تزوجت كارهتي (رواية مغربية)

الجزء 61

🔥تزوجت كارهتي 🔥

🔥بقلمي:مونيا لوباروس🔥

صبح صباح وهو واقف فلكوزينة كيقاد ليها لفطور قبل متفيق...بعدما وجدو فوق لپلاطو... هزو فوق طبيلة صغيرة ..و داه جيهة بيتها.... لقاها فايقة ومزال متكية بلاصتها....

سهيل(كيحيد خصلات شعرها من على وجهها)
جهاد(بتاسمات بخجل فور ما شافتو):صباح النور....
سهيل(طبع قبلة فوق صدرها لعاري):صباح النور...
جهاد(طلعات لغطا على صدرها لي مكانتش رادا ليه لبال):احم... فين كنتي..
سهيل(عض على شفايفو كاتم ضحكتو):علاش غطيتيه...
جهاد(كتصنع انها مفاهماش):ها... شنو هو..
سهيل(جر عليها لغطا):هذا...

جهاد(طلعات السخونية على وجهها)
سهيل(هبط لعندها خاشي راسو فعنقها):مكاين لاش تحشمي مني...(طبع قبلة) انا راجلك...(بدا يطنز عليها) واخا كان خصني نبدا السيمانة لي فاتت..ولكن لمشاكل وهاد الدورة الشهرية ديالك لي ملقات تجي غير مور لعرس....
جهاد(ضحكات عليه):هههه
سهيل(حط قدامها لپلاطو ديال لفطور):فطري باش تعوضي الجهد ديال لبارح..(وغمزها)
جهاد(حلات عينيها فيه... وهزات مخدة شيرات عليه بيها)
سهيل(

فاقت كتقلب فبلاصتها....اصلا النوم ما جاش بين جفونها الليل كامل حتا صبح الصباح...

دورات وجهها للجهة لأخرى من السرير ديالها... وللأسف هاد لمرة مكاينش حداها....مبقاتش كتقدر تنعس بلا متكون بين يديه...تحس بأنفاسه... وتسمع دقات قلبه لي كيكونو فحال شي موسيقى بلا بيها متقدرش تنعس....

رجع بيها راسها للبارح كيف خلاتو... نظرة لإنكسار لي كانت مغطية عينيه... لكن جرحها أعمق ب كتير ...وغادي غير تزيد تجرح إلى زادت شافتو كيتعذب معاها...

نفضات بالها من دوك لأفكار و دخلت للحمام غسلات حالتها و خرجت لبسات عليها...هزات تيلي لقات رسالة من عندو"صباح النور ا عمري"......
مسحات على وجهها وكل ما كتطلب هو شوية القوة تمد بيها راسها.....حلات تيلي وبقات كتشوف فتصاورهم بزوج... مجموعة من لأحاسيس مخلطين عليها حزن،إشتياق،حنين،حب،ألم...

قطعات سهوتها جهاد لي دخلات مهجمة عليها فلبيت....

جهاد(ترمات عليها عنقتها) :صبااااااح لخييير...
عايدة(بإبتسامة دافئة):صباح النور.... شفتك جيتي بكري...
جهاد(شافت فساعتها):راه وقت لغدا هذا....
عايدة(تفكرات راسها راه منعساتش ليل كامل) :اه محسيتش بلوقت....
جهاد(تمشات لجهة ديال لبالكون حلاتو)
عايدة(كتشوف بإستغراب):جهاد.... مالكي واش مضروبة فرجلك
جهاد:لا...علاش
عايدة(كتمسح فشعرها):غير بانت ليا مشيتك فشكل....
جهاد(حلات عينيها بصدمة ووجهها حمر):هااا.... بصح...
عايدة(فهمات لبلان وضحكات) :هههه ايوا صباحية مباركة يا عروسة...

جهاد(شيرات عليها بمخدة)
هدى(دخلات عليهم):صبااح لخيير.. (شافت فعايدة بحزن ورجعات خرجات بالزربة)
جهاد(شافت هدى كيف خرجات) :هبطي باش نتغداو مجموعين ...غادي نتسناوك لتحت
عايدة(حركات راسها بأه)
جهاد(تبعات هدى) :هدى هدى.....
هدى(گلسات فالصالون لي كاين تما)
جهاد(شدات ليها فيديها):مالكي... شنو واقع ليك...
هدى(شافت فيها بعينين مدمعين):مقادراش تشوف ختي فحال هكاك... من ديما كانت قدوتي... منقدرش نشوفها هكا مزال...ليل كامل و صوت بكاها كيوصل عندي حتى للغرفة
جهاد(جراتها عنقاتها):هادي محنة و غادي دوز... وزياد مستحيل يخليها ...

هدى(شافت سهيل جاي) :اه ايوا گولي ليا... وقتاش ناويين تمشيو لشهر لعسل
جهاد:مزال...ماشي دابا
سهيل(عنقها من لور):قريب غادي نمشيو....
جهاد:ياك هدرناا قبل...ميمكنش نمشيو دابا فهاد الأوضاع..
سهيل:عايدة لي مصرة اننا نمشيو...
جهاد:ولكن...

عايدة(جات گلسات حداهم):تقدرو تمشيو... انا مزيان دابا...(غمزات جهاد) من غير ايلا بغيتو نمشي ندوزو معاكم...نيت كنت باغا نسافر ليونان و مكتابش...
سهيل:تف تف السلامة الله يحفظ
جهاد(كضحك عليه هي و هدى)

(بقات گالسة حداهم كيهضرو وهي عقلها غايب فقط لجسم لي حاضر حتا قطعها تيلي ديالها لي كيصوني... )
سهيل:جاوبيه..
عايدة:مفيااش...(بقات حاضياه حتى قطع)
سهيل(هز تيلي ديالو كيهضر): وي... اه كاينة... (مد ليها تيلي) هدري معاه...
عايدة(تمات غادة):مبغيتش
سهيل(خنزر فيها):عاااايدة.... جاوبيييه(حط ليها تيلي و هبط.. تابعاه جهاد و هدى)

⭐⭐⭐