تزوجت معاقًا💛
🔔الحلقه (32)💛
🔔للكاتبه فاطمه العبيدي ✏📖💛
نور:-ولا حتفهمي....ولا تصدقني
كنان"-بس نبي نفهمك ....نوووور احكي
نور:-لالا
كنان:- قوليلي شن قصه الحلم وكيف عرفتيني نور وينك
نور:-.....كنان!!!
كنان:-نعم
نور:-انت خاطب
كنان:-من قالك خاطب والله ماخاطب
نور:-والبنت يلي تقعد معاها
كنان:-والله مانبيها صديقه بس....يعني ماتبيش تحكي
نور:-لالا...كان تبي تصير حاجه كانت صارت من زمان...
كنان:-براحتك👍🏼
نور:-👍🏼
نور🍃
مش عارفه ليش درت هك مافكرتش ليش....حلمي قعد واقع قدامي انا يلي باعدته عليا لييييش ليش درت هك وانهرت بكاء....كإني اعتدت عالوجع خفت خفت يكذب عليا ويستغل حبي له ....
ألاء:-نور....نور كنك تبكي
نور:- ....نبكي وغارسه وجهي فالمخده ....عرف عرف .... بقصة الحلم...اكيد يقول عليا كيف ماقال عليها اني نحبه
الاء:-هييييي نور تحكي جد.....كيف عرف
نور:-انا قتله
الاء:-وليش تبكي هذا الصح
نور:-لالا ...حيفهمني غلط اني عازقه روحي عليه
الاء:-بالعكس بعدين هو مهتم بيك قبل حتى مايعرف بقصة الحلم
نور....: قولك هك
الاء:-ربي كاتبلك انك تعيشي التجربه هذه معش تلومي روحك خلاص.....
نور:-اه يارب
الاء:-صبي هيا نعدوا غادي عميمه صباح سبقتنا
نور":-هيا....
_______
في حوش الحاج زيدان 🍃
كان يفطر هو وفاطمه والحاجه حواء..
الحاجه حواء:-كنك ي حاج ماتاكل
الحاج زيدان:-في موضوع في بالي شاغلني
الحاجه حواء:- كنك ي حاج ان شاء الله خير
الحاج زيدان:-والله واجعتني هالبنت راقدة الريح
الحاجه حواء:-وماجا عمها بياخذها معاه
الحاج زيدان:-قعد يأشر بسبابته معناها لالا...ي نقني ماني متريحله ...البنت كويسه وماعندها والي وكان اعمامها كويسين راه ماطقة بابنا
فاطمه:-وانت ي باتي شن قولك
الحاجه حواء:-فيش تفكر ي حاج
الحاج زيدان:-صبا وقعد يساوي ف جرده ان شاء الله خير نبي نمشي لحوش سعد وتوا انجي.....
فاطمه":-سعد مش قاعد
الحاج زيدان:-نبي صقر نا
فاطمه:-اها شفته اليوم فالصبح
الحاج زيدان:-اوباه ....تبوا شي انتوا توا
الحاجه حواء:-سلامتك ي حاج.....
وعدى الحاج زيدان تمى يتمشى فالمزرعه وماشي لحوش سعد شاف صقر من بعيد يركب في سيارته......
الحاج زيدان:-صقر ي صقررررر
صقر:-التفت للجده وجاه نعم ي جدي صباح الخير
الحاج زيدان:-صباح النور ...اه قبل بتطلع
صقر:-لا والله قبل طاق هنا لوليد صاحب
الحاج زيدان:-نبي نتمشى معاك فالمزرعه نبي نحكيلك موضوع...
صقر:-نعم ي جدي ...ان شاء الله خير
الحاج زيدان:-لا خير خير.......
وطلعن البنات من حوش منصور....
نور:-صباح الخير ي جدي
الاء:-وهي منحرجه مطبسه راسها صباح الخير
صقر:-صباح النور
الحاج زيدان:-صبحكن بالخير ونهاركن مبروووك اه مشيات للحوش
نور:-اها ي جدي جو المزرعه اليوم يهبل توا بعدين فالعشيه بنطلعوا نكسدوا بره
الحاج زيدان:-كانت عينه مع نور وعين مع صقر يلي كان طيله ماهما واقفين شارد ف الاء
الحاج زيدان:-ايش رايك ي صقر....صقر صقر تسمع في
صقر:-نط ع صوت جده...اه اه ي جدي نسمع فيك
الحاج زيدان :-لا وااضح واضح انك معانا...نور قالت نطلعوا نكسدوا فالمزرعه بعدين
صقر؛-والله يلي تبوها حاضر....كيف الضيف عده ي جدي
الحاج زيدان ":-عدا فالهصبح.....
الاء"-بإرتباك عمي عده؟
الحاج زيدان ":-اها.....وعندي معاك قعده بعدين
الاء:-ان شاء الله ي جدي
وعدن البنات وخشن للمزرعه...
