🌸تزوجت معاقًا🌸
🔥 الحلقه السادسه والعشرون26🔥
للكاتبه فاطمه العبيدي📖
نور:-.....وعيت وانا نبكي ونهز
ألاء:-باسم الله صبت تجري جابتلي ميه....خوذي اشربي واتفلي ع جنبك اليسار وتعوذي من الشيطان
نور:-خذيت الكبايه انا ويديا يرجفن.....
الاء:-وهي تمسحلي ع ظهري كنك...
نور:-مليييييت مليييييت وانا نحلم معش نبيه نا نبي نعيش كيفي كيف الناس
ألاء:- خلاص ي قلبي مش بيدك توا ردي ارقدي وتعوذي من الشيطان.....
نور:-كنت في دوامه ماحدش حاس بيا كنت نموت بالبطئ كنت نتمنى انه كان حلم جميل ولا واقع بشع كيف هك.
________
في الصبح 🍃
مشن البنات حلى والاء ونور لحوش جدهن اليوم جمعه ولمة العائله ومشت قبل بوقت صباح عشان تعاونهن
نور بجنبها ألاء ويتمشن فالمزرعه بعد ماطلعن من الحوش
ألاء:- تعرفي ي نور عاجبني كيف انكم مترابطين ..ربي يحفظكم....
نور:-سلمك يارب كله بفضل جدي
الاء":-ربي يطول ف عمره
حلى:-انتوا شن نظامكم ي ألاء فالجمعه
ألاء:-بكسرة خاطر.....لا نحنا وهل باتي مقطوعه من زمان
نور:-حبت تغير الموضوع ......انتي منا وفينا توا خلاص
ألاء:-☺
وصلن البنات لحوش الحاج زيدان 🍃
لقن الصبايا وحده تفتل ووحده تدير فالعصبان ووحده تطبخ
ألاء":-ربي يعاون ان شاء الله وجت قعمزه مع كريمه تساعد فيها
كريمه:-لا ي بنيتي خليك تريحي
الاء:-خليني نساعدك ي عميمه توا انقرضلك انا
كريمه:-سلمك ي بنيتي ماشاء الله تعرفي تسوي
ألاء:-اها ماما الله يرحمها معلمتني من زمان
صباح:-ربي يرحمها ...والي خلف ماماتش
فاطمه:-اي والله ومعش تحشمي خلاص يلي تبيها قوليلي ولا قولي لوحده من البنات
ألاء:-لا والله ماناقصني شي سد اني واكله شاربه ببلاش
صالحه:-وهي تبرم فالكسكو ومقعمزه ع بساط ف نهايه المطبخ.....لا ي بنيتي ماتقوليش هك نصيبك تعيشي فهالحوش
فاطمه:-والله ي لولو سيماهم على وجوههم تريحنالك كلنا
الاء:-سلمكن يارب....
نور:-ي ماما نبي اندير سلاطه وين
صباح:-شوفي ف تلاجه
فاطمه:-دايره مكدوس وكيف طاب حطن منا......
ألاء:-وهي تلفت هك وهك .....كانت فاقده صقر ماشافاتش بكل ....وبتسأل بس انحرجت...
حطوا الغداء وجا سعد خذا سفرة الرجاله وحطن للصبايا وتغدن وخشن يغسلن فالمواعين البنات الشبابات.....
نور:-كنك ي لولو ساكته....وشارده وخلاص
ألاء:-لا والله شي
نور":-شن في
ألاء:-زعما فقدوني ولا مافي حد دورني
نور:-خليها ع الله وجدي قال اصلا بيمشي للاعمامك
ألاء"-تحكي جد......
نور:-اها والله مادام جدي وعدك ماتفكري ف شي وهي توا خلينا نخشوا بالشاهي يستنوا فيا....
خشينا للدار المعيشه وكالعاده ملتمين فيها.....
ألاء🍃
خشيت وانا منحرجه مش عارفه شن اندير
الحاجه حواء:-قعمزي ي بنيتي هاظوما ف حسبت اعمامك
الحاج زيدان:-هنا كلنا عيله وحده واي شي يخصك قولي عليه لوحده من هالبنات ماتديريش غيبه
الاء:-تسلم ي جدي حتى انت ماقصرت....
كريمه:-صبي ي حلى خوذي من حنك قسمي الشاهي
حلى:-هيا هيا
فاطمه:-في كعك ي نور فالمخزن عدي جيبيه
نور:-حاظر ي عميمه
ألاء:-صبن البنات يوزعن فالشاهي وانا كنت مرتبكه لهاللحظه مارفعتش وجهي
صقر:-السلام عليكم
كلهم:-وعليكم السلام
سعد:-كنك طولت
الحاج زيدان:-كنت ترن تطمنا
صقر:-لا والله ي جدي المنطقه مافيهاش تغطيه
كريمه:-نحطلك غداء
صقر:-لا والله متغذي عند واحد صاحب
ألاء ":-كنت نشوفله نبيه يبحت فيا ....نبيه يسأل عليا نبي نقوله انا غريبه بدونك.....
صقر":-خير.....شخبارك (ببرود)
الاء:-الحمد لله......
كان في قلبي غصه.....كيف تجاهلني هك...اصحي اصحي لروحك ي الاء هو شافق عليك بس اوعي لنفسك ....وقطع حبل افكاري
فاطمه:-قتلك ي باتي نبي السوق نبي ناخذ للعيال شويه دبيشات
الحاج زيدان :-اوباه ....وبالمره خوذي نور وألاء حتى هنا يشرن ويغيرن جوهن
(الحاج زيدان ماكنش يبي يحرج الاء قدامهم فعشان هك حكى بالجمع)
ألاء:-وهي تعصر ف يدها لا مافيش داعي ي جدي
نور:-فكينا خلينا نمشوا نغيروا جو.....
الحاج زيدان:-بيش تشيلهن انت ي صقر
صقر:-شاف للألاء ورد شاف للجده حاضر ي جدي
فاطمه؛:-هيا ي بنات صبن وتن ارواحكن
وصبن البنات وعدن يغيرن ف دبشهن......
____________
في ألمانيا🍃
عائشه 🎵
كنت مقعمزه ع سريري بروحي وسحر عدت تجيب ف دبش من الفندق هي وزيدان ورواد بيبات معاي الليله.....
كنت كيف كل جرعه هالكه......
رواد:- استاذنت من عويشه ع اساس مشوار وجاي لفت انتباهي محل هدايا قريب من المستشفى منظره كان خيال.......فتحت المحل يلي كان كله ديكوره خشبي وارفف خشب وفوانيس معلقات ...
رواد:-كنت محتار خشيت للمحل وذهلت بالهدايا والاكسسوارات يلي موجوده فيه.....
كنت منحرج من الحشد يلي موجوده فالمحل......بالذات اني مش متعود عالزحمه ....
جت قربت مني وحده واضح انها تشتغل فالمحل....
البنت:-.....how can I help you
انا:-كنت منحرج منها لأني مانعرفش نحكي انجليزي
البنت:-حملقت فيا بعدين .....سألتنيdo you speak English
انا:-......؟؟؟؟قعدت انأشرلها بيدي يعني مانعرفش ...نحكي الا عربي
البنت:-You are not talking English
وعدت كلمت بنت من جوا وجت هي وياها
البنت الثانيه:-مرحبا كيف يمكنني ان أساعدك
رواد:-أهلا....ا ..ااريد هديه لزوجتي
البنت الثانيه حكت للأولى وابتسمن💕
البنت الثانيه:-ثواني من فضلك ....
وحت كانت شايله بوكس فيه نظام دبدوب وومزين بالورد وفيه نظام اكسسوار حلق وسلسال....
البنت الثانيه:-مارايك بهذا
رواد:-جميل .....شكرا...
ومشيت للطاوله يلي بيسددوا فيها ساعدني البنات في حمل الكيس بطريقه نقدر نشيل البوكس في يدي...
(كان عاجبني تعاملهم وكيف انهن تعاطفن معاي وماشفتش حد مر من جنبي وشافلي بنظره اني معاق بالعكس كنت وين مانمشي في تفاهم)
طلعت من المحل ورديت للمستشفى.......
وقربت من غرفة عويشه وعدلت من هيأتي وخشيت.....
لقيتها متكيه ع جنب ومقابله الروشن وفارده شعرها.
.رواد:-حطيت البوكس عالطاوله وقربت منها وهمس عند وذنها.......كنه حبيبي زعلان
عائشه:-كنت سارحه بتفكيري وبعدين شمية ريحه رواد.....كنت دائما لو كان بعيد أيش نشعر بوجوده جنبي رواد حبي ودنيتي يلي طولت ماتعرفت عليها...التفتت لقيته حاظني ويهمسلي في وذني
عائشه:-جيت حبيبي
رواد:-جا قعمز وراي ....اها حبيبي جيت قعمزي كذا
عائشه:وانا نعدل ف جلستي ....اه حبيبي
رواد:-غمضي عيونك
عائشه:-شن فيه
رواد:-بلا كثر أسئله
عائشه :-امباه ....
رواد:-فتحت العلبه وطلعت السلسال منها كان طويل مايستحقش اني نفتحه.....وحولت شعرها ع جنب وبستها ع رقبتها وقربتها مني ولبستها له
عائشه:-شن نفتح حبيبي
رواد:-اها .....
عائشه:-فتحت عيوني لقيت رواد ملبسني سلسه طويله ع شكل الا مالا نهايه......نطيت عليه حظنته الله حبيبي تجننن نجك ليا انحبببببببك
رواد:-ههههه ان شاء الله عجبتاك ي عمري
عائشه:-اه ي قلبي تعيش وتجيبلي
رواد:':-حبيبي شن تحسي ف روحك كويسه اليوم
عائشه:-الحمد لله ....
قرب من رواد ورقد جنبي وحظني
رواد:-دوبيتني معاك وماتفكري ف شي خلاص ارقدي توا ....
عائشه:-رقدت ف حظنه كإنه انخلق عشان ينسيني اوجاعي.....
__________
أما فالفندق عند سحر وزيدان 🌸🍃
خش كل واحد فيهم للغرفته ع اساس بيتلاقوا بعد نص ساعه لوطه عشان يتعشوا....
سحر🍃
خشيت للغرفه وسلحت وشاحي وطلعت من الدولاب المنشف ولبستي بنخش ندوش.....ادوشت وطلعت وانا لافه شعري بالمنشف ولابسه توته لونها وردي ظابطه ....وبنجفف شعري عشان بنغير وننزل.....فتحت الدرج طلعت المجفف وبنولعه.....والسبينيا....تطربق....
سحر:-وووو ووو ي ماما وطلعت نجري دقيت ع غرفه زيدان كان بجنبي....زيداااان حل حل
زيدان🍃:-كنت كيف طالع من الحمام ولبست وبننزل ونسمع صوت عياط سحر فتحت الباب لقيتها لابسه توته ولافه منشف ع شعرها وتبكي.....
زيدان؛-كنك كنك شن في
سحر:-نار نار ....
زيدان":-من وين انطقي.....
سحر:-علقت المجفف ويطربق فيا...
زيدان:-خشيت نجري للدار فصلت الضي ونزلت للاستعلامات وبالزور حصلت وحاد يحكي عربي وقلتلهم عالعطل....ورقوا معاي وطلبوا مني انا وسحر نستنوا لوطه....
خشيت ع سحر ف الدار يلي كانت ترجف من الفجعه ....
زيدان:-قالولي ماتخشش توا عشان يصلحوا العطل
سحر:-هيييي لعند امتى(وفطنت الروحها انها بلا حجاب لاشي وقعدت تلكلك)باه عادي تجيبلي عبايه ولا حاجه
زيدان:-لقى روحه منسته ف سحر يلي كانت كلها انوثه....
اه اها شوي توا نجيك عدى جابلها شنطه فيها دبشها.....
هيا غيري توا نستناك وننزلوا نتعشوا.....
سحر:-طبست راسها وهي منحرجه....تمام
غيرت دبشي ولقيت زيدان يستنى فيا لوطه كنت متزلطه من الموقف .....
سحر:-زيدان بنرقى نرقد مازالوا
زيدان:-هيا نرقوا نشوفوهم....
رقينا لقيناهم نازلين.......من عند الدروج ....
سحر:-سألتهم قالولي انه الغرفه مطربق فيها ظي ودخان معبي الحاجات تستنى لبكره عشان يغيروا الستائر والمفارش....
زيدان:-شن قالك ...
سحر "-😳قالي الغرفه مش حتوتى الا فالصبح....
زيدان:-😶خلاص خشي للغرفتي وانا توا اندبر
سحر:-لالا توا نشوف
زيدان:-شن تشوفي خشي هيا قدامي......ماتخافيش توا ندبر نا
سحر:-لالا وين بتمشي انت......الغرفه كبيره قسمين ارقد في القسم يلي قدام الحمام
زيدان:-وكنك ماانتي يلي ترقدي فيه ههههه
سحر:-انحرجت☺مش هك خير من الشارع مش قلت بندبر
زيدان":-باه هيا.....خش قدامي
خشت سحر وكانت غرفه زيدان نظام غرفه وسط فيها كنبات وفيها حمام وتفتح فيها غرفه كبيره فيها سرير زوجي وتقابل فيها شاشه تقابل فالسرير
سحر:تبي حاجه من جوا
زيدان:-اها ناخذ توته....خش زيدان وخذا توته وطلع....
سحر:-تصبح ع خير......
زيدان"-خش للحمام غير دبشه وطلع .....لقى سحر مغيره ولابسه وشاح خشت بعده للحمام وطلعت.....
زيدان":-بنخش نرقد تبي شي
سحر:-لالا...
سحر"-"-🍃
خشيت للسرير وبنرقد وظي الغرفه يطفى....ونا نموت من الظلام😱....قعدت نتلمس ندور ف تلفوني لقيته طافي شحن🌚
سحر:-زيدددااان زي دان...
زيدان:-هممممم
سحر:-كيف الظي فاصل
زيدان:-لا نا طفيته
سحر:-صبيت وانا نتلمس ووصلت للغرفه يلي قدامي ....لقيت زيدان متمدد عالكنبه.....
زيدان:-فطنت الحاجه تقرب مني.....ولعت بتلفوني طلعت سحر.....سحر باسم الله كنك
سحر:-قربت منه كنت فوق راسه وانا نزمط ف ريقي .....ولع الظي
زيدان:- وهو يعدل ف جلسته نين قعد مقابلني.....ليش...؟
سحر:نخاف انا......
زيدان:-ناعليا....طلعت منه عفوي🙋♀️
سحر؛:-ماانبصرش انا😳
زيدان:-امباه ......شن تبي انديرلك
سحر"-بلا سماطه.....ولع الظي
زيدان:-خوافه اوي.....
سحر:-طارلها ....مش ف عازتك وطنشت وجت بتعدي
زيدان:-كرها من يدها نين طاحت عليه وجافمه ع وذنها.....انبصر ي عصبيتي
سحر:-وجها قعد ألوان...فلتت يدها وعدت تجري للسرير...😳
عدى زيدان ولع الظي وقعد طول اليل يفكر في سحر وكيف حبها بالسرعه هذه ...وسحر كانت تخيل فاللقطه يلي صارت قبل شوي
________________
في حوش الحاج زيدان 🍃
ولع صقر السياره وقعد يتستنى فيهن....
طلعت فاطمه ركبت من قدام
صقر:-وين البنات ي عمتي
فاطمه:-اهن وراي توا يجن
وجت ألاء يلي كانت لابسه خمار وعبايه ومعاها نور
فاطمه:-مازلتي صغيره ي ألاء عالخمار
نور:-والله وحلت فيها مابتش تحوله ......
صقر:-كان يشوف للألاء في المرايه بيشوف شن ترد....وعيونها كانن عليه
ألاء:-عمري مالبسته بس من اول يوم لبسته فيه حبيته
صقر:-ابتسم ابتسامه ع جنب وولع المسجل متاع السياره وكانوا عيونه في ألاء وطلعوا من المزرعه...
وساد الصمت🎵🎵🎵
أضيع أنا ....من نظره من عيونك....
الحين انا....صرت انا مجنونك،....ودي انا اسمع اسمي بصوتك
........
وصلن البنات للسوق ومن محل لمحل.....وصقر معاهن....
فاطمه::-اصبروا شوي نوور قتلك هذه شن رايك فيه للعيال
نور:-تعالي نخشوا نسألوا عليه يهبل ي عميمه
وخشن فاطمه ونور للمحل وجت ألاء بتخش وراهن يمسكها صقر من يدها
ألاء:-صققررر
صقر:-كيف ماتبيش تشري حتى انتي
الاء:-يلي كانت قريبه من صقر...لالا مانبيش...
صقر:-خوذي اي حاجه تعجبك قوليلي عليها....
ألاء"-لاشكرا حتى جدي عطاني
صقر:-وانا
ألاء:-انت شنو
صقر:-ماتبيش تاخذي مني
ألاء:-مش هك انا كثرت واجد عليك
صقر:-تعالي.....كرني من يدي وكان في محل يقابل ....هذا حاجته سمحه نكلملك نور تجي تشوفلك كان منحرجه مني
ألاء:-صقر لااا صقر مانبيش
صقر:-اسكتي.....
وعدى صقر كلم نور وفاطمه وخشن يقيسن عليها.....وطلعت الاء بعرم اكياس غصبن عنها
ألاء:-والله مافي داعي
فاطمة:-خلاص توا شن قلنالك والله مادفعنا حاجه كله دبش عادي ومش مكلف
ألاء:-لا والله واجد هكي
نور:-كان بتشكري اشكري صقر....
ألاء:-صقر ...
صقر:-(لما نادت ع اسمي كان قلبي تحرك من مكانه اول مره نسمعه منها)......نعم
ألاء:-تعبتك معاي
صقر:-خذا نفس عميق تعبك راحه
نور:-لولي تمشي معاي للمحل هذا نبي عطر
ألاء:-شافت لصقر بمعنى عادي
صقر:-خشن بسرعه نا وعمتي توا نمشو للسياره
نور:-هيا ي لولي.....
خشينا للمحل شايلين عرم اكياس ....
نور:-وووو منظرنا يظحك ياريتنا عطيناهن لصقر
الاء:-ههه صاح ماخطرتش عليا
نور:-معلش مفروض تعطيني حقها مسكت الاكياس نصهن لك
الشاب:-جيبيهن حطيهن هنا ماعليك فيهن وخشن شوفن للمحل
نور:-. التفتت بوجهي ولقيت.........🙁لا ي ربي
يتبع🙋♀️🔥
