🔔الحلقه الواحد والثلاثون 31
🔔للكاتبه فاطمه العبيدي ✏📖
صقر:-😨😨😨
الحاج زيدان:-جيب السياره جييييييب السياره البنت طاحت نشيلوها للمستشفى
الاء"-وهي صوتها يختفي حو لو خ طو ن......
صقر:-جا يجري رفعها وعدى بيها للسياره ولحقه عمها والحاج زيدان....
والصبايا ماهنش عارفات شي ...
كريمه:-ي صقر ي وليد تعال هنا البنت كنها وين ماشي باهي
صقر":-يجري وماعدلش عليهن
الحاج زيدان ":-طلع لقاهن مصبيات فالحاجر خشن جون خشن جوا
فاطمه:-كنكم ي باتي شن صاير
الحاج زيدان:-ماصاير شي ان شاء الله خير غير خشن جوا....
وعدوا ركبوا فالسياره وصقر طلع بيهم يجري......
الحاجه حواء:-ربي يستر انظر كنها البنت
كريمه:-كلا نا قلبي مش مريحني
صباح:-قولن خير عليش تفاولن
نور:-ي ماما صقر طلع بيها مغمى عليها
فاطمه:-منظرها يسخف مسكينه .....
صالحه:-مسكينه هالبنت ربي يلطف بحالها
الحاجه حواء:-خشن جوا توا وكان صارت حاجه توا يكلموا.
_______________
فالمستشفى🍃
صقر🕤
كنت مصبي نا وجدي وعمها بعد جبناها خذوها مني الدكاتره وخشوا بيها كنت ماشي جاي فالممر ومش عارف شن يلي قاعد يصير وشن يلي سمعته من عمها حسيت روحي نبي نموت نبي نفهم؟؟؟صاح الكلام يلي سمعته
اااااه يارب ...
طلع الدكتور من الغرفه🍃
صقر":-اه ي دكتور
الحاج زيدان:-اه كيف حالها البنت
الدكتور:-وين زوجها....؟
صقر:-طبس راسه وانحرج
عبد الله:-تفضل ي دكتور نا عمها
الدكتور:-المريضه متعرضه لإنهيار عصبي نتيجه صدمه وصارتلها نوبة هلع عطيناها مهدئ حاليا
عبد الله:-نقدروا نطلعوا بيها
الدكتور:- ان شاء الله بعد توعى حنصرفلكم بعض الادويه تستمر عليهن الفتره هذه بس بنسألكم بعض الاسئله تفضلو معاي للمكتب....
الدكتور:-من امتى تمر بيها الأزمه هذه
عبدالله:-مطبس راسه ومنحرج من فتره طويله يادكتور تقعد تبكي ويتهيألها حاجات مش قاعدات اصلا
دكتور:-واضح الشي هذا لانها وعت وطولت وهي تبكي وتحكي في كلام واجد فعطيناها ابره مهدئه
عبد الله:-شن الحل ي دكتور
الدكتور:-المريضه ماره بصدمه نفسيه مخليتها تمر بالحااجات هذينا هي مازلت مافقدت عقلها يلي قاعد يصيرلها نتيجه الصدمه ظروري ماتابع أخصائية عشان تتجاوز المرحله هذه هي محتاجه تحكي عشان تقتنع انها مرحله وانتهيت .....والحاله هذا كل يوم يمر علينا وحده كيفها ....واضح من كلام المريضه انها حاول حد يغتصبها او اغتصبها بالفعل
صقر:-😨😨
عبدالله:-اي نعم ي دكتور والمغتصب مات وخذا جزاته بس هي لازالت مقتنعه انه حي
دكتور:-لا حول ولا قوة الا بالله انا حنوجهكم لدكتوره رجاء حتابع معاها وان شاء الله حتقعد كويسه بإذن الله
الحاج زيدان:-ملتزم الصمت لانه عرف كلام عمها صاح......
عبد الله:- بارك الله فيك ي دكتور
الدكتور:-فيك بارك الله بعد ماتوعى تقدروا تروحوا بيها
الحاج زيدان:-نا وعمك عبد الله ي صقر حنروحوا وانت خليك معاها ......
عبد الله:-لالا نا مش مروح الا بيها
الحاج زيدان:-لالا البنت حترد تنتكس من جديد وهي مازالت مش متقبلتك تبي شوي وقت خلينا نروحوا نحنا.....وصقر بعد تالي يروح بيها.....
صقر:-حاظر ي جدي.....روحوا وسيبوا صقر مع الاء
