تزوجت معاقًا الحلقه الثانيه 💕🔥
ونا فتحت الباب وطلعت حطيت وبرمت بنرد لباب الحوش لقيته مسكر مع طلعة الرجاله من الجامع😱😱😱😱😱.......
ياربي حي عليا ووووووو التفتت يمين يسار شفتهم في نهايه الشارع كنت لابسه توته سوده فيها طربوش حاطته علي راسي ومطلعه الظفيره عالجنب ....
حوش جيرانا يلي جنبنا قدامه شجره زيتون كبيره ومدرسه قدامه سياره من العاليات سود عديت نجري انطمرة تحتها بعد عشره دقايق هكي ونا ملصقه وجهي😶 في قزاز السياره قعدت نتباوع 👀لقيتهم عدوا .....حي عليا زعمه نخش علي عمتي سلوى (جارتنا)لكن حي عليا منظري كإني هاربه😥ونا في عز تفكيري حسيت قزاز السياره يتحرك😨ونبرم وجهي ونلقى هذك الطرف الطريف المطرف وحي عالعيون السود والرموش والشعر الاسود وووووك عليا شن نقول وشن نخلي😎.....
أنا:-ااانت انت من 😰
هو:'انتي يلي من لك ساعه منطرمه تحت سيارتي
انا:-بديت نبكي مااصلا كناسه ...وريح شوي باب سكر و....قعدت نفترش
هو:-عليش تبكي بس احكي اسكر عليك باب حوشكم......
انا:-انا اها اهوا حوشنا ....
هو:-تمام تمام خليك هنا لحظه شوي واناديك تعالي خشي بسرعه قبل ماحد يشوفك
انا:-باه تمام.
ويا حناتي ينطلك هذك النطه مع الصور تقول سبيدرمان ويفتحلي البااب حي عالطول حي العرض حي عالجلابيه ودخت .......وهي يناديةفيا انتي هاي انتي خشي بسرعه قبل ما تفضحي بينا.....خشيت نجري فالحوش وطبقت في وجه الباب من الفجعه حتى شكرا ماقلتها له.........
في لحظتها كان في حد يراقب فالموقف من بعيد🔥🔥
.
.
.
خشيت للحوش نجري ....خشيت للدار الظيوف لقيت اسماء تبخر ...
أنا:-طويل القامه ....طويل القامه🔥😂فارض عالناس احترامه...
خشت هدى قعدت اتدربك عالباب .....ايااااي
سعاد خشت تجري علقت عالخط حتى هي ....
ي نجي طويل طويلي ...طويل طويلي من طوله يطبس يحكيلي😂😂😂😂😂😂😂
هدى:-كلا علي عاد بلا كذب وين جا فيه الطول تقول شوال رز.
نحنا:-😂😂😂😂😂😂😂
سعاد:-حتى كان قصير بكل....طوله طول شوال السكر😏
اسماء:-كنكن فيش تحسن طول ماطول شن خطرها عليكن.
انا:-ياناعلي من الطول وناعليا من اللحيه وووه ي بنات رسمه🤤
هدى:-البنت كنها فيش تحكي ...
انا:-ياحناتي طلعت نشيل فالسطل بنطلعه بره شوي.......
....
اسما:-هيييي😱طح سعدك باهي يلي ماشافك حد ياناعليا
هدى:-ماعرفتيش من......
انا:-اول مره نشوفه ف شارعنا.
ماما:-ي بنات الباب ايطق اكيده عيت عمكن علي .....
[عمي علي عند بنتين سهى م ٩٦ تقرا في علم نبات وربى م ٩٥ تقرا فالصيدله وولد واحد عمر م ٨٦ متجوز مالش سنه ومراته اسمها آيه م ٩٠ ] طبعا بابا عنده ثلاث خوت يلي هما عمي علي وعمي خالد متجوز وعايش بره له سنين قرا ومقيم بره حاليا .....عنده وليد اسمه ياسين وبنيه اسمها حلا ......اما عمي منصور الله يرحمه توفى وهو عريس جديد💔ومراته خذوها هلها وتوا متجوزه وانقطعت اخبارها...
وعمه وحده حنان متجوزه وعندها شباب بس ماعندهش بنات ثلاث شباب انس م٩٠ واحمد م٩٣ ومحمد ٢٠٠٠
بالنسبه للماما وحيده بنت وحده وعندي خال واحد مازال استاذ تاريخ م ٧٧ متجوز ومراته اسمها نهله قمة الخبث والحقد الانسانه هذه ولعند توا مازالت ماظنت وتعامل في حني بطريقه بشعه وتوا تعرفوا مع باقي الحلقات (ماما باتها وامها تجوزوا علي كبر جابوها هي وخالي وتوفى جدي في صراع مع المرض وحاليا حني عايشه مع عيت خالي)...
المهم مانبيش نلخبطم✌😅....توا تفهموا مع باقي الحلقات...
فتحت هدى الباب لعيت عمي واستقبلتهم
عمي علي:السلام عليكم ي هل الحوش
ماما:وعليكم السلام تفضلو تفضلو مافي حد براني.
نعيمه مرات عمي:-خير عليكم...خير ي فتوحه كيف حالك شن دايره
ماما:الله يسلمك الحمد لله بخير تفضلي جوا اهي الحاجه فالدار مقعمزه ع سريرها.
وسلمت ع ربى وسهى ....وخشن معايا للدارنا
سهى:-خيييييير ي قوم شن جوكن
هدى:-تمام سوسو شن جوك انتي
ربى: وانا ي حنه وسعي هك مايسلمش عليا
هدى:-اصبري ي كلبه بالدور
سعى:-سعاد وين
هدى:-تشلط 😂
سعاد"-ينعن دا عليك ظليمه كنت فالحمام
ربى:'،ماهو المخطوبه تختفي معناها تشلط مافيش😂
انا:-الحمد لله ي ربي مش نا قلتها😅
خشت علينا اسماء:-خزي ماتقولنش في وحده هنا ماسلمتنش عليها
سهى:-والله كنت توا بنسالهن مركبات من اول ماخشيت
اسماء:- شن جوكن شن دايرات
سهى وربى:-كساد
انا:-بنات قلتلكن شن رايكن نطلعوا للسوق يلي جنبنا علي كرعينا....
سهى:-ياليت نبي شوي مستلزمات ومنها نغيروا جو
ربى:-امدرعنه بابا يخلينا ولالا
هدى"-شوري عمي علي ماعليكن
اسماء:-باهي هيا انزلن نديروا قهوه بعدها ساهل
نزلت نا وسهى خشينا للكوجينه
انا اندير فالقهوه....شن صار معاك ي سوسو مافيش جديد.
سهى:-لا والله درهلي كبدي يوزع في ابتسامات وخلاص ونا مليت منا هذايسما
انا:-صح مافيهش جو تقعد هكي لكي كم سنه يعلق فيك
سهى:-المشكله امس صاحبتي عندها مقابله يبي يشوفها من بعيد الراجل ياحنه عمك علاء فطنله قعد يفنص من بعيد ولما جت عيني في عينه رفع حاجبه وضحك بهزوه مافهمتش
انا":🔥هييييي يحسابه شورك
خشن هدى وربى علينا
هدي:عن مرض هذا كله قهوه مزطتنا
ربى:-لاي حنه اسرار نا وياك واخذين الشبهه عالفاضي
انا:-خزي عليكن مبردكن
وطلعنا بالقهوه لدار المعيشه وقعدنا كلنا نهدرزوا
عمي علي:- مرعي وين
ماما:-والله ماشفناه جاعالغداء عالسريع وطلع بلكي عنده شغل(كذا ي بنات رنن علي باتكن)
اسماء:-نرن عليه خارج التغطيه
انا:-سيارته مش قاعده شكله متغديين عند هلها
عمي علي:-لا حول الله وقعد(عمي علي مش راضي علي جيزة بابا من البدايه اساسا غير عشان الظنوه الا ماحد موافق عليها لانهم كلهم عارفين ماما ويحترموا فيها مايبوش يجرحوها)
هدى:-قتلك ي عمي عادي يطلعن معانا البنات للمحلات يلي جنبنا نبوا شوي مستلزمات
عمي علي:-والله براحتهن توا نحطكن نا كان هذا
انا:-لا وين السياره ماسدنش نمشوا علي كرعينا
عمي علي :-خلاص رن بالكن علي روحكن
ماما:-وماتطولنش روحن قبل المغرب وافطنن لرواحكن وانتي ي سعاد بتمشي
سعاد:-اها
ماما:-،'رني علي خطيبك قبل
سعاد :-رنيت عليه
ماما:-ماشاء الله واخذات قراركن يعني مش مدورات
نحنا:-😂😂😂😂عارفينك توافقي.
ماما:-خلاص عدن العشيه قصيره
تمام وعدينا نلبسوا نجاروا ...انا عديت للاسماء
انا:-سومه حبيبة قلبي 😁
اسماء:اطلعي علي راس حجتك😏
انا:-نبي فلوس حتى طشه
اسماء:-في درجي في خمسين خوذيهن
انا:-زقبت عليها نجك ليا
وعديت لقيت هدى وسعاد منتفات من ماما🤣
طلعنا للسوق وقعدنا من محل للمحل ماعقبناحاجه شوي لفتت نظري جاكه قصيره شفتها عالعرض قلت البنات خلنا نخشوا نشوفوها بكم ....ودرنا لفه فالمحل راقي حسيته وبنسأل عالجاكه بكم
انا:-الجاكه بكم مع ل ش😨ونلقاه هاذك الطرف استكيت خبطت فالملكانه وقعدت نكر فالبنات عشان نطلعوا ي حنه وطلعنا نتلاقطوا البنات مش فاهمات شي ونسمع صوت حد ينادي في الشارع ي ابله ي ابله قالن البنات صاحب محل وحداخر هذا خفنا قعدنا نجاروا الراجل يقول معلش لحظه شوي نفهمك .....ي ابله وقفي خمس دقايق ....بنقولك حاجه
هدى:-خلناةنردوا عليه هذا كشف بينا
هدى:-نعم كنك شن تبي
الشاب:-لا غير بنقولك انه في بلوزه معلقه في شنطه الاخت وشير عليا
انا:-😨من انا........وعمتكن عايشه ثاريتا واخذه اللبسه معاي بالعلاق بكل.....قتله معلش والله ماانتبهت
الشاب:-ولا يهمك جيبيها توا نردها لل محل وليد صاحبي وشير عليه هاذك ....
ونلقاه هاذك الطرف نفسه يبحت في ومنشرط ضحك
وانا خلاص وجي بندفنه فالتراب من الاحراج والبنات يظاحكن......
وقعد يقدم شوري وانا قلبي يبي يطيح و....
يتبع......
