💛💛💛
تزوجت معاقًا
الحلقه السادسه عشر 16
للكاتبه فاطمه العبيدي 🔥🔥
رواد:-رقم غريب
رواد:-وعيونه مغمضات الو من معاي اها اهلين كيف حالك لالا عادي اهيا وعت..........هاكي هدى
انا:-هيييي كنها ان شاء الله يبقوا كوسيسين ....الو هدى
هدى:-صباح الخير سامحيني وعيتك عليك موقف
انا:-لالا واعيه قوليلي كنك ماما كويسه انتن كويسات
هدى:-عويشه انا كلمتك بنقولك ي حنه أيهم قالي بيجيب هله
انا:-ماشاء الله ي قلبي باهي شن تبي اتديري
هدى:-حايسين بكل يبوا يجوا بكره الدنيا خشت ف بعضها
انا:-تبي حاجه انديرها لكي
هدى:-ماما قالتلي عشان اول مره ظروري مثروده
انا:-خلاص توا انا انديرلك نوعين مالح ونجيب المكسرات معاي
هدى:-والله مالايمه عليك غير بكره نبيك تجي بدري
انا:-خلاص حاضر ان شاء الله سلميلي ع ماما والبنات.
رواد:-كنها هدى
انا:-جايينها عرب يطلبوا وحايسه
رواد:-ان شاء الله ربي يكمل بالخير
انا:-صبيت مع سريري وفتحت درج الشوفونايره كنت حاطه فلوس زلوفات من اعمام رواد وصباياهم
......قربت من رواد وعطيتهن له...رودي خوذ هذينا نبي جبنه شيدر ونبي مفروم ومكسرات
رواد:-وهو مرفع حاجه....تحكي من جدك انتي
انا:-اها خوذهن شن فيها نحنا واحد
رواد:-جا قلبني عالسرير وجا قبالي ....تعرفي انتي تبيلك عضه عالكلام يلي توا
انا:-حبيبي الفلوس ماعندي مااندير بيهن
رواد:-توا نديرلك شقاقه تحطيهن فيها نزعل منك راه بعدين انتي وهلك واي شي يخصك فهو من مسؤولياتي نا
انا:-نجك لي ي عمري
رواد:-لا وي عمري اخرى ناعليا نا وخلاص
انا:-حبيبي خليني نصبي اندير غداء
رواد:-لالا توا انديروا خفيف ماشبعتش منك انا
انا:-عميمه ونوريه قريب يجن والحوش يبي ضم
رواد:-وهو يبوس فيا لالا امي تبي تجي فالعشيه ونا مش جيعان
انا"-وانا نبي نسيق الحاجر ونبي نوتي للعشاء بعدين
رواد:-وووو عليك سكنان فيك صبي صبي من قدام وجهي راه معش نطلقك
انا:-صبيت نجري خشيت للحمام ادوشت وصليت وعديت للمطبخ درت غداء خفيف وبديت اندير فالموالح عجنت البوريك ونقعت الدجاج في تتبيله خل وزبادي ...وحطيت للرواد الغداء تغدى وطلع....
بديت فالبوريك طيبت المفروم وقعمزت نلف فيه....
ويطق الباب....
لبست ملايه الصلاه وطلعت فتحت
انا:-من من
سحر"-حلي ي عويشه
نور:-وهي تدربك عالباب حلي حلي
انا:-ههههه اهلا تفضلن
سحر:-لقينا رواحنا مادين وجوهنا قلنا نجوا نهدرزوا عندك
انا:-آنستني حتى نا مكسده ....
عديت للمطبخ غطيت العجينه ...هيا ي بنات نخشوا جوا
سحر:-شن كنتي اتديري
انا:-اندير في موالح منهن للعشاء وبناخذ منهن للهلي بكره
نور:خلي خلي والله ماتحركي حاجه نساعدوك عليهن ماعندنا ماانديروا
انا:-لا والله مانبي نتعبكن
سحر:-والله مافي تعب
وقعدن البنات يساعدن فيا صبيت فرمت الدجاج والكسبر والبصل وثوم وتتبيله متاعه وجبت الاسياخ جنبي عشان يقعد واتي
نور:-ماشاء الله عليك ي عويشه الواحد مايعطيكش عمرك بكل
سحر:-والله بجد يعني ....
انا:-شكرا حرجتني
سحر:-كلمة الحق تنقال .....الطيبون للطيبات حتى رواد كويس ويستاهلك وتستاهليه
نور"-عويشه فالبدايه كنت رافضتيه صح
انا:-سبحان الله عالنصيب رواد كان نصيبي الحلو عمرك ماتحكمي علي حد نين تعشاريه
نور:-آيييييه والله
سحر:-ييي علينا هذي توا ينوضن جروحها
انا:-نور ديما نشوف فيك نحس فيك ديما حزينه رغم انك حليوه ومافيش شي ناقصك
سحر:-نور الهم يلي فيها تقسمه ع بلاد
انا:-ان شاء الله خير
(نذكركم بمواصفات نور🔥بيضاء عيونها رصاصيات ميلات للأزرق هكي لونهن غريب💛💛💛بيضاء وشعرها كستنائي)
نور:-والله نا قصتي يلي مايعرفني تقول تكذب
انا:-حشاااك
نور"-انا نحب واحد من الطفوله وتعلقت بيه بكل لدرجة معش قدرت نحب بعده ولما كبرت وتلاقيت بيه طلع خاطب ومايندري عليا
انا:-كيف تلاقيتي بيه مش تعرفيه مافهمتش
سحر:-لالا تحلم بيه
انا:-هيييي كيف ....قصدك عمرك ماشفتيه
نور:-اها
انا:-سبحان الله
سحر:-انا وكان مانعرف القصه من نحنا فالاعدادي كنت كذبتها حتى ماما وعميمه فاطمه حكيتلهن
انا:-حاجه اصلا ماتصدقش احكيلي كيف هك
نور:-ي حنه حلمت بيه او حلمه انه راكب في سياره ومطلع رجليه كانت كندرته مقلوبه جيت انا سقمتها له وعديت
سحر:-نذكرها قلتلها ينعن جد هذا واحد ماتعرفيه شكله من الجفاف
انا:-ههههههه
نور:-ياما علقن عليا صحباتي وي حنه معش عدلت نسيته ثاني حلم جاني كإنه مقعمزين في حوش جدي وهو مقابلني ويبتسم وكلمتني عميمه قالتلي ي نور را كنان جاي يخطب فيك وبعدها وعيت
انا:-فسرتيه
نور:-لالا وقتها كنت ف ثالثه اعدادي
انا:-باهي شن درتي
نور:-استغربت الحلم لاني حسيته الشخصيه مألوفه بس برضوا فتت...بعدها حلمت انه يشيرلي وهو يبتسم
