في ناس هنا عسل فالصفحه تعليقاتهم يردن الروح🌸🌸♥️♥️♥️شكرا واجد بس مالحقتش نرد عالتعليقات كلهن
تزوجت معاقًا
للكاتبه فاطمه العبيدي 🗒✏
الحلقه الحاديه عشر 11
انا :-لبست توته اسود فالابيض نظام استرتش وفوق منها كت وجاكه.....عديت للمطبخ الخارجي احترت شن اندير العشاء لقيت مكرونه وفتشت فالفريز لقيت فيه مفروم قلت اندير مكرونه بالبشاميل ...لكن نسأل رواد يحبها ولا لا وانا طالعه من المطبخ نلقى نظام بوكس متوسط مغلف بورق ومحطوط عليه ورده بنفسجيه ومكتوب عليه(عارف انه مش من قيمتك وجا متأخر بس شي بسيط مني)
فتحت البوكس لقيت علبه مكتوب عليه A7 فتحت لقيته فون ....انا🙀.....وسمعت صوت رواد
رواد:-اه عجبك
انا:-عديت نجري وعبطت فيه ...شكرا شكرا شكرا شكرا وااااااجد
رواد:-كنك ماقلتيلي انه خاطرك فيه
انا:-مانبيش نكلف عليك
رواد:-مسكني من عند يدي وقربني له wishi انتي توا من مسؤولياتي يعني يلي تبيها قوليها ليا انا زوجك ماتنحرجيش مني
انا:-رواد مانبيش نكلف عليك وانت تصرف علينا وكل شي في راسك
رواد:-قرب مني وحط صبعه ع فمي...اشششش انتي من مسؤوليتي واي شي يخصك يبقى شوري
انا:-شكرا
رواد:-ياناعليا نا كنك سكنتلي مع الشكرا مافيش حاجه اخرى مش خاطره عليا يفرحك الفون للدرجه هذه
انا:-اها بكل ههههه تعيش وتجيبلي
رواد:-خذا نفس اااه ان شاء الله ....خطرها فيش تلبزينا توا
انا:-نبي ندير مكرونه بالبشاميل تحبها
رواد:-شن نقولك عندك سحر ديما اتدير فيها عادي ناكل فيها
انا"-تمام خلاص هيا اطلع بره نبي نبدا
رواد "-عليش تلزي فيا بنقعد هنا
انا:-لالا....مانعرفش وحد مصبي علي راسي وقعدت ندف فيه هيا اطلع اطلع
رواد:'اصبري باهي ناقصك شي تبي شي
انا:-لالا في كل حاجه
رواد:-خلاص نبي نعدي نزرق عالشباب توا نجي
انا:-هيييي لالا ماتسيبنيش نخاف بروحي
رواد:-اه منك وخلاص توا انتي تخافي ماكنتي تلزي فيا
انا:-اقعد جوا بس ماتطلعش
رواد:-حاظر
وخش رواد جوا وبديت اول حاجه رفعت شعري كله فوق ودرته كعكه وبديت ......
طبخت المكرونه و طيبه المفروم وسكبتها في طاجين بايركس وطيبت الباشاميل.....وحطيتها عليها ولقيت جبنه شرائح وشيدر فالتلاجه حطيتهن وخششته فالكوشه .
وقعدت نستنى فيه ...خطرت ع بالي اندير معاها شوربه عدس ماعندي عليش قاعده درت عالسريع ضربتها فالخلاط وكملت حوسة المطبخ ....وطفيت عليهن حسيت بنتي تطبيخ عديت غير التوته يلي عليا .....الجو فالمزرعه عندهم يصقع فاليل .....لبست توته سوده كم اطرافها دانتيل وبخيت عطري ودرت لوشن وكريم للايديا وطلعت ....
وتيت الطاوله حطيت عليها شوكتين وكشيكين وصحنين شوربه وحطيت تبسين والطاجين فالوسط....وحطيت كبايتين وطلعت قزوزه وخشيت جوا نكلم في رواد
انا:-روااااد رووواد وينك تعال تعشي
رواد🍁
كنت نسمع فيها تعيط طلعت لقيتها مصبيها ومعطيتني بظهرها قلت خليني نفجعها......جيتها وقرب منها ها كنك
انا:-ووووو عليا يا ماما
رواد:-ههههههه منظرك طروح بكل
انا:-مافيش حاجه تظحك يعني تشوف فيا اندور عليك ليا ساعه بنقولك تعال تعشى وانت تفرج عليا وسيبته وجيت بنطلع
رواد:-انبصر معاك ي ستي حقك عليا ومسكني من يدي هيا نشوف الشيف شن دايرتنا اليوم
انا:-انت تهزى عليا
رواد:-لالا
وخشينا للمطبخ
رواد:-اوووووو معزوم اليوم انا
انا:-ههههه نعجبك
رواد:-تعرفي لما شفتك قلت هذا والله مايسير منها حاجه شكلها مازالت طفله
انا:- انا طفله باهي باهي
رواد:- جديات بس توا ما شاءالله
انا:-باهي اصبر بنصور قبل عديت نجري جبت الفون ورديت قعمزت عالكرسي ...رواد افتحه ليا ....
رواد:-تعالي هنا وكر الكرسي خلاني بجنبه لما بتفتحي افتحي من هنا وبعدين توا انديرلك بصمه عشان معش حد يفتحه غيرك....خلاص وكان مقرب مني واجد ويفهم فيا بشويش .....
انت:-حطلي عالكاميرا
رواد"-اهيا اظغطي ع هظي شوفي هك اه بدت تشتغل لما تبي تصوري اظغطي علي هذه....
انا:-عطيني عطيني نجرب وصبيت من الكرسي ....ونبي نصور ..رواد رواد كنه مابش يصور وصبى رواد وجاني
رواد:-كذا وريني ...صبيت وحطيت حنكي ع كتفها وحطيت يديا من عند خصرها ومسكت يدها تعالي لما تبي تصوري ثبتي يدك هكي وبعدها اظغطي عشان ماتطلعش مهزوزه
انا:-فالساعه يلي قرب مني فيها رواد حسيته يديه دافيات وحنون وكيف انه موسع باله ليا .....
رواد:-كنت نوري فيها كيف تشغل الكاميرا ومسكت التلفون نزلته مع الطاوله وكريتها شوري .
انا:-غمضت عيوني وكان رواد حاضني من لاوره مش عارفه ليش ماباعدتش ضعفت بين ايديه......وانا بصوت يرجف رواد
رواد:-اه خليك ساكته بس ....وباعدت خصلات من شعرها وبستها علي رقبتها بوسسسسه طويله ....
انا:-لما باسني رواد معش حسيت بشي دخت
رواد:-كنت حاظنها وبستها بعدها حسيتها ارتخت بين ايدي ...عايشه عايشه ردي عليا كنك
انا:-لا ماكني شي غير دخت بس ممكن هبوط وحبيت نغيرالجو مسكت في يدي ...هيا خلاص العشاء صقع كملناها تصوير.
رواد:-أربتك وانحرج اها خلاص تعالي قعمزي
قعمزنا وردينا ناكلوا وكل منا حاول يتجاهل الموقف يلي صار قبل شوي
رواد حب يكسر الصمت 🌸🌸
رواد:-بكره حنمشوا للحوش جدي من الصبح عشان يخططوا للزرده بعد بكره
انا:-صاح الله جو سمح بايتين
رواد:-اها بايتين بس را غابه ويبوا يديروا خيمه ....
وتي دبشنا من توا عشان ماتلخبطيش بكره والجو يصقع فاليل خوذي حاجات دافيه
انا:-كنت مبتسمه تمام حاضر....الله كساد اصلا خاطري نطلع
رواد:-كنك ماقلتيلي انه خاطرك تطلعي
انا:-قلت ممكن مش فاضي
رواد:-اصلا نحنا مادهورناش بكل بعد الزرده توا نطلعوا بروحنا
انا"- تمام ...بس رواد قولو شن اندير هنا فالحوش
رواد"-لالا ماتديريش شي حتى لو حطن عليك حاجه دزيني عليا انجيبها لكي من السوق
انا:-لالا رواد شن فيها بعدين حاجه الحوش مش كيف
رواد:-باهي بس ماتخذيش حاجه اتعبك واكتبيلي شن ناقصك نجيبه لكي
انا:-تمام
كملنا عشاء وغسلت المواعين عالسريع وخشيت للحوش فتحت الدرج متاعي وطلعت منه فحمه حجريه وفاسوخ وولعتها وحطيتها عالبخاره وحطيت عليها الفاسوخ وحطيت الشاهي للرواد خش قعد يتفرج عالتلفزيون وانا قعدت نبرم فالحوش لأني بنطلع لحوش جدي زيدان فالصبح
رواد:-خلاص الحوش مافي شي خشي تريحي
انا:-كنت نبي نقوله تعال ارقد جوا انحرجت
رواد🍃
شفتها تحوس فالحوش خاشه طالعه قلتلها تخش تريح كان بخاطري نقوللها شن حسيتي امبدري انتي تبيني ولالا
انا:-خشيت للدار ولبست الملايه وقعدت نصلي كملت صلاتي وخشيت في سريري وطلعت كريمتي ودهنت بيها وحطيت راسي عالمخده نذكر فالموقف يلي صار بينا كانن مشاعري متفاوتات....غمضت عيوني وسمعت الدار انفتحت ....حسيت برواد طرح الفراش جنبي وبعدها طفى ظي الدار قعدت ظلمه ....حسيت بيه مصبي علي راسي ...بعدها قعمز ع حاشيه السرير ....وقرب مني حول شعري من ع وجي وباسني وجاني عند وذني وقالي انحبببببك ...وعدي رقد
انا:-كان قلبي يدقققق يدققق وداير هرجه مش حاسه بشي وغمضت عيوني وانا في غفله....
