تزوجت معاقًا
الحلقه الرابعه عشر
للكاتبه فاطمه العبيدي 📖✏
انا:-نجك ليا وبسته بوسة خطف
رواد:-ناعليا توا نقعد ديما نجيبلك قي شوكلاطه مادام بمقابل
انا:-هههههه
وطبست نطلع في الكيس من تحت الكرسي ونلقى .....
رواد شن هذا ...ملف شنوا
رواد:- ملفك
انا"-بتعجب....كيف
رواد:-نقلتك من المدرسه للمدرسه قريب منا
انا:-رواد تحكي جد
رواد:-اها كنك مستغربه
انا:-مش ع اساس مبطلني وماتبيش وحده تقرا
رواد:-بس الوحده هذه نحبها ونبي نشوف روحي فيها وبعدين حرام السنه شهاده ومانبيكش تحسي بنقص ولا حد يعايرك ....باتك قالي انك مبطله مانحسابش انه بطلك ....عشان هكي قلت باهي احسن بس توا غيرت راي
انا:- وعيوني مليانات دمووع ....مسكت يده تعرف انت من النعم يلي ربي نعم بيها عليا حمدت ربي انه باتي جبرني عليك حمدت ربي انك موجود ف حياتي وبسته ف باطن يده من جوه ... وشد ع يدي رواد زين
رواد:-نبيك تكون مبسوطه بس معاي عارف روحي مش كامل ومعاق بس....
انا:قاطعته وحطيت يدي ع فمه...اشششششش من قالك ناقص انت كامل ف نضري انا عمري ماكنت سعيده كيف ماانا معاك....
وقربني رواد منه وحطني ع صدره
رواد:-ربي يخليك ليا
~~~~~
وصلنا للمزرعه ونزلت ونزل رواد وانا خشيت عالصبايا
انا:-السلام عليكم
صالحه:-خيرات ي عويشه كنكم طولتوا شغلتونا
انا:-والله ي عميمه رواد تمه يبي مشوار خذاني معاه ع اساس عالسريع بس طولنا
صالحه:-باهي تعالي قعمزي نصبولك شاهي فاتاتك العصريه
الحاجه حواء:-ها يمي فيش تحسي روحك توا
انا:-كويسه الحمد لله
فاطمه:-عويشه نحطلك غداء
انا:-لا ياعميمه مافيا ماتعبك العشاء قريب
سحر"-عويشه تعالي نبيك نوتوا السلطات العشاء شوايات
انا:-هيا هيا اني جيتك
نور:-الله منظرهن يسهف
حلى:-نموت في سلاطة الخيار انا
انا"-ههههه توا ديما انديرها لك
كريمه:-شكلك تحبي المطبخ ي عويشه حتى الكيكه تهبل سلم ايديك
انا:-سلمك ي اعميمه
مهى:-الشوايات مافيهنش جو الا بالسلاطات لكن صلاح مايحبهنش مايعرف غير السلاطه العاديه
انا:-هههه اغلبيه الرجاله هكي لكن رواد نقولك حسيته عادي يتقبلهن
وجت يسرا صبت فوق روسنا ونحنا نوزعوا فالسلطات
يسرا:-عاديه شن فيها من علم
سحر:-بالعكس طعمتهن تجنن حتى انا ديما اندير فيهن بس عويشه طعمتهن خيال
حلى:انتي غير اعرفي ديريهن قبل
وقعدن البنات يضاحكن قصف في نص الجبهه😂
نوريه"-جت ماسكه حمادي في يدها ...حي عليا هذا شكله بيمرضلي يكح
انا:-بلكي مخففتله
نوريه:-لا والله
صفاء:-حطيه جنب اجديده معش تطلعيه بره صقع
مهى:-شر منه الا عيالي بعدك ماعندهمش مناعه بكل
نوريه:-بكل وحق ربي عيال توا متعبين
وعدت نوريه شايلته في يدها وشالاته للجدتها
الحاجه حواء:-عدي ماعليك فيه توا ندهنله صدره بزيت زيتون يتريح عدي هدرزي مع البنات .....
وجتني نوريه وقعدنا نهدرزوا وهذينا السلطات قسمناهن عالمفرش وخذينا للرجاله في سفره ...
وكان جو يهبل كابرين نار بره وملتمين عليها وطلعن البنات الشبابات حتى هنا قعمزنا كلنا بره وكان زيدان وصقر هما يلي يشووو وعمي سعد هو وصلاح يشرح فاللحم.....وجدي زيدان وجدي مفتاح وعمي منصور مقعمزين علي كراسي من يلي يطبقن وجو خيالي......
انا كنت منحرجه نشوف فيهم
أشرلي رواد بيدي معناها تعالي .....وجيت قعمزت جنبه كان فاتح باب التيوته من لاوره مقعمز عليه وجيت قعمز بجنبه
رواد:-قرب عند وذني وقال...
اهو مش خاطرك فيها الركبه من لاوره شن رايك
انا:-هههههه مش هكي خاطري فيها وهي تمشي
رواد:-بكره ان شاء الله شكلك بتهبليني معاك
نوريه:-كنكم توشوشوا ي عيت رواد
صقر:-مافيش ي رواد رانا مركزين معاكم ماعندنا ماانديروا
زيدان :-وهو يقلب فاللحم وبعدها بحت ف سحر الله غالب ادعيلنا حتى نحنا بيش نزوجوا ونخطوك
سحر:-وجها قهد حمرررر وقعدت دايره روحها تقلب في فونها
وجت عميمه كريمه شايله قصعه عجينه ...
ودارولها الشباب بومردم وقعدت ترمي فيه
كانت لمه العيله اجمل من كل شي كانوا بسيطين حتى ف كلامهم مش مضاهر وتفشيك عالكذب .....
وحطوا الشوايات وخذنهن جوا وقسمناهن ف تباسي وتعشينا وانا كنت مقعمزه يجيني رواد
رواد:عويشه خذيتي كبده
انا:-انحرررججججت
