💙تزوجت معاقًا 💙
🔥الحلقه الواحد والعشرون 21🔥
🍃للكاتبه فاطمه العبيدي ✏📖🍃
اما عند صقر 🍃
صقر اليوم كان عنده حموله بلك في مدينه بعيده من قبل كان إيونس فيه زيدان بس توا مسافر بعد ماوصلنا للمطار عدى طول .....
كان كل مره يوقف ع منطقه عشان يعبي بنزينا ويبرم عالسياره.....
ع قصاد العشاء وقف صقر علي محطة بنزينه يلي كانت ف منطقه صغيره قريب من المدينه جنبها حيشان ومحلات وقف يعبي في بنزينه وخذا حاجات حفيفه....وركب سيارته وهو حط المفتاح وبيتكل على الله.......وينفتح باب السياره
البنت:-استر عليا ربي يستر عليك يرحم بيك
صقر:-انتي من انتي من
البنت:-يرحم بيك خوذني معاك بيقتلوني سوق سوق بسرعععععه ...
صقر:- والرعشه في يده ولع السياره وقعد يسوق ومش عارفه شنو وكيف وشن قصتها البنت يلي معاها .
البنت:-كانت حاطه يدها ع وجها وتبكي وتشهق
صقر:-اختفين معالم المنطقه بصوت جدي.....معلش ي اختي انتي من وشن قصتك
البنت:-كشت ف بعضها الله يربحك استر عليا
صقر:-عليك امان الله غير احكيلي قصتي نا قريب نوصل للمدينه يلي قاصدها ووجودك معاي حيسببلي مشاكل
البنت:-يرحم بيك ماتسيبنيش قصدتك
صقر:-بس نا شاب عزابي شن نقوللهم لما نوصل البوابه وانتي واضح ع وجهك انك لانك اختي ولا مراتي
البنت:-مسكت يده ف غفله ...الله يرحم بيك نقعد خدامه لك وللهلك خوذني معاك ويلي تبيه مني خوذه
صقر:-فك يدها استغفر الله ...ي اختي احكيلي قصتك ونا يلي نقدر عليها نساعدك فيها
البنت:-ضمت كركيها لصدرها وقعدت تهز وتبكي(سياره صقر)كانت من السيارات الكبار يلي يحملوا فيهن الكرسي الواحد كبيييير وعريض
صقر:-لا حول الله .....نبي نطلب منك طلب نحنا قريب نوصلوا للبوابه توا وحيفتشوا السياره عشان معاي حموله
البنت:-برهبه.....واهتمام
صقر:-ماتبحتيش فيا هك نطي ورى الكرسي وتوا نحط عليك دبش نين بعدين توا نشريلك عبايه وخمار
البنت:-هزت براسها معناها باهي
صقر:-وقف السياره علي جنب وركبت البنت فالكرسي يلي لا وره وعزق عليها دبش وحاجات نين خفى ملامحها ....ورد ركب وقعد يسوق.....
مروا قدام البوابه وبما انهم اغلبيتهم اصحاب صقر مادققوش واجد فالتفتيش لانه صقر معروف ....ورد كمل طريقه
____________
في ألمانيا💙 بالتحديد في فندق بي آند بي فرانك فورت _ويست💛
وعيت فالصبح وانا متكسره خشيت للحمام ادوشت وتوضيت ....وطلعت من الحمام وفتحت شنطتي طلعت الملايه والصلايه .....وجيت بنصلي
رواد:-وهو يبحت فيا من عند السرير وعيونه نص مسكرات عويشتي مش هكي القبله
انا:-صباح الخير حبيبي
رواد:-صبا ولبس الشبشب متاعه وجا باتجاهي صباح النور...
وقرب مني من عند كتوفي وميلني في اتجاه القبله هكي ي عمري
انا:-شكرا حبيبي....وعدى رواد خش للحمام(بديت نصلي وكان قلبي معصور وخايفه اليوم حيكون اول لقاء ليا مع الدكتور كنت خايفه وفي كل ركعه كنت راجيه ربي)
طلع رواد من الحمام لقاني مازلت مقعمزه عالصلايه
رواد:-جا قعمز جنبي لوطي ومسك كف يدي .....
حبيبي ماتخافيش معاك لو اظطريت اندور الدنيا كلها عشانك مش حنوقف
انا:-حطيت يدي ع خده وانت اجمل حاجه مصبرتني ف دنيتي ونخاف نفقدك
رواد:- بعيد الشر ع قلبك يومي قبل يومك حبيبي هيا صبي نمشوا نفطروا ونطلعوا للعياده اكيد سحر وزيدان يستنوا فينا
انا:-هيا نغير عالسريع
رواد:-هيا
لبست سروال بيج فيه قصره وجاكيت جيشيه فيها شده من عند اليدين وكويش ولبست وشاح بيج كان وجهي شاحب .........
رواد:-شدني من يدي وطلعنا من الدار
____________
عند سحر🍃🍃
طلعت من غرفتها وسكرتها وكانت لابسه بلوزه ورديه وجينز ازرق وكويش ابيض ووشاح كحلي وكانت شايله شنطه اسطوانيه....وهي مطبسه عالشنطه تحط في كرت الغرفه وطلعت روج وردي ومسكت مرايه صغير وخذت زاويه قدام الغرفه قعدت اتدير فيه.....
يقرب منها زيدان...
زيدان:-شن اتديري امصبيه هنا......بالك اتزيدي اخرى
سحر:-باسم الله العرب تقول صباح الخير قبل
زيدان:-شن الخرا يلي ع فمك
سحر؛:-مادخلكش
زيدان:-قرب منها وهو شاد علي سنونه شن قتلك عليها الكلمه هذه حولي البلا يلي ع فمك خير مانحوله بطريقتي
سحر:-وهي مرتبكه باهي كذا وجهك توا نمسحه
زيدان:-فكيني من اسلوبك المستفز هذا وامسحيه قدامي توا
سحر:-ياربي مش معاي منديل
زيدان:-ساهله اهو ...ومشى في نهايه الممر كان في آله مناديل سحب منها وجاني.....اه تفضلي
سحر:-كراته منه امباه وانت بكل
زيدان:-شنوا امباه😂😂😂اسمها باهي
سحر:-انا نقول فيها هك حره....
