(اخطاء غير قابله للتبرير)

رعد...!

اومات غرام بلموافقه ليخرج رعد ويغلق الباب...

نزل رعد ليجد سيف يضع قدمه فوق المنضده ليقول ببرود:اقنعتها متنزلش ولا مصممه...!
رعد ببرود:لا اقنعتها متنزلش تاخد روحك...!
سيف وهو ينظر بصدمه:هي شرسه كده ...دي اكيد جامده ...لكمه من رعد كانت كافيه لتسكته ولكنه استمر في الضحك ليقول.. انت وقعت يرعد شابوه...
رعد ابتعد عنه وجلس وهو ينظر للفراغ ...
سيف:انا قايم اشرب ولا ممنوع ...
صمت رعد ليذهب سيف للمطبخ ويفتح المبرد ولكنه لا شئ...سيف بصياح:انت عايش ازاي يبنادم ده مفيش الهوا ...
رعد: في ميه ومن الحنفيه ...
سيف بغضب:دنت بارد...
صوت الباب ...ليذهب رعد ليفتح ...كان مازن وياسمين..
مازن:ايه يمعلم انت ولا بتسال قولت اسال انا يكش اقرفك...ليضحك رعد ويدخلا ...
لم يلاحظ سيف دخول مازن وياسمين ليخرج وهو يخلع قميصه ويقول:شوفلي بقا حاجه عندك عشان غرقت هدومي دنت حمامك زفتت...
كان رعد ومازن قد سقطا علي الاريكه من الضحك اما سيف فظل ينظر لياسمين بصدمه ...اما ياسمين فنظرت للارض...

سيف وهو يغلق القميص ...مقلتوش ليه ان في قمر هنا...
مازن بغضب: متتلم يلا فيه ايه...
سيف:مش قصدي بس مكنتش اعرف ان ليك قرايب حلوين...ليضحك رعد ويزداد غضب مازن...
سيف:اهدي ي مازن خلاص انا هغور ونظر لرعد ...ممكن حاجه من لبسك يخويا بدل الكسفه السوده دي....
رعد وهو يتمالك اعصابه ..اتنيل ادخل هنا وانا هشوفلك...

جلست ياسمين ومازن والذي كان الغضب مازال متملكا منه...
ليقول: ارتحتي كده اقولك روحي لا هروح معاك هتنيل اروح معاك اديني هعمل مصيبه بسببك...
ياسمين:انت بتغير عليا ي مازونتي...
مازن:انتي ي بت اتهبلتي..!
ياسمين: اها اتهبلت ومش هحكيلك الي حصل معايا فباريس...
مازن:صبرني يرب....
لتضحك ياسمين ويخرج سيف من الغرفه ويقول وهو مازال ممسك بقميصه :مشفتش قمر بيضحك قبل كده انا والله لو كنت اعرف انه فباريس كنت روحت هناك...اخذ مازن التحفه من بجانبه والقاها علي سيف بغضب لتصيب الباب وتسقط ولحسن الحظ انها لم تكسر فرعد كان من الممكن كسر راسيهما ...
سيف:يبني انت عنيف كده ليه بس...
مازن :قومي يبنتي انا ماشي...لياخذ ياسمين ويرحل...

نزل رعد ومعه ملابس لسيف ليجد مازن غير موجود
رعد:عملتلو ايه عشان يمشي...
سيف'عاكست اختو....
رعد:انت واحد زباله مازن هيوديها البيت ويكسر دماغك...
سيف:معرفش يرعد بس هي حلوه ولا انا عقلي راح مني..!
رعد: راح يحبيبي خلاص منتا اصلا رايح من زمان...
سيف:شكلي هتوب يرعد..خرج رعد وهو يضحك...هنتوب يخويا ...!

كان مازن يقود سيارته بسرعه وغضب وياسمين تكتم ضحكتها بصعوبه وتحاول تهدءته ولكنه غاضب بشده....
لتمسك ياسمين بيده وتقول:هدي السرعه ي مازن هتعمل حادثه...لا يسمع مازن ما تقول ...مااااازن وقف مماااازن...

في المستشفي.
افاقت الجده وتحسنت حالتها قليلا كانت سما تنتظر غرام حتي تاتي ولكنها لم تاتي ولا ترد علي الهاتف ...
الجده: فين غرام ي سما...
سما بتردد:ي تيتا هي في اللمستشفي...
الجده: هي مخلصتش لحد دلوقت!
سما:تيتا ارتاحي دلوقت وهي اكيد خلصت تعبانه وروحت علي البيت ونامت متقلقيش بكره هتيجي هي اصلا بتيجي كل يوم...!
تنهدت الجده بقلق ....لتربت سما عليها لترتاح قليلا....

في الاسعاف.
حملت الاسعاف مازن وياسمين لنقلهم للمستشفي...
وقام المسعف بلاتصال علي سيف واخبره بلذهاب للمستشفي لحدث حادث ....

سقط الهاتف من سيف لينظر لرعد ..والذي كان لا يفهم ما حدث ...
رعد: في ايه مالك!!
سيف:البس يرعد مازن عمل حادثه....
رعد بصدمه...بتقول ايههه...
ليسرع رعد لتغيير ملابسه وياخذ سيف معه فحالته كانت اسوء من رعد بكثير فيمكنه عمل حادث هو الاخر....

وصل سيف ورعد للمستشفي....