(Unicode)
ဒီတစ်ပါတ် စနေနေ့က သူတို့ ၂ ယောက်ရဲ့ ပထမဆုံး date ဖြစ်တယ်။
ပထမဆုံးသွားဖို့ ရွေးချယ်လိုက်တဲ့ နေရာကတော့ P တက္ကသိုလ်ပါပဲ။ အရင်တုန်းက အငွေ့အသက်တွေ ပြန်ခံစားချင်တယ်လို့ ဆိုတာကြောင့်။ ကျောင်းတွေအတွက် ဆောင်းရာသီပိတ်ရက် မပြီးသေးတာကြောင့် ခုချိန် တက္ကသိုလ်မှာ လူရှင်းနေတယ်။ ဒီနှစ်တွေအတွင်း ကျောင်းကို တစ်ခါမှ ပြန်မရောက်ခဲ့တာကြောင့် ဘာတွေ ပြောင်းလဲသွားလဲ XiaoZhan သေချာကြည့်ဖြစ်တယ်။ သိပ်တော့ ပြောင်းလဲသွားတာ မရှိပါဘူး။ ကျောင်းသားတွေရှိရင်တော့ သူတို့ပြောစကားတွေနားထောင်ပြီး ဒါ ဘယ် batch က လူတွေဖြစ်နိုင်မလဲ ဪ ဘယ်သူတွေရဲ့ အငယ်တန်းတွေပဲ စသဖြင့် တွေးပြီး ရင်းနှီးမှု ရှာလို့ ရသေးတယ်။ ခုတော့ နှမြောစရာပေါ့။ ကန်တင်းကလည်း ဒီအတိုင်းပါပဲ။ နောက် ဘက်စကတ်ဘောကွင်း။ XiaoZhan က ဒီဘက်မှာ ပါရမီ မပါခဲ့ပေမယ့် ဘာလုပ်လုပ်တော်တဲ့ Yibo က ဘက်စကတ်ဘော လည်း တော်တာပါပဲ။
"Yibo မင်း ဘက်စကတ်ဘော ဆက်ဆော့ဖြစ်သေးလား"
အို..
သူ့အကျင့်က အဲလိုပဲ။ မေးပြီးခါမှ နောင်တရတယ်။ သူဘယ်လောက်ပဲ နှစ်ခါပြန်မစဉ်းစားပဲ ပြောပြော Yibo စိတ်မဆိုးဘူးဆိုတာ သိနေလို့ ခုလို တစ်ဖက်သားအတွက် မညှာတာတဲ့ မေးခွန်းတွေ မေးမိတာနေမှာ။ Yibo က ဘယ်အချိန်သွားပြီး ဘက်စဘက်ဆော့ရမှာလဲ။ သူ့ treatment က ၂ နှစ်ကြာတယ်လေ။ အဲဒီနောက် ငယ်ငယ်ရွယ်ရွယ်လေးနဲ့ ကုမ္ပဏီ စထောင်ရတယ်။ ဒီကြားထဲမှာ နောက်ကျနေတဲ့ အထက်တန်းစာမေးပွဲကို အတန်းကျော်ဖြေရသေးတယ်။ သူ ဒီလောက် အလုပ်ရှုပ်နေတာ အခြားဆယ်ကျော်သက်တွေလို ဝါသနာပါရာ လုပ်ဖို့ဘယ်မှာ အချိန်ပေးနိုင်မှာလဲ။ နောက်ပြီး အားကစားမှာ တစ်ယောက်တည်းလုပ်လို့ရတဲ့ အားကစားတွေ ရှိပေမယ့် ဥပမာ ရေကူးတာမျိုးပေါ့ တော်တော်များများက အသင်းအဖွဲ့နဲ့ ဆော့ရတာချည်းပဲ ဥပမာ ဘက်စကတ်ဘော, ဘောလီဘော။ Yibo က အဲဒါတွေကို ဘယ်သူနဲ့ သွားဆော့ရမှာလဲ။
"ကျွန်တော် ဆက်မဆော့ဖြစ်ဘူး။ အဲလောက်ကြီးလည်း ဝါသနာမပါ ပါဘူး။ အဲတုန်းက Zhan ge အနားမှာ နေချင်လို့ အကြောင်းပြချက် ရှာတာပါ"
YOU ARE READING
You Are My Life
Fanfiction(Unicode) ကျွန်တော် ရူးနေတာ မဟုတ်ဘူး။ ဒါ ရူးသွပ်မှု မဟုတ်ဘူး။ ဒါ ကျွန်တော်ချစ်တဲ့ နည်းလမ်းပဲ။ မင်းအချစ်ခံရတဲ့သူကတော့ အင်မတန်ကံဆိုးတာပဲ Wang Yibo။ ငါ အင်မတန်ကံဆိုးတာပဲ။ (Zawgyi) ကၽြန္ေတာ္ ႐ူးေနတာ မဟုတ္ဘူး။ ဒါ ႐ူးသြပ္မွု မဟုတ္ဘူး။ ဒါ ကၽြန္ေတာ္ခ်စ္တဲ့...
