تزوجت معاقًا
.......... الحلقه التاسعه 🌸🔥🔥🔥🔥
......... بقلم الكاتبه✏📖فاطمه العبيدي
رواد🍃
كنت نشوف ف عائشه كيف تحكي علي حبيبها حسيت قلبي يبي يطلع من مكانه كانت كل كلمه تقول فيها تطعن فيا من جوا حسيت روحي تايهه وجسمي عرق .....هذا يلي كنت خايف منه حسيت اني قدامه ولا شي حتى لو درت ايش مش حنجي في مكان حبه.....
رواد:-عائشه انتي مازلتي تحبيه
انا:-......رواد مش قصه اني نحبه ....محمد كان اول حب ف حياتي من الصعب اني نتخطى الشي هذا تعرف قالي لو يقعد عندك ميه عيل استحاله نسيبك
رواد:-اسمه محمد
انا:-اها......
رواد :-حسني نعست بنرقد....
عائشه بكلامها على محمد ...ماكانتش حاسه بقلب رواد يلي كسراته بكلامها....
🌸🍃-أعيش بعيدة عنك وتعيش بي ؛ أقرب مني إلّي 🧡!
رواد:-خذيت فراش وطرحت لوطه درت وجهي للساس وغمضت عيوني ...كان قلبي ينعصر من جوا كنت مكسور عرفت اني انا ف لحظتها مانعنيلها شي كنت نشوف في عيونها امل انها تردله بعد ماانا نطلقها كانت تطلب مني فالطلاق بطريقه غير مباشره...
انا:-كنت نهدرز مع رواد وقالي فضفضيلي وخلينا اصدقاء حسيت روحي تريحتله كان بإستطاعتي اني نخشه في قلبي♥️....قعدت نهدرزله علي هلي وعلاقتي بمحمد كيف....حسيته تضايق من كلامي صبا وطرح فراش ورقد بدون مايحكي معاي ولا كلمه......
طفيت ظي الدار وولعت الوناسه وخذيت الكريمه وبنحطها فالدرج كان فوق راس رواد ....حاولت نفتح الدرج بشويش عند راسه ...مشيت ع اطراف اصابعي وقربت منه قعمزت وقعدت نفتح فالدرج بشويش وكان شعري طالقته لاني متعوده قبل مانرقد نفكه.
رواد🍃
كنت مغمض عيوني شفتها هي وتحوس فالدار بعدها قربت مني عرفتها تبي الدرج......درت روحي راقد حسيت مقعمزه جنبي فتحت الدرج بشويش ....
رواد:- كريتها شوي ..... نين طاحت عليا وشعرها قعد علي وجهي......كنك تحوسي
انا:#؛وجهي كان حمرررر اه لا نبي نحط الكريمه ...
رواد:-خذيت خصلات من شعرها وحطيتهن ورا ذانها هذا ارفعيه معش تخليه هكي
انا:-مطبسه راسي من الاحراج مانعرفش نرقد انا والا فته
رواد:-لالا نا مانحبش هكي
انا:-ليش؟؟؟وكنت مقطبه جبيني
رواد:- برفعة حاجب هك .
وبرم وغطا وجه......ورقد.
وعديت انا للسرير طفيت ظي الوناسه ورقدت .
رواد🍃
طلبت من عائشه معش تطلق شعرها ....كانت تقتل فيا بيه وبحركاتها الناعمه كنت لما نشوفها نضعف وكل مالي نتعلق فيها حال غايتي نحجبها حتى قدامي مش قادر نشوفها قدامي وعارفه انها شهر وحياخذها غيري.....
رواد:-وعيت فالصبح سيبت عايشه راقده ومشيت للحوش جدي لقيتهم مقعمزين في دار المعيشه يفطروا.
رواد:-صباح الخير
الحاج زيدان:-مرحب مرحب جيت ف وقتك تعال هيا افطر .
رواد:-لا الحمد لله فاطر
الحاجه حواء:-باهي هاك طويسه حليب ساخنه توا كيف درتها.
صالحه:-هذه دوته ديما طالع بلا فطور
رواد:-والله الحمد لله فاطر...قتلك ي جدي اليوم بنرد للشغل خلاص
الحاج زيدان:-ان شاء الله ربي يساعدك ي وليدي وكان تخليني نكلمك واحد صاحب تشتغل عنده فالمحل راحه خيرلك من هالتعب ولا عالاقل تنك الميه متاع عمك هو قاعد قاعد ....حتى يدك الدكتور قالك ماتبيش جهد
رواد:-لا والله ي جدي واخذ عليها .....
الحاج زيدان:-عليك عناد فيك هذا عمك مش براني عليك بعدين انت تزوجت والوليه تبي ...مرتب متاعك معاش يدير شي
رواد:-وانا مش حنقصر معاها في شي....وبعدين توا العرب توا يجروا علي رمضان ويدورو فيه دواره الحطب
الحاج زيدان:-براحتك ي وليدي غير مانبيلكش التعب
رواد:-والله وليد صاحب كلمني اليوم علي الشركه متاعته للحليب ...نوزع عالمحلات....قلت نزرق عليه نشوفه
الحاج زيدان:-ان شاء الله ي وليدي خيرك من الحطب يبي جهد وامك حتى هي مالها التعب
صالحه :-قوله ي عمي بالك يقتنع
رواد:-ان شاء الله خير توا طالع نا تبوا شي.
صالحه:-سلامتك سوق بشويش.
وطلع ورد عليا فالحوش لقيني دايره نسكافاي ونفطر.
رواد:-صباح الخير
انا:-صباح الخير دورت عليك لقيتك طالع
رواد:-كنت ف حوش جدي ...وتوا بنطلع لل...عندي شغل
انا:-رواد باهي نمشي معاك للهلي مرايفه عليهم ولما تكمل تعال خوذني....
رواد😥🍃
لما قالت هكي قلبي نغزني خفتها تمشي معش ترد
رواد:-شن تبي فيه بش مش ظروري زوره قبل
انا:-لالا عادي مش ظروري تكلف علي روحك حطني عندهم باهي لما تكمل تعال خوذني ...
رواد:-باهي صبي البسي بسرعه....وخش رواد خذا لبسه وطلع ....صبيت لبست جينز ازرق فيه قصره وعليه جاكه سوداء اكمامها وسعات وفيها كسرات وكويش اسود فالابيض ووشاح بيج وشنطة ع دائريه صغيره لونها بيج وسيرها ذهبي وطلعت لقاني رواد فالصاله .....يسكر ف بطمه سوريته ومش عارف .....كان منظره يجنن 🔥وعضلاته كيف بارزات كان لابس صوريه سوداء وجينز ...
انا:-خشيت للدار وطلعت هديتي متاع الفرح نسيته كان ساعه اسود فالذهبي ماركه Langbo محطوطه في العلبه والكيس متاعها 🔥 وعطر invictus 🌸...وبوكس اسود فيه قميص بولو ومشيت للرواد.
رواد"-بإستغراب شنوا هذينا
انا:-هديتك نسيت معاطيتهش لك.
رواد:-انحرج....ماكنتيش تكلفي علي روحك...♥️
انا ":-مافيهش تكلفه وطلعت الساعه من علبتها ...رواد ممكن تلبسها
رواد:- امباه ...ومدلي يده قبل سكريلي البطمه ....
انا"-امباه حاضر وقربت منه وانا ماسكه يده ومطبسه ...
رواد:-في اللحظه يلي قربت فيا منها كنت بنقوللها ماتبعديش عليا انا مش حنقدر بلاك كنت نتاأمل فيها ...
انا:-طبست ناخذ فالعلبه بنلبسك الساعه ...
رواد:-هههه اجباري يعني
انا:-اها....ولبستها له وطلعنا.
وركبنا السياره.....رواد سيارتك هذه
رواد:-لالا سيارة جدي ...اغلبيته نسوق فيها نا سيارتي تيوته دايرها نحمل فيها وتوا امسخه تبيلها تنظيفه قلت ناخذ سيارة جدي.
انا:-اها .....
رواد:-تحبي الاغاني ولا مش واجد ...عادي نولع.
انا:-لالا عادي براحتك ....نحبهن انا ماعنديش فون بس عندنا لابتوب ديما اغلبيته عندي ننقل من البنات ونسمع فيه.
رواد:- انا ماعنديش عليهن واجد بس في وحدات نحس فيهن مؤثرات كانهن يلمسن شي ف داخلك...
انا:-اها ماكنتش نحسابك عندك عليهن
رواد:-ونزيدك من الشعر بيت نحب نرسم...
انا:-تحكي جد
رواد:-اها والله ....مش واجد مره مره نحب نرسم بقلم الرصاص بدون الوان
انا:-الله موهبه خلوه
وسكتنا نحنا الاثنين وخذا رواد وصله علقها ف تلفونها ووصلها بالسياره.......وحط علي اغنيه......٠💛
