نوڤيلا للحب تسعه اوجه

الفصل السادس حب يحكمه المرض النفسي

الفصل دا مليان مفاجآت و أحداث كتييير و صدمات.

قراءة ممتعة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بسم الله الرحمن الرحيم 🌹🌹
نوفيلا للحب تسعه أوجه
الوجه الرابع حب يحكمه المرض النفسي
الفصل السادس

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مر ثلاثة أشهر و جميلة تحاول الإبتعاد عن أي مكان يكون متواجد فيه كريم ....
في العمل أي طلب يكلفها بيه ترسل صديقتها قمر لكي تسلمه إليه في المكتب لكي لا تراه حتي أنها انقطت عن الذهاب إلي دار الأيتام حتي لا تكون متواجدة معه حتي لا تتعلق بيه أكثرمن هذا

كعادتهما أثناء عودتهما من دار الأيتام و قبل أن تنزل قمر من السيارة التفت اليه قائلة بهدوء: في أي يا كريم مالك الأيام دي مش عاجبني...حتي لما بنروح دار الأيتام مبقتش بحسك بتلعب مع الأطفال بقلبك و روحك زي الأول...ضحكتك مبقتش طالعة من قلبك.. في أي

"نظر إليها كريم و لم يعقب"

فتحدثت هي قائلة بهدوء: إنت بتحب جميلة...صح؟!

نظر إليها كريم في صدمة و حاول أن يستجمع كلماته قائلا: ل..ليه..بتقولي كدا

قمر: كريم أنا أختك و أكتر وحده فهماك...أنت من ساعة ما جميلة بطلت تيجي معانا الدار وأنت مبقتش بتبقي مبسوط.. حاسه إنك بتلعب و بتضحك آه..لكن الضحكة مش طالعة من قلبك..حاسه إنك مضايق و في حاجة نقصاك

كريم بتردد: مش..مش عارف يا قمر...مش عارف حبيتها ازاي...مش عارف أنا أصلا حبيتها بجد و لا لأ

ثم تابع: بس لما جميلة كانت بتيجي معانا الدار كنت بحس بفرحة كدا...بحس إني مبسوط....بحس إني مرتاح نفسيا ..أنا الحمد لله كنت بغض بصري عنها و مش بصلها بصة تغضب ربنا..بس مجرد إحساسي إنها جنبي و معايا في نفس المكان كان بيحسسني بفرحة و راحة...لما بطلت تيجي معانا بقيت حاسس إني في حاجة كبيرة ناقصة...في ضحكة وسط كل الضحك بتاع الأطفال ناقص...في حاجة مخليه فرحتي متكملش...مجرد إنها مش معايا كان محسسني بنقص كبير أووي أنا مش عارف....ازاي دا حصل..و أمتي حبيتها...مش عارف أصلا دا حب و لا لأ

رتبت جميلة علي كتفه قائلة: لو مكنش دا حب هيكون أي يعني... أنت حبيتها يا كريم....بس أنت لازم تعرف حاجة مهمة.

" نظر إليها كريم مستفهما "

فتابعت قائلة : بص يا كريم...أنت أخويا...و هي صحبتي و أكتر من أختي كمان...و أكيد هكون أسعد بني آدمة في الدنيا لو إنتوا كنتوا لبعض...بس عيزاك تعرف حاجة مهمة أووي ....جميلة عانت كتير في حياتها....أمها ظلمتها و كانت قاسية معاها في تربيتها...و أبوها اللي كانت متعلقة بيه جدا لدرجة كبيرة اتوفي و هي في ثانوي و بعدين هربت و اتشحططت من مكان لمكان لغاية لما جاتت هنا معايا تحملت مسؤوليه نفسها و هي في الجامعة و بقيت تشتغل وتصرف علي نفسها وحتي الآن هي اللي متحمله مسؤولية نفسها و بتصرف علي نفسها...كل اللي هي مرت بيه في حياتها دا سببلها مشاكل كتير في نفسيتها..من ضمنها إنها بقيت منعدمة الثقة في نفسها تماما... حساسة لأبسط الامور و ممكن أنت تعمل حاجة تضايقها بيها من غير قصد بس هي هتفسرها بشكل تاني خالص...و زي ما قوتلك لما جاتلها الصدمة العصبية بقيت لما تتوتر أو تتعصب أو تحصل مشكلة جامدة بقيت مش بتقدر تتكلم بشكل مضبوظ...جميلة بقيت شخص من غير روح علي الرغم إني بحاول بقدر الإمكان أطلعها من اللي هي فيه بس برضو لسه روحها مطفيه....لسه جسد من غير روح...مش قادرة تنسي اللي مرت بيه في حياتها و تتخطاه لغاية دلوقتي...كل اللي مرت بيه بقي ذكري سودة في حياتها مش قادرة تنساها
تنهدت بعمق ثم تابعت قائلة: اللي عايزة اقوله يا كريم أنه جميلة دلوقتي مش محتاجة زوج بس...جميلة محتاجة تكون لها كل حاجة...جميلة محتاجة زوج و أب و أخ و صديق و حبيب و دكتور نفسي كمان...جميلة محتاجة حد يرجع ليها الروح مرة تاني...محتاجة حد يقدر يستحملها ويستحمل حالتها...محتاجة حد يقدر يسمعها و يفهمها...محتاجة حد يشجعها ويحسسها بقيمتها و أنوثتها..حد يرجع لها ثقتها في نفسها اللي انعدمت... حد يحبها بجد من كل قلبه و يهتم بيها و بتفاصيلها أكتر من نفسه.. محتاجة حد يراعيها و يراعي مشاعرها كويس أوي و يحاول بقدر الإمكان يعوضها عن حاجات بسيطة من اللي اتحرمت منها جميلة محتاجة حاجات كتير أوووي يا كريم...لو أنت مش هتكون قد المسؤولية دي يبقي تسيبها للي يكون قدها و يقدر يعوضها بجد....جميلة هتكون مسؤولية كبيرة عليك...فكر كويس يا كريم.. فكر أنت هتكون قد المسؤولية دي و لا لأ...فكر هتقدر تعوضها عن كل اللي شافته في حياتها و لا لأ....الدكتور اللي كان متابع حالتها بعدما جتلها الصدمة العصبية قال أن جميلة نفسيتها وحشة جدا و أن محتاجة رعاية خاصة و إهتمام وأنا و ماما كنا بنحاول نعمل كدا علي قد ما نقدر...و قال كمان إنها مش حمل أي صدمات تاني من أي نوع و أي صدمة ممكن تتعرضلها هدخلها في حالة نفسية صعبة جدا....أنا قوتلك كل حاجة عنها...علشان لما تفكر... تفكر كويس في كل الجوانب..احسبها صح يا كريم.