုံချန် ခံစားလိုက်ရသည်။တောင်ကုန်းကလေးအထက်သို့ သူ ချက်ချင်းလွင့်စင်သွား၏။ထိုအခါမှ တောင်ကုန်းကလေးသည် ကျောက်သားမှဖြစ်ပေါ်နေသော ကျောက်တောင်တစ်ခုဖြစ်မှန်း အံ့သြစွာဖြင့်သိရသည်။ကျောက်တောင်ဖြင့် တိုက်မိသဖြင့် ခေါင်းသည် မူးဝေနေ၏။မီးတောက်ရေပုတ်သင်က သူ့ကို အမြီးဖြင့်ရိုက်ချလိုက်မှန်း ယခုမှ နားလည်ရသည်။
တစ်ကိုယ်လုံးကိုက်ခဲ နေသလိုခံစားရ၏။အားက အတော်ကလေးပြင်းသည်။သာမာန်လူတစ်ယောက်ဆိုလျှင် အသားပြားဘ၀သို့ ပြောင်းသွားနိုင်လောက်ပေသည်။မီးတောက်ရေပုတ်သင်က မာန်ဖီသံပေး၍ ပြေးဝင်လာပြန်၏။လုံချန်က ဟမ့်ကနဲ အသံပြုကာ မြေပြင်သို့ခြေ တစ်ချက်စောင့်လိုက်၏။သူ၏ လက်ထဲတွင် အေးစက်စက် အရောင်တောက်နေသည့် ဓားရှည်တစ်လက်ရောက်လာသည်။
"လေခွဲဓား"
ချစ်ခြင်းများစွာဖြင့်
MK AUNG
စာရေးဆရာ၏ ကြိုးစားအားထုတ်မှုကို တစ်ဖက်တစ်လမ်းမှ တတ်နိုင် သ လောက်လေး ကူညီချင်သည်ဆိုပါက Telenor
09793864311 နှင့် MPT 09421123207 သို့ဆက်သွယ်၍
စေတနာ ရှိသ လောက် PH BILL လေးများ လျူဒါန်း နိုင်ပါသည် ခင်ဗျာ
YOU ARE READING
Nine Star Hegemon Body Arts(ဆေးသိဒ္ဓိရှင်)
Fantasyသူဟာဆေးနတ်ဘုရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးနတ်ဘုရားရဲ့ ၀ိညာဉ်တော် နှင့် သူ့ဝိညာဉ် ပေါင်းစပ်သွားခြင်းပေ လော။သိုင်းကျင့်လို့မရ အောင် ခန္ဓာကိုယ်ကို အဖျက် ဆီးခံလိုက်ရတဲ့ လုံချန်ဆိုတဲ့ အနိုင်ကျင့်ခံ လူရွယ်လေးတစ်ယောက်ရဲ့ဇာတ်လမ်းတစ်ပ...
