🔥تزوجت معاقًا 🔥
💙الحلقه الثانيه والعشرون 22💙
للكاتبه فاطمه العبيدي ✏📖
ألاء:-.....صباح الخير
صقر:-صباح النور نبي نتكي ناخذلك عبايا وخمار
الاء:-بدهشه يعني ماتبيش تسيبني
صقر:-نوصلك للهلك سالمه ان شاء الله
الاء:-مسكت يده لا يرحم بيك لا ....انا هاربه منهم هروب
صقر:-بصدمه كييييييف ......كيف من من هاربه
ألاء:-حست صقر فهمها غلط.....انا انا وقعدت تبكي
صقر:-ي بنت الناس للمره المليون نسألك شن صاير معاك كيف تقوليلي هاربه من هلي يعني في شي كبير معناها وماتبينيش نسألك
ألاء:-انا مانقدرش نحكي .....
صقر:-وقف السياره ونزل من الكرسي وجا فتح الباب من جهه ألاء انزلي معلش انزلي انا مانقدرش نركب معاي وحده لاعارف اصلها ولا فصلها ولا تبي تقولي شن قصتها
ألاء:-نزلت من السياره عيونها مليانه دموع وركعت عند كرعيه تبوس فيهن يرحم بيك انا ماعندي حد في فالدنيا غيرك والله يلي تقوله ليا انديره
صقر:-وهو منصدم لااااااا للااا صبي صبي ...وشدها من عند ايديها انا حنساعدك بس ظروري مانعرفش قصتك قدري موقفي .....
ألاء:-باهي تمام
صقر:-تو اركبي السياره في مطعم عائلات قريب من هنا توا نتكوا عليه نتغدوا وتحكيلي
ألاء:-هزت راسها بإيجابيه تمام
وركبوا فالسياره وانطلقوا......اول شي تكى صقر ع محل عالطريق نزل خذا خمار وعبايه للأء ولبستهن
وصلو صقر وألاء للمطعم وخذوا فالركن العائلي
كانت الطاوله متاعتهم جايه فالنهايه ألاء كانت معاطيه الناس بظهرها ومقابله صقر.....
ووصل الغداء يلي كان رز بالخلطه وسلطات وعصبان
صقر:-هي كولي .....ما تنحرجيش مني
ألاء:-وهي تعصر ف ايديها في بعضهن ......مانعرفش
صقر:-كيف؟
ألاء:-الخمار
صقر:-وحق ربي نسيتك بكلللل ههههه ارفعيه ارفعيه نا اساسا مانحبش لكن الله غالب ماحد قبالك
ألاء:-رفعت الخمار وكان تشوف للصقر وهي مبتسمه ومنحرجه....وبدت تاكل بشويه
صقر:-احكيلي قصتك ي.....
ألاء:-رفعت وجها وهي منحرجه ...ألاء اسمي ألاء
صقر:-عاشات الاسامي وانا صقر.....
ألاء:-عاشت الاسامي........انا مش عارفه اصلا كيف أمنتلك بدون حتى مانعرفك انت كنت نعتبرك معجزه بالنسبه ليا ...الوقت يلي هربت فيه مالقيتش ولا حد قدامي الا انت ......كان عندي عادي اي واحد ان شاء الله حتى يقتلني ولا نقعد .....وقعدت ألاء تبكي وحاطه يدها ع فمها
صقر:-مدلها منديل ان شاء الله خير كملي ....واعتبري روحك في أمان
ألاء ":-انا امي مصريه تجوزت باتي وهي صغيره
ومن ١٠ سنين توفت كنت وحيدتهم قرر باتي يجوز عشان مايبينيش نقعد وحيده تعرف ع وحده متجوزه وعندها حتى شاب ومشيت خطبتها له انا لاني باتي علاقته بهله مش تمام من امي وحيه عشان مايبوش ياخذ مصريه ....تجوزها وجابت ولدها يعيش معاها كان اكبر مني بسنتين كانت موريتني الويل كنت زامطه وساكته ومتداريه بباتي......وتوفى باتي السنه هذه😢 وقعدت تبكي
صقر:لا حول ولا قوة الا بالله وانتي شن درتي
ألاء:- طبعا عماتي واعمامي بعد ثالث يوم في عزاء باتي ماشفت حد منهم مادورنوش حتى......
صقر:- بصدمه معقوله
ألاء:-اها💔 بعد وفاتي باتي قعدت كيف الخدامه لها وللولدها السكار يلي مايوعى ليل نهار .....ويجيب في شلل للحوش ....لما امه تقعد مش قاعده يستغل الفرصه ويجيبهم كنت كل مره ننجى بفضل ربي كنت نسكر ع روحي الدار ويقعد يطق عليا ويبيني نطلعلهم
صقر:-كنتي تمشي للاعمامك
ألاء:-بضحكه من نص وجع هه اي اعمام عديتلهم وانا نترجى فيهم ونحب علي كرعيهم قالولي انتي بنت المصريه والعيل اكيده انتي يلي دايرتله سريب كان هذا ماجا شورك حسيت روحي انهنت ومن من من اعمامي يلي هما سندي
صقر؛:-ماحكيتيش للمرات باتك ....
الاء:-،قالتلي انتي تبلي علي ولدي.....قدامها يدير في روحه ملاك قدامي ويا شريني اختي
صقر:-استغفر الله....باهي
ألاء:-طبست راسها وقعدت تبكي.....وتشهق بالعبره نين جا اليوم هذك كنت فالمطبخ ماسمعتش من جا .....طبعا نا ديما بحجابي عشان مايجوزليش لانه مش خوي ....
