السلام عليكم نعتذر من كل متابعيني عالغياب عارفه روحي قصرت واجد بس يلي يعرفني عارف كيف كنت منتظمه بس الظروف جبرني عالتاخير وبارك الله في كل من التمسلي العذر وشكرا لكل المذوقين ع حسن الظن والمتابعة الحلقه الاخيره كانت بطلب من الفانز قبل كنت بنجزئها بس هما طلبوا تكون في حلقه ...قرآءه ممتعه
تزوجت معاقًا
الحلقه الأخيره (36)
للكاتبه فاطمه العبيدي 🍃✏📃
ماما:-وهي واقفه في مكانها الله غالب حسبي الله ونعم الوكيل
سهى؛-ماتكدريش روحك ي عميمه توا نكلم بابا يشيلنا
ربى:-حتى عمر توا يجي يشيل معانا
ماما:-انعنه مانفقدوكم....
______
تسريع للأحداث🍃
عائشه:-طول الليل وانا مش قادره نرقد ونتقلب رواد معش شفته من اول ماجينا معقوله خلاص ......صبيت من فراشي ع صوت هرجه فالحوش ....
طلعت للحمام حسيت جنبي مسكني وألم رهيب ...
وانا نفتح فالباب متاع الحمام شديت في يد الباب من قوة الالم...مع تخطيمة ألاء كانت شايله صواني متاعات الغداء
ألاء:- سيبت الصواني يلي في يدها وجتني تجري بسم الله باسم الله كنك.
عائشه:-وانا لحد الآن ألاء مش عارفه عليها شي....دايخه بس
ألاء:-تعالي نساعدك تخشي جوا اكيده من السفر
خششتني الاء فالدار
انا:-شكرا تعبتك معاي...ي....
ألاء:-ألاء☺ والله مافي تعب ....نكلملك عميمه فاطمه
انا:-لالا مافيك ماتعبهن مسكينات اكيده حايسات من جا
الاء:-دار الظيوف يلي بره مليانه وفرشنا الحاجر عالم ناس جيران وخوت جدي زيدان
انا:-اها....
وطلعت ألاء وجتني نور جايبتلي الفطور
نور:-سامحيني عويشه تأخرت عليك عمتك سحر صايرلها خناق العرايس
انا:-هههه نجك ليا
نور:-عويشه الاء راه حتى هي فاتحتها اليوم ع صقر....
انا:-اها شن قصتها هي حكالي رواد عليها عالسريع غادي وجعتني مسكينه ماحد من هلها جاي
نور:-باتها وامها متوفيين....جدي كلم اعمامها جا واحد بس
انا:-مسكينه ربي يسعدها
نور:-تبي اي شي كلميلي طالعه انا وبيش تطلعي حتى انتي
انا:-شويه بس
_____
عالساعه ١٢ جن امي وخواتي من الفرحه مش قادره نوصف مشاعري وقتها ....احضان وبكاء وجن معاهن سهى وربى حتى هنا
ماما:- اه ي حبيبتي شن دايره تو ي ماما
انا"-بخير يا ماما رايفت عليك واجد
ماما :-خذتني ف حضنها باهي يلي ربي ردك ليا سالمه....وان نشوف عويلتك يارب
اسماء:-حبيبتي قاعده ناقصه شن تحسي ف روحك توا
انا:-الحمد لله
هدى:-احسن حاجه رواد ماخلكش بروحك بكل....
انا:-لما خطر عليا نغزني قلبي
سعاد"-عويشه الحوش بلاك مظلم بكل ناعلاي الايام ثقيله بكل
انا:-رايفت عليكن نعد فالايام عد عشان نجي هنا....اجديده وين
اسماء:-قعمزتها بره
نعيمه:-ايش قالولك عاد يا عويشه والله انشغلنا عليك نين خلاص سهى هذه ماعندها حاجه فيت انتي
انا:-شفت لسهى يلي كانت مصبيه قدام الباب وماسكه العبره بسنونها سهى...حبيبة قلبي صديقتي وكل شي ليا.....مديتلها يدي
سهى:-قربت مني وهي غارقه فالدموع .....رايفت عليك عويشه حسيت روحي وحيده بلاك
انا:-ونبكي....حتى انا والله
ربى:-عويشه وسهى خلاص بكيتنا
سهى:-وهي تمسحلي في دموعي خلاص ي عمري صبي نساعدك البسي الظيوف جو بره ومش حلوه تطلعي هك عليهم
انا:-من جا من هلي.
سهى:-مرات خالك وجديدتك ونحنا
انا:-.. نجك ليا هيما قاعد كابر ...ام السعد جت....
ماما:- كانت ماسكه هيما خويا ف يدها وهو عالق فيها كانه امه تعلثمت تغير فالموضوع بسرعه ي بنات هيا اطلعن نعاونوا العرب عيب
طلعن البنات وقعدت معاي سهى....
