اول حاجه نحبكن فانزي العزيز 💛💛💛💛💛💛وشكرا ع اطرآتكن وتشجيعكن .
تزوجت معاقًا
الحلقه الثالثه عشر 13
للكاتبه فاطمه العبيدي ✏📖
يسرا:-سبحان الله عالنصيب ياعايشه كيف خذاك رواد
انا"-بصدمه كيف
يسرا:-استغربت حتى لما شفتك لانك مش ستايله ايام زمان مهبلني
انا:-انتي فيش تحكي
يسرا:-انا مش نحكيلك بيش تحسسي نصيب من ربي الحاجات هذينا انا ورواد كان حبنا معروف فالعايله كلها بس النصيب هو يلي فرقنا.....
انا:-كنت نسمع في كلامها ومصدوووووومه........
يسرا :-عارفتك مستغربه انا مش جايه نخرب عليكم
انا:-كنت في دواااااامه كإنه الكلام علق في حلقي نبي نحكي ماقدرتش الدموع اجمعوا في عيني......يسرا انا.....
فاطمه:اه ي عويشه كملتن السلاطه حطنها خلاص نبي نحط
صالحه:-ي فطومه دزي واحد من العيال يعدي يكلم البنات يجن يتغدن
فاطمه:-ياحمادي ي حمادي عدي عيط للبنات
احمد:- فكيني دزي نادر نبي نلعب
فاطمه:-تعال هنا عدي توا قدامي
كريمه:-ي خيه سيبيه فرحان يبي يلعب
فاطمه:'يبوا يجننوني وسلحوا جاكاتهم توا يمرضوا
صالحه :-توا نكلم زيدان يعيطلهن....
وعدا زيدان يعيط للبنات🍃🚶♂️
سحر:-ي بنات هيا اندربكوا مافيكن جو بكل
نور:-هههههه والله صح خساره ماجبناش دربوكه
صفاء:-عادي توا نجيبوا سطل بعدين اندربكوا عليه
نوريه:-عليك جو والله
اخلاص:-ومن يغنيلنا
سحر:-نا توا نغنيلكن غير شمرن علي إيديكن وصفقن
سحر :-كانت لابسه جينز ازرق وبلوزه لونها اسود في نص الفخذ ولابسه وشاح وردي .....صبت عالحيطه وقعدت تغني
سحر:-عزايا فيكم هذا حد عزايا فيكن 😫عزايا فيكم بعتوني ونا شاريكم
البنات:-اياااااي
سحر:-انبيعه وانبيعه بالدين ....الا مايعرف قدري وين💃
البنات :-عليك يا
زيدان:-من يلي تبي تبيعيه ان شاء الله
سحر:-من الاحراج زقبت من فوق الحيطه قبل تكسرت
البنات:-هههههه
زيدان:-كنك سكتي يا احلام دريم
سحر:-والله شن دخلك
زيدان:-عليك جلاطه فيك كلاانتي
وهي صبن بيحطوا الغداء....
وصبن البنات ومشن قدام زيدان وكانت اخر وحده سحر .....كانت تنفض في دبشها
زيدان:-كرها من عند يدها.....من يلي تبي تبيعيه
سحر:-وجهااااا قعد حمرررر مادخلكش
زيدان:-بنعرف عليش شايفه روحك
سحر:-لا والله تهايالك ....وفكت يدها منه وعدت تجري
اما زيدان كان مستغرب من روحه كنه صار معاه هكي لما سمعها تغني....
~~~~~~~~
جو الرجاله خذوا ربايعاتهم ......
وحطن للصبايا علي مفرش كبير
صالحه:-تعالي ي عويشه تغدي
انا:-والله ماعندي نيه مريضه شوي
كريمه:-كنك تحسي ف حاجه
انا"-راسي وكبدي بس
فاطمه:-توا نعقبلك تاكلي بعدين
كريمه:-توا اتكي بيش تصحي اكيده من الطريق مش متعوده
وتمددت علي فراش وغطيت روحي ولفيت وجهي .....وقعدت نبكي ....😭معقوله معقوله ي رواد حتى انت طلع عندك ماضي ومخبيه علياااااا
كملوا حوسة الغداء ....وجا رواد جايب الصفره وعمتك يسرا نطت تجري
يسرا"-خليها عنك توا ناخذها نا
رواد:-لالا حولي توا نشيلها بروحي وتجاهلها وهي قعدت متسمره في مكانها من الاحراج
رواد:-سحر سحر هاكي السفره
سحر:-هيا آني جيت ....خذت منه الصفره
رواد:-سحر عويشه وين ..
سحر:-عويشه مريضه شويا آهي متكيه غادي....
رواد:-كلميها ليا وجيبيلي الشاهي
سحر :-تمام
