🌹🌹عند عايدة ...لي منين هبطات للقاعة ديال سپور مشات قادات لموسيقى و طلعات فوق ألة الجري وبدات كتجري...كتحاول تخرج گاع ديك الطاقة السلبية لي جمعات هاد المدة لأخيرة ......معقلتش شحال ديال لوقت وهي كتجري....فاش سالات دازت جبدات حبل كتلعب عليه بكل إحترافية ورشاقة ...من طبعها موالفة دير سپور .....محبسات حتا لقات راسها كلها كتقطر وجهدها تسالا...حبسات لموسيقى وطلعات......
اما عند نيڤين ...لي طلعات جبدات من ساكها شوميز دو نوي فلحمر مشبك....ودارت مكيااااج صارخ...ودهنات للحمها كريمات عاد رشات الريحة ....لبسات صنيديلة عالية فلأسود و تمشات جيهت بيت زياد....فتحاتو بان ليها حتا حد مكاين ...دخلات وسدات لبيت وبدات كتستكشف فلبيت...حتا خرج زياد من دريسينغ لابس غير شورط فلأسود و لفوق عريان....
زياد(نطق بصوت خلعها):شكاديري نتي هنااا
نيڤين(دارت مخلوعة):زياد....(تمشات جيهتو)...مممم كيفاش شنو كندير هنا...(حطات يديها على صدرو لعاري) زعما دغيا نسيتيني
زياد(جمع حجبانو ونطق وهو كارز على سنانو):شباغا من لأخر...
نيڤين(كدوز يديها على صدرو):كيفاش قدرتي دير فيا هكا....نتا عارفني شحال كنبغيك...تقلقت منك بزاف....(حطات راسها فعنقو) متوحشتينيش....انا بعدا توحشتك...توحشت اي حاجة فيك...غير طلب و انا نفذ..
زياد(زير ليها على يديها حتا كان غادي يهرسها ليها...وكيشوف فيها وطالعا ليه لقردة للراس):.ق** من قدامي...بلا داك تق***
(بدات كتعلى فيه باش تبوسو...)
زياد (هز يدو باش يدفعها....حتا دخلات عايدة)
نيڤين(بعدات على زياد ودارت راسها مصدومة):عايدة....
عايدة(دارت نصف ضحكة....وتمشات حتا لقدامهم):ايلا كنتي ساليتي تقح*** ديالك راه بغيت نعس...وايلا مزال ما ساليتي..راه كاين 20بيت فلقصر....ختاري واحد فيهم وكملو فيه.
عايدة(شافت فزياد و دارت نصف ضحكة وتمات غادا):علا شوية كنت غنتيق بيه....
زياد(سمعها و دار جيهة نيڤين..زير على يدو حتا تحبس فيهم الدم...وكارز على سنانو....ونطق بصوت زرع فيها الرعب):يا غادي تق*** من قدامي....يا غادي نرمي ز** مع لكلاب فديپو.....(شد عنقها مزير عليه حتا تخنقات)داك التق*** ديريه على زوا*** لي كتعرفي.....ودابا خرجي عليا و لا نقتل مك هنا...(غوت بجهد حتا فاقت) خرجي منشوفش وجهك عندي هنا
نيڤين(بقوة لخلعة ...خرجات وهي كترعد و كطيح بقوة الخلعة والطالون لي زايد عليها ...نيشان مشان لبيت سمية )
سمية:ويلي على لبنت اش هاج الحالة....(غمزتها)ياكما هادا زياد
نيڤين(گلسات كتنهج)
سمية:ونيتتت شدك شدة ديال لمعقول
نيڤين:اشمن ا خالتي...راه كان غادي يقتلنيي...
سمية(ضربت ففخادها):اويلي شنو گلتي ليه...
نيڤين:راه دخلت علينا ديك ل***
سمية(ضحكات)
نيڤين:واش دابا انا كنعاود ليك ونتي كضحكي
سمية(كتصبغ ظفرانها):كتباني ليا ا بنتي ا نيڤين...ناقصاك فهامة....لمهم دابا هو شافتكم بزوج....باش تعرف راسها معامن...
اما عند عايدة ..دخلات للحمام كأن شيئا لم يكن....سمعاتو كيف غوت عليها....بعد مدة عاد خرجات لابسة عليها پينوار وشعرها كيقطر ....بان ليها واقف فلبالكون وداير يديه فجياب دياا الشورط وصدرو باقي معري وحاط حداه مشروب...دخلات لبسات پيجامتها...و نشفات شعرها بلخف ،دهنات ليه بلسم بريحة لكوكو...و دخلات ففراشها دايرا لجيهة لأخرى و كتهضر مع جهاد فلواتساپ ......
بعد مدة حسات بيه طفا الضو و دخل حداها....كتسمع غير صوت التنفس ديالو......بسرعة غفلها وجرها لعندو ...
زياد:دكشي لي شفتي ما منو والو ....
عايدة:معندك لاش تفسر ليا...حياتك هاديك...
زياد(زير عليها):وهاد الحياة لي كتدوي عليها...راه فيها حنا بزوج...من نهار سنيتي على ورقة الزواج...
عايدة:بلاما تصدع راسك ....يمكن ليك دير لي بغيتي...مغاديش نعتارض
زياد(قربها ليها حتا تخالطو أنفاسهم): وانا طول ما نتي مرتي مغادي نقرب لوحدة من غيرك ولا نفكر فشي وحدة من غيرك...
عايدة(حسات بسخونية طلعات معاها ...رجعات دارت )
زياد( قتلو داك البرود ديالها....خشاها فصدرو لي مبقاش كيقدر ينعس الى مكانتش بين يديه....)
⭐⭐⭐
خليو ليا ارائكم فالقصة ..كيف جاتكم شخصية عايدة؟؟؟
أنت تقرأ
تزوجت كارهتي (رواية مغربية)
Romance♥#بقلمي .... لوباروس ♥ لي بغات تهز شي قصة تكتب سميتي ...... قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
