🌸 تزوجت معاقًا🌸
🎵 الحلقه الثامنه والعشرون 28🎵
💕 للكاتبه فاطمه العبيدي ✏📖
وصلت للحوش وخبت علي ماما الموقف يلي صار عشان ماتبيش تمرضها.....
أسماء:-......
ماما:-ها لقيتي باتك قلتيله علي عملية عويشه...
أسماء:-....اه
ماما:-باتك قاعد
أسماء:-لفت وجها وعدت للمطبخ وهي تبين روحها عاديه....لالا ي ماما ام السعد قالت مش قاعد...قلتلها تقوله
ماما:-باه الله يربحك مرات يقول ماسمعتهش
أسماء:-لا قلتلها تقوله....
(لا دخان فالأجواء كيف أفسر إحتراقي)
أسماء:-خشت للمطبخ تبي تدير اي حاجه عشان تتجاهل يلي صار..... بدت تدير في العشاء رغم انه مازااال وقعدت تقطع في البصل وتستغفر...... استغفر الله استغفر الله
وقطع حبل افكارها هدى🍃
هدى:-سميوه اطلعي هدرزي مع البنات
أسماء:-ساكته..... وعاطيه هدى بظهرها
هدى"-أسماء......وهي تهز فيها مع كتفها ....اسماء صبعك يدمم كنك افطني للروحك
أسماء:-اه🔕......وهي تقطع فالبصل ماانتبهتش ع اصبعها....
ماكنتش منتبهه
هدى:-سميوه تحسابيني مش ملاحظه....انتي من اول ماجيتي من غادي وانتي جوك مش تمام شن قالتلك الحقيره
أسماء:-وهي تفتح فالدرج متاع الدولاب وتطلع ف منديل تلف بيه صبعها....لالا ماقالت شي حمدتلي بس ...🍃وزمطت ريقها
هدى:-متأكده هك بس
اسماء:-اها .....
_تزوجت معاقًا للكاتبه فاطمه العبيدي 🔕🎵_________
في حوش الحاج زيدان🍃
كانوا كلهم مقعمزين فالحاجر ويهدرزا
الحاج زيدان:-الحمد لله ربي طمنا عليها
منصور:-اي والله البنيه مازالت صغيره
سعد:-والله رواد مايستاهل تبهدل مسكين
صالحه:-العيل هذا بخته عطيب من هو وصغير
الحاجه حواء:-ليش ي بتي تقول هك ان شاء الله ربي يجبر بخاطره ونشوفوا عيال عياله
صالحه:-ان شاء الله يارب
ألاء يلي كانت مقعمزه جنب نور وفاطمه....
ألاء:-نور عويشه كم عمرها
نور":-شهاده السنه
ألاء:-ي مينتك صغيره ربي يشفيها
نور :-ان شاء الله
حلى:-بس عسل بكل ماتعطيهاش عمرها ....ورواد ميت فيها
ألاء:-واخذين بعضهم علي حب
نور:-لالا بس حبوا بعضهم بعد الزواج ...فالبدايه عانوا واجد
ألاء:-ربي يخليهم لبعضهم
وخشوا صلوا المغرب وطلعوا كملوا سهرتهم....
وخش صقر من باب القراج ع قصاد المغرب شايل عرم اكياس ...
الحاج زيدان "-ايش دوتهن ي صقوره الشكاير
صقر:-الليله نبوا شوايات ع سلامة مرات رواد
فاطمه:-صبت ومعاها ألاءخذن منه الاكياس
فاطمه:-سلمك جياب
صقر":-سلمك وهو عينه في ألاء يلي عيونها قعدن قلوب اول ماشافاته.... ي عمتي غير نبيك تجيبيلي الطاوله والامواس نشرح اللحم خلونا نشوو بره
سعد:-اي والله جوها توا
منصور:-نجوا نساعدوك
صقر"-لا غير ريحولي رواحكم ماعليكم.....
طلعت ألاء شايله الامواس ووراها فاطمه شايله الطاوله
صقر:-افطني راه الامواس يعوقنك.....كان يقصد الاء
ألاء:-لالا عادي
كريمه:-افطني ي بنيتي راهن حادات
صباح:-اها يومتها جرحني انا نقرض
ألاء:-ان شاء الله .....
صقر:-مديلي الاسود(وكان صقر في نهايه الحاجر بعيد عليهم)
الاء:-باه خوذ وافطن حتى انت
صقر"-بصوت واطي تخافي عليا
ألاء:-شي طبيعي
صقر:-كيف
ألاء:-اكيده بنبقى نخاف عليك
صقر:-عليش أكيده
ألاء:-هك ووجها قعد احمررر.....وعدت تجري.....
صقر:-قعد يضحك ع برآءتها
_______
في ألمانيا.....
وعيت وانا راسي ثقيل ومش حاسه بشي كنت نشوف للسقف وصوت الاجهزه من جنبي......بس مش حاسه بجسمي
الممرضه:-جت قربت مني وماسكه دفتر وتكتب ....وطلعت
بعد ربع ساعه .....خش الدكتور ومعاه ممرضين.....سألني كم أسئله.....وطلع
