تزوجت كارهتي (رواية مغربية)

الجزء 6

فاقت لقا الصباح طلع ....رجليها كل وحدة فيهم مرمية فجيه...ناضت مخسرة سيفتها خصها غير معامن ..غسلات وجهها و هبطات للتحت تشوف شنو واقع فهاد للبلاصة..
حلات لباب وهبطات لتحت بان ليها زياد كيفطر ...حققات فيه...كان لابس لكلاس ...هادي قاعدتها اي واحد.شافتو لابس شي حاجة.... تبدا تعطي رأيها غير مع نفسها.....ولكن هاد لمرة بالضبط مصدومة كيفاش هاد السيد مأنق لهاد الدرجة ملقات حتا عيب ...
زياد(فيقها من سهوتها ):صباح الخير
عايدة(قفزات من بلاصتها وهضرات بشوية ):اا...صباح الخير
زياد(شير ليها بيدو بدون ميشوف فيها بمعنى گلسي فطري )
عايدة(گلسات فالطبلة غير حيت غالب عليها لجوع و شادة تيلي وكتهضر فواتساپ و صوت لميساجات كيتسمع وهي كتقرا و ضحك):هههه

زياد حبس ماكلتو و طلع عينو فيها لي كون كانو قرطاس كون تيراو فيها فديك اللحظة....لمح حوايجها لي معريين كتر ما مغطيين و تيشرت لي ملابسة من تحتو والو ،صدرها لي ريوسو واقفين ...عرفها هبطات بلا مترد لبال.....كيحقق فكل قنت من جسدها لي ستنتج فلأخير انه "مثااااالي"...دار ضحكة جانبية على هاد لأفكار جداد لي ولاو كيجيوه هاد لأيام ...
هز تيلي ديالو وخرج بلا متحس بيه..هي لي باقا ملاهية مع جهاد لي غادي تجي هي و سهيل فليل عاد يوصلو ....وكتعاود ليها على لبارح فاش لقاها سهيل فدارها ....هزات راسها بان ليها غير الريح قدامها ..عاد هبطات عينيها كتشوف راه ملابسة والو من تحت تيشيرت ....طلعات نيشان كتجري لبيت وكتولول ....

طلعات غسلات عليها و لبسات باش تخرج تلاقا مع شي صحابها قدام كاينين ف باريس غادي يحضرو معاها ....لبسات كسيوة كحلة مشبكة هابطة حتا لتحت ركبتها و كتافها هابطين (الصورة لفوق⬆⬆)...خرجات بكل اناقة بعدما جا عندها طاكسي لدار ...مشات نيشان للبلاصة فيك كاين حفل جا فسطح ديال اوطيل  كيطل على لمدينة كاملة و كيبان حتا برج إيفل ...دخلات لقات گاع صحابها لي كتعرفهم ...من جنسيات مختالفة...ومصممين مشهورين كذالك ...الصحافة واقفة على هاد الحدت لي كيتعتابر من اهم لأحدات فعالم لموضة ...وقفات مع صديق ديالها اليكس لي دوزات معاه أغلب اوقاتها ..قراو مع بعضياتهم و كذالك سكنو بزوج ...هو واخد مشروب وهي عصير...كيتفكرو ايام لقراية فميلانو ،فجأة دارت حتا تصعقات..

##الحوار بالإنجليزية##
عايدة:لااا ميمكنش شنو كيدير هذا هنا
أليكس(دار عندها ):هذا لممول الرئيسي ديال الحدث ...
عايدة(دارت مصدومة):كيفاااش.....هذا هو...
أليكس (جرها من خصرها غادي بيها لجيهت لحافة بعيد على لبشر ):كالم...عاودي ليا
عايدة(بتاسمات ليه):ممم عارفاك علاش غادي تهضر...نونو مزال مكاين والو...
أليكس:هههه هاد لمدة كاملة ..مزال مبغيتي تبدلي رأيك
عايدة(رجعات شعرها لور ):لا مزال ....
أليكس (عنقها من لور ):صافي حتا ايلا شرفتي غادي نجي نتزوج بيك
عايدة(ضحكات بجهد  حيت من ديما كيگول ليها نفس لجملة ):شنو دابا غادي غادي تخون جيمس على قبلي ....
أليكس(بانت علامة حزن على وجهو):ههه مبقاتش شي حاجة سميتها جيمس فحياتي...هو ختار معامن يكمل حياتو
عايدة(دارت عندو):كيفاااش....واش من بعد هاد لمدة كاملة
أليكس:اجي نرقصو و نعاود ليك

دخلو لبلاصة ديال الرقص كيشطحو وهو كيعاود ليها و كتسمع و علامات لحزن على وجهو ...حتا نطقات
عايدة:صافي انا قابلة ...نهار نشرف غادي نتزوج بيك
فجأة تسمعو ضحكاتهم بزوج ...
مشافتش دوك لعينين لي متربصين بيها...منين دخل وهو حاضيها وكيشوفها هي و أليكس ..وباش زادت عليه هي ديك التعنيقة لي عنقها أليكس من لور.....زير على يدو بجهد كيحاول ميفقدش أعصابو ...كيقلب على سبب واحد لي يمشي يفرشخها ومقادرش يلقاه ..واقفة حداه وحدة قطعات تفكيرو...

نيڤين(حطات يديها على صدرو):زياد شفت عقلك غايب ليوم...لبارح تسنيتك ..علاش مجيتيش(قربات ليه جيهت عنقو باستو)ولكن غادي نتسناك حتا ليوم...غادي تجي ياك
زياد(بعدها عليه وهو فاقد أعصابو):ممساليش ليك هاد الساعة....
نيڤين (قربات ليه):وانا وقتي كلو ليك..
زياد(كيشرب من مشروبو علاين ينفاجر)
نيڤين(جراتو من يديه خارجة بيه حتا وصلو لممر خاوي )
زياد(جرها من شعرها):دويت يمكن بلا متجعري ديلمي...
نيڤين(لصقاتو على لحيط و شادة يديه كدوزها على جسمها):ولكن انا بغيتك (وطلعات راسها كتبوس فيه وهو محاملش لوضعية )
زياد(نطق سميتها من تحت سنانو):نيڤيييين
نيڤين(كتقيص فجسمو):حتا تگول ليا غادي تجي ليوم ....مبقيتش كنقدر نعس بلا بيك

عايدة:اليكس انا غادي نمشي ...
أليكس:مزال لحال علاش باغا تمشي دابا
عايدة:غادي نمشي نرتاح شوية (غمزاتو ) غادي نتسناك ليوم وگول لأخرين يجيو حتا هوما باش نحتافلو
أليكس :اوكي ...
خرجات من لحفلة و هي تحيد داك الطالون لي عياها فرجليها غادة مع ممر خاوي...و كدور بجسمها و رجيلاتها حفيانين....حتا كتشوفو مع وحدة....دارت ضحكة إستهزاء و دازت من حداهم بلا متعطي لأمر حتا أهمية ...
وهو بدورو لي شافها كيف دازت من حداه بلا متعطي لأمر أهمية و ديك الضحكة لي بانت على وجهها ....بقا حاضيها حتا ختافات ....وطلق من نيڤين بلا ميشوف جيهتها وخرج فحالو....

خليو ليا معاكم ⭐و آرائكم كذالك