🔔تزوجت معاقًا
🔔الحلقه 35
🔔للكاتبه فاطمه العبيدي
لقيت رقم .......ماكنش مخزن بإسم .....؟؟؟ماعرفتش قعد نشوفله زين مار عليا .....مار عليا ونعرفه كويس ظغطت عالدردشه ويديا يرجفن
الرقم:-........ماتندريش شن كانت حالتي بعد سيبتك مرايف عليك حبيبي مرايف ع ريحتك مرايف ع كل شي فيك حبيبي وينك سمعت انك مرضتي كرهت روحي اني ماكنتش معاك كرهت نفسي اكيده قاعده في حضنه بدالي عويشتي ي قلبي رديلي ....
انا:-قلبي قعد يدق بسرعه ودموعي قعدوا ينزلوا غصبا عني مش عارفه شنو وليش ......قعدت نمسح في دموعي لالا ي عائشه ماتضعفيش ماتضعفيش لواحد كيف هذا كذاااب كذاب استغل ضعفك وطيبتك.......استجمعت قوتي وكتبت...
انا تجوزت ونسيت كل يلي فات ياريت معش تعرضلي انا نحب زوجي ومتريحه بعدين شن جيبك للرقمي امسحه كيف ماانا مسحت كل شي يتعلق بيك....
الرقم....قعد متصل//
محمد:-عويشه حبيبي متأكد انك تحبيني كيف ماانا نحبك عويشه والله غير عطيني فرصه بس
انا:-محمد انا متزوجه
محمد:-عارفك تحبيني وانك متجوزه غصب عنك انا مستعد نستناك تطلقي وناخذك استحاله ترضي انك تعيشي مع واحد معاق وتنهي حبنا....عويشه عويشه ي قلبي نراجي فيك بالدقيقه انا متعذب بلاك...
الووووو ردي عليا والله والله ناخذك ناخذك لو قعدتي ايش
انا كنت نشوف للكلامه ونبكي.....منهاره مش قادره نسيطر علي روحي......وانا ف عمق كآبتي حسيت بيد ع كتفي
التفتت وانا نلقاه....
رواد:-عويشه...
انا:-تلخبطت طاح التلفون من يدي .....
رواد:-حبيبي كنك تبكي ....
انا:-كرهت نفسي اني ف لحظه وع وهله كنت ننسى رواد
.....لا لا مانبكيش
رواد:-حبيبي مريضه تحسي ف روحك
انا"-كنت نحكي مع هلي بس
رواد:-حبيبي كلها يوم وتروحيلهم
انا:-نبي نروح
رواد:-بس مازلنا ماتعشينا
انا:-كنت نتهرب من نضراته .....نحس في روحي دايخه
رواد:-توا ناخذوه معانا العشاء معناها....
صبى رواد .....وعدى خذا العشاء من جوا وطلع عليا كنت شارده...
رواد:-هيا نمشو
انا:-اها....خفت تجي عيني ف عينه...صبيت كاني ملسوعه نجري....
رواد🍃
كنت نراقب فيها وهي تتهرب مني من نظراتي كنت نشوف فيها مخبيه شي بس ماحبيتش نكثر عليها....
ركبنا فالتاكسي وطلعنا للفندق ....طول الطريق وهي ساكته
خشينا للفندق تلاقينا مع سحر وزيدان كيف جايين حتى هما ....عويشه سلمت عليهم عالسريع ورقت قدامي ع غير عادتها
سحر:-كيف كان يومكم
رواد:-وانا عيني ف عويشه يلي خذت مفاتيح الحجره وعدت كإنها هاربه من حاجه....... تمام والله
زيدان:- بطاله بكل بكل حيكون يوم مرهق
رواد:-اها نطلعوا بدري عشان مانتأخروش
سحر:-كلا انا معش نشوف فالطريق تصبحوا ع خير
زيدان:-حتى انا ...
رواد:-تصبحوا ع خير
رواد🍃
رقيت مع الدروج لقيت الباب مردود......فتحت قعدت نادي عليها مافيش رد عرفتها فالحمام
