🔥تزوجت معاقًا 🔥
🎵 الحلقه التاسعه والعشرون 🎵29
✏📖للكاتبه فاطمه العبيدي
نور:-شن تحكي انتي امالا عليش قاعد معاها
سوسن:-قايلها حتى للشباب ....هي يلي دزت عليه
نور:-تحكي جد😳😳😳😳😳
سوسن:-قالتله انه معجبه بيه......
نور:-سوسن أنا........
ومر كنان من جنبي عطاني نظره متاع راه عرفتك....
نور:-😳😳😳😳
سوسن:-نور نحكي معاك ...
نور:-ها ...اه شن قلتي
سوسن:-قاللهم مانبيهش
منار:-اها مش باين عليهم انها علاقه حب اصلا مره شفته معلق في صفحة الكليه ع منشور مرتبط ولا سنقل كاتب سنقل
نور:-(كانت في فرحه صغيره ف قلبي نخاف من انها تكبر وتتحول لسراب بعد فتره)...... مش عارفه
نور🍃
جا بابا روح بيا كنت طول الطريق سارحه بأفكاري جزء مني يقولي تمسكي بحلمك يلي عمرك كله وانتي تستني فيه وجزء يقولي انسيه ي نور وعيشي حياتكك......وصلت للحوش وطقيت الباب
نور:-طق طق طق
صباح:-فتحت الباب وكانت قاشطه راسها بمحرمه....اه ي نويره جيتي ي ماما حليتي فالامتحان
نور:- انا كنت مطبسه ع كويشه نفتح في المرمار ومتكيه ع المدخل.....الحمد لله حليت
صباح:-باهي الحمد لله خشي بدلي عشان نحط الغداء ...باتك وين
نور:-تمام....قاعد يحط فالسياره فالقراج....ألاء ماجاتش ي ماما
صباح:-جدتك حواء وجدك زيدان يبوها معاهم قالوا تديرلنا في جو والله كويسه هالألاء الحوش توا تحسي فيه حياه ....حتى وفاطمه قاعده مسكينه ماتقصر بين حوشها وحوش هلها لكن ألاء تحسيها جو بناتي فالحوش
نور:-اها جديده منسجمه معاها....مسكينه حتى هي ربي يفرج عليها
صباح:-باتك قال بكره بيمشو للاعمامها
نور:-صاااح.....حرام وجعتني .....
وخشيت غيرت دبشي ولقيت حلى راقده وعيتها ....وطلعنا نتغدوا......
منصور:-رحموني وين
صباح:-امبدري فاطمه خذاته قالت العيال بيطلعوا دايرين رحموني سبله قالتلهم توا نجيبه لكم
حلى:-عميمه قطعتها ف رقبتهم ههههه
نور:-بكل....هههه اكيده تقري فيهم خلاص امتحانات....
حلى:-نحنا الاسبوع الجاي....
صباح:-اصلا خلاص رمضان معش عليه واجد شهرين هك تقريبا....
منصور:-الأيام يجارن
نور:-بكل......
خشيت غسلت المواعين وخشيت للدارنا طلعت الدفتر متاع الخط متاعي ليا زمان ماكتبت....قعمزت ع سريري وفكيت مساكتي وانسندت عالساس شفت العطر يلي عطاه ليا محطوط عالكوميدينه يلي بجنبي ابتسمت.....وكتبت
(كل العطور تذكرني بك).....عدلت الصوره وحطيتها في صفحة الكليه......
وكتبت تحتها......(حظي كجندي مات برصاصه اطلقوها احتفالا بوقف اطلاق النار).....وسكرت النت ورقدت
_________
في حوش الحاج زيدان 🍃
الحاجه حواء مقعمزه متكيه في دار المعيشه وجنبها الحاج زيدان وتعيط للألاء..
الحاجه حواء:-تعالي ي بنيتي تريحي من الصبح وانتي مصبيه
ألاء:-تعيط من المطبخ اه ي جديده شويه بس..... ألاء كانت عازقه وشاح ع كتفها وتنظم في طاسات في الدولاب ماطقتهش الرف الفوقي...عدت جابت طاوله وحطت عليها كرسي وركبت فوقها وتبي تنظم....
وخش عليها صقر من باب المطبخ الخارجي...
صقر:-تي فيش اتديري انتي وقرب منها ومسكها من خصرها ونزلها ....معش اتديريها كان طحتي تكسرتي توا
ألاء:-وهي منحرجججه😳لالا مش حنطيح
صقر:-بعدها نقعد نعاني فيك هنا
ألاء":-والله وانت شن دخلك بيا
صقر:-قرب منها ولصقها فيها وخذا وشاحها وحطها ع راسها...وهمسلها ..دخلني بيك ونص ووشاحك معش تسلحيه قدام حد نابس نشوفهن شعيراتك وفمك السمح هذا سكريه ليا
ألاء:-😳😳😳صقر اطلقني
صقر:-فطن للروحه سيبها....
ألاء:-عدت وهي منستها خشت عليهم ف دار المعيشه وهي وجها حمر...ووراها صقر
الحاج زيدان:-امتى جيت ي صقر
صقر:-توا ي جدي
الحاج زيدان:-غير نبيك توصل الاء للحوش عمك منصور خايفه تمشي بروحها
صقر:-تمام هيا
ألاء:-لالا توا نمشي بروحي......
صقر:-هيا بسرعه قدامي
الاء:-نلبس عبايه
الحاجه حواء:-العبايه ايش دوتها خطوه الحوش
الاء:-تشوف للصقر بمعنى عادي
صقر:-اطلعي هك عادي
وطلعوا صقر والاء ....ساكتين....ووصلها للحوش منصور وعدى
_________
في حوش هل عائشه🍃
سهى مقعمزه تعلقلهم علي موقف الحافله...
أسماء:-والله لما شفتك قلت هذه واحد زارها فالجامعه ...
هدى:-كان تحقن منظري وانا نندب ههههههههه
سعاد:-وووو عليك فضايح باهي يلي معاكن
ربى:-كلا نا نتبرى منك بالرسمي
سهى:-ينعن مرض خزي
ماما:-ياناعلي ي بنتيتي باهي يلي ماتعوقتي.....
جديده عائشه:-كنكن ي بنات
ماما:- سهى اليوم طاحت فالجامعه .....
جديده عائشه:-ياك ماتعوقتيش
سهى:-لا يااجديده ساهله
أسماء:- باهي يلي انس فطنلك
سهى:-😳😳خطر عليها فونها خشت تجري للدار البنات تشوف فيه لقت ١٤ مكالمه من انس....
سهى:-مسكت التلفون ورنت عليه دارلها مشغول وعاودلها
سهى:-الو
انس:-ساعه ساعه بيش تردي وين كنتي عازقه البلا
سهى:-لا والله كنت نتغدى بعدها توا كيف.......
فطنت للروحها انها تبررله😳انت هو شن دخلك بيا وانت تهزب من الصبح عشان انقذتني بتقعد مسؤول عليا
انس:-وطي صوتك وانتي تحكي معاي....بعدين نا خايف عليك
سهى:-مش هكي عاد
انس:- بهدوء...سهى....
سهى:-نعم
انس:-انحبك انا ي بنت الناس كنك حماره ماتفهميش
سهى:-😳😳😳انا حماره
انس:-سيبتي الكلام كله ومسكتي في كلمه حماره ...حماره وبزياده عبيطه
سهى:-باه باه توا تشوف ...
انس:-باهي توا عدي مع البنات فاليل بنرن عليك ونحكوا وردي عليا
سهى:-فرض هو
انس:-اها غصبن عنك
سهى:-باهي تمام بينا اتصال بنطلع للبنات...
هدى:-طق طق كنك متي جوا
انس:-هيا باي شكله هجوم
سهى:-ههههه مش مغير باي
هدى:-كنك ي حنه ماعاد طلعتي....وخشن وراها البنات...
