حب كبيييير من القلب لكل الناس الحلوه يلي علقتلي تعليقات حلوه تفرح القلب ♥️♥️♥️♥️آسفه عالتأخير بجديات 🌸😕
لايك كومنت طويييل♥️😍وشكرا لكل متابعيني
تزجت معاقًا ... الحلقه الثامنه8🔥🔥
للكاتبه فاطمه العبيدي 📖✏
💔💔💔💔 حسيت روحي حقيييييره كرهت روحي كرهت اني تعرفت عليه بالطريقه هذه....وكرهت باتي يلي وصلني للشي هذا....قعمزت عالكرسي وقعدت نبكي علي حظي.......وخشيت للدار جوا ونسمع فالباب يطق ....
عديت نفتح لقيت.......
سحر:خيرات ي عروسه اكيد وعيناك (مواصفات سحر سمره وفيها قصره وشعرها لونه اسود وعيونها عسليات ملامحها حلوات).
نور:-هذا كله ساكنتلا جديده حواء من بدري نعدوا نجيبوك لكن قلنا اكيده تعبانه سد غير الطريق.
انا:-ههه لا والله تفضلن خشن
سحر:-نحنا بنات عم رواد انا سحر وهذه نور....
انا:-اها....تفضلن خشن عليش مصبيات قدام الباب ....وخشن البنات ...
سحر:-عدي البسي توا نستنوك هنا
انا:-تمام بس عندكم عرب واجد وهكي شن نلبس...
نور:- (كانن ملامحها بيضاء وعيونها رصاصيات وبيضاء وشعرها كستنائي طويل كانت عكس سحر)نحنا اعمامي وعيال عم باتي وصباياهم وجدي مفتاح خو جدي زيدان ...البسي كان هذا بدله قصيره لو عندك انسب
انا:-تمام خشيت للداري وقعدت ندور ...
لبست قونه كحليه قصيره فيها فتحه من عالجنب...وفوق منها بلوزه ورديه نظام تب امبينه الاكتاف والاكمام دانتيل وسعات وطوال ومن لا وره فيها سوسته ذهبيه🌸...كملت لبس وفكيت شعري وقعدت حايره معش عرفت مااندير مكياج ثقيل ولا خفيف انا فالعاده نحبه بسيط درت ايلاينر ومكيجت مكياج ترابي ومعش عرفت نسكر السوسته كلمت البنات ....
سحر سحر نورر....جتني سحر دقت عالباب
انا:-خشن خشن
سحر:-خششت راسها من عن الباب...ماشاء ماشاء الله طالعه تجنني
نور:- انتي تجنني حتى بلا مكياج اساسا
انا:-تسلمن حرجتني...سحر كذا سكريلي سوسته البلوزه من لا وره
سحر:-حاظر....ورفت شعري وسكرتها ليا...
نور:-ماشاء الله الدار حاجاتها يجنن تغيرت بكل ماكإنهش هي بكل
سحر:-اها كل حاجه ذوق ماشاء الله
انا:-تسلمن يارب
سحر ونور هيا البسي عباتك خلاص المغرب قريب توا تظلم علينا
انا:-الحوش وين بالزبط
نور:-اهو خطوه كلنا جنب بعضنا نحنا
انا:-اها قالها ليا رواد امس
ولبست عباتي وسكرت الباب وراي وطلعت مع البنات....ووصلنا للحوش جدي زيدان....
لقيت الصبايا مفرشات فالحاجر....
الحاجر كان كبير بكل ومسقوف من فوق .....
قابلتني عمتي صالحه واخت رواد نوريه
صالحه:-يا مرحب ي مرحب بكنتنا والصبايا قعدن يزغرتن وكل مره وحده جايه تسلم....
نوريه :-عاد انا اخت رواد اكيد اذكرتيني بعد امس وهذا حمادي ولدي
انا:-اها اذكرتك ....نجك ليا ي خيه ربي يحفظه
نوريه :-الله يسلمك(نوريه كان فيها شبه من رواد بس عيونها كانن رصاصيات فيها شبه حتى من جدتها حواء)
كريمه:- كيف حالك ي بنيتي انا كريمه مرات عمك سعد ....
انا:-خير ي عمتي كيف حالك
صبااح"- كيف حالك ي عروسه وانا مرات عمك منصور ام سحر ونور
انا:- الله يسلمك بخير ..
صفاء:-واناصفاء بنت عمك سعد.
انا:-.اها...وقعدت نسلم عالصبايا وصبايا عيال عمهم.
وجتني عمته فاطمه كانت تسوي فالمطبخ سلمت عليا وعرفتني عليها وشالتني للجده رواد
