🔔تزوجت معاقًا
🔔الحلقه الثلاثون 30
🔔للكاتبه فاطمه العبيدي ✏📖
حلمت اني نمشي فالكليه وكإني خبطت فيه
نور:-باسم إلله
كنان:-صباح الخير....
نور:-صباح النور .....
كنان :-امتى نتلاقوا؟؟؟؟
نور:-ووعيت وانا مفجوعه....وقعدت نستغفر......شي ممل اني نقعد في نفس الحلقه...رقدت وكلي خيبه💔
______
في ألمانيا 🍃
حتى الليله هذه اصر رواد انه يبات معاي وعدوا صقر ورزيدان وعدى رواد يوصل فيهم....
جتني الممرضه قلتلها ماله بنطلع بره
الممرضه:-تمام....وخذتني من يدي وشالتني للجنينه متاع المشفى....
شافني رواد وانا نتمشى جا خذا يدي من الممرضه
انا:-حبيبي بنقعمز تعبت
رواد:-اهوا كرسي نقعمزوا عليه
انا:-كانت اضواء المستشفى معبيه المكان ووورد مشكلينه بأشكاله تسر القلب....حبيبي
رواد:-نعم
انا:-مرايفه ع ليبيا
رواد:-مسكت يدي وحطها في يده حبيبي ان شاء الله اسبوع ونردوا
انا:-كنت نشوفله ...(رواد ديما يحاول انه لما يقعد معاي يخبي في يده مع اني نحس فيها عاديه مانحسش فيه معاق كان معتمد ع نفسه ف كل شي ولا انا بديت نحبه ماقعدش نشوف في عيوبه)....رواد
رواد:-صبا وهو يعرج جابلي ورده وجا قعمز بجنبي .....وحطها ليا ع وشاحي...
انا:-هههه شنو
رواد:-مانبيكش تكوني متشائمه هك تحسابيني مش ملاحض نا استحاله نسيبك لو مهما كان السبب ....
انا:-انت ديما معاي وتحاول بكل استطاعتك انك تسعدني بس انا ولا مره درت هكي....رواد (ومسكت يده يلي فيها اعاقه)حبيبي انا مراتك حبيبتك ماتخبيهش عليا
رواد:-سحبها مني ....عويشه عارف انك صغيره وماتستحقيش واحد كيفي نا تشردت واجد ف عمري عمري مافكرت انحب ولا ننحب كنت ديما مهمش رواد الطيب بس بس عمرهم مانظرولي نظره غير نظره الشفقه وي مينتي كنه يمشي هك كنه يدها هك.....نا يلي يخافوا مني لما يشوفوني
انا:-رواد شن تحكي انت عمري مافكرت حتى التفكير هك ولا مره
رواد:-تعرفي ايام فالإبتدائي طبعا باتي ع قد حاله مقدرش علي معاياناتي كنت حمل ثقيل عليه
انا:-رواد ليش تقول هك انت نعمه من ربي وانا نحمد في ربي ليل نهار عليك ......رواد انت صارلك هك من الولاده
رواد:-لالا ......صارلي شلل الاطفال ونا عمري سنتين في تطعيمات مادرتهنش الشلل جاني جزئي ....بما انه بعيد عالمدينه وباتي ماكنش عنده سياره فاتني التطعيمات
انا:-(قلبي كان مكسور عليه)
رواد:-انا طفولتي استحاله ننساها عشت التنمر بجميع انواعه حتى اللعب ماحد يخلي فيه نلعب معاه يقولولي شن بنحطوك حارس هأ .....كنت في كل مكان حاجه تجيب الشفقه وتخوف.....
الثانوي قريته شباب بس...فالشهاده خلطونا عيال وبنات
انا"-باهي
رواد:-كان خاطري كيفي كيف الشباب نحب وننحب مراهقه يعني بس للأسف كنت الوسيط بين الشباب والبنات ...كان خاطري نكمل قرايتي ونواصل للجامعه واول ايام ليا فالجامعه اصحابي بدوا يستعيروا مني ومن شكلي ماقدرتش كنت نمشي ونجي هموم الدنيا علي قلبي
انا:-حبيبي(مسكت يديه الاتنين)مافيش فرق بين حد وحد الا بالتقوى والعمل الصالح الشكل عمره ماكان ميزان للحد انا لما جيتك ياما بكيت قلت باتي كيف عزقني هالعزقه لواحد معاق اخرى
رواد:-وهو يشوفلي بنظره عتاب
انا:-بس لما عشت معاك وشفت حنيتك شفت معاملتك للامك وللهلك كيف انك انسان تنحب وانا استحاله حنلقى خير منك
رواد:-عويشه انا....
انا:-حطيت يدي ع فمه ....خلاص بعدين انت اعاقتك مش من الولاده يعني تعالج منها
رواد:-كيف
انا:-نعرف وجدات مشلولات بكل توا يمشن مع التدليك....وفي دكتور هنا توا نمشوله بكره
رواد:-لالا توا خلينا فيك انتي
انا:-انا كني مافيا شي الحمد لله ....خلاص نشوفوا شن يقولنا الدكتور بس خليها عليا كيف ماانا خليتها علي ربي وعليك
رواد:-ابتسم تعرفي اول مره حد يحسسني اني نقدر نكون احسن
انا"-لانك ماسعيتش وقنعت نفسك بأنك مستحيل تتعالج
رواد":-ربي يخليك ليا ي عمري....هيا نرقوا الجو صقع
انا:-هيا وحطيت راسي ع كتفه ومشينا
______
فالصبح في حوش الحاج زيدان🍃
الحاج كلم خوه مفتاح وظنا عمه وحكالهم القصه عشان يمشوا للحوش هل الاء ......
كانت الاء وفاطمه مصبيات فالكوجينه يصترفن...
فاطمه:-لولي كنك ليا ايام نحس فيك مرتبكه من حاجه
الاء:-خايفه ولد مرات باتي يجي لعند هنا ويتهجم عليا
فاطمه:-كيف يجيك لعند هنا من وين يعرف مكانك بعدين مش سايبه
الاء:-وصبت الاء تغسل فالمواعين وهي تنفظ في ايديها في حاله توتر انتي متعرفيش ماتعرفيش هذا شيطان علي هيأه انسان
فاطمه:-حسبي الله ونعم الوكيل فيه معش تفكري فيه بس
الاء :-ان شاء الله
الحاج زيدان خش للحوش وقال للفاطمه تكلم ألاء...
الحاج زيدان:- صبا قدام باب الصاله فاطمه ي فاطمه
فاطمه:-جاته تجري نعم نعم ي باتي
الحاج زيدان:- كلميلي الاء
فاطمه:-حاضر ي باتي ...عدت فاطمه لقتها تغسل ف مواعين الفطور....لولو تعالي يعيطلك باتي
الاء:-انا😳
فاطمه:-اها يبيك عديله بسرعه
ألاء:-عدت وهي عارفه انه الموضوع يخصها
....وصلت فالحاج زيدان يلي كان مقعمز علي كرسي فالفرانده يراجي فيها
الحاج زيدان :-اه ي بنيتي تعالي قربي جاي
الاء:-اه ي جدي قالو ناديتني وكانت متوتره وتطربق ف صوابعها
الحاج زيدان:-اليوم ي بنيتي كلمت العايله عشان نمشوا للهلك وان شاء الله خير
ألاء:-بارك فيك ي جدي ويطولي بعمرك ومسكت الاء يديه قعدت تكب عليهن....
الحاج زيدان:-استغفر الله ي بنتي توا عندك حاجه تبيني نقولها لهم
ألاء:-لا ي جدي يلي تقوله هو الماشي
وخذا الحاج زيدان وصف حوش هله وعدوا🍃 صقر ماكانش قاعد يومها عنده حموله....
وصلوا غادي قريب عصر....
الحاج زيدان:-نزل من السياره ويلف في جرده ومعاه مفتاح خوه وظنا عمه الحاج حمدان والحاج يوسف
الحاج مفتاح:-قرب من باب الحوش حوش عم الاء يلي كان شعبي واضح عليه قديم....
طلع منه شاب...
الشاب:-لما شاف مناظرهم رجاله كبار واضح عليهم الهيبه والوقار.....تفضلو تفضلو
الحاج زيدان:-يزيد فضلك ي وليدي مش هذا حوش عبدالله الفلاني...
الشاب:-اها هو قاعد جوا خشوا تفضلوا خشوا
الحاج زيدان:-الله يسلمك ي وليدي
الحاجه مفتاح:-باسم الله يالله....
وخشوا قعمزوا فالمربوعه وبعد دقايق خش عليهم راجل فالستينات من عمره لابس جلابيه بيضاء وبجهامته وداير لحيه واضح عليه التقى....مرحبا مرحبا انستوا...
الحاج زيدان:-صبا الله يانسك ....
الحاج مفتاح:-ايش حالك
عبدالله:-قعد يسلم عليهم قال للولده يصبي يقوللهم يحطوا غداء
حمدان:-بارك الله فيك متغديين
يوسف:-تسلم ماقصرت اسمحلنا جيناك في هالوقت غير طريق طويله قلنا نطلعوا بدري
عبدالله:-لا والله تانسوا في اي وقت غير والله ماعرفتكم للمن بلا مصغره
الحاج زيدان:-(في قرارة نفسه شخص بالالتزام هذا والوقار استحاله تطلع منه العيبه لكن الله اعلم)اسمحلنا ي خوي غير نحنا لعيت فلان
عبدالله:-بجوده والله
الحاج زيدان:-نحنا قاصدينك في موضوع وان شاء الله ماتردنا
عبدالله:-ان شاء الله خير ان شاء الله ماتردوا الا مجبورين الخاطر
الحاج زيدان:-نبي نفهم منك الموضوع بيش نقعدوا علي بينه....ونتمنى منك انك توسع بالك معاي والامور ينحلن بالهدوء
عبدالله:-تفضل والله شغلتني
الحاج زيدان:-بنت خوك احمد عندنا ف حوشنا
عبدالله:-بصدمه لا حول ولا قوة الا بالله وينه هي وينه جت معاكم وين وجا بيصبي
الحاج زيدان:-وسع بالك ي راجل عشان نفهموك ونفهموا
عبدالله:-لا حول الله ماخليت مكان ومادورت فيه عليها
الحاج زيدان:-بإستغراب ...البنت استنجدت بيكم وماحد دورها معقوله تسيبوا بنت شباب ف حوش مع شاب تخيل يعتدي عليها علي كم مره غير ربي نجاها
عبدالله:-لا حول لا قوه الا بالله.....اسمحولنا اسمحولنا صبا الحاج عبدالله سكر باب الشارع وجا قعمز .....نبيكم تسمعوني ونا حنمشي معاكم انجيبها هنا
الحاج زيدان:-لا والله ماهي طالعه من حوشي نين نظمن انها تكون بخير معقوله باتها ماظمنش حقها بعد يموت شن يصير فيها وانتوا اعمامها مازلتوا مخليين الواطي هذك في حوش باتها يسرح ويمرح.....
عبدالله:-هي فهمتكم انه حاول يعتدي عليها......
الحاج زيدان:-لا مره ولا اتنين
عبدالله:-ايش نقوللكم بنت خوي مريضه لها فتره وكم مره تطلع من الحوش ويجيبوا فيها الجيران يتهيألها حاجات مش قاعدات
الحاج زيدان:-لا والله عاد ماتطلعش البنت مريضه البنت عاشت معاي ف حوشي بعقلها مازالت....وجا بيصبي الحاج زيدان وهو متعقد كنت تقول من اولها ي حاج ماتديرش البنت مريضه عشان ماتبيش تطلع روحك غلطان
عبدالله:-غير قعمز ي حاج والله ماصارت معقوله....قععز خلي نفهمكم
الحاج مفتاح:-قعمز ي زيدان خلي نفهموا من الراجل وحد الله
الحاج زيدان:-لا آله إلا الله وهذه قعمزنا تفضل قول ماعندك
عبدالله:-وهو مرتبك ومطبس راسه من الاحراج....خوي الله يرحمه كان متجوز مصريه وباتي قالي قبل ماياخذها نابراى منك كان خذيتها بس هو عانده الله يسامحه وباتي لزه من الحوش وحذرنا علي انه نقعدوا متواصلين معاه اي حد يواصله يلقى حدفه...باتي دار هك عشان توقعه انه يسيبها بس هو تمسك بيها واجوزها وجاب منها الاء بعد سنين توفت زوجته اظطر يجوز وحده متجوزه من قبل وعندها حتى شاب كان باتي الله يرحمه يتبع ف اخباره خاف عالبنت ومن كلام الناس دز عليه قبل مايموت انه الاء ماتقعدش مع ولد زوجته في نفس الحوش وهو مش محرم لها شن يقولوا الناس
الحاج زيدان:-وهذا الصاح
عبدالله":-بس رد عند باتي من جديده وقال الوليه وين تبي تلزه ولدها ...والعيل كويس يعامل فيها كانها اخته....وصار يلي خايف منه باتي توفى خوي والبنت عاشت مع مرات باتها وولدها ....رفضت انها تجي تسكن عندنا عشان في نظرها انها مش متقبلين امها نبوا نتقبلوها هي.....فالبدايه صاح كنه رافضينها بس بعدها الله غالب
الحاج زيدان:-كانهي لقتكم من الاول راه مادارتش هك معقوله تشكوا في بنت خوكم
عبد الله:-الله غالب الله غالب قلنا امها مصريه شن بتطلع تربيتها.....بس لعند ما.....اه
الحاج زيدان:-لعند ماشنوا
عبدالله:-لعند ماتعدى عليها ...كنت نموت كل يوم اني نا ماسمعتهش لما تجي تشكيلنا قلت ياريتني صدقتها يومها ولا صار يلي صار .....قتلت الراجل وودرت روحها
الحاج زيدان:-تي فيش تحكي انت فيش تحكي البنت قالت حي قاعد
عبدالله:-من يوم قتلاته وهي مازالت تخيل فيه انه قاعد ويوميا نجيبوا فيها مع الطريق مش مصدقه انه مات لعند توا .....انحبست بس اعتبروها دفاعا عالنفس لانه الجيران اشهدوا....
الحاج زيدان:-لا حول ولا قوة الا بالله معقوله
الحاج مفتاح:-حسبي الله ونعم الوكيل
الحاج زيدان "-ايش نقولولك ي خوي العتب علي باته حتى وهو في دار الحق لكن كل يلي صار فالهمسكينه منه
عبدالله:-من وين ماقتلاته مازالت ماتخطت فكرة انه هو مات .....تقعد كويسه كويسه نين تذكر طاريه يلي يسيرلها يسيرلها ....
الحاج زيدان:-لا حول الله
عبد الله:-اسمحولنا ونا توا نمشي معاكم علي شان نجيبها معاي وجميلكم هذا عالراس......
الحاج زيدان:-البنيه ماحقينا منها الا خير أدب واحترام نشهد بالله ان شاء الله ربي يلطف بحالها....
وطلعوا الرجاله كلهم ومعاهم عبدلله عشان يردوا للحوش...
___________
فالجامعه🍃
نور كانت هي وصحباتها عالمقاعد يهدرزن
سوسن:-حسيته كان مكثر واجد فالتعليقات معاك
نوال:-اها فطنتله ي نونو يدحنس
نور:-صاح
سوسن:-سد غير منشوراته عزق كلام عليك
نور:-متلخبطه بكل...
وجت قعمزت فالمقعد يلي مقابلنا البنت يلي تبيه هي وشلتها حطت كراع علي كراع وفتحت كيس وطلعت منه المق كانت عليه صورته
سوسن:-نور شفتيه
نوال:-حقيره صدقيني سامعه خيط
نور:-😳😢💔
البنت:-وهي تعلي ف صوتها شن رايكن فيه بنات احترت شن نهديه
صاحبتها:-الله يجنن حبيبتي ربي يعقد عسلكن
نور:،كنت مخنوووقه الواقع كان شكل ويلي نشوف فيه شكل
بعيد كل البعد كان متناقض.....صبيت لميت شيتاتي ورنيت علي بابا
قصتي انشهرت بين بنات قسمي تعاطفن معاي كنا قروب واحد حتى حبي للكنان ماكانش سر ماعمريش خبيته يعني الدنيا كلها عارفه الا هو💔🍃
طلعت عالمقاعد يلي بره نستنى في بابا معاي سوسن ونوال كنت شارده بأفكاري ......جا كنان قابلني وابتسم ....انا لأول مره مانتحركش من مكاني كنت مستسلمه لعواطفي رفعت عيني وخليته تجي عيني ف عينه نبيه يعرف يلي في قلبي نبيه يعرف كميه الحب يلي في قلبي له نبيه يحس بالتعب يلي فيا من اول ماطلع ف حياتي
ابتسملي
رديتله بإبتسامه
......ونقذ حبل افكاري كف من سوسن اوووووي وين يا
نور:-هيييي😳كلبه
نوال:-هايمه مع حبيب القلب
نور:-😂😂😂😂والله مش منتبهه بكل
ورن بابا عليا و روحت
_______
في حوش الحاج زيدان🍃
التمت العايله فالعشيه علي شاهي الحاجه حواء وصقر جا من الحموله متاعته
صقر"-جدي مازال ماجا....وهو يشوف للألاء
ألاء:-بتوتر مازال
نور:-شدت كتف الاء ان شاء الله خير
الحاجه حواء:-كلا نا نبيها ومانبيها مشيتك للهلك تعوزيني
فاطمه:-اي والله تعوزيني حتى نا
نور:-ههههه وحتى انا نكسد
ألاء:-ههههه معقوله بننسى جميلكم عليا
وسمعوا صوت القراج انحل وخشت سياره......
صقر:-صبا الرجاله شكلهم جو
كريمه:-اها باتك قاعد قدام الحوش اكيد فتحلهم
وخشوا الرجاله للمربوعه......
وطلع الحاج زيدان وعبدالله للصاله الجوانيه وقالوا للصقر يكلم الاء....
صقر:-طلع لدار المعيشه الاء الاء يبيك جدي
الاء:-صبت وهي مرتبكه ورقت مع درجات الفرانده وفتحت باب الصاله....وجت عينها ف عين عمها..
.كان مصبي ووراها صقر
عبد الله:-خير ي بنبتي كيف حالك
الاء:-وهي تهز ف راسها....لالالاا مانبيش مانبيش نروح توا تشيلني له حول خطاااااااني ي جدي قوله ي صقررررر
عبدالله:-قرب منها وهو يشد فيها من ايديها لا ي بنيتي ماحد جاي شورك بعدين هو مات خلاص مات
الاء:-وهي تحط غي يديها ع وذنها لالالا مامتش مازال قاعد مازال مامتش لااااااااا حول خطاني عارفتك تبي تشيلني له
صقر:-مصددددووووم ومش فاهم شي
ألاء:-وهي تعيط حول حول ماتقربنيش حول وبعدين كرعيها شبكن ف بعضهن وخشن الصبايا يجارن......
صقر:-😨😨😨
الحاج زيدان:-جيب السياره جييييييب السياره البنت طاحت نشيلوها للمستشفى
الاء"-وهي صوتها يختفي حو لو خ طو ن......
يتبععععععع
