نوڤيلا للحب تسعه اوجه

الفصل الرابع الحب الابدي بقلم ايه على

نوڤيلا للحب تسعه أوجه
الوجه الثامن الحب الابدي بقلم ايه على
الفصل الرابع
وبعد مرور أسبوع من أحداث قصتنا وأبطالها
حان موعد يوم الخطوبة لماهر وميرا وماهر بيجهز نفسه وحاله وكان اشتري لميرا أحلي وأجمل فستان خطوبة جميل وأحلي وأجمل دهب ليها وبإختيارها وكان في قمة سعادته من إختيارها للدهب وذوقها الراقي الجميل مثل ذوقه بالظبط وكل يوم عن اليوم اللي قبله بيكتشف إنها شبه في حاجات كتير اوي
ماهر في بيته مع أهله :يلا بقي ياجماعة النهاردة خطوبتي عاوزاكم ترفعوا رأسي قدام ميرا وأهلها
أمه :ادينا ولله يابني علي أخرنا اهوه وكل حاجة جاهزة ومافيش شئ ناقص عاوز ايه تاني بس
إسراء :طبعا ياخالتوا مش ميرا بقي أيوة ياعم
ماهر : ياناس ياشر كفاية ار أنا مش عارف أنتي مالك بصراحة عمالة شغالة ار عليا وعالبت ليه بس يابت
إسراء:هقر علي صاحبتي برده أنا بس بحسدها
ماهر :طب خليكي في نفسك ياختي الأول
خالتوا :فيه ايه بس ياولاد أنتم دائما كده مع بعض
ماهر :ولله ياخالتوا قولي لبنتك دائما واقفالي عالواحدة مش عارف ليه من واحنا صغيرين كده
خالتوا :معلش ياماهر أختك الصغيرة بقي استحملها
ماهر :هههههههههه ماأنا مستحمل من زمان ياخالتوا
وفجأة إسراء داخت وقامت تجري عالحمام ترجع
والكل اتخض عليها مامتها وخالتها وماهر والكل
أم إسراء : حبيبتي يابنتي مالك فيه ايه ياقلب امك
إسراء :مش عارفة ولله ياماما بقالي كام يوم بدوخ كده وببقي دائما عاوزة ارجع وانام علي طول
أم ماهر :ليه بس هو حصل ولاايه ياسوسو
إسراء :ايه ده اللي حصل ياخالتوا
خالتها :هتفضلي هبلة طول عمرك مش فاهمة ولاأنتي شكلك بقي بتسعبطي أو مكسوفة علي خالتوا برده وماما ياإسراء يابت أنتي حامل خلاص
إسراء :ياخالتوا حامل ايه بس احنا لحقئنا ده احنا بقالنا شهر متجوزين هتلاقيه بس إرهاق ولاحاجة
ماهر :طب ياحبيبتي قومي نامي شوية وارتاحي علشان تبقي فايقة بالليل في الخطوبة وماتتعبيش وتنوري الفرح كده وترخمي علينا وتبقي مع صاحبتك زي ماكانت معاكي كده ولا ايه يابت أنتي هااااااا
إسراء :طبعا ودي عاوزة كلام ده كلو الا ميرا حبيبتي
ماهر :طب ياحبيبتي ألف سلامة عليكي ياااااارب
أم أسراء وخالتها :ربنا يرزقك بالذريه الصالحه يااااارب أنتي وجوزك ياحبيبتي ونشيل عيالك أنتي وماهر ونفرح بيهم هما كمان زي مافرحنا بيكم كده
ماهر : حبيبتي ياخالتوا أنتي وماما ربنا يسمع منكم
😍😍😍😍😍😍😍😍😍😍😍😍😍😍عند ميرا وأهلها في البيت مشغولين في تجهيز الحاجة في البيت وميرا شوية وهتروح الكوافير
أم ميرا :قمر ياقلبي يلا بقي علشان تروحي الكوافير وتأخدي فستانك الله علي جمالهم ولونهم رووووعة وهيبقوا عليكي اجمل واروع ده أنتي هتكوني برنسيسه الليلادي وهتتحسدي ياميرا ولله
ميرا : حبيبتي هتحسد على ايه بس فيه كتييير أحلي وأجمل مني بس انتم اللي علشان بتحبوني بقي شايفيني أحلي واحدة وفاكرين إن مافيش حد حلو غيري في الدنيا دي لكن الحلو فيه الأحلي منه
الأب :ربنا يحرسك ويحميكي يابنتي ويسعدك
ميرا : يااااااارب 🤲 يابابا ويخليكو ليا دائما ولله ماتعرفوش أنا بحبكم اد ايه وبتمني بس فرحتكم
الأم :فرحتنا هتكون بيكي ياحبيبتي وإن شاءالله بالأكتر هتكون في ليلة فرحك أنتي وعريسك ربنا يتمملكوا علي خير يااااااارب 🤲 يابنتي
🌺🌺🌺🌺🌺🌺🌺🌺🌺🌺🌺🌺🌺🌺
مصطفي عرف أن ميرا خلاص خطوبتها الليلادي هي وماهر وطبعا متضايق ونار جواه ونفسه بأي شكل يبوظ الليلة والخطوبة دي ماتمتش بس عارف إنو لو راح أهلها مش هيسكتوا وكمان من يوم العلقة اللي اكلها من ماهر خايف يروح تاني ويحصل نفس اللي حصل يومها فامش عارف يعمل ايه
⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩⁦☝️⁩
ميرا في الكوافير هي وأسراء لأنها قررت تكون معاها بس الأول خلصت مع خالتها ومامتها شغل البيت وتجهيز الخطوبة علشان تبقي مع صاحبتها رايقة ولبست هناك في الكوافير وعملت الميكيب وكان يوم جميل عليهم كلهم وماهر طبعا برده مع صحابه وبيجهز نفسه وقرر لازم ياخد ميرا من الكوافير بزفة زي زفة الأفراح تماما وبالفعل كل شئ حصل تمام زي ماكانوا عاوزين وكانت فرحتهم ماتتوصفش
ميرا:بعد الميكيب واللبس بقت أية في الجمال
إسراء :ياجمالو ياجمالو الله عليكي قمراية ابت
ميرا : حبيبتي ياسوسو ربنا مايحرمني منك بتجامليني صح يابت ولاايه
إسراء :امشي يابت من هنا أنتي مش شايفة نفسك في المراية ولاايه ولااستني كده ومسكت ميرا وقفتها قدام المراية وقالتلها شايفة نفسك ولامش شايفة ده ماهر اول مايشوفك هتجيله سكتة قلبية
هو من غير حاجة هيتجنن أصلا عليكي ياقلبي
ميرا :إسراء بقي ماتكسفنيش مش لدرجاتي يعني
الكوافيرة :ادعولي بقي البركة فيا
إسراء :طبعا تسلم ايدك اومال احنا ليه مش بنيجي غير عندك أنتي خلصتي العروسة اهوه يلا ياميرا دورك خلص ياحبييتي اتركني علي جنب استني خطيبك يلا واديرت للكوافيرة وقالتلها عاوزاكي بقي تخليني أحلي منها فاهمة أحلي منها ايه خليني أحلي من يوم فرحي عاوزة عادل أول مايشوفني يتجنن عليا ماهر وميرا مش احسن مننا
كل اللي في الكوافير :ههههههههههههههههههههه
وبالفعل خلصوا وماهر جه بالعربية وجاب صحابه
وأول ماماهر شاف ميرا مابقاش مصدق نفسه ولاعارف يعبر عن إحساسه وقتها كان شكله ايه
واخد ميرا ونزل بالعربية وكان عادل جوز إسراء اللي سايق العربية وإسراء ركبت جنبه وماهر وميرا ورا
ماهر الفرحة مش سيعاه وهو شايف ميرا جنبه ونفسه ليلة الفرح تيجي كمان لانو بيعشقها جدا
ماهر :ألف مبروك ياقلبي
ميرا :الله يبارك فيك ياماهر
ماهر :ايه انتي قاعدة بعيد عني كده ليه ماتيجي جنبي هو أنا خاطفك يابت ولاايه
ميرا :يووووه بقي ياماهر ماتكسفنيش اكتر من كده
ماهر :ولله مكسوفة تقعدي جنبي اومال يابت لو بقولك تعالي في حضني هتعملي ايه هيغمي عليكي
ميرا :ضربته في كتفه وقالتله ماهر بقي انت قاصد تكسفني صح أنا عارفة كده ولله من الأول
ماهر :ضحك وقال طب انا بقي هوريكي الكسوف علي حق دوس بنزين ياعادل يلا ههههههههه
عادل :ياعم فال الله ولا فالك أنتا هتبشر علي نفسك
ميرا :لا بلاش والنبي ياعادل ماهر ده مجنون أصلا
ماهر :ههههههههه أيوة مجنون بيكي وبعدين انا عاوزه يعمل كده علشان تتخضي ويغمي عليكي وتبقي في حضني غصب عنك عارفك قلبك خفيف
ميرا :كفاية بقي ياماهر هتخليني انزل من العربية وأقول مافيش خطوبة وامشي
ماهر :هههههههه لو جدعة اعمليها
إسراء :كفاية ياماهر انتا عارف ميرا بتتكسف من خيالها وممكن تموت منك من كتر الكسوف فاهم
ماهر :هههههههه ماهو أنا عاوز ابطلها الكسوف ده
ميرا :لا أما نكون مع بعض مش هبقي مكسوفة
ماهر :مااحنا مع بعض اهوه أقولك علي فكرة تيجي بدل ماهي خطوبة  نخليها دخلة ونخلع منهم ونروح بيتنا أحسن ايه رأيك في الفكرة الحلوة دي
ميرا :ضربته في كتفه وقالتله اتلم أنتا كده زودتها زيادة عن اللزوم بقي ياماهر علشان أنا ساكتة
ماهر وإسراء وعادل كلهم ضحكوا في صوت واحد لحد ماوصلوا القاعة وكانت أحلي وأجمل ليلة خطوبة ليهم الاتنين وماهر الفرحة كانت مش سيعاه ومابطلش رقص طول الليل مع عادل وصحابه وإسراء طبعا بترقص وترقص ميرا معاها لأنها مش بتعرف ترقص وبتتكسف بس علشان فرحانة بترقص مع إسراء علي قد ماتعرف واهو شئ بيعبر عن فرحتها بخطوبتها وعريسها اللي احسن من الأولاني وأهم شيء فيه إنها بتحس معاه بالأمان وهو بيحبها ومستعد يعمل أي شئ بس علشان يشوفها فرحانة
ولبسوا الدبل والليلة خلصت علي كده وكانت ليلة خطوبة جميلة وروحوا البيت وماهر راح مع ميرا بيتها وبيت أهلها واتعشوا سواء وكان مش مصدق نفسه وهو معاها
وطبعا إسراء وعادل روحوا بيتهم
وأم ماهر وخالتوا كذلك الأمر
ماهر :ياااااااه ياميرا اد ايه أنا فرحان إنك بقيتي خطيبتي ولبستك دبلتي ودهبك امتي تبقي مراتي
ميرا :ماتقولش الكلام ده أنا اللي سعيدة بيك جدا وباللي بتعمله معايا وبحبك ليا ده كتييير كده عليا
ماهر :مافيش حاجة تكتر عليكي ياميرا ربنا يقدرني وأسعدك دائما واعوضك عن اي حاجة حصلت في حياتك زعلتك أنتي ماتستاهليش إنك تزعلي أبدأ
ميرا : يااااااارب 🤲 ياماهر وأنا كمان ربنا يقدرني وأسعدك وماازعلكش ابدا وأكون استحق السعادة منك واستحق حبك ليا وكل شئ تعمله علشاني
ماهر :طب يلا بقي علشان نتعشا ولاهنفضل نتكلم وفجأة رن فون ميرا
ميرا :ألووووووووو
الطرف الثاني :كنتي زي القمر الليلادي
ميرا: أنتا مين
الطرف الثاني: لحقئتي تنسيني بالسرعة دي كده
أنا الحبيب الأولاني
ماهر اخد الفون منها ورد عليه
ماهر :عارف ياحيوان لو اتصلت بالرقم ده تاني مش هيحصلك كويس ابعد عن ميرا دي بقت خطيبتي وهتبقي مراتي إن شاءالله واللي يجي بس جنبها ماتعرفش هعمل فيه ايه فاهم ولاتحب افهمك بطريقتي أحسن
الطرف الثاني :ياسلام بس اكيد الرسالة وصلتلك ياعريس الليلادي ايه مش خايف وعاملي فيها شاروخان العاشق وهتقطع وتضرب الناس ليه يعني
ماهر :الرسالة وصلتني ولاتلزمني بأدني شئ
الطرف الثاني :طب ياحلو هنشوف مين في الأخراللي  هيضحك وانا إن شاءالله اللي هضحك وأنا بتفرج عليكم كده والأيام ومابيننا
ماهر :هههههههههههههه وريني ياحلو سلام
ميرا : شوفت ياماهر مش قولتلك
ماهر :ولايهمك ياميرا ده أخره يعمل كده عاوز ينكد عليكي وعلينا في يوم زي ده ماتخليش أي حاجة تهزك وتخوفك فاهمة اللي بيعمل حاجة مابيقولش ويهدد اللي عاوز يعمل بيعمل من غير كلام ياحبيبتي ميرا :ربنا يخليك ليا ياماهر بجد أنا حاسة معاك بالأمان ومش خايفة من أي حاجة ولاعمري هخاف
ماهر : حبيبتي ياقلبي اوعي تخافي أبدأ
فلاش بااااااااااااك :
في ليلة الخطوبة جه واحد غريب يسلم علي ميرا وماهر ويباركلهم وهو بيسلم علي ميرا
الشخص :مبروك ياعروسة
مبروك ياعريس ماتقلقوش  مش هتلحقئوا تفرحوا بيقولك صاحبك مش هيسيبك تاخدها منه
ميرا :خافت وببكاء امشي من هنا لو سمحت
ماهر :إهدي ياميرا ماتخافيش الناس تقول ايه وأنتي بتعيطي كده امسكي أعصابك شوية روح بقي ياشاطر قول لصاحبك اللي انتا عاوزه اعمله الشخص :ههههههههه أنا ماليش دعوه أنا عبد المأمور وجاي اوصلكم رسالة وفعلا العروسة تستاهل اتنين يبقوا بيحاربوا بعض علشانها سلام ياعرايس
والشخص كان صورهم طول الخطوبة فيديو وصور واداهم لمصطفي وطبعا مصطفي بيتحرق دمه أما يشوف ميرا فرحانة وبترقص وابتسامتها والضحكة علي وشها وعينها مع ماهر غير ماكانت معاه في الخطوبة الأولانية تماما
بااااااااااااك :
ماهر مشي بعد ماقعد مع ميرا واتكلم معاها وطمنها خالص من ناحية مصطفي ومن أي حاجة تخوفها
⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
الصبح عند عادل وإسراء في شقتهم
إسراء نايمة بكسل وعادل بيصيحيها مش بتصحي وتعبانة وبتقوم بالعافية من نومها ومتضايقة
عادل :مالك كده كسلانة ليه طبعا من رقصك طوال الليل امبارح في الخطوبة ليكي حق بقي
إسراء :اسكت والنبي ياعادل أنا تعبانة أصلا ومش طايقة نفسي وحاسة إني مش علي بعضي أساسا
عادل :ليه بس ياقلبي مالك قوليلي فيه ايه
إسراء:مش عارفة بحس إني دايخة علي طول وجسمي كله همدان وكسلان عاوزة افضل نايمة علي طول مااصحاش ولاحد يصحيني من النوم ابدا
عادل :طب ياقلبي ماتيجي نكشف عند دكتور
إسراء:لا مالوش داعي هبقي كويسة شكله إرهاق أنا قايمة بقي اجهزلك الفطار علشان تلحئق تروح شغلك
وجت إسراء تقوم فجأة داخت تاني وقالت :
عادل الحقني وسقطت فاقدة الوعي
عادل :حاول إفاقتها حتي إستجابت وفاقت
عادل :لا لازم نروح لدكتور ياإسراء أنتي فعلا تعبانة
إسراء :مالوش داعي ياعادل هبقي كويسة
عادل :أنتي بقالك فترة  علي كده يلا بينا نروح لدكتور وبالفعل راحو للدكتور وكان الخبر الجميل السعيد إسراء كانت فعلا حامل في شهرين وعادل الفرحة كانت مش سيعاه إنو هيبقي أب ومن إسراء كمان حبيبته وحبيبه قلبه وحب عمره
😍😍😍😍😍😍😍😍😍😍😍😍😍😍في الفيلا عند مصطفي وأهله
مامته :بقولك يامصطفي فيه بنت جميلة اوي ومحترمة بنت واحدة صاحبتي ايه رأيك نخطبهالك دول ناس محترمين ولله ويتمنو يناسبونا يابني
مصطفي : وأنا مش موافق ومش عاوز أخطب حد
مامته :ليه بس يابني كده حرام عليك عاوزين نفرح بيك ونشوف عيالك مالين علينا الفيلا كده ياحبيبي
مصطفي :أنا طالع أنام تصبحوا علي خير
باباه :وأنت من أهله الخير ربنا يهديك يابني
مامته :وبعدين بس ياأبو مصطفي هنعمل ايه معاه
أبو مصطفي :العمل عمل ربنا ياأم مصطفي
ادعيله ربنا يهديه ويشوف حاله ومصلحته وحياته
أم مصطفي :هو مش قادر ينسي ميرا
أبو مصطفي :ماده اللي كنا بنقوله من زمان وهو كان بيستهتر بيه دلوقتي جاي يندم وهيفيد بإيه ندمه وبالأكتر إن البت اتخطبت لشاب محترم وراجل بمعني الكلمة وفعلا يعتمد عليه وفالح في حياته
أم مصطفي :بجد ياأبو مصطفي أنتا تعرفه ولاايه
أبو مصطفي:أيوة اعرفه واعرف أبوه وعمه كمان ناس غلابة علي قد حالهم بس مستورين برده وعندهم أبوه عنده شركة إستيراد وتصدير بسيطة علي قد حالة وعمه سوبر ماركت كبير وملكه برده يعني ناس بسيطة عالأخر ومتواضعين جدا وده الواد الوحيد لأن عمه مش بيخلف أصلا يعني السوبر ماركت والشركة بعد عمرا طويل هيبقوا ليه وكمان الواد بيساعد عمه وأبوه رزقهم بقي ده الواد علي فالحته وشطارته يقدر يكمل ويعمل اللي أبوه وعمه ماقدروش يعملوه ويكبر حالهم ومالهم أنما احنا اهوه عندنا اكتر منهم واعلي منهم ومستوانا أحسن منهم بس ابنك لاقدر الله يكنس كل اللي عندي لما أموت لانو ولاعندو فكرة بشغلنا وحالنا ولاحاسس وداري باللي عنده واللي هسيبه ليه علشان كده البت كان عندها حق إنها ماكانتش عاوزاه
أم مصطفي :ماتقولش الكلام ده ياأبو مصطفي بكرة يكبر ويفهم ويعقل ده لسه شاب في سن المراهقه وبعدين بعيد الشر عليك ربنا يخليك لينا بالدنيا كلها
أبو مصطفي: يااااااارب 🤲 تصبحي علي خير
😔😔😔😔😔😔😔😔😔😔😔😔😔😔بعد مرور شهرين من أحداث قصتنا وأبطالها
ميرا وماهر كل يوم يحبوا بعض عن اليوم اللي قبله وميرا مرتاحة لماهر جدا ونفسها يوم فرحهم يجي وتكون معاه في بيته وهو نفس إحساسها بل أكثر ومحددين الفرح بعد 6شهور من فترة الخطوبة يعني كده فاضلهم اربع شهور ويتجوزوا وكمان محددين اسماء ولادهم من قبل جوازاهم بناءاً علي رغبة ماهر حابب يسمي هنا وياسين وميرا نفس كلامه لأنهم مشابهين لبعض في كل حاجة فعلا اتخلقوا لبعض
💜💜💜💜💜💜💜💜💜💜💜💜💜💜إسراء حامل في 4شهور وعرفت إن الجنين ولد وهيسموه عمر إن شاءالله وهي وعادل فرحتهم ماتتوصفش بيه وطبعا ماهر فرحان لبنت خالته هتبقي ام العيلة الصغيرة اللي كانت بتلعب معاه ويرخم عليها وترخم عليه كبرت وبقت زوجة وأم وميرا فرحانة اكتر لصحبتها حبيبتها أعز صديقة ليها
🤔🤔🤔🤔🤔🤔🤔🤔🤔🤔🤔🤔🤔🤔مصطفي دبر لماهر وميرا خطة علشان يسيبوا بعض
في يوم في المساء في البيت عند ميرا وأهلها
ميرا :ماما عاوزة حاجة أنا داخلة اكلم ماهر شوية وأنام بقي ياحبيبتي ⁦💜⁦❤️⁩ محتاجة أي حاجة
الأم :لا يابنتي ربنا يسعدكم يااااااارب 🤲
ميرا : يااااااااارب 🤲 ياماما ماهر ده إنسان مافيش زيه حقيقي أنا حبيته جدا واتعلقت بيه ونفسي يوم فرحنا يجي بقي وأكون معاه وفي بيته أنا بحبه اوي
الأم : حبيبتي يابنتي أخيرا شوفتك فرحانة بحد كده ربنا يفرح قلبك أنتي وهو لانو فعلا شاب محترم
الأب :بصراحة محترم وعارف ربنا وأهله محترمين وولاد أصول ولله ياأم ميرا ويتمنوا لينا الرضا نرضي
ميرا :طبعا يابابا اومال ايه انا بحبهم اوي
فجأة فون ميرا رن جوا في اوضتها رسائل ورنات
ميرا :طب اسيبكم بقي ماهر بيرن وبيبعت في رسائل
الأم والأب :روحي يابنتي ربنا يسعدك ويفرحنا بيكي
دخلت ميرا تشوف فونها ولكن مش ماهر وأول مافتحت فونها وردت اتفاجئت بصوت مصطفي
مصطفي :ألووووووو ياميرا
ميرا :ألوو مصطفي عاوز ايه مني تاني
مصطفي :ياااارب تكوني شوفتي الرسائل
ميرا :رسائل ايه دي اللي بتتكلم عنها مش فاهمة
مصطفي :ياااااه ده العريس بتاعك شاف وزمانه هيقولك أمك في العش ولاطارت ماهو مش معقول هيتجوز واحدة زيك برده عاملة فيها رابعة العدوية
وهي مافيش أقذر وأحقر منها ولابسة قناع العفة
ميرا :احترم نفسك ياواطي أنتا اكتر حد عارفني كويس وكمان عارف انا سبتك ليه وعلشان ايه
مصطفي :ههههههههه أيوة ماهو أنتي سبتيني المرة اللي فاتت المرة دي بقي حبيبك هو اللي هيسيبك ويخلص ذنبي منك  وهتيجي تترجيني بس اتجوزك ولاارجعلك بس أنا مش هوافق بيكي وبعدين هنروح لبعيد ليه افتحي موبايلك وشوفي وقفل الفون وضحك ظن أن خطته نجحت
ميرا :الخوف هز قلبها بالاكتر لما ماهر مارنش عليها ظنت أنه فعلا هيسيبها وصدق كل شئ وفتحت فونها اتفاجئت بصورها مع مصطفي في أوضاع غير لطيفة وتسئ للنظر ولكل من يري الصور مصطفي ركب صورها معاه وبعتها لماهر وليها ولكل الناس علشان يسوء سمعتها ومايخليش حد يتجوزها
ميرا اول ماشافت المنظر أصابتها حالة من الذهول والصدمة وصارت تصرخ كثيراً بدون وعي حتي سقطت من طولها فاقدة للوعي تماماً
أبوها وأمها سمعوا صريخها من بره دخلوا جري عليها من القلق ظنو أن ماهر زعلها أو اتخانقوا أواي شئ الأم :بنتي الحقني ياأبو ميرا حبيبتي يابنتي مالك
الأب :ميرا فوقي ياحبيبتي مالك فيكي ايه بس
الأم :مش بتفوق يا أبو ميرا لازم نأخدها المستشفى بنتي هتموت مني مش قدرة أشوف منظرها كده فجأة ميرا فاقت بإنهيار وصريخ تقول
حرام عليك ابعد عني بقي ارحمني بقي عاوز مني ايه حرام عليك أاااااااااه أااااااااااه أااااااااااااااه
الأم والأب :ميرا إهدي كده وقوليلنا فيه ايه وايه اللي حصل وصلك للحالة اللي انتي فيها دي أنتي كنتي كويسة من شوية وميرا مازالت في حالتها حتي فقدت وعيها تماماً وهما يحاولوا إفاقتها وهي لم تستجيب لهم نهائيا وفجأة باباها فونه رن عليه
الأب :الووووو أيوة ياماهر يابني فيه ايه
ماهر :ازيك ياعمي ميرا فين برن عليها تليفونها مشغول وبعدين لقيته مقفول هي فين ياعمي وعاملة ايه طمني عليها بالله عليك والنبي 
الأب :ميرا يابني أغمي عليها ومش بتفوق ومنهارة عالأخر ومش عارفين مالها ولافيها ايه وفونها مكسور
ماهر :طب خليكم أنا جاي حالا نوديها المستشفي وقفل الفون وخرج جري من المحل يستأذن عمه
ماهر :عمي أنا رايح مشوار وراجع ياعمي ماشي
عمه :خير يابني فيه حاجة ولاايه
ماهر :أيوة ياعمي ميرا تعبانة جدا ومغمي عليها بس أمانة عليك ماتقولش لحد في البيت علشان مايقلقوش وكده واعمل ليها موضوع  تقوم بس بالسلامة وتبقي كويسة وبعد كده نبقي نشوف
عمه :عنيا يابني ماتقلقش بس ابقي طمني عليها
ماهر :أكيد ياعمي يلا سلام علشان مااتأخرش عليهم
وذهب لهما ماهر بسرعة البرق اخذ ميرا للمستشفي وكانت حالتها صعبة إنهيار عصبي حاد نتيجة صدمة عصبية شديدة وأثار إنفعال وضغط نفسي شديد
الأم : حبيبتي يابنتي ايه اللي حصلك بس أنتي كنتي زي الوردة المفتحة وطايرة من الفرحة فيه ايه بس
ماهر :إهدي ياماما ماتخافيش أنا عارف كل حاجة وعارف ايه سبب إنهيارها واللي حصلها ماتقلقيش
الأم :ايه يابني قولي طمني وطمن قلبي علي بنتي
الأب :استني بس ياأم ميرا أما الدكتور يطمنا عليها وماهر بعدين يبقي يحكيلنا علي رواقة مع بعضنا
ماهر :خير يادكتور طمني هي هتفوق أمتي وهتبقي كويسة وحالتها يعني تطمن ولاايه بس
الدكتور :اولا هي مش هتفوق دلوقتي لانها واخدة حقنة مهدئة فترة طويلة يعني عالصبح كده تفوق
ثانيا :ابعدوا عنها أي زعل أو إنفعال وهي هتبقي تمام
ماهر :حاضر ماتقلقش يادكتور كل ده هنعمله ولله ومشي الدكتور وماهر قص علي أبو ميرا ومامتها كل ماحدث وسبب لميرا إنهيارها ووصلها لحالتها دي
الأم :أاااااه حبيبتي يابنتي حسبي الله ونعم الوكيل
الأب :معقول يعمل كده وربنا ماهستكله ولازم أهله يعرفوا وهما يوقفوه عند حده لان اكيد اللي حصل ده من دون علمهم لانهم ناس محترمين بس ابنهم بقي هو اللي ولد بايظ وخسران وبنتي علشان كده ماكانتش عاوزاه وسابته وادناهم كل حاجتهم تصور كان عاوز يبهدل بنتي ويدمرها ويدمر حياتها وحاول الإعتداء عليها وبرده بنتي إنهارت كده وده السبب اللي خلتنا نسيبه وأهله كانوا حقيقي زعلانين بس نعمل ايه البنت مش عاوزاه وقالت مش حاسة معاه بالأمان لكن أنتا يابني ونعمة الرجل ربنا يحرسك
ماهر بذهول :معقول ياعمي ميرا ماقالتليش كده
الأم :لأنها كل أما بتفتكر بتزعل وكمان مش بتحب سيرته وخائفة عليك وعلي زعلك أو تفهمها غلط وتفتكر إن مصطفي كان عملها حاجة لأنها بتحبك ويمكن إنهيارها ده خافت تصدق أللي شوفته وتسيبها أنا عارفة بنتي جواها ايه ده أنا أمها
ماهر :لا طبعا أنتي بتقولي ايه ياماما أنا مافيش اي شئ في الدنيا يخليني اسيب ميرا غير الموت فقط أنا عارف إنها لعبة قذرة من القذر اللي اسمه مصطفى ده لانه كلمني قبلها وقالي وبعتلي الصور وأنا شتمته وبهدلته وماتقلقيش هاخد حق ميرا منو بس الأول اطمن عليها وتقوم بالسلامة علشان ابقي مرتاح
الأم : يااااااااارب 🤲 يابني
الأب :لا ياماهر ماتعرضش نفسك للخطر أنا هكلم أبوه وأمه واعرفهم الأول علشان يبقي عدانا العيب برده ومانبقاش اتسرعنا لأنهم مش هيرضوا بكده
ماهر:ماتقلقش ياعمي أنا أقدر احمي ميرا واحمي نفسي كويس  مابقاش راجل طبعا لو ماعملتش كده وابقي مااستاهلهاش تبقي مراتي
الأب :فاهم يابني ولله بس أنا خايف عليك اسمع كلامي بس وبعدين مش عاوز غلط برده مننا نقول لأهله ولو اتعرض لبنتي تاني أنا اللي هيبقي ليا تصرف تاني معاه اسمع كلامي بس وطاوعني
ماهر :حاضر ياعمي علشان خاطرك بس
🤔🤔🤔🤔🤔🤔🤔🤔🤔🤔🤔🤔🤔🤔مصطفي في اوضته الفرحة مش سيعاه وفاكر إن خطته نجحت وفجأه اتفاجئ بأبوه داخل عليه ضرب بالقلم علي وجهه وبصوت رجولي خشن عالي
الأب :هي حصلت ياكلب ياواطي تظلم بنت برئية وتسوء سمعتها وتخرب ليها حياتها سيبها ياخي بقي هو احنا علشان ساكتين ليك هتسوء فيها ياولد
دخلت الأم جري :خير يا أبو مصطفي فيه ايه
الأب :كنت تحت في مكتبي بخلص شوية شغل اتفاجئت بأبو ميرا بيتصل بيا  ويلوم عليا ويقولي ابنك يستعمل صور بنتي في صور مش محترمة معاه ويركب الصور وينشرها للدنيا كلها وكمان يبعتها ليها ولخطيبها والبنت أول ماشافت كده جالها إنهيار عصبي وحالتها صعبة دلوقتي وأبوها وأمها وخطيبها معاها والبنت حالتها سئية بسبب عمله ابنك السودة
الأم :أزاي يامصطفي الكلام ده أنتا اتجننت يابني
مصطفي :أيوة عملت كده علشان خطيبها يسيبها واخطبها أنا مش هسيبها لواحد تاني غيري يتهنا بيها
الأب :دلوقتي بتندم ماكانت في إيدك ورمتها وفرطت فيها وبعدين خطيبها مش هيسيبها بالعكس ده واقف جنبها ومعاها ومتمسك بيها أكتر لانو فعلا راجل وواثق فيها وبيحبها بجد لو انتا كنت مكانه كنت صدقت وسبتها واتخليت عنها لانك ملوث وفاكر كل البنات زيك ملوثة وقذرة لكن لا لسه الدنيا بخير ولسه فيه بنات نضيفة وطاهرة أه نادرين في زماننا بس موجودين وأنتا كانت في إيدك جوهرة رمتها بكل بساطة وسهولة لكن جه اللى أحسن منك وعرف قيمتها وقدرها وصانها ولسه لما يتجوزها كمان
فعلا أنتا ماتستاهلهاش ولاتستاهل غيرها أنتا ليك اللي زيك كده كل إنسان ربنا بيوعده بأمثاله وسابوه الاتنين ونزلوا ومصطفى كلام أبوه ندمه أكتر على ميرا وأثر فيه وزاد من حقده وشره جواه ناحية ماهر وقرر لابد يمحيه من علي وش الدنيا لادام ماسابهاش
🤔🤔🤔🤔🤔🤔🤔🤔🤔🤔🤔🤔🤔🤔في صباح اليوم التالي في المستشفي عند ميرا وأهلها وماهر معاهم ميرا لسه مافاقتش وفجأة فاقت
ميرا بصوت تعبان :ماهر ماتسبنيش ياماهر أنا مظلومة أنا بحبك ولله وهموت من غيرك ياماهر
ماهر فجأة قام عليها ومسك إيدها بكل حب وحنية ماتخافيش ياميرا أنا جنبك ومعاكي وعمري ماهسيبك وعارف إن دي لعبة قذرة من الحيوان ده
الأم والأب :ميرا بنتي فوقي ياحبيبتي احنا كلنا معاكي وحواليكي ماتقلقيش ياقلب أمك
ميرا :بابا ماما أنا فين وايه اللي حصل
ماهر : حبيبتي أنتي تعبتي جامد وحصلك إنهيار عصبي لما زعلتي من اللي حصل ماتخافيش عاوزك تجمدي ياميرا طول ماأنا معاكي وأوعي تفكري إني ممكن اسيبك ابدا نتيجة اي لعبة أو أي كلمة بس اسمعها من حد عليكي انتي حبيبتي وخطيبتي وأختي وإنشاء الله هتكوني مراتي وأم ولادي ياميرا
لازم احميكي ياقلبي فاهمةولالا
الأب والأم :طب نسيبكم يابني مع بعض شوية بقي
ميرا :حبيبي ياماهر أنا كنت خايفة أحسن تصدق وتسيبني لأن فعلا الصور كانت منظرها سئ لدرجة ماقدرتش اتحملها وكنت هموت فيها ياماهر
ماهر :ألف بعيد الشر عليكي ياروح قلب ماهر أنتي بتقولي ايه اسيبك ده ايه انتي روحي وقلبي يابت
وهنتجوز وهتبقي مراتي حلالي وهنجيب هنا وياسين بإذن الله فاهمة أنا بحبك يابت واللي بيحب حد مابيصدقش فيه أي شئ مهما يكون لانه بيحبه من قلبه وواثق فيه والشك بيهد الحب ويهد كل شيء في الدنيا أي حب صادق بين اتنين بيكون مبني عالثقة والإحترام غير كده مايبقاش حب فاهمة
ميرا :حبيبي أنا مش عارفة أقولك ايه فعلا ربنا عوضني بيك وبتمني اقدر اردلك جزء من السعادة اللي بتقدمهالي كل يوم عن اليوم اللي قبله ياااارب اكون استحقك واستاهلك بجد ياماهر
ماهر :ماتقوليش كده احنا الاتنين اتخلقنا لبعض وميرا بقت كل يوم تتحسن عن اليوم اللي قبله بوجود أهلها وحبيبها معاها ووقفته جنبها وطبعا أهل ماهر عرفوا بتعب ميرا بس ماهر ماحبش يقول السبب الرئيسي خوفا علي شعور حبيبته وأهلها قال ضغط شغل وإرهاق وكده كده أهله مالهمش في النت
وميرا خرجت علي طول واستردت صحتها واتحسنت اكتر من الاول وحبها بيزيد لماهر اكتر
وماهر قرر يكون معاها دائما في كل خطواتها وخروجاتها يروح معاها شغلها ويجيبها من شغلها خوفا لا مصطفي ولاأي حد من طرفه يتعرضلها
😍😍😍😍😍😍😍😍😍😍😍😍😍😍إسراء وعادل كل يوم حبهم بيزيد للبيبي اكتر وأكتر ومنتظرينه بفارغ الصبر وميعاد ولاده إسراء علي ميعاد زواج ماهر وميرا تقريباوشايلة الهم تتعب ولاماتعرفش تحضر الفرح كفاية مش هتعرف تعبر عن فرحتها وترقص في فرحهم بس عادل بيقولها خليها علي ربنا لسه 4شهور ياترا مين يعيش يمكن الواد يطلع ابن سبعة وطبعا طاير من الفرحة إنو ولد
😀😀😀😀😀😀😀😀😀😀😀😀😀😀
ميرا كانت في يوم راجعة من شغلها هي وماهر مبسوطين وفرحانين ونازلين من المكتب ضحك وهزار وحب وفرحة منتهي السعادة الحقيقية بجد وفجأة اتفاجئوا باللي واقف قدامهم وميرا خافت
😭😭😭😭😭😭😭😭😭😭😭😭😭😭ياترا ايه اللي هيحصل
انتظروا الفصل الخامس والأخير
يااااااارب 🤲 يعجبكم وتعجبكم النوفيلا كلها
تفاعلكم معايا وتشجعيكم ليا دائما
بقلم الكاتبة:أية علي