تزوجت معاقًا 🔥🔥
الحلقه السابعه 💛💛
للكاتبه🗒✏فاطمة العبيدي 🌸
قرآءه ممتعه ...بس ماتنسونيش بالكومنتات الحلوات ورايكم فالحلقه 😭ولايك قبل القرآءه .....🙋♀️
:-بصدمه في نفسي مزرررعههه؟؟؟؟
الا حد الآن مازلت ماشفت وجه ....(خشيت من المدخل الحوش كان قوس ترقي بثلاث درجات ...ولقيت باب فتحته لقيت صاله يفتحن فيها عرم ديار ...قدت نبحت ومنصدمه كان حوش من الحواشين المزارع القدم نين زواقه متقشر...
ونسمعه وراي يقول ....
رود:-آنستي....
انا ونلتفت انصدمت ونلقى رواد خاش من الباب .....!!!!!كان متجه للدار يلي عاليمين في نهاية الصاله ... ماسك الشنطه متاعي يجر فيها....كنت نشوف فيه كيف يمشي ...كان يجر في كراعه ...ويده كانت متقوسه💔 ومتكل بجسمه ع كراع واحد.....
كنت مصدومه وجامده ف مكاني (معاق)
رواد:-جا قرب مني (كان طويل وابيض مش واجد وجنتل كان عريض ولحيته كان مربيها)بحت فيا بنظره كان بودي نتعرفوا قبلها بس جت عالسريع ومدلي يده....
انا:-كنت مركزه ع يدا اليسار كيف منعوجه هكي .....
حسيته انحرج مني حطهاوراه.
انا:-مديت يدي وسلمت عليه.....
رواد:-آنستي حوشك
انا:-في نفسي حوشي؟؟؟...(كنت نحسابه بايتين فيه بس)
كيف هذا الحوش يلي ساكنين فيه
رواد:-باستغراب اها حوشنا ويلي جنبه حواشين عمامي الاثنين وعمتي ارمله وعايشه معانا حتى هي وعيالها جدي بعد ماتوفى راجلها بنالها جنبنا والحوش اللاخر حوش جدي وحني ....كلنا نسكنوا في نفس المكان توا نعرفك عليهم.
الفرح درناه في حوش جدي عشان اكبر من حوشنا وامي مازالت غادي عشان ناخذوا راحتنا.
(عائلة رواد)🍃🍃
عائلة رواد:-الاب يوسف متوفي والام صالحه واخت وحده اسمها نوريه متجوزه وتسكن مع عربها في مزرعه قريب من هل رواد.
الجد زيدان والجده حواء ....
العم سعد ومراته كريمه:-عند زيدان م ٨٧ و صقر م ٨٩ يشتغلوا علي سيارات الكبار يحملوا ....وبنت وحده صفاء متزوجه فالغرب
العم منصور ومراته صباح:- عندهم سحر م ٩٤ ونور م٩٦ وحلى م ٢٠٠٠ ووليد واحد صغير اسمه عبدالرحمن
العمه فاطمه:@راجلها توفى بعد ماجابت احمد م ٢٠١٠ ونادر م٢٠١١ وهما في عمر السنه والسنتين والحاج زيدان عشان عمها متوفي جابها وبنالها جنبه بالزبط في حسبة امه في حاجرهم🍃
انا:-ماكنتش عارفه انكم تسكنوا في مزرعه
رواد:-كنت نبي مقابله عشان نحكيلك ع وضعي ونتفاهموا...باتك قال انه عندك امتحانات وما يبي يشوش عليك....وانا ماحبيتش نكثر عليك
انا:-في نفسي.....آه ي باتي وانا نقول ليش ماخليتني نشوفه واندير معاه مقابله
رواد:-خشي غيري دبشك وتوضي عشان نصلوا واشرلي بيده آهيا الدار خوذي راحتك وعدى.... .....
انا:-فتحت الدار...كانت دار من المحليات ....محطوط فيها فرشه بيج ساده وستاره عسليه🍃كانت الدار صغيره ..روشنها كان كبير فيه كيف الماده قدامه ولقيت دبشي يلي جايبين ليا هلي معرم فوق بعضه تهايالي اكثر حتى من الدار......
سكرت الباب تحركت بثقل وقعمزت علي حاشيه السرير...وانا حاطه يدي ع فمي ونبكي....
معاق معاق ياباتي هانت عليك للدرجه هذه تعزق بنتك العزقه هذه نا شن درتلك انا شن درت من ذنب عشان تعاقبني بالزواج هذا.....😭😭😭
كانت قدامي مرايه الدولاب عاكسه ع منظري يلي كان مكياجي سايح من كثر مابكيييييت......🔥
عند رواد🍃🍃
خشيت من باب الحوش وسلمت عليها كانت جميله جميله فوق ماتصورتها ..♥️..كانت لابسه فستان ابيض وفارده شعرها ودايره روج احمر ...كنت نشوفلها ومش قادر نشيل عيني من عليها...... كانت تبحت فيا زييين وتبحت في يدي وكراعي بطريقه غريبه ....وسألتني عالحوش....كانت كيف المصدومه.....ماعرفتش مافهمتش ...
هلها مش حاكيينلها؟ حسيت وجها تغير طلبت منها تخش للدار تريح....
عديت للمربوعه غيرت دبشي وخشيت توضيت .....
رواد:-طولت جوا ....ازعما تغير نخاف انطق عليها نحرجها قعدت ساعه وانا مقعمز ....نرجى قررت نطق عليها
طق طق طق✊
انا:-سمعت صوت الباب يطق ...عديت نجري صبيت عالمرايا وقعدت نمسح في جرت رسم العين والقلم ......ونرشف بخشمي...
فتحت الباب ....
رواد:-شفتها عيونها حمر شكلها كانت تبكي
...بإنشغال....كنك
انا:-لاشي شكلي حصلت برد الجو هنا مصقع
رواد:-اها ....تعالي خلينا نصلو....كيف مازلتي بدبشك...
انا:-اها ...وطبست راسي شوي ونجي....
انا🍃
خشيت للدار وفتحت شنطتي كنت نفكر شن نلبس......
لقيت بجامه كت وسروال ابيض مورد بورد صغير وردي وفوق منها ديشمبر قطني وردي....ورفعت شعري كله بكعكه فوق......
طلعت من الدار ...رواد...رواد
طلع رواد من المربوعه يجري نعم
انا:-حمامنا وين
رواد:-تعالي اهو قبال دارنا الحمام كان في ممر وجنبه دار مسكره....فتحت وخشيت......
انا:-الحمام كان واضح انه قديم كان في وسطه كيف الساس بين المقعد والمغسله حشاكم ودوش فالنص ....
بس كانت الارضيه واضح انها جديده...ونظيييييف🍃
توضيت ودرت معجوني ودرت اللوشن متاعي ودرت للوجهي مقشر وغسول عشان آثار المكياج....ورديت للدار خذيت ملاية الصلاه ولبستها......
طلعت علي رواد كان مقعمز فالدار يلي جنبي كان فيها نظام طراريح لونهن بيج فالكحلي وفرشه كحليه وتلفزيون صغير..
رواد:-اه كملتي.....
انا:-أها ..
رواد:-هي تعالي نصلوا.....
طرح رواد صلايه وانا صبيت وراه
وبدا بالصلاه كان متكل بجسمه ع جهه وحده وكان كراعه اللاخر عزقه بجنبه
لاحظه انه الاعاقه فالجزء الأيسر من جسمه....كان صوته جمييلل وهادي 💛
التفت عليا وحط يده علي مقدمة راسي وقال:-
(اللَّهُمَّ إِنِّي أَسْأَلُكَ خَيْرَهَا وَخَيْرَ مَا جَبَلْتَهَا عَلَيْهِ وَأَعُوذُ بِكَ مِنْ شَرِّهَا وَمِنْ شَرِّ مَا جَبَلْتَهَا عَلَيْهِ) .
وقرب مني وقعدت عينه في عيني ...ومسك يدي وقرب وجه من عند خدي.
انا:-حسيت روحي سخنت.....ماقدرتش ماقدرتش خطر عليا محمد طول😭....قعدت نرجف .
كان مقرب مني وااااجد شوي دفيته...
رواد🍃
كملنا الصلاه جيت مسكت يدها ملاحمها كان بريئه وطفوليه كانت رقيقه انا مانعرفش فالصبايا حياتي كلها شغل ودهك لاعمري خشيت ف تجربه لا شفت بنت بجماله ...ضعفت قربت نبي نبوسها......
دفتني....انصدمت💔تمنيت نموت وقتها......
انا:'كنت بارمه وجهي وحاطه يدي ع وجهي ونبكي
رواد:-عائشه كنك.....عائشه
انا:-زدت بكيت اخرى.....
رواد:-ماتحطي شي في بالك مش حتصير حاجه الا برضاك
وشي طبيعي عشان نحنا مانعرفوش بعضنا مازال ....ومسكني من عند ايديا وصباني.....
رواد:-خشي توا اغسلي وجك وتوا نمشي نجيب حاجه ناكلوها اكيده مازلتي علي لحم بطنك.😅
انا:-ابتسامه من وسط دموع☺اها
ومشى محمد فتح باب في وسط الصاله يفتح علي فرانده كبيره وتنزلي بدرجتين علي حاجر كبير فيه دار معيشه كبيره ويفتح فيها باب للمطبخ....
انا:-صبيت فالفرانده نستنشق في هواء وشفت رواد جاي باتجاهي شايل صفره في يده ويعرج.
انا:-مشيت نجري ...هيتها خليها نشيلها عنك
رواد:-لالا توا نشيلها انا خشي هيا
خشينا وقعدنا ناكلوا...
كنت نشوف فيه كيف منحرج مني ومطبس راسه
انا:-كنت ناكل بشويه ....ماعنديش نيه بكل💔
رواد:-هذا عشاء الفرح قبل نسيته فالسياره كولي كنك ماتاكلي
انا:-اها....لا اهو ناكل....
بعدها كملنا وخذا رواد السفره وانا شلت المفرش وراه...
خشيت للمطبخ كان بسيط بكل فيه دولاب صغير لونه قهوي وطاوله ...
انا:-رواد توا نغسلهن انا
رواد:-لالا خشي صقع عليك توا نغسلهن .
انا:-لالا حول هكي توا نغسلهن ورفعت اكمامي ....وزدت رفعت شعري فوق وبديت نغسل....
رواد:-ماشور شي لبزتي دبشك....
كان وقتها رواد ماشالش عيونه من عليا بكل....
كانت شيشمته كل شوي طايحه ونركب فيه وتنطر في اميه ونمسح في وجهي عبيت روحي رغوه وخشت ف عيني قعدت تحرق فيا ماعرفتش نمسحها....
رواد:- توا نمسحها لكي .....قرب مني وبطرف يده قعد يمسح فالرغوه بلطف🌸🌸وبعدها قعد ينفخ ف عيني ...بهدوووء وكان نفسه عالي .....
انا:-ارتبكت وقعد قلبي يدقققق بالقوه
انا:-لاعادي مافيها شي توا نمسحها انا
كملنا وخشينا للحوش سكر رواد المطبخ وخش سكر الباب وانا خشيت للدار نغير في لبستي من الميه.....
سكرت الدار وبحتت في دبشي لقيت بجامه لونها كحلي نظام شمواه كت وسروال فوق منها طرف شتوي ....كنت فاتحه الشنطه ومقعمزه لوطه.....طلعت منها التوته ....وحولت الكت وماسكه في يدي كت التوته اللخرى....وينفتح الباب ......
انا:-كنت منحرجه بكل وضامه الكت علي صدي وشعري كان مغطي باقي جسمي....
رواد:-🍃🍃
مشيت برمت عالحوش وقعدت ربع ساعه هكي وطلعت للسياره كنت جايب معاي شوكلاطات وعصير ....مشيت بنعطيهن لها شفتها ماكلت شي امبدري....
واتجهت شور الدار ترددت شوي ...بعدها خشيت فتحت الباب ونلقاها تلبس......
كان منظر شعرها الاسود المنثور ع اكتافها عاكس ع بياضها .......فطنت للروحي وانا منسته فيها....نزلت راسي
