🌸تزوجت معاقًا 🌸
🔥الحلقه الرابعه والعشرون 24🔥
💙للكاتبه فاطمه العبيدي ✏📖
ويجي صوت فاطمه فالصاله.....
فاطمه :-صقر ي صقررررر العيل وين راح ياخذ الشاهي.....
صقر:-......
ألاء"-:-😨😨😨😨😨 حي عليا شن اندير...وقعد ألاء تنطط وترجف
صقر:-اسكتي بس وطي صوتك.... قعد صقر يحوس ف مكانه مش عارف شن يدير ....عدى يجري خش تحت السرير...
وفتحت فاطمه الباب🍃
فاطمه:-خيرات ي بنيتي ...كان كملتي صلاتك تعالي اطلعي معانا بعدها اكيده حتى عشاء مش متعشيه(انا فاطمه عمت صقر)
ألاء:-حاضر ي عميمه فاطمه شويه ونلحقك
فاطمه:ماتديريش غيبه سلم ابنيتي
ألاء:-ان شاء الله...(وألاء كانت ف عالم بروحها وشاده اعصابها)
طلعت فاطمه وسكرت الباب وراها صبا صقر من تحت السرير
الاء"-اطلع اطلع قبل مايشوفوك .....
صقر:-انتي اطلعي قبل توا نلحقك
ألاء :باهي تمام .....وطلعت ألاء تجري ...
وسيبت صقر وراها يلي كان يحك ف رقبته من لاوره ويبتسم....
ألاء🍃
خشيت عالصبايا وقعمزت كنت منحرجه حسيت روحي متطفله ....كانت مقابلتني وحده سمينه شوي وبيضاء بس ملامحها واضح عليها الطيابه كانت لابسه وشاح اسود وثانيه وحده من ركبها تحتها (كريمه) تمت تبحت فيها بعدين سألتني
كريمه:- في سنه كم ي ألاء واضح عليك صغيره
ألاء:- المفروض في الجامعه بس بطلت من اول ماتوفقت امي الله يرحمها
وبعدها حكت معاي وحده هي يلي كلمتني من جوه عشان نطلع (فاطمه):- بنظره حزن الله يرحمها
كريمه:-مرات باتك ليبيه
الاء:-اها ليبيه .....(في عقلي يهوديه مش ليبيه)
وبعدها حكت وحده كانت رقيقه وملامحها حلوات فيها شوي سموريه بس حليوه ومش كبيره واجد( صباح):-والله مرات الاب ماتجي ف مكان الأم
ردت عليها وحده اخرى كبيره فالعمر حسيتهن سلفات انا
صالحه:- الصبايا توا معش يخافن ربي الا من رحم ربي
وبعدها حكت العجوز يلي كانت قدامها عاله واضح عليها انها جدتهم(الحاجه حواء):-تعالي ي بنيتي اقربي جاي
ألاء":-مشيت لجيهتها وقعمزت بحذاها
الحاجه حواء:-انتي توا بنيتنا وماتديريش غيبه كيف ماقالك جدك حتقعدي معاي هنا نا ساكنه بروحي وهذينا كلنا صبايا عيالي ويسكنن كلهن جنبي حتى بنيتي فاطمه متجوزه
أنا:-لما قالت متجوزه قلت كيف تسكن هنا (نظره تعجب )
الحاجه حواء:-عرفت سؤالي....عمتك فاطمه ارمله وعندها وليدين بعد ما توفى راجلها بنالها باتها جنبنا عشان تقعد قريب منا
ألاء:-بحتت ف فاطمه الله يرحمه ويقدرك ع تربيتهم ويحفظهم لك
فاطمه:-ان شاء الله يارب
وصبت فاطمه من قدامي وقعدن يعرفن بيا في ارواحهن...بعد ربع ساعه جت وشايله سفره في يدها
فاطمه :-تعالي تعشي
الاء"-انحرجت بكل والله ماكان في داعي للتعب تعشيت والله
فاطمه:-لا والله مافي تعب
ألاء"-قعدت ناكل بشويه رغم اني جيعانه بكل بس تحشمت
صبيت رفعت السفره....وين المطبخ
فاطمه:-خليها عنك توا نشيلها
الاء:-والله ماصارت توا نغسلهن نا
فاطمه:-ياناعليا مازلتي ضيفه
الاء:-والله عادي مش قلتيلي ماتديريش غيبه خلاص خليني نغسلهن
خشيت للمطبخ يلي كان فيه باب يفتح في دار المعيشه كان كبييييير بكل ونهايته دولاب بالدور الداير ورخامه وحوضين غسل.....
الاء:-في سائل
فاطمه :-استني نجيبلك من المخزن ...
ونسمع صوت وراي...
صقر:-احم احم
الاء:-شفتله ....تبي حاجه
صقر:-اها غير كنت جايب الطاسات
الاء:-قربت منه هات توا نغسلهن
صقر:-لالا البنات وين
الاء:-غير هيت بس تعزم عالبنات.هههههه
صقر:-اها😂😂😂
وبعدها حكى بحنيه...
صقر:-انتي جوك تمام توا
الاء":-بهدوء...اها تمام
مع خشت فاطمه
فاطمه:-وينك اندور عليك امبدري نبيك تشيل الشاهي
صقر:-إزّلط ......اها غير كنت فالحمام
ألاء:-خلاص ماسكه الظحكه بسنوني
فاطمه:-اها ...
وعدى صقر.........
وكملت غسل المواعين وخشيت جوا والليله هذك نور قالتلي تمشي معاي للحوشنا مكسده ......
ومشيت مع نور وصباح وحلى للحوشهم اول ماخشيت للدار لقيتها ثلاث سراير
الاء:-بإستغراب ...عندك اخت متزوجه
حلى:-لالا سحر اختي مسافرة مع عيال عمي للعلاج في المانيا
نور:-مرات ولد عمي مريضه وماشيين معاها
ألاء:-ان شاء الله ربي يشفيها
نور:-فتحت دولابها وطلعت للألاء توته.. .خوذي راحتك
ألاء ":-شكرا ...كلك ذوق
نور:-ماتديريش عاد غيبه الحوش حوشك....
______________
في ألمانيا 🍃
بعد ما روحنا للمنتزه مشينا تغدينا في مطعم كان فالمنتزه بحد ذاته..... ...
رواد:-تبوا نروحوا للفندق...
انا:-باهي خلينا شوي ندوروا اليوم
رواد:-حس اني مش خاطري نرد للفندق..خلاص تمام بس وين نمشوا
زيدان:-اسألوا سحر الدليل السياحي
سحر:-ههههههه حتى انا شر منكم.....
رواد"-كذا شوفيلنا
سحر:-باهي ....برج التليفزيون ببرلين.....هذا برج تشوفي بيه المدينه من فوق
انا:-الله ....
سحر:-بس بالحجز مكتوب
زيدان :-باهي احجزي...
سحر :-تمام....
انا:-خذينا تاكسي ومشينا كان البرججججج خيال حسيت رقبتي انقطعت وبنشوف كم طابق
