💛 تزوجت معاقًا 💛
💡الحلقه التاسعه عشر 19
💡للكاتبه فاطمه العبيدي 📖✏
رواد:-شن فيه ي دكتور الدماغ صارله حاجه فقدت الذاكره.....
الدكتور سامح:-لالا .......ممكن الحادث هذا من ربي عشان عرفنا الموضوع بدري
رواد:-دكتور ماتخلينيش علي اعصابي قولي
الدكتور سامح "-.....المريضه اثناء الفحص بالاشعاع ....اكتشفنا انه عندها السرطان.....
رواد:-.......سرطاااااااان كيف ي دكتور شن دخل السرطان في الحادث اكيد ملخبطين زيدوا تأكدوا اخرى
الدكتور سامح:-أنا عارف انه الكلام يلي نحكيه لك من الصعب انك تستوعبه بس ونحنا انديرولها في صوره مقطعيه وصورة رنين لا حضنا تغير في حجم ونموا الثدي فخذينا خزعه ودزيناها للمعمل عشان نتأكدوا وفعلا طلعت مصابه بسرطان الثدي بس نقدروا نتفادوه فالبدايه
رواد:-كيف سرطان فالثدي يعني مراتي بتموت كيييف تقولي هدي روحك وانتي تقولي سرطان
رواد🍃
صبيت وكنت حاس بالدنيا تلف بيا كنت خايف نحس في يديا فاشلات نحس قي روحي عجزت .....
كنت نجر في روحي ونلقى اعمامي مصبيين قدام الدار والدكتور كان وراي ...
الحاج زيدان:-آه ي باتي شن صار معاك
منصور:-دكتور تحاليلها سليمات
الدكتور سامح:-انا حكيت للرواد وهو مابش يتفهم الشي هذا نبيكم تخلو ايمانكم بربي قوي
سعد:-ان شاء الله خير ي دكتور احكي
الدكتور سامح:-أنا حكيت للرواد انه ...............
الحاج زيدان:-اللهم انا لا نسألك رد القضاء ولكن نسألك اللطف فيه
سعد:-لا حول ولا قوة الا بالله
منصور:-وشن المطلوب توا ي دكتور
الدكتور سامح:-انه نبدوا فالعلاج الكيماوي بسرعه خوفا منه يمتد ونظطروا نستأصلوا الثدي.....
مع طلعت فتحيه ماسكه كاس اميه في يدها .......انكسر🍃
فتحيه:-لاااالااا لاااالالا ياناعليا ي بنيتي صغيره ...وطلعن الصبايا يلي فالدار يجارن .......
صالحه:-كنك ي خيتي كنك
فتحيه:-يانعلي بنيتي ياناعلي قالو الخبيث عندها
كريمه:-تبكي لا حول ولا قوة الا بالله
صالحه:-ياناعلي ي رواد ياعليا مازالت مافرحتها كملت
رواد جا وقعد يضبط في امه ويبكي علي حيل جهده.....
انا :-مقعمزه فالسرير ونسمع في هرجتهم بره .....نزلت رجليا و فكيت التغذيه من العلاق وشلتها في يدي وطلعت عليهم......
لقيتهم يتباكوا والرجاله وجوهم سود .....كنت نشوفلهم ومش فاهمه شن صاير....
يجني خواتي ويقعدن يضبطن فيا ويتباكن وماما ......
كانن عيوني مغبشات وفمي اسود وريقي نشف....حسيت ذاني انطبقن.......وجدي يقولي هذينا ابتلاءات من ربك ومازلنا فالبدايه الدكتور قال نقدروا نعالجوه...
انا:- كنت نشوف للرواد .....
رواد....كنكم تبكوا...
ويجيني رواد ويمسكني من وجهي
رواد:-ان شاء الله نعالجوه ونتغلبوا عليه .....انا حنسفرك بره مش مراجي هنا
الحاج زيدان:-اها تسافر بره خير ....خير ما يلعبوا فيها هنا
انا:-رواد شن تحكوا انتوا نا كويسه كويسه ...اه اه كويسه كنكم تحكوا هكي ...مش قتلي الدكتور خلاص قال...
ماما كنك تبكي نا كويسه خلاص توا
رواد:-ودموعي كيف الشلال....انتي مؤمنه صح انتي مؤمنه بربك
صالحه :- جتني وحضنتني يابنيتي مازلنا فالبدايه وقال الدكتور مرات مانستأصلوش الثدي نعالجوا بالكيماوي قبل
انا:-حسيت روحي كانه حد كب عليا ميه مسقعه ......سرطان......انا مريضه سرطان .....انتوا انتوا تكذبوا عليا....وقعدت نكر ف روحي ....ومشيت للرواد رواد حبيبي قوللهم قوللهم اني كويسه هما يكذبوا صاح مش قتلي نشيلك للشرق ندهوروا صح هاظوما يكذبوا
وكلهم قعدوا يتباكوا.....
حسيت روحي مش قادره نحكي لساني ثقل ونشوف فيهم بعاد والدنيا غبشت وطحت.....
رواد:-دكتوووووور ي دكتوووووور
الدكتور سامح:-ماكنتوش تقوللها توا غلط غلط المريضه مازال جسمها متهالك من الحادث
