Nine Star Hegemon Body Art
ဆေးသိဒ္ဓိရှင်
အခန်း(၁၂၃)လောင်မီးကျလျှက်နတ်တို့စက်
သူတို့နှစ်ယောက်၏ရှေ့၌ စုစုပေါင်းဥလေးလုံးရှိနေ၏။ဥများ၏ အရွယ်အစားမှာလုံချန်၏ပုခုံးအရွယ်ခန့်ရှိပြီး ဥလေးလုံး အပေါ်၌ သွေးစက်များသွေးစက်များကိုလက်ဖြင့်စမ်းသပ်ကြည့်လိုက်သည်။ဥများမှ သွေးညှီနံ့အချို့ရနေ၏။သွေးများသည်လတ်လတ်ဆတ်ဆတ် ဖြင့်ရှိရာမခြောက်တတ်သေးပေ။လုံချန်ရင်များတစ်ဒုန်းးဒုန်းးခုန်လာ၏။မီးတောက်ရေပုတ်သင်ကား ဥ ဥပြီးကာစ၊အားအနည်းဆုံးအချိန်ဖြစ်နေခြင်းဖြစ်၏။သူ၏တိုက်ခိုက်နိုင်စွမ်းသည် မူလအခြေအနေထက်ထက်ဝက်ခန့်ပင် ရှိကောင်း မှ ရှိနိုင်လိမ့်မည်။
ထိုသို့တွေးမိလျှင် ကျော၌ ချွေးစေးများပင်ပြန်လာရသည်။သူသည် တတိယအဆင့်မှော်သားရဲများ၏ ကြောက်စရာကောင်းပုံကိုလျှော့တွက်မိခဲ့၏။မှော်သားရဲများမှာတတိယအဆင့်သို့ရောက်လျှင်လုံးဝ ပြောင်းလဲသွားကြ၏။သူတို့သည်သူတို့၏မွေးရာပါ တန်ခိုးစွမ်းအင်များကိုအသုံးချလာနိုင်ခြင်းကြောင့် တိုက်ခိုက်ရာတွင် လွန်စွာကြောက်စရာကောင်းလာလေသည်။လုံချန်မှာ တွေးလေ ကြက်သီးထလေဖြစ်နေသည်။အကယ်၍မီးတောက်ရေပုတ်သင်သာ အားအနည်းဆုံးအခြေအနေသို့ ရောက်မနေလျှင် ဤနေရာမှသူတို့နှစ်ယောက် အသက်ရှင်လျှက်ပင် ထွက်ပြေးလွတ်မြောက်ရန် မလွယ်ကူချေ။
"၀ု..၀ု" လုံချန် တစိမ့်စိမ့်တွေးနေစဉ်မှာပင်နှင်းပွင့်လေးမှာ ဥများကိုကိုက်ဝါးနေသည်။သို့သော် ဥသည်ကြီးလွန်းသဖြင့် နှင်းပွင့်လေး၏သွားများဖြင့်ဆိုလျှင် အားထည့်၍ကိုက်မရဖြစ်နေ၏။"ဟီးဟီး အသားမစားရတော့ ဥစားတာပေါ့ကွာ"လုံချန်က အသာအယာပြုံး၍ ဥတစ်လုံးကိုလက်သီးဖြင့်ထိုးခွဲလိုက်သည်။ဥပေါ်၌အက်ကြောင်းများထင်လာသည်။ဥသည် သံတစ်မျှမာကြောလင့်ကစားလွန်စွာလည်း ကြွပ်ဆတ်လေသည်။
ဥ၏အကာတစ်ခုကို လုံချန်က ဖဲ့လိုက်သည်နှင့်အထဲမှအရည်များစီးထွက်လာသည်။ထိုအကာရည်များကို နှင်းပွင့်လေးကအငမ်းမရသောက်မျိုနေ၏။မျက်စိတမှိတ်အတွင်းဥအတွင်းရှိ အကာအရည်များကို နှင်းပွင့်လေးကကုန်စင်အောင်သောက်ပစ်လိုက်သည်။ဥ၏ အကာအရည်များကို သောက်ပြီးပြီးခြင်းနှင်းပွင့်လေး၏ အရောင်အ၀ါသည် ပို၍တောက်ပလာခဲ့ရာ လုံချန်အံ့အားသင့်ရသည်။နှင်းပွင့်လေး သည်နောက်ထပ်တစ်ဆင့်သို့ ထပ်တက်သွားပြီဟူသည့်လက္ခဏာဖြစ်သည်။
ဥများသည် တတိယအဆင့်မှော်သားရဲကောင်၏ ဥများဖြစ်၏။ဆေးဆရာတို့လွန်စွာလိုချင်တပ်မက်ကြသည့်ရတနာများလည်ဖြစ်ချေသည်။သို့သော် သူက နီဒန်ကို ရပြီး ဖြစ်သောကြောင့်ဥများကို သိပ်စိတ်မ၀င်စားတော့။နှင်းပွင့်လေး၏ပြေးနှုန်းယခုထက်မြန်လာရန် လုံချန်ကမျော်လင့်နေသည်။နှင်းပွင့်လေးကအကာရည်များကို လျှင်မြန်စွာသောက်နေသည်ကို မြင်လျှင် လုံချန်သည်အခြားဥနှစ်လုံးကို ထပ်၍ ခွဲလိုက်သည်။နှင်းပွင့်လေးကား သူ့အားစိတ်မပျက်စေခဲ့ပေ။သူသည် ဥလေးလုံးစလုံးကုန်အောင်သောက်၏။ထို့နောက် ကြမ်းပြင်တွင် ချက်ချင်းလှဲ၍မျက်လုံးများ ပိတ်ထားလိုက်၏။သူ၏စွမ်းအင်များမှာ်စတင်၍ တရှိန်ထိုးတိုးပွားလာနေသည်ဖြစ်ရာခန္ဓာကိုယ်တွင်းကမောက်ကမများဖြစ်နေလေသည်။
"နောက်တဆင့်ကိုများ တက်သွားပြီလား"လုံချန်ပျော်သွားသည်။နှင်းပွင့်လေးသည်တတိယအဆင့်မှော်သားရဲဖြစ်၍အထူးသဖြင့်မျိုးရိုးအလွန်သန့်သည်။ထို့ပြင်တောစောင့်နတ်မင်းတိုက်ကျွေးခဲ့သည့်ဆေးကြောင့် နာမ်ဝိညာဉ်လည်း နိုးထလာခဲ့ရာ သူ့၏တိုးတက်မှုမှာလွန်စွာလျှင်မြန်နေတော့သည်။ဥလေးလုံး၌စွမ်းအင်အမြောက်အများပါဝင်သည်။ယခုအခါ၌ မီးတောက်ရေပုတ်သင်၏ ဥလေးလုံးမှ စွမ်းအင်များကို နှင်းပွင့်လေး၏ ခန္ဓာကိုယ်က အငမ်းမရစုပ်ယူနေသည်။သူ၏ အရောင်အ၀ါက တောက်ပသည်ထက်ပို၍တောက်ပလာခဲ့သည်။လုံချန် ခေါင်းငြိမ့်လိုက်၏။
အကယ်၍ နှင်းပွင့်လေးသည်တတိယအဆင့်သို့ ရောက်လျှင် မီးရေပုတ်သင်ကိုကျိန်းသေပေါက်အနိုင်ယူတိုက်ခိုက်နိုင်သွားမည်ဖြစ်သည်။ထိုအချိန်၌တတိယအဆင့်မှော်သားရဲတစ်ကောင်ကို လုံချန်က ပိုင်ဆိုင်သွားပြီဖြစ်သည်။ထို့ပြင် ကြက်သွေးမီးတောက် နှင်းဝံပုလွေသည်တတိယအဆင့်မှော်သားရဲများ၌ ထိပ်တန်းအဆင့်မှော်သားရဲတစ်ကောင်ဖြစ်ရာ လုံချန်သည်စဉ်စားတွေးတော ရင်းဖြင့် များစွာစိတ်လှုပ်ရှားနေရသည်။မှော်သားရဲများအဖို့ အဆင့်တက်ရန် အချိန်တစ်ခုလိုမှန်းသူသိသည်။ထို့ကြောင့် သူသည် နှင်းပွင့်လေးကို ကာကွယ်ပေးထားရန်လိုသည်။ကံကောင်းစွာဖြင့် ဤနယ်မြေမှာမီးတောက်ရေပုတ်သင်၏နယ်မြေဖြစ်နေသောကြောင့် အခြားသားရဲများ ၀င်ထွက်သွားလာခြင်းမပြုဝံ့ကြ။ယခုအခါမှပင် လုံချန်က ဂူတစ်ခုလုံးသို့အနှံ့အပြားလိုက်ကြည့်ခွင့်ရ၏။
ဂူသည် အတွင်းပိုင်း၌ အတော်ကလေးကျယ်သည်ကို တွေ့ရသည်။ဂူကို အပြင်မှ ကြည့်လျှင် သံအိုးကြီးတစ်အိုးကိုအဖုံးဖုံးထားသကဲ့သို့ထင်ရသည်။ထိုသို့ဂူအနှံ့လိုက်ကြည့်ရင်း ဖြင့် ကျောက်ရည်ပူများဖြင့် ပြည့်နှက်နေသည့်ကန်တစ်ကန်ကိုတွေ့၏။ကန်ထဲ၌ ကျောက်ရည်ပူများက တစ်လိမ့်လိမ့်ဖြင့် လှိုင်းများထနေ၏။"ကျောက်ရည်ပူထဲ မှာ တစ်ခုခုတော့ရှိရမယ်"လွင်တီးခေါင် ကန္တာရ၀ယ် ဤမျှ ကြောက်မက်ဖွယ်ကောင်းသည့် ကျောက်ရည်ပူ ကန်တစ်ခုရှိနေကြောင်းမည်သူကစဉ်းစားမိပါမည်နည်း။သို့သော်ကင်းမြီးကောက်ကြီးများနှင့်မီးတောက်ရေပုတ်သင်ကြောင့် ထိုအချက်ကိုအပြင်ကမ္ဘာမှ မသိနိုင်ခြင်းလည်းဖြစ်နိုင်လေသည်။ထို့ပြင် သိုင်းသမားအများစုသည် ဤနယ်မြေအားလွင်တီးခေါင်ကြီး အဖြစ်ပင် သိထားကြလေရာမည်သူမျှဖြတ်သန်းသွားလာချင်စိတ်မရှိကြချေ။ထို့ကြောင့်ပင် ဤနေရာကို မည်သူမျှ မသိသေးခြင်းဖြစ်တန်ရာသည်။
သို့မဟုတ်လျှင်မီးတောက်ရေပုတ်သင် ရှိသည် ဆိုသည့်သတင်းကြားသည်နှင့်ပင်အခြားသောဆေးလမ်းစဉ် လိုက်စားသူများမှာသူ့ထက်အရင် အလုအယက်ရောက်လာကြမည်သာ။ထိုသို့ဖြစ်လျှင် သူလည်းဘာမျှရတော့မည်မဟုတ်ပေ။ကန်သည်မီတာသုံးဆယ်ခန့်ကျယ်ပြီး ကျောက်ရည်ပူများသည် လှိုင်းလုံးများကဲ့သို့တလိမ့်လိမ့်ဖြင့် ကန် နံဘေး ဘောင်များကိုရိုက်ခတ်လျှက်ရှိသည်။အပူလှိုင်းများမှာကျောက်ရည်ပူများမှ တစ်ဆင့်တရှိန်ရှိန်ထွက်လျှက်ရှိ၏။လုံချန်ကမိမိ ကိုယ်ကို ဆေးမီးတောက်ဖြင့်ကာကွယ်ထားလင့်ကစားအသက်ရှုရအနည်းငယ်ခက်နေ၏။
မီးတောက်ရေပုတ်သင် သည်။ဤကျောက်ရေပူကန်မှ မီးစွမ်းအင်များအားစုပ်ယူစားသုံးနေမှန်းလုံချန်သဘောပေါက်သွားသည်။မီးတောက်ရေပုတ်သင်မှာ အုပ်စုဖွဲ့၍ နေတတ်သည့် မှော်သားရဲမျိုး ဖြစ်မနေသည်ကတော်သေးသည်ပြောရမည်။ထို့ပြင် ၎င်းသည်ဒွိလိင် သဘာဝရှိသည့်(ဗျိုင်းများကဲ့သို့)မှော်သားရဲကောင်လည်းဖြစ်ရာ ၎င်း၏ အဖော်မှလာရောက်တိုက်ခိုက်မည်ကိုလည်း လုံချန်အတွက်မစိုးရိမ်ရပေ။ရွီး....ရွှီ...ကန်ဘေးမှ လေထုသည် လှိုင်းများအသွင့်ဖြင့်ရိုက်ခတ်လျှက် ကန်ထဲမှ ကျောက်ရည်ပူများသည်တစ်မီတာအမြင့်ထိရောက်အောင်အပေါ်သို့ရုတ်ချည်းကြွတက်လာ၏။လုံချန်နောက်သို့မြန်မြန်ဆုတ်ပြေးရသည်။ကျောက်ရည်ပူများသည်တစ်မီတာအမြင့်သို့ရောက်လျှင် တိုးလျှိုပေါက်ထွင်းဖောက်မြင်ရသည့် အပြာရောင် မီးတောက်တစ်ခုပေါ်ထွက်လာသည်။
ထိုမီးလုံးကလေးပေါ်လာသည်နှင့် ပတ်ဝန်းကျင်သည် ကြွက်ကြွက်ဆူအောင် ပူလာ၏။ချက်ချင်း လောင်ကျွမ်းသွားတော့မည်ကဲ့သို့လုံချန်ထင်မိလိုက်၏။ဖုန်ဖူကြယ်ကိုအမြင့်ဆုံးစွမ်းအင်ဖြင့်လည်ပတ်စေလျှက်ပြန်ဆုတ်ပြေးရသည်။သို့တိုင်အောင်များစွာထိတ်လန့်စရာကောင်းသည့် အချက်တစ်ချက်ကား သူ့၏ အင်္ကျီများမီးစွဲလောင်သွားခြင်းဖြစ်လေသည်။မီးတောက်ပေါ်လာသည်နှင့်သူ့ အင်္ကျီ များကချက်ချင်းပြာအဖြစ်တန်းပြောင်းသွား၏။
ထိုအခိုက်သူ၏ ဆေးမီးတောက်ကလည်း အတော်အတန်အားပျော့သွားသည်။အပြာရောင် မီးလုံးကလေး ပေါ်လာချိန်နှင့်ပြန်ပျောက်ကွယ်သွားချိန်သည်ဝင်သက်၊ထွက်သက် တစ်ခါရှိုက်စာသာ ရှိသည့်တိုင် လုံချန်မှာ မူမျက်လုံးများပြူးသွားရသည်။မြေမီးတောက်...ဤအရာကား မြေမီးတောက်ပင်...ထိုမီးတောက်အမျိုးအစားသည်မြေတွင်းများ၊လိုဏ်ခေါင်း နက်နက်များအတွင်း၌ဖြစ်ပေါ်နေတတ်ကြပြီး လွန်စွာကြောက်မက်ဖွယ်ကောင်းအောင်ပူပြင်း၊လောင်ကျွမ်း တတ်သည့် သတ္တိရှိ၏။မြေမီးတောက်ကို လုံချန်က သူ၏ ဆေးနတ်ဘုရားမှတ်ဥာဏ်များမှ တဆင့်သိခြင်းဖြစ်သည်။
လုံချန်ကလက်သီးကိုကျစ်ကျစ်ပါအောင်ဆုပ်ထားလိုက်၏။ရင်များတစ်ဒိန်းဒိန်းခုန်နေသည်။သူရထားသည့် ဘိစ်မီးတောက်ဆိုသည်မှာမြေမီးတောက်နှင့် ယှဉ်လျှင်ကောင်းကင်နှင့်မြေကြီး၊ဆီနှင့်ရေ၊မည်သို့မျှ မယှဉ်နိုင်ပေ။နောက်တစ်ချက်မှာဤမီးတောက်သည် ယခုမှစတင်ဖွဲ့စည်းကာစဖြစ်၍ သိမ့်မွေ့သေးသည်။ရုန့်ရင်းကြမ်းတမ်းမှုများ မရှိသေး။သို့ဖြစ်၍ မိမိ၏ ကိုယ်ပိုင်စွမ်းအားအဖြစ်သို့ပြောင်းလည်းရန်အသင့်တော်ဆုံးအချိန်လည်းဖြစ်နေသည်။သို့သော် လုံချန်အဖို့ ကြည့်နေရုံသာတတ်နိုင်၏။ဆေးနတ်ဘုရား၏မှတ်ဥာဏ်များအရဆိုလျှင် အစုတ်ဆုံး ဆိုသည့် မြေမီးတောက်ပင်လျှင်သူ့လိုလူတစ်ယောက်အတွက်ကိုယ်ပိုင်စွမ်းအားအဖြစ် ပြောင်းလည်းလို့မရနိုင်ချေ။သူ့ကိုမဆိုထားဘိ။
တုဖုန်းကဲ့သို့ပညာရှင်ကြီးပင်လျှင်ချက်ချင်းမီးလောင်ပြာကျသွားစေနိုင်သည့် မီးတောက်မျိုးဖြစ်လေသည်။"တောက်...တော်တော်ရက်စက်တဲ့ပြက်လုံးပါလား" လုံချန်ငိုချင်စိတ်ပင်ပေါက်လာသည်။တန်ဖိုးကြီးသည့်ရတနာတပါးသည် သူ့ရှေ့တွင် ရှိနေသည့်တိုင်ယူလို့မရဖြစ်နေ၏။ယင်းကားလွန်စွာရက်စက်သည့် အပြစ်ပေးမျိုးခြင်းပင်ဖြစ်မည်ဟု လုံချန်ထင်မိသည်။တဖန်ပြန်လည် ငြိမ်သက်သွားသည့်ကျောက်ရေပူကန်ကို ကြည့်၍ လုံချန်သည်သက်ပြင်းတစ်ချက်ကိုလေးလေးပင်ပင်ကြီးချမိပါ၏။သူ့အတွက်မူမြေမီးတောက်ကိုလိုချင်သည် ဆိုသည်မှာကလေးများငယ်စဉ်က လမင်းကြီးကို ကြည့်၍လိုချင်တပ်မက်စိတ်မျိုးဖြစ်ပေါ်ပုံနှင့်သာတူပေမည်။ကိုယ့်သေတွင်း ကိုယ်တူးမည့်အလုပ်မျိုး လုံချန်လုပ်လိမ့်မည် မဟုတ်ပေ။
ထို့နောက်သူသည် နှင်းပွင့်လေးအိပ်နေသည့်နေရာသို့ပြန်လာခဲ့၏။လုံချန်သည်အံ့အားသင့်လျှက်ပင်ရှိနေသေးသည်။ဤနေရာ၌ မြေမီးတောက်ဖြစ်ပေါ်နေ၏။ထိုသတင်းသာ အပြင်လောကသို့ပျံ့နှံ့ခဲ့သော်အုတ်အော်သောင်းတင်းဖြစ်ကုန်ကြလိမ့်မည်။ထိုသို့မဖြစ်စေရ။ဤသတင်းအပြင်သို့ပြန့်လို့မဖြစ်။ရတနာသိုက်မုဆိုးများချက်ချင်းရောက်လာကြပေလိမ့်မည်။သူသည် ဂူတစ်ခုလုံးအားစေ့စေ့စပ်စပ်ကြည့်ရှု၏။ဂူအ၀င်ပေါက်မှ စကာမြေပုံတစ်ခုကို အသေးစိတ်ဆွဲ၏။အတိုင်းအတာများကိုအသေးစိတ်ပြန်တိုင်း၏။သူသည်ကျောက်တောင်ကုန်းကလေး၏ ပတ်ဝန်းကျင်မှ ဧရာမကျောက်တုံးကြီးတစ်တုံးကိုလည်းတွေ့ရာထိုကျောက်တုံး၏ အရောင်သည် ကျောက်တောင်ကုန်းကလေး၏ အရောင်နှင့် ခွဲ၍မရလောက်အောင်တူလေသည်။ထိုကျောက်တုံးကြီးကို သူက လိုချင်သည့်အရွယ်အစားရောက်အောင်စဖြတ်သည်။သူ့၏ဓားရှည်ကြီးမှာ ကျောက်တုံးကြီးအား အလွယ်တကူမဖြတ်နိုင်လင့်ကစား အချိန်ယူ၍ စိတ်ရှည်ရှည်ဖြင့်ဖြတ်လျှင်ကျောက်တုံးကြီးသည် လိုချင်သည့် အရွယ်သို့ပုံစံပေါ်လာ၏
။ကျောက်တုံးသည် ကျောက်တောင်ကလေး၏ဂူအ၀င်အ၀ နှင့် ပုံသဏ္ဍန်၊အရောင်အသွေးခွဲမရအောင်တူနေမှဖြစ်မည်။ဤနေရာမှ သွားသည်နှင့် သူသည်ကျောက်တောင်ကုန်းကလေးအ၀ကို ကျောက်တုံးကြီးဖြင့်ပိတ်ခဲ့မည်ဖြစ်၏။ထိုသို့ဆိုလျှင်အနည်းငယ်မျှ လုံခြုံသွားမည်။အခြားသူများသတိမထားမိစေရန်သာ မျှော်လင့်ရသည်။ကျောက်တုံးကြီးသည် လွန်စွာမာကြောလှ သဖြင့်လုံချန်မှာ သူ၏ ခွန်အားကို အကုန်အသုံးမပြုရဲဖြစ်နေ၏။သို့မဟုတ်လျှင် သူ၏ ဓားရှည်ကြီးကျိုးသွားနိုင်သည်။ထို့ကြောင့်ကျောက်တုံးအားဖြတ်ရာ၌ အချိန်အတော်ကလေး ယူနေရ၏။သုံးရက်တိုင်တိုင်ဖြတ်ပြီးမှသာ ကျောက်တုံးကြီးသည်လိုချင်သည့်ပုံစံသို့ဝင်လာသည်။လုံချန်သည်ဖုန်ဖူအကာအကွယ်ကို ဖန်ဆင်း၍တန်ပေါင်းများစွာလေးသော ကျောက်တုံးကြီးအား ဂူအ၀သို့သယ်ယူလာခဲ့သည်။ထို့နောက်တဖန် ကျောက်တုံးအနားစွန်းများကိုညီသွားစေရန် ဂရုတစိုက်ဖြင့်ညှိပြန်၏။
ငါးရက်မြောက်နေ့တွင် လုံချန်က နဖူးပေါ်မှ ချွေးများကိုသုတ်ပစ်လိုက်၏။နောက်ဆုံး၌ ကျောက်တုံးကြီးမှာဂူအ၀င်အ၀နှင့်အံကျ ဖြစ်သွားချေပြီ။ဂူနှင့် ကျောက်တုံးထိစပ်နေသည့်နေရာတွင် ဖြစ်ပေါ်နေသောအက်ကြောင်းများကို ရွှံ့စေးဖြင့် လုံချန်က ပိတ်သည်။ထို့နောက်မြေပုံကို ထုတ်၍ လက်ရှိ ရောက်နေသည့်နေရာကိုအမှတ်အသားပြုလိုက်၏။မည်သို့ဆိုစေ ကန္တာရကား အဆုံးအစမရှိကျယ်ပြောလွန်းလှ၏။ဤတောင်ကုန်းငယ်ကလေးတစ်ခုကိုမြေပုံတွင် သာ မှတ်မထားလျှင် မည်သို့မျှပြန်ရှာရန် မဖြစ်နိုင်ချေ။ကိစ္စ ၀ိစ္စများ ပြီးပြတ်လျှင်လုံချန်ကနှင်းပွင့်လေး၏ ကျောပေါ်သို့ခုန်တက်၍မပြီးဆုံးသေးသည့် ခရီးရှည်ကြီးကို ဆက်ပြန်သည်။မြေပုံအတိုင်းသွား၍ လ၀က်ခန့်ရှိလျှင်ရွှမ်ရှင်းကျောင်းတော်၏နယ်မြေထဲသို့ရောက်လာပြီဖြစ်ရာ လုံချန်အနည်းငယ်စိတ်အေးရသည်။ဂိုဏ်းဝင်ခွင့်ကျင်းပမည့်ရက်ကအတော်လိုသေးသည်။ထို့ကြောင့် လုံချန်က နှင်းပွင့်လေး ကျောထက်တွင်ထိုင်၍ခပ်ဖြေးဖြေး ဇိမ်ဆွဲ၍တရွေ့ရွေ့ခရီးဆက်တော့၏။သို့သော် သူတို့နှစ်ယောက်မှာ ထူထပ်လှသော မိုးသစ်တောတစ်ခုထဲသို့ ၀င်ဝင်ခြင်းမှာပင် သူတို့လမ်းအားလူတစ်စုကတားဆီးထားလိုက်ကြလေသည်။
MK AUNG
စာရေးဆရာ၏ ကြိုးစားအားထုတ်မှုကို တစ်ဖက်တစ်လမ်းမှ တတ်နိုင် သ လောက်လေး ကူညီချင်သည်ဆိုပါက Telenor
09793864311 နှင့် MPT 09421123207 သို့ဆက်သွယ်၍
စေတနာ ရှိသ လောက် PH BILL လေးများ လျူဒါန်း နိုင်ပါသည် ခင်ဗျာ
YOU ARE READING
Nine Star Hegemon Body Arts(ဆေးသိဒ္ဓိရှင်)
Fantasyသူဟာဆေးနတ်ဘုရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးနတ်ဘုရားရဲ့ ၀ိညာဉ်တော် နှင့် သူ့ဝိညာဉ် ပေါင်းစပ်သွားခြင်းပေ လော။သိုင်းကျင့်လို့မရ အောင် ခန္ဓာကိုယ်ကို အဖျက် ဆီးခံလိုက်ရတဲ့ လုံချန်ဆိုတဲ့ အနိုင်ကျင့်ခံ လူရွယ်လေးတစ်ယောက်ရဲ့ဇာတ်လမ်းတစ်ပ...
