تزوجت معاقا💔
الحلقه الرابعه🔥🔥
أما محمد كان يراقب في من بعيد كنت سانده راسي عالساس ونبكي.....وحسيت بشي يقرب مني التفتت القيت محمد.......حسيته فاللحظه هذك اماني رغم اني مانعرفش ولحد الآن مافيش حد فينا يعرف حتى اسم اللاخر ولا نعرفوا شي علي حياة بعضنا وثقت فيه بدون مانعرفه .....
محمد:-ان شاء الله لاباس عليها
انا:-ماتشوف باس مش عارفه كيف نشكرك بجد .....
محمد:-قاطعني ....مانبيكش تشكريني انا يلي مفروض اني نشكرك ي .....
انا:-عائشه
محمد:-وانا محمد ....وابتسم(ضحكته تشق القلب)🙋♀️
انا:-لولاك را اختي ميته توا😢
محمد؛:-ماتبكيش ....ان شاء الله تقعد كويسه ...بس من....
أسماء اختي:-عائشه عائشه ....نطيت مشيت شورها كرتني للجنب ومحمد يبحت فيا من بعيد...
أسماء:-كنك انتي تحسابي روحك ف تركيا
انا:-الراجل ساعدنا كنت نشكر فيه
أسماء:-مش ناقصنا مشاكل يرحم بيك اوعي للروحك كان يجي باتك ويحقه هنا ويعرف انه هو يلي جابنا تي والله يدفنا هنا.
انا:-باهي باهي قاعد يسمع فيك.
توا انعديله نا.....
أسماء:-السلام عليكم ...
محمد:-وعليكم السلام
اسماء:-بارك الله فيك تعبناك معانا تفضل ومدتله فلوس💸
محمد:-فيك بارك الله بس....وبحت فيا
انا:-😥هزيتله براسي معناها خوذهن(اسماءماكنتش عارفه انه هذا هو نفسه متاع السياره).....
محمد:-لا ي اختي مش بينا ردي فلوسك .....تبن شي ناقصكن شي توا
اسماء:-بارك الله فيك ان شاء الله في ميزان حسناتك....سلامتك...
محمد مشى والتفت عليا بعد عدت اسماء وشيرلي بيدي معناها ردي ع التلفون.
انا"-درت بوجهي بمعنى باهي
💗كنت مستغربه من نفسي كيف بديت ننجرف مع مشاعري بسرعه بدون مانحسب حساب للحد ماخفتش من باتي ماحسبتش حساب لشي بديت نميله بدون اي سبب ممكن الوضع يلي عايشين فيهن خلاني ندور عالاهتمام من اي حد ....
مشيت للبنات قعدنا فالممر ....جتني سعاد
سعاد:-ي بنات حني كان توعي ماتلقى حد فينا تنفجع
اسماء:-غباء منه مفروض لما ماما انشغلت كانت وحده فينا تقعد تخيلن وعت تبي الحمام ولا ميه ولا على الاقل كلمنا عمتي سلوى قعدت معاها حسني انشغلت عليها... (اسماء اكثر وحده متعلقه بحني لانها بكريه ماما وطقت في حني وهي بصحتها وتعلقت بيها واجد اكثر وحده فينا مهتمه بيه)
انا :- لالا اصلا عطيتها دواها بعد العشاء xanax لما تاخذه ترقد معش توعى الا عالفجر ولا الصبح
اسماء:-كذى رني علي سهى اخرى ي نقني بنروح انشغلت ماشور شي قعدتنا كلنا.....
ورن تلفون ماما كان في جيبي .....
انا:-عمي علي هذا
اسماء وسعاد:-ردي ردي اكيد لقى المكالمات
عمي علي:-ايوا
انا:-خير ي عمي سامحنا وعيناك فهاليل
عمي علي:-لا عادي ي بنيتي وين قاعده انتي صوت هرجه يالاك وكنه صوتك هك.....
أنا:-نحنا فالمستشفى ي عمي اليوم باتي جا و.........
عمي علي:-لا حول الله آني جايكن كلا مرعي هذا منتهي ...ماتحركنش توا نجي توا وسكر عليا.
اسماء:-شن قالك
انا:-قالي آني جاي ....
اما عند هدى 💢....بدت توعى صبت الممرضه للدكتور
دكتور ايهم المريضه يلي جت توا وعت.
طلع وخش علي هدى فالدار .
الدكتور أيهم:-خذا جهاز الضغط وقاس الضغط ودار مجموعات فحوصات وبحت في هدى.....
معلش ي اختي انا مظطر اني اندير بلاغ علي تسببلك بالشي هذا واضح انك تعرضتي للتعنيف والمشكله انك مش اول حاله....
هدى:-نطت مع السرير.....لا ي دكتور لا باتي هذا مانبيش اندير في الشي هذا
الدكتور أيهم "-باتك😨 معقوله تسكتي عالشي هذا حتى لو باتك تعرفي باتك قبل ضرك والضربه كانت قويه عالرحم ....
هدى:-وهي مطبسه راسها😔 ......دكتور نطلب منك طلب لو بجد تبي تساعدني.....ياريت نبيك تطلب من دكتوره تكشف عليا ونبيك تعطي التقرير للهلي😢
الدكتور أيهم:-كنت شاك من البدايه الموضوع يتعلق بالشي هذا .....انتي اليوم خليك فالمستشفى نين يوقف النزيف وبكره ان شاء الله حنديرلك خروج ان شاء الله حتجيك الدكتوره مهى حتكشف عليك بناء لطلبك......
هدى:-بارك الله فيك
الدكتور أيهم:-هذا واجبي انتي تعرضتي لضربه عالرحم وموعد .....كان قريب هذا هو سبب النزيف ماتخافيش كتبتلك علي شوي ادويه انتظمي عليهن .
هدى:-شكرا مره ثانيه ي دكتور.
الدكتور أيهم "-عفوا .....وطلع من الغرفه
