نوڤيلا للحب تسعه أوجه
الوجه الثامن الحب الابدي بقلم ايه علي
الفصل الثاني
بعد مرور شهر ونص من أحداث قصتنا وأبطالها فيها إسراء صديقة ميرا خلاص كلها أيام وهتتجوز وطبعا ميرا بترجع من شغلها المغرب كده بتكون نفسها تروح لإسراء وتبقي معاها في كل حاجة بس ظروف شغلها فبتروح في يوم الأجازة ليها شوية
وإسراء معاها ماهر ابن خالتها زي أخوها با فيلظبط وأكتر بيشتري طلباتها معاها ومع عريسها دائما في كل شئ وإخوات بجد وإسراء كانت بتبقي نفسها تكون ميرا معاها بس هي مقدرة ظروف الشغل بقي
ميرا كل يوم وهي راجعة من الشغل بتشتري طلبات ليها تجهيزات الفرح الفستان اللي هتحضر بيه ومستلزمات البنات بقي والحاجات دي وفي يوم كانت في محل الملابس وبتختار فستان لونه مووووف عجبها جدا لانها بتحب اللون الموف لونها المفضل ومعاه طرحة اوف وايت وبندانة موف تحت الطرحة وكان مراقبها شاب جميل ورقيق جدا أعجب بيها وبشكلها ورقتها وذوقها وإختيارها للملابس وقرر يراقب كل تحركاتها وخط سيرها حتي يسهل الوصول لها وكان كل يوم بيزيد إعجابه بيها عن اليوم اللي قبله وبعدها بيومين تلاتة كانت ميرا في السوبر ماركت تشتري طلبات بقالة للبيت وشافها نفس الشاب وهي من غير ماتأخد بالها لانه كان موجود وقتها في المحل وصاحب المحل عمه أخو والده وكانت أحلي صدفة ليه ودائما الظروف معاه
وعندما انتهت ميرا من شراء طلباتها وبتحاسب صاحب المحل ففتح معاها الحوار وسألها
صاحب المحل :هو أنتي اسمك ايه يابنتي
ميرا :ليه بس خير ياعمو فيه حاجة ولاايه حضرتك
صاحب المحل:لاعادي سؤال مش اكتر يعني
ميرا :اسمي ميريهان ياعمو
صاحب المحل:ايه الاسم الصعب ده
ميرا:برقة وضحكة هادئة شكلها خلاص ياعمو دلعي ميرا انا أصلا ماحدش بيناديني غير بميرا
صاحب المحل :أيوة كده مقبول شوية بس يلا بقي بنات واسامي اخر زمن خلينا في المهم بقي
ميرا :خير بس ياعمو قلقتني فيه حاجة ولاايه
صاحب المحل:لا عادي أنتي مخطوبة أو مرتبطة
ميرا :لا بس كنت مخطوبة قبل كده وماحصلش نصيب ودلوقتي أنا مش مخطوبة الحمدلله
صاحب المحل:يااااااه ومالك مبسوطة اوي كده فيه بنت تكون مبسوطة إنها مش مخطوبة برده ولاايه
ميرا :أنا ياعمو عادي يعني اديني رايقة مع نفسي ومع حالي وبعدين كده كده كل شئ وليه وقته
صاحب المحل:وأنتي بقي عندك كام سنة وبتدرسي ولابتشتغلي ولاايه ظروف حياتك يعني
ميرا :عندي 22سنة خريجة كلية تجارة وحقوق وبشتغل سكرتيرة في مكتب كمبيوتر وسكرتارية لأن طبعا مافيش شغل حكومي إني اشتغل في بنك وكده وإن شاءالله عندي أمل وطموح اعمل دبلومة برده وأحضر ماستجتير ودكتوراه واخد شهادة أعلي واعلي في الكمبيوتر والمحاسبة والحسابات بس عاوزة اعرف بقي انتي بتسالني الأسئلة دي كلها ليه انتي بتسأل كل الناس اللي بيشتروا منك كده ولا ايه
صاحب المحل :لا عندي ليكي عريس ابن أخويا شاب محترم جدا وعارف ربنا وخريج كلية سياحة وفنادق بس شغال مع أبوه في شركته لانه الوحيد وساعات بيكون معايا في المحل مساعدة لأن أصلا مش معايا اولاد وانا وأخويا بس يعني هو اللي شايل اسم عيلتنا ومسئول عن كل حالنا وظروفنا واحنا بس سبناه بحريته يكمل تعليمه لكن يشتغل شغلنا ده حاله اللي دايم ليه ولبيته وولاده ايه رأيك يابنتي
ميرا :أكيد ياعمو ابن اخوك اي بنت تتمناه حسب المواصفات اللي قولتلها دي بس أنا مش هقدر مش رفض ليه بالعكس أنا كنت أتمني إنسان زي كده بس أنا خارجة لسه من فترة خطوبة ماكملتش شهرين وكانت فترة صعبة وكنت مخطوبة سنتين وتعبت كتييير فيهم وماصدقت الخطوبة اتفسخت وروقت
صاحب المحل:ليه بس يابنتي كل ده هو كان ماله خطيبك يعني سئ اوي كده لدرجاتي ولايه نظامه
ميرا :لا خلاص بقي لحد كده ومش هقدر اتكلم ياعمو لانه مهما كان برده في يوم من الايام خطيبي ودخل بيتنا واكل معانا عيش وملح وانا مش بحب اغلط في حد ولااتكلم في شئ عدا وفات علشان ماافتكرتش وازعل واجيب في سيرة ناس في غيابها سواء بالحلو ولا بالوحش عن أذنك بقي لازم استأذن لاني اتأخرت النهاردة علي بابا وماما وهما بيقلقوا عليا وأنا ماكنتش عاملة حسابي علي كده
صاحب المحل :اتفضلي يابنتي بس اديني عنوان بيتكم أو رقم تليفون والدك حتي اكلمكم ونيجي نتقدم وتشوفي ابن أخويا شاب غير اي شاب
ميرا: خليها بظروفها ياعمو وكل شئ نصيب
سلام حضرتك
صاحب المحل:الله يسلمك يابنتي
خرج الشاب لعمه بكل فرحة وسعادة وبهجة وسرور حبيبي ياعمي تسلملي يااااارب عالخدمة الحلوة دي
عمه :بس يافالح البت متعقدة أصلا ورافضة المبدأ من الأساس يعني ريح دماغك وانسي البت دي
الشاب :أنساها ده ايه ده أنا من يوم ماشفتها وصورتها مافارقتش خيالي دقيقة شغلت عقلي وبالي رقة ايه وجمال ايه وبراءة ايه حاجة كده ماأقدرش اوصفهالك ياعمي واديك شوفت بنفسك واتكلمت معاها أنا بقي لسه ماحصليش الشرف ولله وبتمني وبدعي من ربنا يحصل قريب بقي ياعمي واستني كده أوريك حاجة وطلع فونه وجاب صورة حلوة لميرا صورها ليها علي غفلة أثناء ماكانت واقفة تتكلم مع عمه في المحل
عمه : ايه ده يابني أنتي صورتها وهي واقفة من غير ماتأخد بالها ولاايه علي فكرة حرام عليك كده يابني
الشاب :خبر ايه ياعمي ماأنا عارف إنو حرام بس إنما الأعمال بالنيات هو أنا هعمل بالصورة حاجة لاقدر الله ده أنا بحبها الصورة دي صورتها ليها علي غفلة من جوا وكنت شايف كل الحوار وسامعه بس حبيت يكون صورتها معايا علشان أما تغيب يوم ماأشوفهاش تبقي الصورة دي معايا كده ياعمي
عمه :يااااااه أنتا لدرجاتي حبتها من غير حتي ماتشوفها ولاتتكلم معاها ولاتعرف عنها أي شئ في حياتها كده
الشاب :أيوة ياعمي حبتها أول ماشوفتها شغلتني
فلاش بااااااااااااك:
الشاب أول ماشافت ميرا وهي في محل الملابس بتختار فستان السواريه مووف والطرحة الأوف وايت تحضر بيهم فرح إسراء صاحبتها وهي عجبته جدا في كل شئ فقرر يراقبها ويراقب كل تحركاتها وخط سيرها ويسأل عليها إن كانت مرتبطة أو مخطوبة أو خالية بس طبعا كل أما يسأل أي حد من صحابه الشباب يطلع مايعرفهاش ولايعرف شكلها ولااسمها فبكده أتأكد أنها إنسانة محترمة ومالهاش أي علاقة بأي شاب لان لو كان ليها علاقة بحد كان كل شاب عرفها وهو كل إما يراقبها يلاقي كل أماكنها خارجة من شغلها في مكتب السكرتارية في محل بتشتري شئ أو في سوبر ماركت وفي يوم صادفت وراحت السوبر ماركت تشتري طلبات ولمحها الشاب بس مالحقش يتكلم معاها ولايشوفها فحكي لعمه كل شئ من بداية ماشافها ليوم السوبر ماركت ولما جت تاني يوم والشاب كان في المحل صدفة مع عمه وشافها فغمز ليه يكلمها ويوقفها وهو دخل جوا يراقب الحوار علشان ماتكونش هي محروجةوتتكلم براحتها معاه وطبعا كان عمه راسي عالدور
باااااااااااااااك :
عمه :يااااااه يابني لدرجاتي يااااارب تكون تستاهلك وتستاهل حبك فعلا أنت أي بنت تتمناك يابن أخويا
الشاب :إن شاءالله تستاهل ياعمي وأنا بدعي ربنا في صلاتي تكون من نصيبي والصورة دي هتفضل معايا بس طبعا محافظ عليها وعمري مااذيها أنتي عارفني كويس وبعدين هي مارضتش تقولك حاجة عنها ورافضة المبدأ من الأساس بس أنا برده مش هفقد الأمل في ربنا وهفضل ورا هدفي لحد مااوصله لازم اعرف كل شئ عنها واعرف إزاي اوصلها والباقي علي ربنا
عمه :عد الجمايل بقي البركة في عمك حبيبك عملك اللي أنتا عاوزه ووقفهالك من غير مايعرف إنك هتأخد صورة ليها يعني خدمتك خدمة العبد للسيد
الشاب :طبعا ياعمي اومال ايه ده أنتا حبيبي ولله
عن إذنك بقي اروح لاني النهاردة هلكت معاك في شغل السوبر ماركت وسايب أبويا في الشركة لوحده
يلا سلام
عمه :الله يسلمك روح يابني ربنا يكرمك ويسعدك ويفرح قلبك دائما ويحققلك كل أحلامك يااااارب
😍😍😍😍😍😍😍😍😍😍😍😍😍😍في المساء عند والد ميرا ووالدتها
روحت البيت قصت لهم كل ماحدث في السوبر ماركت ومافعلته وقالته لصاحب المحل ورفضها ليه
الأم :ليه يابنتي كده طب حتي كنتي استني أما تشوفيه حكمتي بسرعة كده قبل ماتشوفيه مش يمكن يكون كان أحسن من اللي قبله مش كل الناس زي بعضها ياميرا ليه بس كده ياحبيبتي ♥️
ميرا :ماما أنا لسه ماكملتش شهرين وأنا سايبة مصطفي وبعدين هدخل نفسي في مشاكل خطوبة وحوارات تاني ليه هو أنا لحقئت أفوق من الأولاني
وبعدين أنا مرتاحة كده في شغلي وحالي وحياتي
الأب : ماشي يابنتي ماقولناش حاجة واحنا مش عاوزين غير راحتك بس برده ادي فرصة تانية لنفسك ولغيرك والخطوبة فترة تعارف وإختبار زي ماكنا بنقول كده في الأولاني جايز أنتي ماتعحبهوش جايز هو مايعجبكيش مش سمك باش في مية يعني
ميرا :ياجماعة ارجوكم بقي ريحوني من الموضوع ده أنا تعبت وبعدين أنا هعمل دبلومة وهكمل تعليمي يعني الجواز ده أخر شئ افكر فيه دلوقتي كفاية وافقت أول مرة بواحد أنا ماكنتش أصلا بقبله ولابطمن ليه ولابرتاح من ناحيته علشان برده ماكنتش عاوزة ازعلكم لكن كفاية بقي كده اديكم شوفتم اللي حصل اهوه منه وكان هيدمرني ويدمركم لولا ستر ربنا
الأب والأم : الحمدلله يابنتي ربنا عالم بيكي وبينا
ميرا :ونعمة بالله عن إذنكم هدخل أنام واسيبكم بقي تصبحوا علي خير وياااريت ماتزعلوش مني وتنسوا الموضوع ده علشان خاطري وتسيبوني علي راحتي
الأب :لايابنتي خلاص ولايهمك وشيلي عن دماغك
الأم :خلاص ياحبيبتي كل شئ في الدنيا نصيب وأنتي لسه صغيره والعمر قدامك طويل وربنا يرزقك بابن الحلال اللي يقدر يسعدك ويعوضك وأنتي كمان تسعديه برده وتكونوا زي بعض في كل حاجة ياقلبي ودخلت ميرا نامت والأب والأم دعوا ليها بالخير
😔😔😔😔😔😔😔😔😔😔😔😔😔😔
في بيت إسراء وأهلها وكلهم متجمعين بيتفرجوا علي الجهاز وحاجة إسراء وفرحانين إن فرحها قرب خلاص وماهر ابن خالتها بمشاكسة وهزار زي أخته بقي وأكتر بيحب دائما ينكشها كده ويستفزها
ماهر :ياااااااه أخيرا هنرتاح منك بقي بس للأسف هنرتاح منك ونتعب عادل مالوش ذنب الجدع غلبان وطيب وأنتي بصراحة هتشحوريه وهتخليه يلف حوالين نفسه مش عارف ولله عجبه فيكي ايه بس
إسراء :ماهر احترم نفسك وإلا ولله ارتكب جريمة الليلادي واحدفك بطقم الصيني ده افتح بيه دماغك
ماهر :ههههههههه ماأنتي مجنونة وتعمليها ولله
إسراء:خالتوووا بقي لمي ابنك ده أنا مش ناقصة عاوز يزعلني وينكد عليا ولاايه وانا خلاص أيام فرحي قربت بدل ماتفرحوني كده عاوزين تزعلوني
خالتها :لاياقلب خالتك ولله هو انتي يعني تايهة عن ماهر ابني ماأنتي عارفاه طول عمره بيحب الهزار والمشاكسة كده وبيحب يرخم عليكي أخته بقي
إسراء :خلاص علشان خاطرك أنتي بس ياخالتوا هعديهالو الليلادي انتي عارفة أنا بحبك اد ايه ولله
ماهر بتقليد لصوتها وكلامها وعاد نفس جملتها بتريقة وخفة وكان شكلو بس يضحك لوحده
إسراء :أنتا بتتعوج عليا ياماهر خلاص ماشي وبعدين أنا هتكلم ليه انا خلاص بقي ليا عادل جوزي وحبيبي يأخدلي حقي منك ومن أي حد يزعلني وأنا هقوله
ماهر :ياشيخة اتنيلي ده هو أصلا هيطق منك أساساً
أم إسراء بضحك وهزار :فيه ايه ياولاد كفاية هتقضوها خناق طول الليل اكبروا بقي واعقلوا شوية هو أنتم هتفضلوا كده طول عمركم وأنتم صغيرين وانتم كمان كبار وهتتجوزوا اهوه عاملين زي القط والفار كده دايما مع بعضكم مش بتصفوا كده لبعض ابدا دائما متخانقين علي طول وزعلانين
أم ماهر :أه ولله ياختي ده حتي متربين مع بعض وإخوات كمان من وهما لسه مادخلوش حضانة
أم إسراء :يلا ربنا يخليهم لينا ياااارب 🤲 ويفرحنا بماهر هو كمان ونبقي فرحنا بولادنا ياختي يااارب
وكانت الليلة جميلة ضحك وهزار وفرحة وجو أسري عائلي جميل وفرحانين بإسراء لأن فرحها كلها أيام
😀😀😀😀😀😀😀😀😀😀😀😀😀😀
وبعد مرور عدة أيام خلاص جت ليلة فرح إسراء
الكل جاهز وإسراء في الكوافير وصاحبتها ميرا اخدت أجازة في اليوم ده من شغلها وكانت معاها طول اليوم وكانت متفقة مع باباها ومامتها يروحوا الفرح بالليل وميرا توصل ليهم عالفرح وهي راجعة مع صاحبتها من الكوافير بتزفها وتلبس وتجهز هناك
وبالفعل حدث كل ذلك وكانت أحلي وأجمل ليلة فرح وأحلي عريس وأجمل عروسة وطبعا ماهر كان مع أخته جاي ليها مع صحابه بزفة وتاكس وفرحان ليها وبيزفها وكان هو السواق وإسراء وعريسها ركبوا ورا وميرا ركبت تاكس عادي وراهم وكان أحلي وأجمل فرح تحكي وتتحاكي بيه مصر بحالها كفاية فرحتهم
وطول الليلة ميرا كانت مع صاحبتها إسراء يتصوروا مع بعض وطبعا ميرا مش بتعرف ترقص وكمان بتتكسف كانت مستكفية بفرحتها وإبتسامتها ووقوفها جنب صاحبتها وطبعا إسراء عارفة ومقدرة خجل وكسوف ميرا فعادي الموضوع بالنسبة ليها
وميرا لما كانت مع صاحبتها أثناء الفرح وهي مش واخدة بالها لمحها شاب جميل جدا ورقيق لاأبيض ولا أسمر قمحي اللون بس زي القمر وطول بعرض بعضلات وليه دقن خفيفة ذو هيبة ووقار أعجب بيها لدرجة شديدة للغاية وفضل عينه عليها ومراقبها لحد ما راحت لباباها ومامتها وهو عرف إنهم أهلها ولما رجعت لإسراء تاني قرر يروح يكلمهم ويحدد معاهم ميعاد يروح يتقدم ليها فيه وهما بالفعل وافقوا بلا تردد ولاكلام لانه شاب أي حد يقبله ومايترفض ابدا كفاية أخلاقه وذوقه وأدبه وإحترامه ووقاره
الفرح خلص خلاص والعريس والعروسة راحو علي بيتهم وكانت أسعد ليلة فرح وحب ليهم الاتنين
😍😍😍😍😍😍😍😍😍😍😍😍😍😍
في البيت عند ميرا وأهلها بعد ماوصلوا بيتهم من الفرح علي خير وكانوا منتهي السعادة والفرحة ميرا علشان كانت فرحانة لصاحبتها إسراء وأهلها علشان كان جالها عريس مناسب وحدد معاهم ميعاد بس مش حابين يقولولها علشان ماتتضايقش وهي لسه فرحانة كده فقرروا يأجلو موضوع العريس ده لوقت تاني وميرا دخلت نامت لأنها كانت تعبت طول اليوم مع صاحبتها في الكوافير وفي ليلة الفرح الجميلة
🌺🌺🌺🌺🌺🌺🌺🌺🌺🌺🌺🌺🌺🌺
فالشقة عند إسراء وعادل بعد ماروحوا بيتهم واتقفل عليهم باب واحد وبقوا خلاص مع بعض إسراء مكسوفة طبعا وزي القمر بفستانها والميكيب بتاعها
عادل :نورتي بيتك ياقلبي أخيراً بقينا مع بعض
إسراء :ده نورك ياحبيبي أيوة بقينا مع بعض ماتتصورش فرحتي اد ايه دلوقتي إني بقيت معاك خلاص أخيراً ياعادل أنا بحبك اوي ياحبيبي
عادل :ياااااه أخيراً سمعتها ايه الجرأة دي كانت فين في الخطوبة وأنا بتحايل عليكي تقوليها ليا مرة
إسراء :لا خلاص من النهاردة مش هبقي مكسوفة أقولك أي حاجة أنتا بقيت جوزي وحبيبي وشريك حياتي للأبد وياااارب دائما نفضل مع بعض ياعادل
عادل :يااااارب ياقلب عادل وقرب منها بمكر وقال يعني خلاص مش هتكوني مكسوفة مني أبدأ
إسراء :يووووه بقي دائما تستفزني كده يلا الأول نصلي ركعتين شكر لله كده وبداية خير لحياتنا علشان ربنا يباركلنا في عيشتنا ونتعشي أحسن أنا جوعت ونفسي مفتوحة عالأخر الليلادي ماأكلتش طول النهار وأنا في الكوافير ومع صحباتي ومعاكم
عادل :نفسك مفتوحة عالأكل حد يوم فرحه بيبقي عاوز يأكل أصلا هو هيفرح ولاهيقعد ياكل يافالحة
إسراء :ضربته علي كتفه وقالتله أنا أما بكون فرحانة ببقي عاوزة أكل علي طول مش بشبع يلا بقي ياخويا
ودخلت وسابته عادل بص ليها بإعجاب وإبتسامة أكتر علي كسوفها الزيادة عن اللزوم وكلامها
نسيبهم بقي براحتهم يفرحوا مع بعض ونرجع لأبطال روايتنا ونشوف حكايتهم هما كمان ايه
❤️❤️❤️❤️❤️❤️❤️❤️❤️❤️❤️❤️❤️❤️
مصطفي بعد ماسابوا بعض هو وميرا حس بالندم وإنو فعلا حبها بجد وندم علي فراقها وحقيقي خسرها وافتكر كلام والده ووالدته اللي كان مستهتر بيه في البداية اكتشف فعلا إن كان عندهم حق
وفي يوم كانوا في الفيلا كلهم مع بعض عالعشا
مصطفي :بابا ماما عاوز اتكلم معاكم في موضوع
الأب :خير يابني عاوز ايه
مصطفي :عاوز ارجع لميرا
الأم :بإستغراب نعم ترجع لميرا إزاي الكلام ده يامصطفي ده أنتم سايبين بعض بقالكم شهرين
ايه اللي فكرك بيها دلوقتي أنتا ماكنتش بتبقي فاكرها وأنتم مخطوبين سنتين جاي تفتكرها دلوقتي
مصطفي :أيوة أنا حبتها بجد وندمان عاللي عملته معاها وبترجاكم تروحوا لباباها ومامتها وتكلموهم تاني وتشوفوا رد فعلهم ايه هيوافقوا ولالا
الأب :مش هينفع يامصطفي خلاص خصوصا بعد اللي عملته أخر مرة مع البنت حتي لو أهلها وافقوا إستحالة هي هتوافق دي ماصدقت يابني الخطوبة اتفكت زي ماتكون كانت غمة وإنزاحت من علي قلبها لأنها ماكانتش عايزاك أصلا من البداية ووافقت بمعجزة علشانا وعلشان باباها ومامتها وياما كنا بننصحك تحافظ عليها وتراعي ربنا معاها بس للأسف بقي كنت مستهتر بكلامنا دلوقتي صدقته بس للأسف بعد ايه بعد فوات الاوان يابني جاي تندم
الأم :اهدي بس ياأبو مصطفي وبراحة كده
بص يامصطفي احنا ياحبيبي حاولنا معاك كتييير وأنتا ماسمعتش كلامنا ياحبيبي واللي عملته أخر مرة ده خلاص نهي وضيع أي حاجة يعني حتي مانقدرش نحاول معاهم لأن خلاص هما كسفونا وادونا حاجتنا وعرفونا غلطتك يابني فبقي الموضوع مستحيل دلوقتي واحنا عارفين ومتأكدين كويس يامصطفي وأنتا أكتر مننا إن البنت أصلا كانت رافضاك من البداية علشان بتمشي مع بنات والكلام ده بس وافقت يابني علشانا وعلشان أهلها فعموما اللي فات مات وماحدش بيتعلم ببلاش فأنتا شوف ايه اللي كان غلط فيك وصححه علشان مافيش اي بنت ترفضك تاني ياحبيبي لازم نتعلم من أخطائنا
مصطفي :بس أنا مش هلاقي زيها تاني ياماما كل البنات بتمشي وتحب وعلاقات مافيش حد طاهر ولابرئ ولامحترم وعارف ربنا غيرها أنا بجد عرفت قيمتها فعلا كان عندكم حق وندمان عاللي عملته
ألام :لا ياحبيبي هتلاقي إن شاءالله مش اول ولاأخر بنت أه هي حالة نادرة فعلا إنك تلاقي زيها لكن مش مستحيلة ولامنقرضة سيبها علي ربنا يامصطفي
مصطفي :ونعمة بالله أنا طالع أنام عاوزين حاجة
الأب :سلامتك تصبح علي خير
الأم :لا ياحبيبي سلامتك ربنا يهديك يااااارب
وبالفعل طلع نام بس قبل ماينام قرر يكلم ميرا ويشوف رد فعلها لما تسمع صوته ويكلمها هيكون ايه
ميرا :ألوووو مين حضرتك
مصطفي :مش عارفة صوتي ياميرا
ميرا :مش واخدة بالي ولله وإزاي عارف اسمي
مصطفي :يااااه أنا مصطفي ياميرا لدرجاتي لحقئتي تنسي صوتي كده بالسرعة دي ليه بس كده ياحبيبتي
ميرا :مصطفي انتا عاوز ايه وايه حبيبتي دي احنا مافيش بينا وبين بعض حاجة علشان كلمة حبيبتي
مصطفي :أنتي فعلا حبيبتي أنا أسف عاللي عملته معاكي أنا فعلا ندمان وعاوزك تديني فرصة بس نرجع لبعض واصلح من نفسي وهكون زي ماأنتي عاوزة ياميرا أرجوكي علشان خاطري فرصة تانية
ميرا :لاتانية ولاتالتة يامصطفي خلاص الموضوع انتهي وربنا يسهلك ويسهلي ومن فضلك ماتتصلش عليا تاني فاهم احنا خلاص عمرنا ماهنكون لبعض
مصطفي :برده ياميرا مافيش أمل يعني ترجعيلي
ميرا :لا يامصطفي مافيش اي أمل سلام
وقفلت معاه الفون وقررت ماتقولش لأهلها علشان ماتشغلش بالهم بشئ واستكفت إنها قفلت الموضوع معاه وخلاص وحبت تنسي وتريح دماغها من كل ده
🌺🌺🌺🌺🌺🌺🌺🌺🌺🌺🌺🌺🌺🌺بعد مرور عده أيام من أحداث قصتنا وأبطالها
ميرا كانت في شغلها وراجعة من الشغل وبتجيب طلبات ليها اتصلت عليها مامتها وكلمتها في موضوع
ميرا :ألووو ماما عاملة ايه ياحبيبتي ماتقلقيش بجيب طلبات وهكون عندكم حالا
الأم :طب يلا ياقلب امك علشان جايلك عريس وأهله
ميرا:بهزار وضحك وتفاؤل برده ياماما مافيش فايدة فيكم ولله بس يلا امري لله بقي أما أشوف موضوع العريس اللي جه فجأة ده ولو أني أنا مش مطمنة ليكم وحاسة بحركة خيانة وانتم عارفين كل حاجة وراسين عالدور ودي خطة دبرتوها ليا وحبيتو تعملوها مفاجأة عليا لانكم عارفين إني هرفض
الأم :الله ينور عليكي ناصحة وتفهميها وهي طايرة بس مش وقته كلام وحكاوي نحكي ونتكلم في الموضوع ده بعدين أما تيجي بس وتشوفيه ويشوفك ونشوف هتقبلي وعقدتك هتتفك ولاهترفضي كعادتك وياااارب العقدة تتفك يابنتي
ميرا :طب ياحبيبتي عاوزة حاجة اجبهالك معايا وانا جاية أنتي أو بابا ولاالناس اللي عندكم عاوزين حاجة
الأم :لا سلامتك ماحدش عاوز حاجة الناس عاوزة تشوف العروسة بس يلا خلصي بقي وتعالي بسرعة
ميرا :عيوني ياحبيبتي سلام
ووصلت ميرا البيت والام فتحت لها الباب وكان العريس جالس في الكرسي اللي جنب الباب
وأول ميرا ماشافته أحست من جواها براحة نفسية وتفاؤل وموافقة من غير اي كلام وهو طبعا هيتجنن عليها اول ماشافها بس لما جت تسلم علي أهله
كانت المفاجأة ليها وللكل
🤔🤔🤔🤔🤔🤔🤔🤔🤔🤔🤔🤔🤔🤔
الفصل خلص أتمني يكون عجبكم
ياترا ايه المفأجاة لميرا ولكل أبطال القصة
انتظروني في الفصل القادم
تفاعلكم معايا وتشجعيكم ليا دائما
بقلم الكاتبة:أية علي
أنت تقرأ
نوڤيلا للحب تسعه اوجه
Romanceلَلَحًبً تٌسِعٌهّ آوٌجّهّ عٌمًلَ مًشُتٌرگ لَلگآتٌبًآتٌ ــــــــــــــــــــــــــــــــــــــــــــــــ کْلَهّنِ بًنِآتٌ حًوٌآ ضعٌفُهّنِ يَعٌنِيَ قُوٌهّ تٌرتٌضيَ مًنِکْ آلَسِنِآء وٌعٌنِدٍ آلَنِصّحً تٌتٌلَوٌيَ...
