تزوجت معاقًا 💔
الحلقه الخامسه 🔥🔥🔥
للكاتبه:-فاطمه العبيدي☺
وانا:-مصدومه 😨من يلي سمعته ومن يلي شفته قدامي شفت فيلم مصري قدامي شفت كذب وافتراء قعدت جامده ف مكاني وحاطه يدي ع فمي ....
يجن الصبايا يجارن مع جيت الرجاله من الجامع ويسمعوا صوت العياط يجوا يجاروا ويلقوني انا مصبيه قدام باب دارنا وام السعد طايحه عالفرشه قدامي.........
انا:-....كذب كذب كذب
بابا::. 😡😡 شن درتن للوليه ونا كنت نكذب فيها لماوتقولي بناتك يضايقن فيا .......
هدى:-والله والله ماقربناها هي يلي جت هاجمه علينا
ام السعد:-لما نقولك بناتك خباث تكذب فيا😥اهىئ اهئ اهئ نا معش نقعد فالحوش هذا ننضرب وننهان وانت تفرج
بابا:-تحقن في غبي قدامكن ....تلعبن شكلكن مازلتن ماتربيتن بعد ويهجم علينا يكرني من شعري ويقعد يكر في لعند الصاله ....
ماما:-ووووك وووك بنيتي ياربي ياربي دونك له ي علي قتلها قتلها
حني؛-كنكن ي صبايااا ي صبايا وحده فيكن ترد علي ...الصبايا وين راحن.
آيه مرات عمر عرفت انه في مشكله ماتحركتش من مكانها انحرجت قعمزت جنب حني.(لا ي اجديده غير مشغولات توا يجن يصلن فالعصر اكيده)
حني:-الستر الصبايا وين راحن
.
.
انا:-لا ياباتي والله ماقربتها هي يلي بدت تسب فينا
بابا:-صمي فمك ويحول سير السروال وبيبدي في حسيت جسمي قعد بارد من الظرب الوجع يلي في قلبي كان اكبر من الضربه بمليون مره
انا :-آااااااه ياربي آه ياربي ياربي💔😭
بابا:-بيش بعد المره تحترمني وتحترمنها
يجيه عمي علي ايدفه ويصبي قدامي ....
عمي علي :-والله مانك جاي شورها كان لمستها يبقى لانك خوي لا نعرفك
بابا:-حول حول البنات مايبن غير هكي لاهن محترماتني لا محترمات الوليه حق شن دارن فيها
عمي علي:-عدي لم مراتك قبل ماتقرب البنات عويشه عارفها استحاله اتدير الشي هذا
بابا:-مافسد طبعهن غير انت .....
وبحت فيا من ورا عمي ....هالمره عشان خاطر خوي صبي توا تأسفي قدامي وحبي ع راسها
انا:-عليش هي الغلطانه مش نا
بابا:-صمي فمك يالكلبه مازلتي تلاطعي
عمي علي:-صبي عويشه ....ودارلي بوجه معناها عشان خاطري
صبيت وكل خطوه نحس بروحي ثقيله كأني نوطى عالجمر كرامتي ونفسي حطيتهن تحت كراعي وصلت فيها
انا:-اسمحيلي كرت يدي عندها
ام السعد :-هذه البدايه بس ي عويشه💬
انا:-وجهي قعد اسود .....كريت يدي منها وطلعت نجري للدارنا لحقني البنات......
وطلع باتي هو وياها وصرفق الباب وراه🔥💢💢
.
.
انا :-قعدت نبكي علي علو صوتي جسمي كان يالم في ...باتك مفروض يلي يكون سندك فالدنيا يدير هكي معناها الناس اللخرى شنو😭😭😭😭😭
ماما:-جت اظبطتني والبنات حتى هنا قعدنا نتباكوا
ماما:-ياناعلي بناتي يلي ماضاقن طعمت عيشتهن ياناعلي انحرمن من حنان الاب ايش دايره ياربي ف عمري
نعيمه:-وحدي الله ي فتحيه وحدي الله ي خيتي ربي فوق ياخذ الحق بعدين توا يحكي معاه علي غير توا فاير بس
ماما:-والله هذا مامرعي لولي يلي كان يحلف برأس بناته
نعيمه:-والله مديورتله حاجه.
سهى:'خلاص يا ويشتي ي قلبي خلاص عليش البكاء
خلاص ي دودو
هدى:-يعني ماوجعتش ولا وجعه حالنا جا بيكمل علينا اليوم
اسماء:-حسبي الله ونعم الوكيل فيها هذا ابتلاء جابه لنا ربي
ماما:-يارب يارب .....
ربى:-عميمه فتحيه نبوا ناخذوا معانا اليوم عويشه تغير جوها
ماما:-والله ي بنيتي قرايه ماظني تقدر
سهى:-عادي فالصبح نودوها نحنا ماعليك غير قولي باهي
ماما:-باهي غير ماتطولش بس يوم واحد
سهى:-باهي ي عميمه نحنا نقعدوا بالايام عالاقل اسبوع
ماما:-والله اهي قدامكن شوفنها
انا:-بحتت في ماما يعني عادي
ماما:-خلاص عدي وتي دبشك
صبيت قعدت نوتي ف دبشي خطر عليا الفون طلعته ودسيته معاي فالشنطه
سعاد:- خشت عليا نا نلبس
عويشه راك تنسي مذكرتك متاعت الانجليزي يلي فيها التحديد
انا:-اها خطرتيها عليا.
وبعدها جا عمي علي
عمي علي:-سهى سهى.....
سهى:-نعم ي بابا
عمي علي:-قولي للامك هيا ليل توا
سهى"-حتى عويشه جايه معانا راه
عمي علي:-اوباه قاعد نستنى فيكن فالسياره وماتطولنش .
.
.
وخذيت شنطتي في يدي وطلعو عيت عمي للسياره وقعدت نلبس في كندرتي.
ماما:-استني نعطيك حق فطورك
أسماء:-اهنا ي ماما توا نعطيها نا ...
انا:-لا واجد هذينا
اسماء:-دزي بيهن حتى علي عصير للعيت عمي من غادي عيب مشيتي يدك فاضيه
انا:-تمام هي مع السلامه
طلعت ركبت فالسياره(عمي علي عادي ترن ع باتي تقوله اني مشيت معاكم😔)
عمي علي:-اها كلمته ماتحطيش في بالك
وصلنا لحوش عمي علي ودارن البنات العشاء وتعشينا وخشينا للدار قعدنا نهدرزوا وغيرلي جوي💗
انا:-آه ...خطر عليا الفون عديت نجري فتحته ..وصلنلي عرم مكالمات فائته ورسائل
وبعدها قعد يرن
سهى:-عويشه كيف قعدتوا تحكوا توا
انا:-اها هو طلع سائل علي وقالي فتره نتعرفوا ونتقدملك وقالي......
ربى:- واضح انه ولد ناس بس اهم شي خوذي حذرك منا بس
انا:-انا تريحتله فالبدايه منظره يوحي انه مغرور بس بعد تعرفت عليه انسان متواضع بكل
سهى:-المتربي عالعز من يومه ديما متواضع
