تزوجت كارهتي (رواية مغربية)

الجزء 33

زياد(كيشوف فيها وعينيه فعينيها.....خشا يدو من تحت تيشيرت لي لابسة ...حط يده على كرشها كيتحسس لحمها):كيف بقا ولدي....
عايدة(شداتها الرعدة من لمساتو على كرشها ):ها....مزيان
زياد(زاد قربها ليه ونطق بصوت باح ):وماماه
عايدة(سرطات ريقها..حركات راسها بأه)
زياد(رجع يدو لضهرها كيدوزهم بطريقة خلاتها تبورش....هبط لعند وذنيها ):مالك.....
عايدة(بغات تجاوب حتا جاتها الردة .....ناضت من حداه كتجري للحمام ...كترد گاع ديك لماكلة لي كلات وروحها غادي تزهق منها ...حسات بشي يد كطبطب على ضهرها ...طلعات عينيها فيه وهي كتنهج لقاتو زياد ...لي غير شافها مشات كتجري تبعها بلا ميتردد)
عايدة(غسلات فمها و كتحاول ترد النفس )
زياد(هز ليها شعرها وجمعو بيديه باش ميبقاش معذبها):شوية دابا
عايدة:اه مزيان دابا
زياد(بتاسم بحنية):كيبان ليا هاد البيبي غادي يخرج حتا يسخفك
عايدة(هبطات عينيها لكرشها و دارت إبتسامة صغيرة)
زياد(كيشوف فيها و عينيه كيلمعو....حس بألم فضهرو ...ضور ضهرو و شاف فلمرايا الجرحة )
عايدة(كتقلب فضهرو بان ليها الدم):يمكن تفتح ليك لجرح
زياد(مخسر سيفتو حيت مقصح )
عايدة(تمات خارجة ):انا غادي نعيط ليهم...

مشات مزروبة عيطات ليهم دغيا جاو موراها كيجريو ...عاودو عقمو ليه البلاصة و سدوها عاد دارو ليها لفاصمة.....وهي غير واقفة حدا لبالكون مقادراش تشوف جيهتهم.....وهو حاضيها و عارفها مقادراش تشوف جيهت الجرح....

صبح صباح جديد......فاقت حداه مخشية فيه....واخا كانت باغا تنعس على لكاناپي ....طلعات فيه عينيها لقاتو فسابع نومة ...رجعات تكات و نيفها جيها عنقو ....ديك الريحة ديالو لي ولات مدمنة عليها بلخصوص فهاد الأيام لأخيرة....طلات عليه ليكون فايق و رجعات كتشمشم فيه....وهو حاس بيها مباغيش يفيق حيت عارفها غادي تحرج منو ....و فنفس لوقت عاجبو لحال...لأول مرة كيحس انها تقدمات بخطوة لجيهتو .....حسات براسها عيقات ...ناضت للحمام غسلات وجهها و خرجات بان ليها باقي ناعس ....حلات لبالكون ووقفات فيه كتستمتع بداك المنظر الصباحي....دخلات كمية كبيرة من داك لهوا لجسدها....توحشات ايام ميلانو و شحال كان كيعجبها تخرج تجري فهاد الجو الصباحي....كانت كتخرج گاع ديك الطاقة السلبية....

🌹🌹🌹🌹. . .

🌹🌹🌹🌹

حطات يديها على كرشها و كدوزهم بلطف....حسات ب شي يد حاوطاتها من لور ..عرفاتو غير من ريحتو شافت فيه لقاتو خارج بنصو معري لتبس غير سروال ديال لكيطمة...هو بدورو لي دور يديه على خصرها و كيتحسس كريشتها بلطف.....طبع قبلة على عنقها
زياد(بصوت فيه بحة ):تبغي تفطري؟؟
عايدة(بلا ما دور عندو حركات راسها بأه)
زياد(شبك يديه مع يديها و دخل بيها للداخل ):انا غادي نعيط ليهم يجيبوه
عايدة(دورات عينيها على لغرفة ):هنا؟
زياد(بتاسم ليها حيت عرفها غادي تكون قنطات ....حل صاك صغير ديال الجلد جبد منو تيشرت بيض لبسو بلا ميعاونو شي حد ... فحال ايلا ماشي هو داك زياد لي تضرب برصاصة لبارح .... مشا لعندها ): بغيتي تفطري لتحت....
عايدة(حركات راسها ب أه)
زياد(شبك يديهم مع بعض و جرها معاه ...محيد السيروم من يديه ....و كيتمشى عادي...هي لي غير كتشوف فيه و مفاهمة والو ....نطق بلا ميدور جيهتها):بلا متستغربي...
عايدة:مم..
زياد(دار عندها و ضحك):مكنحسش بلجرحة ...دكشي لاش كنتمشى عادي.....ماشي اول مرة (دخلو لأسانسور)
عايدة(ساهية فديك الضحيكة ....لقاتو كيشوف فيها...حركات راسها باش تفيق من ديك السهوة )

هبطو للتحت للجردة لي جات فلمستشفى تمشاو لبلاصة شوية بعيدة على الناس و جابو ليهم لفطور....هي لي حنات راسها ما عاودات طلعاتو حتى كملات ...طلعات عينيها فيه لقاتو كيشرب قهوتو و متكي على لكرسي كيشوف فيها ....كيبان وجهو و ملامحو صارمين ...عكس داك الحب لي هاز ليها فلداخل ديالو ....كل تصرف منها و كل حركة ...حتا من الطريقة لي كتاكل بيها كتجننو.....
عايدة(دوزات لسانها على شفايفها و بسرعة خدات ليه لكاس ديال لقهوة بين يديه و شرباتو كامل و كتبنن )
زياد(جمع غوباشتو و نطق بنبرة تهديد):نلقاك كتشربي لقهوة مرة أخرى ...غادي نتحاسب معاك
عايدة(خنزرات فيه و دورات وجهها )
زياد(عرفها تقلقات ...كمل بنفس النبرة):لقهوة ممزيانش ليك و ل بيبي.....
عايدة( دورات وجهها محاملاش تشوف فيه)
سهيل(وقف عليهم ):صباح الخير...
زياد(باقي كيشوف فيها و مخنزر):صباح الخير
سهيل(شاف عايدة ساكتة....مشا گلس حداها):عايدة....نايضة ساخطة ولا شنو...
عايدة(خنزرات فزياد )
سهيل(فهم لبلان ):ممم....جيعانة مخليتي فلفطور والو
عايدة(خنزرات فيه):لا بغيتيه سير شريه
سهيل(شاف ف زياد لي حتا هو كيضحك ):ههه واخا....(شاف ف زياد)سمعت غادي ترجع للمغرب ليوم
زياد(كيحك لحيتو): خاصنا نرجعو.....ياك هادشي لي كنتي باغي....
سهيل(تفكر جهاد و ضحك )
عايدة(حلات عينيها):واااش بصصحح....واش غادي نرجعو للمغرب....
سهيل:ايه غادي نرجعو.....زعما مكنتيش عارفة....
عايدة(خرجات لسانها):لااا مكنتش عارفة راه غادي نرجعو للمغرب ....

⭐⭐⭐⭐⭐