🔥تزوجت كارهتي🔥
🔥بقلمي:مونيا لوباروس🔥
فمقر منظمة من أكبر لمنظمات المفيوزية....عبارة عن مستودع كبير ..محاط ب أكبر عدد من الحراس من كل جهة ...
وقفات سيارته و نزل منها بكل هبة رجولية...ملامحو مكتبشرش بلخير... وهذا ماهو غير هدوء قبل العاصفة...عاد نزل من موراه سهيل من لوطو...
لي گارد يالله عوالين يخرجو سلاحهم ...حتا خرج جيش من سيارات رباعية الدفع من لور.... طوقو لبلاصة كاملة... مخلاوش ليهم الوقت لي يستوعبو شنو واقع...
فأقل من دقيقة كانو لي گارد كاملين ميتين ..كأنها مجزرة...
زياد تمشا داخل و لي گارد كيحيدو لجتت من قدامو...
حتا لحد لأن زياد عمرو حط رجليه فمقر ديال شي عدو... كيخدم ديما بعقلو و كيدمرهم غير من بعيد... لكن هاد لمرة تعداو لحدود و قاصو ليه حاجتو....
كان يالله گلس فلمكتب ديالو بعدما قطع مع لجاسوس لي مسيفطو للمستشفى.....
لخوف كيسري فكامل جسدو من بعد ما عرف شنو وقع لعايدة...من ديما باغي يدمر زياد، كرهو كبر معاه من الصغر..من صغرو كيسمع كون فحال زياد...دير فحال زياد.. هضر فحال زياد... طلعاات معاه عقدة زياد من الصغر... وهاد النقطة بالظبط هي لي ستاغلوها فيه باش يكون جنب لبوص...
ضحى بحبو لنيڤين و بدا كيستغلها باش تقرب من زياد.. وتجيب ليه گاع لمستندات...و تبعو كيف ظلو وتعرف أي حاجة.... دار كلشي غير باش يشفي غليلو....
سمع صوت الرصاص كأنها حرب واقعة... ناض غادي باش يشوف اش واقع حتا تحل لباب بعنف... حل عينيه وهو كيشوف الباب مرمي فلأرض..
دخل بكل هبة رجولية و عينيه كأنهم ظلام ...نظراته لا تمت للخير بصلة.....معول على مجزرة غادي توقع....
اما صلاح فگاع الوان الطيف دازو على وجهه بشوفتو قدامو ...مزال ممصدقش كيف دار زياد حتا عرفو...
حس بدمو جمد فعروقه....وهو كيشوف قدامو وحش فصفة إنسان...
زياد(ضربو بكروشية حتا جا گالس و شاد فراسو): ولد عمي...گلس و رتاح ليا مع راسك ...بيما نيت نكتب مرسوم موتك...(دار ضحكة إستهزاء) واش يصحاب ليك مغاديش نكون عارف راك نتا هو لمجهول بي كيتصل... (بحدة) خطة غبية نتوقعها من غبي فحالك... (تبدلو نظراته وولاو أكتر حدة) عقلتي على اخر مرة شنو گتليك....هااااااا ياك گلت حاجتي متقربليهاش.... (عطاه كروشي حتا تفتح جنب فمو و غوت بجهد) حدوووووودي متوووصلهااااش....عطيييت للعبتك وقتتت كتر من لقياااااس...ليوم نهايتك.... (هبط عليه بكروشي نو أخر حتا ولا وجهو كلو دم و تسمع صوت نيفو تهرس ) مرتيييييي گتلك متوصهاااااش.... ونتاااا شنو درتييي.... أذيتيييييها.....
سهيل(كيهضر فتيليي ومشا عند زياد مزروب):زيااااد.... عايدة جاها إنهيااار....
كلماتو كانو كافيين يخليو زياد يترفع...خلاو قلبو يتنفض بقوة...وصدرو يتقطع من لداخل...
شاف فصلاح بشوفات كلهم غضب... وعينيه بحال النااار كلهم حومر.....
سهيل غير كيشوف و مصدوم....سنين ديال لعشرة عمرو شاف زياد فديك الدرجة من الغضب....
بلا كلمة بلا زوج... جبد فرديه و تيراا فيه بكل الرصاصات لي عندو... رغم انهم ساالاو وهو مزال مبردش ليه لقلب.... رما لفردي و رجع كيضرب فيه بكل قوتو... و قلبو مزال مبردش... سهيل مخليه يدير ما بغا.. وغير متبع ليه لعين... عارفو مقصح بزااف...
ناض و يدو كاملة كتسيل بالدم... وصى لي گارد باش يتكلفو و هز لوطو و كسيرا و معاه سهيل... غادي بسرعة لجيهة لمستشفى وخوفو عليها عامي عينيه...
⭐⭐⭐⭐
أنت تقرأ
تزوجت كارهتي (رواية مغربية)
عاطفية♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
