اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
••
هولا :)
واضح جداً من عنوان النوت إني جبت أخري و متعصبة جداً، و حقيقي كنت أتمنى ختام الرواية دي تكون مسك، من غير ما أضطر أكتب أي نوتس. و المعروف إني بكتب نوتس في حالتين بس، الأولى.. إني متعصبة جداً و جبت أخري و اتخنقت بجد. و التانية، إني بكون ناوية أمسح رواية أو أعتزل عن الكتابة. النوت دي من حسن حظكم، أو سوءه.. هي الحالة الأولى. فركزوا معايا بقى عشان مزعلكمش مني.
واحد : أنا بحب هانيبال، و صدقوني حبي ليه أعمق بكتير من أي شخص عادي يقدر يفهمه - بدون إهانة - و بعتقد أو اللي مؤمنة بيه إني يمكن أكتر شخص فاهمه و بقدر أفهم مشاعره، و يمكن أتوقع تحركاته أو الحاجات اللي يقدر يعملها أو نفسه فيها أو شهواته أو حقيقة كل رغبة أو فعل عمله. حبي ليه مش ناتج بسبب إنه شخص عنده كاريزما أو وسيم جداً..الخ. حبي ليه مرتبط بحاجات أعمق مما تتخيلوا، أدى لهلوسات بصرية حرفياً في أول أيامي معاه، و عشان كدا بكتب عنه و ليه و عشانه، عشان أظهر كل دا. البند دا مفهوم و لا مش مفهوم يا جماعة..؟
كل شخص بيحاول يستظرف أو يجرحني أو يتكلم بصورة ملائكية عن ويل و إن هانيبال بيحبه أكتر مني - مش مهتمة إذا دي حقيقة أو لاء - فأرجوه يعني يحتفظ بكومنته الجارح لنفسه، لأني زي ما قلت، حبي لهانيبال مش مجرد حب لشخصية خيالية، و إنما حاجة أعمق و أعظم من كدا، و متأكدة محدش هيفهمه غير قلّة و اللي أكيد مش هلاقيهم بسهولة.
اتنين : أنتوا ليه متخيلين إن لازم هانيبال يتكلم عشان مشاعره تظهر..؟ أنا طول الرواية بفصولها اللي قربت الأربعين بحاول أظهرلكم مشاعره، و مش مشكلتي إنكم مش قادرين تفهموها! أنا حاولت في كذا موقف أظهره و حقيقي حسيت بإحباط لما الكل شاف إن الفصل اللي فات أول مرة هانيبال يظهر مشاعره. أنتم متخيليين المشاعر عبارة عن حُب بس..؟
هانيبال في كل مرة تحصل حاجة لثيو بيفقد أعصابه و بيتجن، و كل ما حد حاول يأذيه زي إيزابيلا هو مبيتحملش دا و بينهيه فوراً، و لو لاحظتوا لما إيزابيلا نطقت - ابني - على ثيو، هو اتعصب - يمكن مش بوضوح - لكنه شدد على كلامه و قالها دا ابني أنا! و في كل مرة ثيو كان قريب فيها من الموت هانيبال كان بيفقد أعصابه، و دا يخليكم تعرفوا مشاعره كويس لو ركزتوا.
بحاول أظهرلكم إيه معنى إن هانيبال يحب، من خلال حبه لثيو و تملكه ليه. بكل بساطة شديدة هانيبال لما يحب بيتلاعب بالشخص اللي بيحبه لأبعد حد لدرجة يخليه على حافة الجنون، عشان بس يخليه يثبت ولاءه ليه، بالظبط زي ما عمل مع لوسيان و ثيو. و مش حابة أحرق لكن كل العمايل اللي بيعملها چيمي لثيو كلها خطط من هانيبال عشان يتأكد من ولاء ثيو ليه. واضحين هنا احنا..؟!
تلاتة : ممكن متستبقوش أم الأحداث..؟ قلتلكم النهاية هتكون سعيدة فأرجوكم بلاش هري كتير في أم الموضوع. اتماسكوا و وفروا أي كومنتس جارحة بالوقت الحالي. أنا بقرا كل كومنت ليكم، و حقيقي حابة أشكر كل شخص قال حاجة إيجابية أو كلمات لطيفة ليا بخصوص الرواية، أو بخصوص طريقتي في الكتابة، أو حتى الناس اللي نادتني ميسس ليكتر.
أربعة : أنا بكره ويل يا جماعة، أنا حقيقي بكره ويل. مش بكره هيو دانسي، و بحبه حقيقي بعيداً عن المسلسل، و عندي الأنستا بتاعه، و بحب جداً إبتسامته بشكل غير طبيعي، لكني بكره ويل. أنا في العادة بكره كل الأشخاص اللي بيأذوا الناس اللي بحبهم، و مستعدة أولع فيهم بجاز و أنحرهم نحر، و ويل حقيقي أذى هانيبال بالنسبالي، عشان كدا بكرهه و مش بحبه، و بعتقد دا من حقي. دا رأيي الشخصي، و بتمنى ميأثرش على علاقتنا ببعض لأني برضو مش هحب ويل مهما حصل. و برضو مش عيزاكم تكرهوني بسبب حاجة زي كدا.
خمسة : أنا شخص غير سوي يا جماعة نفسياً و عاطفياً. ارتحتوا كدا..؟ و حطوا تصريحي دا في عين الإعتبار، و عيزاكم وقتها تتفهموا كل حاجة و كل موقف و كل حرف بقوله و كل الحاجات اللي بحبها و طرقي في الحب و الكتابة و الغضب و العصبية..الخ و إني حقيقي بتخنق و بتعصب من حاجات تافهة لا تذكر. فأيوا.. دا تصريح مني يأكدلكم و يخليكم ترتاحوا من ناحية حبي لهانيبال و كرهي لويل.
أخيراً، الرواية فاضلها فصلين بس، فإيه رأيكم نكون حلوين و طيبيين مع بعض و متعصبونيش تاني عشان مزعلكمش مني في النهاية و أخليكم تبكوا دم..؟ - بعشق التهديد أيوا عشان أنا حقيرة - لكن بجد يا جماعة، و حقيقي، و مبهزرش.. بلاش تقولوا كومنتات جارحة عشان بتأذيني و بتخليني أبكي و أكره نفسي و اللي بكتبه. معنديش مشاكل تنتقدوا طريقة الكتابة، الإملاء، النحو، السرد.. هحب حاجة زي كدا جداً، لكن أوعوا تقربوا من شخصياتي أو من شخصيتي أو من حبي. ممكن..؟!
هسمح النوت دي في نهاية الرواية، أو هسيبها، على حسب مزاجي يعني. ادعولي بقى ربنا يصبرني و يصبركم لحد نهاية الرواية، و آسفة للناس اللي ملهاش ذنب إنها اضطرت تقرا النوت دي، حقيقي آسفة ليهم. و عموماً.. أنا بحبكم كلكم واحد واحد حتى لما تعصبوني يعني، دا مش هيتغير مهما حصل، و بتمنى تفضلوا تحبوني برضو مهما حصل.
صَحيح، ضهري واجعني ليه تلت أسابيع لحد ناو، لايك.. وجع متواصل حرفياً طول أم الـ 24 ساعة مش بيخف نهائي. الدكاترة يعتبروا أسوء كابوس بحياتي، و بلجألهم لما أبكي من الوجع، و للأسف ليا كام يوم شغالة أبكي فعلاً. فدعواتكم بقى ربنا يسهلها بكرا و أرتاح لأني هضطر أروح لواحد منهم للأسف و عايشة في حالة رعب تقريباً، ربنا يستر.
