....تزوجت معاقا🔥🔥
الحلقه العاشره 10
للكاتبه فاطمه العبيدي
اول حاجه شكرا لكل من علقلي ودعمني♥️♥️♥️♥️♥️بجد بجد حفزتوني ع اني نكمل وآسفه لاني مارديتش ع تعلقاتكم كلهم بس قريتهم 🌸🌸
:-سهى انا حافظتك حفظ محمد كنه انطقي محمد صارتله حاجه.
سهى:-عويشه مانبيكش تعلقي بيه والله مايستاهلك والله مايسوى حتى ظفرك اصلا حسيته كذاب من البدايه
انا:-سهى كنه محمد وقعدت نبكي .....والله تحكي حلفتك بالله سهى كنه ريحيلي قلبي احكي
سهى:-عويشه...محمد....مايستحقكش واهو ربك دزلك رواد خير منه بألف مره يداري فيك وعارفك مش له
انا:-ونا نبكي وحاطه يدي ع قلبي....وهذا وهذا شن انديرله يلي متعلق فيه انا مش قادره ننساه مش قادره حاولت .
سهى:-أنا بنحكيلك شي بس توعديني ماتكدريش ع روحك
أنا:-سهى انتي تعذبي فيا بكلامك
سهى:-يومتها انا ومروه صاحبتي عارفتيها
انا:-اها عرفتها
سهى:-خلاص نتمشوا فالجامعه قالتلي خلينا انهدرزوا...
سهى🍃🍃
سهى:-تعالي قعمزي هنا من بدري ونحنا انلفو
مروه:-واو كلا انتي تقول عجوز
سهى:-حفظونا
مروه:-والله ماواحد مركز علينا....قتلك شفتي سميره وشلتها لكن رد بالك تبرمي وجك علي طول فالمقعد يلي يقابل فينا
سهى:-اها كنهن وعين في مروه وعين فالمقعد
مروه:-بكل سخط لبستهن هلهن وين
سهى:-تعرفي حتى المحاضرات مايحظرن فيهن
مروه :-ي عوينك ي ماما حتى الاساتذه حاميها حراميها ينجحوا فيهن بمقابل
سهى؛-...حطت يدها ع فمها ...تكذبي وصلت معاهن للدرجه هذا
مروه:-تي وحق ربي تي سميره هذه عندك تجيب فيهم حتى فالحوش قاللك هلها فري بكل عندهم عادي مره قاللك البنات منزله عالستوري متاعه هي وصاحبها هو عريان من فوق وهي لابسه التيشرت متاعه
سهى:-طح سعدها جو اجانب هذا
مروه:-اها بكل منحرفه بس تعالي نوريك اصبري توا نقول للريناد عندها الصور حفظتهن ...نقوللهن اتدزهن ليا عالواتس.....
سهى:-لالا حرام عليهن ياخذوا فالصور
مروه:اي حرام زعميتها خايفه هي ....
مروه خذت فونها وقالت للريناد اتدزلها الصور....
مروه:-اهي دزتهن لكن عليك طرف كلا هوو يجننن ماني عارفه من وين تجيب فيهم
سهى:-بصدمه😨😨😨هذا من ....
مروه:-هذا صاحبها وقعدت تقلب مروه فالصور ...خيال بكل ي سهى ديما تنزل عليه
سهى:-محمد 😨😨😨😨😨😨مروه متأكده انتي ...را مانبصرش نحكيلك جديات
مروه:-تي اهو صورته هو وياها وقاللك صور أحرف من هك
سهى:-حي عليا حي علي الحمد لله ياربي الحمد لله ياربي كفاها شره هالحقييبير المسخ...وصبت سهى
مروه:-سهى فيش تحكي انتي كنك تعرفيه انتي.
سهى":-نبي نروح نا توا مش وقته .......
انا:-سهى كانت تحكيلي وفي صدمه نحس في روحي مانقدرش ناخذ نفس كإني غارررقه وذاني انطبقن ....محمد محمد .....يكذب عليا يعني كله كذب طلع يعني يبي يلعب .....وقعدت نبكي منهاره
سهى:-عويشه ماتخلينيش نندم اني حكيتلك .....
انا:-...ويدي يرجفن وعيوني حمر من البكاء ...سهى عطيني تلفونك .....بسرعه
سهى:-شن تبي فيه....فوتيه ي عويشه فوتيه يرحم بيك هذا واحد حقير توقعيه يبتزك
انا:-لالا غير عطيني يرحم بيك نارر راكبه فيا نااار ي سهى مش قادره مش قادره
سهى:-باهي هاكي بس ماتطوليش معاه
كتبت الرقم وانا منهاره بكاء قعدت نمسح في دموعي ونحاول نكون قويه ونعدل في نبره صوتي يلي كانت منبحه
...طوووط طوووووط .......ماحدش رد عاودت اتصلت اخرى.....📞📞 وكانت سماعه في وذني وسماعه في وذن سهى
محمد:-ايوا
انا:-ساكته🔇
محمد:-الووو ايوا من معاي
انا:-محمد...انا عائشه
محمد:-عويشتي ي قلبي ي عمري واخيراواخيرا رديتي عليا واخيرا ماتندريش شن صارلي في غيابك متت وربي انتهيت
انا:-نسمع فيه ومرايفه علي صوته ومنهاره رايفت عليه كيف يقولي عويشتي رايفت ع حبه ع كلامه ع كل شي في لحظه حسيت روحي بنضعف قدامه ونسيت كل شي
انا:-محمد شخبارك
محمد:-اه ي عويشه حياتي بلاك ولا شي
انا:-نسمع فيه كيف مستمر يكذب وينافق فيا
محمد:-انتي سيبتي راجلك
انا:-لالا .......
محمد:- عادي حتى لو اجوزتي مش حنسيبك راضي بيك حتى وانتي متجوزه
سهى:-درات كتم🔇🔇🔇وفنصت عيونها لالا ي عويشه حرام عليك رواد حرام هذا يبي يلعب بيك عشان عرفك انتي مجوزه فقعدتي ساهله عنده يرحم بيك لا فوتيه الكلب....
محمد:- عويشتي تسمعي فيا مرايفه عليك وعلي كلامك مرايف ناخذك في حضني
انا:-محمد .....من سميره
محمد"-بارتباك سميره من
انا:-سميره سميره ي محمد سميره حبيبتك وانا نبكي بالعبره ومنهاره
محمد:-تكذب عليك كذااااابه هذه وحده تبي تخرب بينا
انا:-محمد انا شفت بعيوووووني شفتك وانت حاضنها شفتك وانت تبوس فيها شفتك بعيونيييي ..
محمد:-نا بعد سيبتيني تميت دايخ تميت نبي ننسى والله مانبيها والله مانبيها كنت نبي ننسى بيها انتي ....ماتخليهش تكذب عليك وتقولك يبيني
انا:-محمد مازلت مصر تكذب عليا مازال
محمد:-انتي اجوزتي وفتيني مادوتيش حتى نا شن كنت نحس وقتها ...شفتك عايشه حياتك مع راجلك شفتك وانتي معاه بدلتيني بشنو بمعاق وراقد ريح اخرى شن فيه من زياده عليا
انا:-انت عارف اني كيف اجوزت وعارف كويييس بعدين رواد مش معاق
محمد :-ماشاء الله اسمه رواد الاخت مكبده وتلوم فيا كنه حبيت تبيني نستناك وانتي عايشه حياتك
انا:-خساره حبي لك خسارررره وانا كنت مكذبه الناس في حبك....وانهرت بكاء
محمد:-انتي يلي بديتي وبدلتيني تحملي خطأك وبعدين نا عليش بنستناك
انا:-حسبي الله ونعم الوكيل حسبي الله ونعم الوكيل
محمد:-هيا هيا....مش فاضي نا جايه تبكي بعد الفتره هذه كلها...وسكر الخط
انا"-بصدمه سكر عليا الخط ي سهى سكر عليا وقعدت نخبط ف وجهي وتمسك في سهى
سهى:-عويشه هذا واحد يحسابك رديتي يبي يدير جو معاك هذا اصلا ماحبكش ولاعمره حبك ....عويشه اسمعي كلامي ليش ليش تبهدلي في روحك علي واحد.......🔇
أنا:-وعيوني تنفخن من البكاء
سهى:-تمسحلي في دموعي هذا خير لكي شفتي ربي كيف عوضك برواد عشان بيفكك منه لو قعدتي مع محمد الله اعلم شن كان حيديرلك
انا:-كنت نسمع في هدى وهي تحكي وقلبي منكسر جوا
سهى:-انتي حتنجرحي شوي وعارفه كلامي واعر عليك بس افتحي عيونك وشوفي في من يستحق اكثر منا....
وهيا صبي صبي قدامي واغسلي وجهك خير مالبنات يلاحظن ورد بالك تنكدي علي روحك ....
صبتني سهى وخششتني للحمام بالغصب عشان نغسل وجهي
انا:- خشيت للحمام وقعدت نشوف في روحي فالمرايه ودموعي ينزلن بدون ارادتي ونشهق من البكاء قلبي يوجع فيا حسيت روحي ماعنديش حيل ونذكر كيف كان يعامل فيا كيف يدلع فيا ....معقوله معقوله نساني بهالسرعه آاااااه ي قلبي نا خلاص ضعت ماعنديش عليش عايشه انا كني كني حظي هكي حتى يلي حبيته وامنتله يطلع حقير ونطيح عالارض في الحمام وحاطه يدي علي فمي ونبكي.
سهى:-طق طق طق عويشه عويشه افتحي ردي عليا عويشه كنك
انا:-فتح الباب وكنت نشوف للسهى بنظرة انكسار ...سهى اناشينه
سهى:-من قال هك
انا:-ها ليش سيبني في حاجه الغلط
سهى:-نا شن قتلك تي هذا حقير حقيييير بيلعب بمشاعرك فوتيه فوتيه وهي معاي للدار نديرلك مكياج حرام عليك رواد يشوفك هك سد انك اعترفتيله بحبك لمحمد حرام عليك عللاقل مايشوفكش بالمنظر هذا
دارتلي سهى مكياج لطيف وطلعنا عالبنات وقعدنا نهدرزوا
وعدوا عيت عمي علي قريب عالمغرب
وقدت مع البنات نحنا ومقعمزين ونهدرزوا......
ينفتح باب الحوش....
بااتي:-عاااايشه عايششششه انتي ي فرخه الكلبه وين
طلعنا نجاروا واناكرعيا يرعشن
انا:-اه ي باتي خير وجيت قربت نبي نسلم عليه
بابا"-تي انتي شن جيبك هنا شن جيبك ماصدقت افتكيت منك شن تبي جايه واخرى جايه اتديريلي في عرايك مع الوليه ايش تبي فيها مش عندك خارب كنك ماتقعدي فيه ويقعد يكر في من شعري ويضرب فيا كراشوات
اسما:-لا ياباتي لا تعوقها يا باتي مرات راجل توا اظربني نا ماتجيش شورها
هدى:- صبت قدامي لا ياباتي حرام عليك ياباتي ام السعد هي يلي بدت عويشه ماجتش شورها
سعاد:-تمت تعاير فيها براجلها تقوللها معاق
بابا:- حولن هك ي فرخات راه انحطكن فوق بعضكن وفعلا هو معاق وهذا جزاك واقل من جزاك ماقالتلكش حاجه غلط هي
ماماذ:-خلاص سادك سادك وانت قاعد معش تفرز يلي تقوله لك تجي هاد علينا بعدين هذا حوشي وحوش بناتي نا فديت قوللها معش تجي هنا الحوش هذا لي وللبنات
بابا:-والله طلعلك صوت ي فتحيه
ماما:-سديت نا وساكته زامطه ومعش نبوا منك شي غير خطونا كان علي طشت هالخبزه اليابسه فالصبح توا نجيبوها برواحنا وتذكر انه جيت للمدينه ف سبه بناتي والحوش هذا بإسمي ومش مفرطه فيه
بابا:-تبنها عاد تبنها تبن تزيطن من وراي لكن والله نوريكن من يوم وغادي وطلع.......
وانا قعدت نبكي انهرت ويدي قعدت تسطر فيا بشكل رهيب
ماما:-خلاص ي بنيتي خلاص عليش متحمله وصابره الا عشانكن هيا سلم بنيتي اسكتي
