نوڤيلا للحب تسعه اوجه

الفصل الثاني للكاتبه ياسمينا العايب

شُآهّيَنِيَ
لَلَکْآتٌبًةّ يَآسِمًيَنِآ آلَعٌآيَبً ♡حًوٌر♡
ـــــــــــــــــــــــــــــــــــــــــــــــــــــــــــــ
الفصل الثاني
طرقت الباب ببطئ ثم فتحته عندما سمعته إذن الدخول، دخلت ببطئ نظرت له بارتباك، قال دون ان يرفع رأسه:_اتركي الباب مفتوحا
_السلام عليكم و رحمة الله و بركاته
رفع رأسه بدهشة، مرت سنوات لم يسمع فيه السلام، اماهي فنظرت له ببلاهة:_يا صلاة العيد باينها باضتلك فالقفص يابت
ظنت انها تتكلم بصوت منخفض لم تعلم انه سمعها جيدا، رفع حاجبه باستغراب إنها نفس الفتاة التي رآها أمس ثم قال بجدية:_اتفضلي يا آنسة أ٠٠٠٠
_اصالة
_اتفضلي يا آنسة اصالة
جلست بارتباك ظاهري و سعادة داخلية، اما فانزل رأسه عندما انتبه انه ينظر لها بتركيز
_انا الدكتور شُآهّيَنِ آلَرفُآعٌيَ الدكتور مازن حكالي عن موضوع رسالتك و بصراحة عجبني جدا، و يشرفني أكون المشرف بتاعك
_شكرا يا دكتور بتمنى اكون عند حسن ظن حضرتك انت و الدكتور مازن
_ان شاء الله دلوقتي حنتكلم فشوية خطوط عريضة نمشي عليها، بعدين حديكي شوية مراجع عشان تستعيني بيها تمام
_تمام يا دكتور
استمرا في الحديث عن موضوع الرسالة لمدة ساعتين كانت خلالها صويلا تسترق النظرات إليه،  و إلى ملامحه الرجولية الصارخة، أما هو فشعر بشيء غريب لم يجربه من قبل أعجب بذكائها و حنكتها و الأهم من ذلك جديتها معه التي لاتمت لتلك المجنونة التي رآها امس بصلة
***************"
ابتسمت بسعادة و هي ترى رفيقتها عبر الكاميرا، قالت همس بابتسامة مشاكسة:_وحشتيني يا مجنونة
_وانتي كمان يا هموسة، مش مصدقة اني مش حشوفك سنة كاملة حرخم على مين دلوقتي؟
_لا مانتي مش حتغلبي ممكن ترخمي على أي حد فالشارع انا عارفاكي
_اسكتس اسكتي مش انا لاقيت العريس و الله و طلعتي اجدع مشعوذة يابت
قالت بغيظ:_محسساني انك بتمدحيني، بعدين مين متعوس السعد اللي دعت عليه أمو بضمير كده
_لا مانتي لو تشوفيه مش حتقولي كده،  هيييح طول بعرض كدهوو عضلات و شعر مسبسب لا وكلو كوم وعيونو الزرق دي كوم تاني خالص يا بووووووي جمر جمر مافيش كلام
_و ان شاء الله تنحتيلو زي عوايدك؟
قالت بثقة:_لا مااحنا نعاكس آه بس مش علنا احنا بنات عيل محترمة كلو إلا العار
أجابتها بسخرية:_يا شيخة؟
_اللي جنني انو هو نفس المشرف على رسالتي يعني الصنارة حتصيد حتصيد، ماهو مش معقول يشوف واحدة كيوت امورة و أوزعة زيي و يفضل عاقل
_مش مرتاحلك يا صلاح
_لا ارتاح يارمضان دنا ولدك مش عارف تربيتك و لا إيه؟!
_تربايتي؟! دانتي اللي زيك مشافش ربع ساعة تربية
_شامة ريحة شتيمة ياب٠٠٠
صمتت فجأة عندما سمعت صوتا ياتي من شرفة شُآهّيَنِ
_استني كده يا موسة
فتحت النافذة و ركزت جيدا سمعت صوت قرآن بصوت عذب ترتعش له القلوب
*************
في الشقة المقابلة انهى صلاته ثم بدأ يقرأ القرآن بصوت شجي بخشوع تام
بعد لحظات أغلق المصحف و قبله ثم وضعه مكانه، و تمدد على سريره بتعب، أغلق عينيه لكنه سرعان ما فتحهما مرة أخرى عندما تراءت له صورتها الملائكية، تقلب على الجانب الآخر لكن ذكراها لم تتركه كلامها جنونها ثقتها، ذكائها،  خجلها
قال بحنق:_يادي النيلة يعني حتة بنت حتعمل فيك كده دي كلها مرتين اللي شوفتها فيهم لحقت توقع؟
ظل يتقلب لكن يبدو أن النوم جافاه خرج لشرفته لعله يتنفسةقليلا، تفاجأعندما رآها في الشرفة لكن يبدو أنها نائمة، شعر بالشفقة عليها فالجو بارد، كما انها تنام بغير راحة ٠
لم يستطع منع نفسه من النظر إلى ملامحها البريئة،  فكر في طريقة لإيقاظها دون إحراجها، دخل لغرفته ثم خرج مرة أخرى يحمل غطاء احد القوارير ثم رماه اتجاهها و اختبئ خلف الستائر فورا،٠
اما هي ما إن شعرت بشيء ضربها حتى قامت بفزع:_إيه؟ مين؟ فين؟ 
ثم أكملت برعب:_يلهوي يكونشي عفريت
كتم ضحكة كانت ستفلت منه على شكلها المضحك
************
صباحا في الجامعة
نظر للأوراق بإعجاب واضح:_هايل جدا بداية مبشرة
نظر لها لكنه تفاجأ بعينيها الشبه مغلقة فقال باستغراب:_هو انتي كويسة؟ شكلك تعبانة
قالت بتعب:_مش نايمة من امبارح الله يخربيت اللي كان السبب
شعر بتأنيب الضمير لأنه كان السبب:_تقدري تروحي عالبيت بكره ان شاء الله نكمل
وقفت بسرعة و حملت أغراضها:_ميرسي اوي يلا سلام
نظر لها ببلاهة كل يوم يتأكد ان هذه الفتاة بها ضرب من الجنون، سمع رنين هاتفه نظر للشاشة لتتسع ابتسامته:_السلام عليكم ورحمة الله وبركاته ازيك يا سمسمه بنت حلال كنت لسه حتصل بيكي
_كويسة يا قلبي وحشتني يا شوشو
كز على أسنانه بغيظ:_شوشو في دكتور محترم يتقالو شوشو؟
_أها لما يكون عندو واحدة كيوت زيي
_كيوت؟! مين الحمار اللي كذب عليكي و قالك الكلام ده
_متقولش عليه حمار ده حبيبي
_المهم دلوقتي انا محتاجك جدا الفترة دي فلازم تيجي
اتاه صوتها القلق:_مالك يا شاهين انت كويس؟
_كويس يا بنتي مفيش داعي للخوف ده لما تيجي حبقى أقولك بس متجيبيش الرخم معاكي
*************************
خلص الفصل اشوفكم على خير واتمنى يكون عجبكم