💙تزوجت معاقًا 💙
🔥الحلقه 25🔥
للكاتبه فاطمه العبيدي ✏📖
منار:-يراقبن فيك يبن يعرفن ردت فعلك...
نور:-بنات انا...... والدنيا اسودت عندي ......وطحت
منار:-نوووور نورررر
سوسن:- تسمعي فيا........
منار :-نورررررررررر
نور:-خششني البنات القاعه والتمن عليا كان مغمى عليا ...وعيت وانا نشوفلهن وفيا غصه ...عدلت وشاحي....منار كذا رنيلي علي بابا
منار:-كويسه انتي توا
سوسن:-ياناعليا عندنا محاضره والله ماتخلي وحدات كيفهن يهزك
منار:-اطلقيني عليهن بس والله نريشهن لك ترييش
سوسن:-صدقيني سامعات بقصته
نور:-من وين بيسمعنها
سوسن:-اللقاقات واجد ماتنسيش انه في بنات كانن يقرن معانا من زمان وعرفن بيها مش كلها ثقه
منار:-انا مانستبعدش انه حتى هو سامع
نور:-هيييييي حي عليا
منار:-عليش بس مافيها شي ي نور
نور:-أصلا ماحتى صدقني ....وكان خاطري مكسور من جوا 😢 رنيلي ع بابا
منار:-وكان تسمعي كلامي .....
نور:-مش قادره...وكنت شاده دمعتي بين سنوني.....
نور🍃
جاني بابا روح بيا.....المزرعه كانت بعيد عالجامعه والحافلات مايوصلنش فنمشي نا وسحر ونجوا مع بابا
كنت ضايعه......فالطريق حطيت سمعاتي وقعدت نشوف للطريق عادة نا وبابا ديما نهدرزوا بس هالمره كنت مخنوقه بكل🔕
اعذرني ....احساسي تغير منك.....ماعم تتذكر الا......قسوه قلبك ......💔مابقى بحبك....ماتت اشياء جواتي🎵 بدي كمل حياتي🎵اتركني اطلع منك.....🔥
صحيت من غفوتي ع صوت بابا ....
منصور:-نووور نوررر ي بابا وصلنا
نور:-اه ..
منصور:-كنك مريضه ي بابا
نور:-هزيت براسي بمعنى لالا
منصور:-انا ماشي قوليلهم مايرجونيش بالغداء
نور:-تمام خذيت شيتاتي ونزلت.....
كنت نجر في كرعيا بثقل.....
خشيت للحوش حطيت شيتاتي عالمدخل ....طول للحمام
كنت شاده نفسي اليوم كله....وقعدت نشوف لروحي فالمرايا ونبكي نبكي بقهر بحسره ع سنين عمري يلي راحن فالإنتضار نبكي ع حبي الضايع علي تفاهتي يوم صدقت حلم وقعدت نغسل في وجهي بالميه نغسل نغسل في دموعي ومابنش يوقفن نغسل في حرقت قلبي لكن ماقدرتش نمسحهن مابنش يوقفن ....
استسلمت وقعمزت ع ارضيه الحمام ونا حاطه يديا ع فمي .....مش قادره نسكت ...
صباح:-طق طق طق نور ي ماما جيتي نوررررر
نور:-من ورى باب الحمام ونا نعدل ف نبرة صوتي عشان مانبانش اني نبكي....اها ي ماما
صباح:-غداك في الكوشه نا طالعه لعيت جدك بيش تلحقني انتي وحلى وألاء راه قاعده
نور:-حاضر ي ماما..........
طلعت من الحمام بعد سمعت باب الحوش خبط.......مسكت المنشف يلي كان معلق...ومشيت للدارنا....
ألاء:-خيرات ي نور نحطلك غداك
نور:-رديت عليها وانا مطبسه راسي صحيتي....وخذيت ملايتي وعديت صليت كنت نتألم وماحد حاس بيا....
خشيت للدار وخشيت للسريري وعطيت وجهي للساس ....وغطيت روحي....
كانت بدايه الخذلان بدايه الألم ....كنت نبكي عالصامت معش قادره
ألاء:-نور كنك ....نور كنك تبكي
نور:-جتني ألاء مسكتني من كتفي....
حلى:-يلي كانت مقعمزه علي سريرها وفاتحه كتاباتها ...نور كنك تبكي شن صاير معاك
نور:-خطوني خطووووووني سيبوني مانبيش نحكي مع حد
ألاء:-حبيبتي والله ماقصدي حاجه بنعرف بس......
نور:- صبيت من سريري ...انتي شن عرفك شن فيا اصلا ....ماحد حاس بيا ماحد حاس بالنار يلي فيا نار كابره هن وقعدت نخبط ع صدري ....وعديت نجري للدولابي طلعت مذكراتي كنت راسمته فيهن وكاتبه ملامحه كان كل شي عندي ......قعدت نشرط فيهن ومنهاره....خلاص خلاص بننسى نا بننساه بننساااااااه نا حماره نا غبيييييييه
ألاء:-جت تجري مسكتني من يدي نور نور خلاص خلاص ي قلبي واظبطتني
نور:-لما ظمتني ألاء شورها استسلمت للدموع.....
ألاء:-اشششش خلاص مهما يكون يلي صايرلك والله مايستاهلك.....خذتني ألاء وقعمزتني عالسرير....
نور:-لعب بيا لعب بقلبي .....
ألاء:-خلاص هدي بس.....
نور:-انا عمري كله نستنى فيه خذلني وكسرني ي ألاء...طلع خاطب ...خااااطب
