بسم الله الرحمن الرحيم 🌹🌹
نوفيلا للحب تسعه أوجه
الوجه الرابع حب يحكمه المرض النفسي
الفصل الرابع
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
صاحت جميلة بقوة : لا طبعا مستحيل
قمر و هي تحاول تهدئتها: اهدي بس... فيها أي يعني لو سافرتي معايا
جميلة بعصبية : أسافر معاكي فين... إنتي بتتكلمي بأي منطق
قمر بهدوء : طيب اهدي بس و اسمعيني و خلينا نفكر بالعقل
جميلة: عقل اي... هي بقي فيها عقل
قمر: ما هوا الصراحة أنا مش فاهمة وجه نظرك في إنك مش عايزة تسافري معايا... من ساعة ما قوتلك و إنتي مش بتقولي غير لأ.. مستحيل و خلاص
جميلة: علشان هوا مينفعش غير كدا فعلا
قمر بهدوء: يا جميلة اسمعيني أنا بابا كان مستنيني أخلص جامعة و دراسة هنا في القاهرة و بعدين كان ناوي يأخدنا نعيش معاه هناك في السعودية بدل ما إحنا متغربين و كل واحد فينا في بلد و كمان أشتغل و أساعده في الشركة هناك و ادينا خلصنا دراسة و إحنا لازم نسافر أنا و أمي و أنا مش هقدر اسيبك...لوحدك هنا و أنا عارفة ظروفك كويس
جميلة: و أنا الحمد لله ظروفي اتحسنت و خلصت جامعة و بشتغل و بصرف علي نفسي و الحمد لله ربنا كرمني و ظروفي بقت كويسة
" ثم عقبت "
جميلة: و بعدين أنا مش صغيرة هتخافي عليا
قمر بهدوء: برضو أنا مش هقدر اسيبك قاعدة لوحدك هنا و إنتي اصلا مالكيش حد يعني لا قدر الله لو حصلتلك حاجة مش هتقدري تتصرفي لوحدك
تجمعت الدموع في عنيها فقد شعرت بمدي وحدتها في هذه الحياة فكما قالت صديقتها هي وحدها ليس لا أب أو أم أو إخوه و عائلة و حتي صديقتها التي كانت أقرب أحد إليها ها هي سوف تسافر و تتركها و بالفعل إن حدث لها شئ فلن تستطيع أن تتصرف بمفردهاو لكنها أيضا لم تكن لتسافر معهم هي لن تقبل بأن تكون فرد دخيل في عائلتهم أو تكون عالة عليهم هي لا تمد إليهم بأي صله ف بأي وجه حق سوف تسافر مع قمر و تقيم معاها هناك
جميلة و قد تجمعت الدموع في عينيها: نصبي كدا...نصبي إني أكون لوحدي في الدنيا من غير سند... من غير أهل و من غير أي حد و أنا رضيت بنصيبي .. لكن أنا مش هقدر أسافر معاكي
شعرت قمر بالحزن الشديد علي حال صديقتها بعد ما رأت الدموع في عينيها فقالت قمر باستعطاف : يا جميلة اسمعيني... إحنا خلاص بقينا عيلتك و سندك ليه مصممة إنك تعملي حواجز بينا
جميلة بحزن: علشان هي دي الحقيقة يا قمر .. الحقيقة إن في حواجز و بعدين أنا تقلت عليكم بما فيه الكفاية و إنتوا استحملتوني كتير أوي.. و أنا الحمد لله خلاص ظروفي اتحسنت..و بعدين أنا لغاية دلوقتي مش متخيلة أنا هسافر معاكم بأي وجه حق أصلا... طيب أنتي و ممتك كنتوا مستحملني لكن بباكي بقي هيكون أي نظامه معايا... و بعدين متوصلش لدرجة إني أسافر معاكم دا أنا كدا و لا كأني من بقيت عليتكم و بعدين إنتوا ذنبكم أي علشان تستحملوني كل دا هوا إنتوا خلفتوني و نسيتوني
أنت تقرأ
نوڤيلا للحب تسعه اوجه
Romanceلَلَحًبً تٌسِعٌهّ آوٌجّهّ عٌمًلَ مًشُتٌرگ لَلگآتٌبًآتٌ ــــــــــــــــــــــــــــــــــــــــــــــــ کْلَهّنِ بًنِآتٌ حًوٌآ ضعٌفُهّنِ يَعٌنِيَ قُوٌهّ تٌرتٌضيَ مًنِکْ آلَسِنِآء وٌعٌنِدٍ آلَنِصّحً تٌتٌلَوٌيَ...
