💛تزوجت معاقًا 💛
💡الحلقه العشرون 20
💡للكاتبه فاطمه العبيدي ✏📖
الحاج زيدان:-حتى جدكم مفتاح ساهم بمبلغ نحنا لبعضنا وكان ماصبينا لبعضنا توا امتى بنصبوا (حمل الجماعه ريش) ....
وفي موضوع اخرى بنكلمكم عليه ....
حيسافروا معاكم زيدان وسحر
زيدان؛-.......ي جدي انا ماحتى فدتهم
سحر::--............وانا في شن حنساعدهم
وبحتوا في بعضهم😳
الحاج زيدان:-تونسوا بعضكم وحتى سحر بيش تساعدها وترجميلهم ألمانيا غادي بلاد غربه (سحر تخصصها لغات)....
زيدان:-والله يلي تشوفه ي جدي بكره امتى موعد الطياره
الحاج زيدان:-عالظهر ان شاء الله بس اطلعوا بدري
سحر:-بس مش موتيه روحي بكل
زيدان:-بضحكه😏شن عندك ماتوتي
سحر:-والله حاجات خاصه🙄
زيدان:😳
رواد:-سامحونا نشردوكم معانا
سحر:-لالا انت كيف خي وعويشه اعز من اختي
انا:-تسلموا ان شاء الله
سعد:-وحجزتلكم غادي عن طريق واحد صاحب مقيم في ألمانيا في مستشفى معروف غادي وانا مطمن عشان حيساعدكم غادي
رواد:-بارك الله فيك ي عمي جميلكم علي راسي
سعد:-قرب من رواد وخبط ع كتفه .....ماعنديش فيها جميل ي وليدي
وحطوا العشاء وعدى كل حد للحوشه......عشان نجهزوا رواحنا للسفره ....
_________________________
فالدار عندي انا ورواد🍃
كنت مقعمزه عالسرير ونمشط في شعري ...خش رواد للدار وسكر الباب وراه .....وجا قرب مني
رواد:-عويشه ي قلبي وتيتي روحك لبكره مش ناقصك شي
انا:-لا حبيبي كل حاجه تمام بس قولي شن نحطلك انت ...
رواد:-لا توا نوتي بروحي مانبيش نتعبك
انا:حبيبي ....كانت طالعه من قلبي ....خليني نجهزها لك ممكن تكون آخر طلعه ليا معاك...
رواد:-بحت فيا بخوف....ليش تقولي هك ان شاء الله اخر العمر مع بعضنا وقرب مني ومسك وجهي بين ايديه....وانجيب منك بنات يشبهنك
انا:-ان شاء الله....رواد لو ماصارش من علاجي تسيبني
رواد :-توا ليش الافكار هذينا......
انا:-مضااااايقه بكل حاجه في قلبي توجع فيا
وقربني رواد وحطني ع صدره :-حبيبي ان شاء الله تقعدي كويسه وانا مش حنسيبك انا معاك
انا:-رواد بابا حتى ماكلف ع خاطره يجي يشوفني كإنه ماصدق افتك مني
رواد:-عذره معاه وبعدين انا معاك ......
انا:-ماتبيش نشردك معاي ونكون انانيه انت بعت كل شي و....وقاطعني رواد ببوسه....كان يبوس فيا بعنف كإنه يلي يسكتني بطريقته وانا منهاره ونبكي ....خايفه خايفه نفقده ....ويظمني زييين نين حسيت ظلوعي تكسرن.....
رواد:-عويشه وكانن عيونا في بعضهن....آه لو تعرفي انا ندفع عمري عشانك انا مش قادر نتخيل حياتي بدون ...وقرب وحولي المساكه مش شعري وطلقه ليا......
انا:-رواد انا مريضه يعني حتشوفني وانا......
رواد:-مانبيش نسمع خلاص خلاص انتي حتقعدي كويسه انا نوعدك ....وصبا رواد وخذاني من يدي قدام المرايه وخذا قلم خطاط من الدرج وجا حظني من لاوره ومسك يدي بالقلم ......
وكتب عالمرايه💛
لحبي عويشه حنردوا نقروا الكلام هذا بعدين بعد مانجوا من ألمانيا ونظحكوا علي هبالك ونوروه للعيالنا بعدين....انحبببببببببببك ي عمري ونمووووت فيك 💗
