Black Kingdom (Kingdom Series #3)

Chapter 24.

Date Published: October 21, 2021

~ A WHILE AGO ~

Nandito si Blood sa tapat ng bahay nila Ascied at kumatok sa bahay. Bago niya pa kasi puntahan ang bahay na 'to ay bumalik na muna siya sa Magique para magpaalam.

Nagpaalam na muna siya kay Soul na may dadalhin siyang taga Arizalma na hindi niya tuturuan doon.

Saka hinintay na niya muna 'yung araw na walang pasok ang mga estudyante para wala itong mamintis na klase.

May nagbukas na ng pintuan at isa itong lalaki. Kumunot ang noo nito habang nakatingin kay Blood.

"Nandiyan ba si Elia? I need her help," sabi ni Blood at tumango 'yung lalaki. 

"Kumakain pa po siya kaya pasok na po muna kayo," sagot nito.

Pumasok na sa loob si Blood at umupo sa sofa. Naabutan niya pa si Hash na nagsusulat sa isang tabi ng seryoso.

"Ito po oh. Magkape ka po muna." May inabot na kape ang lalaki at inilapag niya ito sa lamesa.

"Maraming salamat, Sheign." Ngumiti si Sheign at umupo na upuan at nagsimula nang kumain ng pang-umagahan.

Ininom naman ni Blood ang kape habang hinihintay si Elia matapos sa pagkain nito.

Tumayo na si Elia mula sa pagkain dahil tapos na ito at iniligpit na ang pinagkainan. Napatingin naman sa kaniya si Hash.

"Kung saan mo man dadalhin ang anak ko, please take care of her, Blood." Tumango si Blood kay Hash.

"Don't worry. Ako na ang bahala kay Elia. Dadalhin ko lang naman siya saglit sa Magique at iuuwi agad dito."

"We trust you, Blood." Tumango si Blood at naglakad na sila palabas mula sa bahay nang nakasalubong nila si Cyan.

"Kuya Blood!" Tumakbo ito palapit kay Blood at yumakap sa hita. Dahil sa higpit ng pagkakayakap ni Cyan ay hindi makakilos si Blood.

"Cyan, saglit. Hindi ako makakilos," reklamo nito at binuhat na si Cyan. Hinalikan siya ni Cyan sa pisnge at niyakap.

"Bakit hindi mo na po ako binibisita dito, kuya? Ayaw mo na ba sa 'kin? May gusto ka na po bang iba?" malungkot na tanong ni Cyan.

Hindi makasagot ng maayos si Blood dahil sa limang taong gulang palang ito at hindi niya p'wedeng patulan ito dahil labag 'yon sa batas.

"Cyan, alam mo namang bata ka pa..." Nagsimula nang umiyak si Cyan dahil sa sinabi ni Blood. Napabuntong hininga agad si Blood.

"Lagi ko namang sinasabi sa 'yo, 'di ba? Hihintayin kitang lumaki muna bago sa ganiyang bagay, Cyan. Magtiwala ka sa 'kin." Pinunasan na ni Blood ang luha ni Cyan.

"Naiintindihan mo?" Tumango ng dahan-dahan si Cyan at ibinaba na siya sa sahig. 

"Umuwi ka na sa inyo kasi baka nag-aalala na sila Julius sa 'yo," sabi ni Blood.

Naglakad na silang dalawa ni Elia paalis para pumunta sa gubat at makapunta na sa mundo ng Magique.

Habang pinapanood ni Cyan paalis si Blood ay nakaramdam siya ng selos dahil sa kasama nito si Roselia kaya naman sumunod na din siya sa kanila.