للناس الاصنام🤦♀️تعليق بسيط عشان الواحد يقدر يكمل كتابه......🌚
🔥 تزوجت معاقًا 🔥
الحلقه الثالثه والعشرون 23
💙للكاتبه فاطمه العبيدي ✏📖💙
منصور:- بحزم من ي صقر البنت
كريمه:-من جارتنا
صقر::لالا.....ماتعرفوهش
كريمه:-ياناعلي ي وليدي من وكانت خايفه من انه تكون مراته وكلهم فكروا هك
الحاج زيدان :-ايش دعوته ي صقر البنت
سعد:-من وين جبتها
صقر:-هذه ألاء ..... خشي سلمي عليهم ي الاء
كريمه:-(يلي كانت لابسه جلابيه دميه فالاسود ولابسه وشاح اسود وملامحها واضح عليهن الخوف )فيش تحكي انت ي صقر الاء من هذه يلي تبينا نسلموا عليها
سعد:-وكلي ربك ي كريمه خلينا نفهموا من العيل
كريمه:-العيل خشلنا جايب وحده امدرعنه شن دعوتها
فاطمه:-وسعي بالك ي كريمه خليه توا يحكي
الحاجه حواء:-لا حول ولا قوة الا بالله وسعوا بالكم
الحاج زيدان:-صبا من مكانه وصبا قدام صقر يلي كان واضح ع وجه التوتر ....وخبط بعكوزه انتن وبحت فالصبايا شون الدي وسكتن وخوذن البنت جوا......وانت ي صقر الحقني للمربوعه ....
وساد الصمت المكان.....
مشى الحاج زيدان للمربوعه وخشش صقر وسكر عليهم الباب.....
وقعمز عالكرسي يلي كان ديما يصلي عليه وقالي للصقر قعمز قعمز واحكيلي شن دعوته البنت يلي جايبها معاك
صقر:-والله ي جدي مانعرفها اقسم بالله مش فيلي عقولكم بكل
الحاج زيدان:-وكيف تبينا نفكروا وانت جايبها معاك عقاب ليل ي متجوزها ي هارب بيها
صقر:-اقسم بالله ي جدي مانعرفها حتى للعيت من
الحاج زيدان:-باهي انطق....لو ماني عارفك انك عاقل وماتديرها راه فكرت كيفهم ايش قصتها ي وليدي
صقر:-ي جدي نا والله نبيك تساعدني البنت صبت علي واستنجدت بيا
الحاج زيدان:-ونحنا مش من عوايدنا نردوا من يصبي علينا
صقر:-انا يوم يلي مشيت من هنا وقريب نوصل للمدينه وقفت نعبي في بنزينه شوي......
........
.....وهذه القصه ي جدي وانا توا يديا مربطات حسيت البنت ذنبها ف رقبتي كان سيبتها
الحاج زيدان:-وهو شارد ف افكاره بعد ماسمع صقر ... لا حول ولا قوة الا بالله البنت يتيمه شكلها وماعندها والي وكان هذا را ماصبت علي بابنا وقالتلك نقعدلكم خدامه والله ي وليدي مانبوش نجوا نحنا والزمان عليها نخلوها عندنا نين ربي يلطف بحالها لكن تقعد ف حوشي هنا انتوا شباب ونا نبي نطامن عليها هنا خير.....وتوا نمشوا للاعمامها بلكي ربي يحنن قلبهم عليها لكن لعند مايجي هاذك الوقت تقعد معانا هنا
صقر:-وصبا وجا قعد يحب ع راس ويد جده .....ربي يخليك لنا ويطوولنا ف عمرك ي جدي
الحاج زيدان :-قعد يطبطب ع كتف صقر.... وهذا عشمي فيك يوم انك سترت عالبنت وجبتها هنا
وطلع الحاج زيدان وصقر للدار المعيشه ولقى الاء مقعمزه بروحها فالتركينه وكلهن ماهنش عارفات شن قصتها
الحاج زيدان:-تعالي تعالي يا بنيتي
ألاء:-بحتت بصدمه للحاج زيدان بمعنى انا
الحاج زيدان:-تعالي قربي جاي
ألاء:-جت وصبت قدامه .....
الحاج زيدان:-جا مسك كتفها ...اعتبري الحوش هذا حوشك ونا باتك وانتي توا منا وفينا وتقعدي عندنا نين ربي يقدرني نساعدك ان شاء الله....وفالاول والاخير مهما يصير اعتبري الحوش حوشك
ألاء:-نزلت وقعدت تحب ع كرعيه بارك الله فيك بارك الله فيكم وانا والله والله نقعدلكم حتى خدامه طول عمري بيش نرد جزاكم ويلي تبوها مني انديرها لكم
الحاج زيدان:-رفعها من عند يديها استغفر الله ي بنيتي ....عمرك ماتذلي روحك كيفك كيف البنات اللخرات كيف نور وسحر والبنات هذا يقعد حوشك من يوم وغادي وماردك الا لسانك
ألاء:-حبت ع راسه ويده
الحاج زيدان:-نور خوذيها معاك تغير دبشها
نور:-كانت مش فاهمه شي خذتها معاها وخشت جوا
والحاج زيدان 💙
وحكالهم ع الاء وقصتها....
فاطمه:-لا حول ولا قوه الا بالله البنت صغيره مسكينه
سعد:-الدنيا معش فيها خير
كريمه:-باهي ي وليدي تاخذ فيها اجر مسكينه واضح عليها الشقى
صباح:-اسمله عليها تيتمت بدري
منصور:-حتى اعمامها شكلهم اي كلام يوم خلوها تعيش مع حد غريب
الحاج زيدان:-العتب ع باته مفروض من هو وحي وصى عليها لكن ربك فالوجود....
_______________
عند نور وألاء فالدار🌸🍃
نور:-خوذي البسي هذه توا من عميمه نين توا نمشي بعدين للحوش ولا تمشي معاي نا مكسده مكسده
ألاء:-طبست راسها بارك الله فيكم وقعدت تبكي
نور:-آسفه والله ماقصدي بيها حاجه ي ....
ألاء:-ألاء .....وانتي
نور:-انا نور
ألاء:-اخت صقر انتي
نور:-لالا بنت عمه اخته صفاء متزوجه فالغرب
لكن هنا كلنا متعلقين ببعضنا
ألاء:-ربي يحفظكم
نور:-ألاء انتي بيش تعرفي صقر
ألاء:-صقر ربي دزه ليا ربي عشان ينقذني.....انا هربت هربت من معاناه وقعدت تبكي
نور:- آسفه والله ماقصدي شن قصتك
ألاء:-لاعادي محتاجه نحكي اصلا
نور:-اعتبريني من اليوم اختك وكلنا هلك
ألاء:-وأحلى اخت والله .....انا يتيمه الام والاب وعشت مع مرات باتي كنت........
.......
نور:-ياناعليا هذا كله صار معاك.......معقوله مافيش حد عند شفقه
ألاء:-الناس كل حد شاقي بحاله توا
نور:-آي والله مش مغير
ألاء:-نور وين الحمام بنغير
نور:-اهو من هنا خوذي راحتك
ألاء:-شكرا ......وصبت ألاء وخشت للحمام
وسيبت نور من وراها يلي كانت وجعتها حالها وكيف بنت في سنها شافت الخبر هذا كله
_________///
في ألمانيا فالصبح🌸🍃
