♥#بقلمي .... لوباروس ♥
لي بغات تهز شي قصة تكتب سميتي ......
قصتنا ليوم ...قصة بنت عاشت حياتها كاملة وهي كتشوف خيانات باها المتكررة لمها ...بنت لي من نهار خلاقت وهي كتشوف مها ساكتة ...شي لي خلاها تكون شخصية عدوانية،عنيدة وكارهة للجنس الذكري...
دخلات للدار بعد ما تلاقات مع صحاباتها لي مشافتهمش من نهار مشات تقرا فنيويورك...طالعة كتشطح وسماعات فوذنيها..... دازت من حدا بيت عايدة سمعات تقرقيب عرفاتها فايقة..... دخلات مهجمة عليها مهجمة عليها فلبيت...
هدى:سيري و شنو فيها......عشاء عمل عادي.. عايدة(تكات على الناموسية):اووف.. عييت بغيت غير نحط راسي على لمخدة وننعس.... هدى(تكات حداها):مفيها باس سيري خرجي....كتبقا خدمة.. (ناضت كتقلب فدريسينغ) هاكي خودي لبسي هادي... عايدة(ناضت لعندها):واخا...
هدى(هزات تيلي ديالها لي كيصوني):مم احم.... انا نخليك... نمشي نرتاح فبيتي عايدة(طلات عليها):ممن ترتاحي فبيتك.. شفت أنور كيتاصل بيك بزاف هاد لأيامات... هدى(بتوتر):ها لا عادي غير أصدقاء... (خرجات هربانة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبسات عليها وخرجات بعدما وصل لوقت لي رسل ليها فرسالة..... عيانة وما فيها لي يمشي لشي بلاصة... كتجر فرجليها غير بزز فإتجاه لوطو ديالها...... ركبات وخدمات ل GPS فإتجاه لمطعم فين غادي تشوف أنس...
وصلات لقاتو قدام لباب يالله وصل بلوطو ديالو....حل ليها لوطو ...مع هبطات مع حل فمو فيها.... بزز باش قدر يحيد عينو عليها... ودخل هو وياها لريسطو راقي ... جا كيطل على لمدينة من لفوق ...مكانتش كتجي ليه حيت كان بعيد عليها..... دكشي لاش معارفاش فين جا بالظبط ...اضطرات تبع gps...
دخلو تحت أنظار الناس....كيف لا وهو أنس الصفصافي و عايدة التازي طليقة بن صالح....بزوجهم داخلين....
عايدة(بتاسمات بإستهزاء):هادشي لي حاضيين.... أنس(جر ليها لكرسي):هاد النوع من الناس هادشي لي كيحضيو.... وكنظن إسمك تبصمات عليه طليقة بن صالح... عايدة(عضات على فمها بألم ...اصلا جرحها عمرو ما برا ومعمرها ما نسات أي حاجة متعلقة بزياد... ) أنس(بتاسم بخفة):نطلبو لعشا دابا ولا...
