تزوجت معاقًا
🍃الحلقه الثامنه عشر18💡
🍃للكاتبه فاطمه العبيدي 📖✏
لا إله الا الله ......البنت كنها
لا إله الا الله بحتوا بلكي حد اخرى معاهم......
دم دمممم كلموا الاسعاف ي هوووووووو
الراجل مات ماتتتتت....
رواد:-كانت عويشه تبكي وانا كنت فاقد اعصابي ومعش شفت شي ....... ولقيت روحي وجهي دممممم والسيارات ملتمات علينا .....كنت خايف خايف ....عويشه وين مراتي مراتي ياناس طلعوني حد يسااااعدني السياره كانت مقلوبه .... وقعدوا يدفوا فيها نين قلبوها....وطلعوني نا.......صبيت ومش حاس بجسمي مش حاس بشي مراتي وين مراتي وين
الشاب:-استهدي بالله ي خوي استهدي بالله اهي ركبوها فالاسعاف
رواد:-كله منيييييي كانت تجدا فيا نمشي بشويش كله منيييييي..... وقعدت مقعمز ع ركبيا ونخبط عالارض ....
الشاب ٢"- وحد الله ي راجل مافيها شي غير يطمنوا عليها ....
وعديت نجري ونا نعرج ركبت في سياره للاسعاف ....عويشه عويشه ي قلبي نوضي
الممرض: معلش ي خوي معلش خليني نشوفك حتى انت تنزف مافيها شي المريضه دايخه من الخبطه بس
رواد:-شفتها كيف حاطين عليها الاكسجين والاجهزه محاوطاتها وكيف الدمعه مازالت ف عينها ....سكروا باب الاسعاف ....ونا كنت حاط يدي في يدها....لا ي عمري ماتسيبينيش بروحي انا آسف آسف ألف مره وألف كره
.....
وتلفوني يرن....
رواد:-اه يمي
صالحه:-اه ي وليدي كنكم طولتوا
رواد:-يمي نا فالمستشفى درنا حادث يمي وعايشه مازالت ماوعت ضيعتها يمي ضيعتها من يديا
صالحه:-انت فيش تحكي ي رواد رد عليا يمي كنكم وين قاعدين ف اي مستشفى
رواد:-مستتشفى ال..........
صالحه:-.....عدت تجري وخشت علي حوش عيت عمها
صالحه:-يا ناع لي ي سيدي عايشه ورواد داروا حادث والوليه مازالت ماوعت لتوا.....
زيدان:-لا حول الله لا حول الله هيا هيا انعدولهم استر يارب استر يارب
حواء:ان شاء الله خير اسكتي ي صالحه عيب عليك الخبر هذا وحدي الله ....
وكلم الحاج زيدان صقر وزيدان ولحقوهم وجو اعمام رواد كلهم للمستشفى والصبايا حتى هنا....
رواد فالمستشفى وماشي جاي فالممر كان يستنى حد من الاسعاف يجي يطمنه......
ولما شاف جده واعمامهم ..جا شورهم .....
رواد:-لما شفت جدي زيدان واعمامي ومعاهم الصبايا جايين مشيت شورهم...كانن رجليا مش قادر نحس بيهن وحسيت روحي ثقلت ومعش حسيت بشي....
الحاج زيدان:-رواد روااااااد ياهوووو يلي هنا العيل طاح علينا
عمي منصور:-يا دكتور ي دكتور
صالحه:-ياناعلي وليدي ياناعليا وحيدي
وطلعوا الدكاتره يجاروا خذوه وخشو بيه .......
الحاج زيدان:-ي دكتور را هذا دار حادث مع زوجته مالش شي
الدكتور:-حاضر حاضر إن شاء الله خير
....
الحاج زيدان:-لا حول الله ربي يستر
سعد:-تعال ياباتي قعمز عالكرسي مش كويس لك التصباي
زيدان:-توا انجيبلكم حاجه تشربوها
صقر:-ماشور شي قعدتكم كلكم هنا
صالحه:-والله ماني ماشيه نين نطمن عليهم....
وطلع الدكتور يلي كان عند رواد
الحاج زيدان:-اه بشر ي دكتور
الدكتور:-اطمنوا اصاباته خفيفه وشويه جروح سطحيه هو صارله هبوط بس من الصدمه وشوي نركبوله في تغذيه وحيطلعلكم
سعد:-بارك الله فيك
منصور:-ي دكتورالمريضه يلي معاه الله يربحك لهم ساعات جوا ماحد طمنا عليها
الدكتور:-حاضر ان شاء الله
وخش الدكتور ومعش طلع علينا
الحاج زيدان: يلي يخش يريح جوا الخبر ايسما...
سعد:-ياباتي تريح شوي مش لك التصباي
وجا زيدان جايبلهم اميه ......
وقسم عالصبايا وعطاهم...
نور وسحر...كانن مصبيات جنب امهم
سحر:-ياربي ان شاء الله مافيها شي يارب يستر
نور:-تبكي وجعتني صغيره
صباح:-خلاص ي ماما توا تقعد كويسه مالها الا الدعاء توا بس
كريمه:-اي والله ربي يرحمها برحمته
الحاجه حواء:-ربك يستر ي بنيتي
صالحه:-تبكي 😢هابا علي بخت وليدي مش مقسومله يفرح
الحاجه حواء:-وحدي الله ي صالحه وحدي الله عيب عليك ماهناك الا الخير
